魚米 (鈞德樓)

營業中

休息中

魚米其他食物我唔敢多說, 但呢間的菜飯係做得幾好,白菜拌以珍珠米, 食落有咬口, 豬排亦炸得香脆鬆化, 味道適宜, 而且大大件份量好夠, 大食的人夠飽, 以晚餐而論都算實為$48包一個熱飲. 另外, 呢到的魚飯都好多人叫, 晚飯時段天時都要等一陣, 所以呢間都可以試試, 唯一不太好就是樓面設計唔好, 座位與座位之間較窄, 坐得唔係好舒服.

一心諗住食碗魚湯米線拿拿聲走入去坐低，二話不說就點了碗魚湯菜餃米線，餐茶凍檸茶！碗麵嚟到唔係幾熱嘅⋯⋯的湯唔止冇魚味，最弊連味精味都冇淡茂茂再嚟杯檸檬茶，如圖見到一樣凍檸茶冇冰嘅？重要好忙咁一路食一路趕烏蠅一路食一路諗返去唔好肚痛呀！勉強可以讚就是那菜餃吧！皮薄多料算啦！都唔會再嚟

去元朗工作...又去到醫肚時間誤打誤撞入左黎食米線餐牌上好多特別既選擇~有成條魚上既米線、亦都有其他款式既米線比人簡我叫左個魚腩酸辣米線係魚湯湯底, 好濃郁魚既魚味道.. 再有D酸酸辣辣..好飲好開胃而個魚腩係煎過...但又唔太肥膩..好滑好新鮮..好食 而魚及米線份量都唔小..價錢亦唔貴!低食喜歡魚既朋友,真係可以一試^^

入元朗，又見到魚米，入去食Lunch，好多選擇，始終鐘情馬友米線，因為第一次食時已經印像深刻，今次加左麻辣，都係正爆，真係好好味！魚湯鮮甜，食完唔會口渴原條魚亦好新鮮，今次再加左豬潤、蘿蔔、金菇，但都好似唔夠咁>.<太多野想試，唯有下次啦。凍奶茶亦好鐘意，好有港式Feel，正！！

以前勝利牛丸的位置，變成了今日心粥麵館旗下的魚米，不過呢，一直都擦身而過。今早未返早堂前，帶著寶貝去吃早餐，怎知中伏了。早餐選擇不少，價錢算合理。一個胖如豬玀的中年大嬸在顧店，表現愛理不理，好聲好氣跟她點菜，她卻跟妳發脾氣，下了單後將單據擲回桌面.....簡直和屯門市中心的馨居的新香港人不相上下。後來才知道她正在吃早餐.....難怪了。五分鐘後，食物上桌。看見賣相，我跟我家寶貝都大搖其頭。火腿通粉：算是熱度足夠的。不過通粉的部份.....明白很多店家都會預先準備通粉，但這裡的通粉是明顯的煮得過了頭，外觀是發的過大過稔甚至有些看來是稀爛的。連寶貝也表示：「怎會煮的那麼爛﹖好難食。」煎豬柳：味道正常多士：算是脆的，但求其跟豬柳擺埋一碟，然後丟下一包迷你的安可牛油給你，算是甚麼意思﹖凍齋啡：不冷不熱，味道勉強合格，還好沒有額外的凍飲加三元。準備結賬時，換了一個厨房員工吃早餐，而唯一顧店的豬玀大嬸竟不知所踪。我決定丟下三十一元不顧而去。連早餐都做不好，其他的食物怎會有期待可言﹖它和對面新開張的心粥館，將列入我的BLACKLIST。

今日病到半死既狀態下去返工,一個字可以形容「攰」,極實係攰死寶寶,唯一可以支撑我既只有放飯時間,終於終於到我食飯喇,拿拿淋去食個清清地既魚米,入到去望望餐牌就叫左魚蛋魚片米線係等待食物既途中,我就周圍東張西望下,發現清一式樓面全女工姐姐,環境都算好新同乾淨,等左15分鐘左右,米線就到,真係好清下,之後飮下D湯,唔錯!真係有魚味冇欺編寶寶我!米線入面就有2粒魚蛋3片魚片,同埋少少配菜有芽菜,腐皮,韮菜同炸菜,味道唔錯幾夾牙!而且,米線亦冇煮爛,對於一個病人來說已經好夠味同大碗最後埋單$29冇加一,由於我食藥關係,所以有飲佢提供既水,係冇水喉水既味食完又繼續努力返工!!!!食完都不太口渴

今日同屋企人在元朗行街,當行到累時候又到晚餐時間，屋企人話去番上次吃過魚米,其實用魚湯作為賣點，這間不是第一間,之前有去過別的店鋪，元朗冇這些店舖，上次吃過之後屋企人好喜歡魚米,今晚又來了魚米,分別叫雲吞米線(36元)/漢堡朳九菜米線(36元)/湅檸檬茶/凍菜蜜,它的魚湯比其他店鋪冇咁腥，魚湯味道十分鮮甜,我覺得好好飲，漢堡朳九菜味道又幾好，屋企人的雲吞又一般啦，米線又幾好吃，又不會太淋,米線的口感好爽口，魚湯亦十分鮮甜,這裡旳服務就一般，地方環境都幾迫，整體來講,食品水準幾好,服務同地方就一般

我一向好鍾意食魚！今晚嚟到試下魚米啦！係門口等咗１０分鐘度就有位，算快～本身佢話要等７張枱第一次嚟試，梗係要叫呢度嘅招牌 原條黃花魚米線賣相果然同餐牌張相差d，條魚炸得幾香，好多肉，個魚湯好鮮甜！幾好味！份量好多，仲要一邊食、一邊飲晒d 魚湯，好飽$58有原條魚食都幾抵食！食咗一粒大大粒韮菜餃， 好足料，仲有粒蝦，必食！Thank you

元朗越開越多連鎖店...因為小店實在捱不過貴租, 但今次的連鎖為何我會幫襯..因為我本身愛吃魚..加上這些原條魚米線只在多年前在荃灣吃過一次..十分掛念所以今次來止止痕相公的米線他說魚湯有味精...不是太真材實料..但份量還可以..排骨就真是骨多過肉了~~實在是太油了~~~~~~~~~~~~厚厚的一層油.我知道炸的很難避免有油但真是太多了..加上太淋一點都不彈牙..失望我當然把整條黃花消滅...SIZE適中...魚味新鮮..但魚湯如果能夠真的百分百真材實料就好了..米線都很多很又碗..但比起荃灣的那間真是差一段距離..最差得遠是湯底....其實這才是重點~~

最近呢頭燈光燦爛…原來開左間<魚米>…連鎖式作業…唯獨地方就真係細左d...7點幾門口已經開始有人龍…門口有個大大既餐牌show左係度…但千祈咪盡信…因為餐紙仲詳細…仲有好多野食呢…唔知呢度開幾點…居然連早餐都有…米線舖好少可會咁早開呢…第一次幫襯…就叫左個二人餐試下…咸柑桔雖見唔到有柑桔…但咸柑桔味好濃…咸味啱啱好… 呢度既特色之一…係有原條魚上…全部都係炸魚黎…有幾種魚選…未食已經香味撲鼻…可惜浸哂落湯度腍哂…同好易連骨都睇唔到…食魚時真係要小心…下次要問下有無得分開上??!!不過魚肉仍是嫩滑可口…魚湯係奶白色…證明敖左好耐出哂味…真係想飲哂落肚… 豬軟骨夠腍入味…果醋味唔酸…反而覺得好開胃添…菜飯有成兩碗咁多…汁撈飯特別容易食哂…炸墨魚餅有三件…大小不一之餘…係兩件凍一件熱…建議就算炸定都可以好似街邊d煎釀三寶咁翻炸一次…咁樣會令人覺得比較好食…哂小小功夫就可以贏得客人讚賞啦！！甜品相信可以不吃也罷…雪耳超爽…一d骨膠原都唔覺有溶化左落水度…而糖水雖夠哂冰凍…但卻淡而無味…布丁尚有d花奶同幾粒芒果粒…尚可啦…