魚米 (彩雲商場)

營業中

休息中

一家人去食飯，個曲係上一張台留底又無清理，落唔到單，叫d姐姐幫手叫野食見到到唔出聲，得兩個員工好似係度鬥氣，兩個都唔想做野，跟住個飯食完個湯都沒上，以為燉湯需要時間，原來漏單，最後埋單又無人理，個阿姐仲叫我自己入廚房叫人出黎埋單，你兩個員工關係唔好，唔好搞我地d食客啦好心

原本好鍾意呢間舖嘅酸菜魚，今晚同屋企人一齊去食嘢，卑張code係前一位食客舊code來嘅，落單成半個鐘都冇上餐，掃多次見到仲有前一檯嘅單未清，問樓面阿姐先重新卑過個code。之後上餐又漏左個燉湯超大半個鐘都未上，追樓面先送出來。最後買單我話有張優惠券要掃，樓面阿姐又話佢新手唔識，叫我去廚房果度嗌佢同事出來，離曬譜，我話你嘅同事係廚房我點嗌佢出來？樓面阿姐話：你又唔急，等多兩三分鐘佢好快出來。前邊已經卑錯code耽誤我啲半個鐘頭時間，後邊買單仲要我去請你啲出來？同事之間冷戰唔講野要客人當傳話筒？麻煩貴公司做好員工培訓，用餐體驗真係好差。

今晚屋企無煮飯，經外賣app叫咗魚米食。Order咗個鮮魚湯五福臨門米線，湯底呈乳白色，飲落鮮甜，不過魚味唔突出，同屋企煲嘅新鮮魚湯比較始終有段距離。米線軟滑，不過都唔會太淋。配料好足料，有魚蛋、魚片、貢丸、肉燕餃同腐皮魚角，味道正常。另加嘅柱侯牛腩同腐皮墨魚卷就頗有驚喜，牛腩炆得好淋，牛味濃重，肉質鬆軟，牛筋又有咬口，口感豐富。腐皮墨魚卷新鮮有墨魚香，咬落有彈性。另外叫咗個小食香茅雞翼，總共有四隻，雞翼外皮香脆，肉質嫩滑，不過略嫌淡味咗啲。個人覺得呢間米線合格，不過就唔算高分。

今日同家人到魚米下午茶，第一次吃話Qcode落單，但想叫的飲品，唔見有得選擇，只見下面+錢紅豆涼粉或芋圓涼粉奶茶，米線叫中辣魚湯，職員走來說要一定選擇酸辣 定麻辣，無得中辣魚湯，最後我叫酸辣，不久來了紅涼粉，吃了一口超甜，肯定糖尿病，沒可能在吃，同服務員說太甜，服務員說紅豆係咁甜，佢平時吃要加水才能吃，難道職員想見客人加水吃嗎？叫拿走也不拿開，咁服務態度同食物質素，完全劣評👎🏻👎🏻👎🏻，之後米線來到變咸酸菜中辣魚湯米線好奇怪，酸辣怎會係來咸酸菜辣🤢🤢🤮🤮，之後我爸飲芋圓涼粉奶茶話冇甜味，全杯飲品似凍水放了涼粉+芋圓，最後驚喜機械人送餐，但店舖職員冇人做嘢招呼趕客⋯⋯雞髀薯條下午茶，雞髀乾到不得了⋯⋯劣評到負200分，但也要說老實話我識過其他魚米，淘大花園同荃灣領域廣場魚米係超ok,但彩雲魚米完全食物同服務好垃圾⋯⋯

日日來食都得！真係好好味呢間最早開業時食米線多，就覺得無咩特別。後來有一次因為朋友點左魚，之後就一發不可收拾，真係好好味！各種煎魚，炸魚，蒸魚，烤魚，酸菜魚都試過，幾乎冇踩過坑。魚都係即叫即整比好多貴價地方做得優秀的多！而且價錢真係好平今次點左一條蒸鱸魚同胡椒豬肚，胡椒豬肚都好正！健康味美蒸鱸魚：魚肉新鮮，一d都唔腥，點一點豉椒汁味道剛好～喜歡食魚的真係唔好錯過！胡椒豬肚：$53蚊一大煲，湯汁好香濃，辣味可以自己再另外加胡椒。冬天食好正～

今日好想食米線但係打風費事行咁遠於是係樓下求其搵間野食就算，本身唔抱太大期望，點知都ｏｋ喎！因為舖頭漏水所以啲人都係集中坐左一邊，如果唔係可以坐得鬆動啲，二人位比較窄啲不過一個人坐都還好，見到有新出嘅機械人送餐好搞笑，不過機械人動作唔係太快可能驚會撞親人侍應叔叔服務好好，招呼周到，又好好禮貌叫左個魚腐腩肉酸辣米線，超大碗足料，平均每款配料都有六、七件左右，魚腐餐牌寫係自製嘅，都幾重鯪魚味道，腩肉超厚切，而且肥瘦相間一啲都唔鞋口好好味，湯甜夠濃夠酸，如果可以再辣啲就更惹味，湯底好多酸菜，仲有芽菜韭菜除左米線較淋之外整體都幾好味大大碗盡左力都食唔曬都係＄47  抵食呀，不過黎緊開譚仔佢好大競爭對手

中午唔想煮，所以同老人家落樓下食個米線。第一次食呢間，環境尚算可以，位置好闊落，又有落地玻璃，坐得幾舒服。加分項目係有個自助水吧檯，好方便。可能冇咩人幫襯，店入面得一個員工，又落單又埋單一腳踢，好難搵到人，都要等一陣先有人落單。我哋兩個人都係叫咗米線魚餐，一份紅鮪魚 + 一份倉魚 。但係兩條魚都好乾，好明顯唔係煎，係炸出來，而且仲炸到過曬龍......而佢地用作招倈的鮮魚湯底亦係平平無奇，無鮮味的感覺......算啦，求其食餐晏，都無咩要求，係難為了老人家要食條硬邦邦的魚。

「魚米」分店遍佈港九新界，今次黎咗彩雲分店，食返個魚旦魚片魚湯米線。晚市堂食顧客不多，可能係因為分店在屋村內，大部分居民都食住家飯；亦可能因疫情關係，有不少外賣訂單，而較少堂食。彩雲分店環境舒適、衛生。雖然自助水吧擺列整齊的水杯、紙巾、調味料，也有冷熱水供應，但對堂食顧客來說，要離座去取調味料和紙巾，實在不方便。如這些物品放於每張桌上會更方便顧客使用。如其他分店一樣，有多款米線，也有飯餐選擇。但我都係鍾情於一款米線🍜

今日（24/6/2020）去開彩雲，知道之前位置的店舖關了，新開了“魚米”，之前在旺角“魚米”食過一次午餐，都幾好食，一心諗住食個魚餐，十一點多步入餐廳，餐牌仍是早餐，一問侍應下，早餐做到十一點半，十一點半後才有魚餐，奈何趕時間，未能食到魚餐，改食了一個早餐。點了一個港式早餐，可自選三款食物，點了豬扒、沙茶牛肉及香茅雞翼米線，配熱奶茶。沙茶牛肉沒有沙茶味道，只覺是牛肉，豬扒及雞翼都可以，侍應送來奶茶時，送餐盆有杯鄰枱的咖啡，該杯咖啡是滿滿的，但我杯奶茶看落少了幾口。此餐廳已有多間分店，但埋單仍只收現金，實在不便。