魚米 (已結業)

呢間店第二次幫襯，第一次都係食煎封魚魚湯米線，今次再試食，順便寫個報告，比各揾食友參考，今日两人前，點了煎封魚魚湯米線配飲品，店舖標榜魚湯湯作湯底，味精我估都有些少嘅，但都尚算鮮甜，略為淡了些，比較讚是煎封魚，魚食落感覺新鮮，炸得香脆可口，配秘製甜豉油，味道恰到好處，價格又不會太貴，两人合計埋單$157，每人平均$80，尚算合埋，餐牌有個二人餐，13x元，有甜品有飲品，都幾經濟實惠，地方都尚算企理，值得一試。

上次黎魚米就食左原條魚既米線, 唔算特別好味, 不過簡簡單單食一餐都未嘗不可。今次就再黎魚米食野, 無計, 呢頭真係無咩好揀。不過今次就唔食原條魚既米線啦,試新野, 食左呢個。呢個果醋豬軟骨菜飯,配左兩個餃子TIM。先講個餃子, 普通野, 係豬肉餃黎, 好油, 不過點返果醋豬軟骨個汁, 酸酸地, 脆脆地, 又幾好食, 係衰在油!而呢個果醋豬軟骨, 估唔到係一間專食魚湯米線既舖頭會有咁好味既果醋豬軟骨食, 仲要係跟菜飯。個豬軟骨好淋身, 一咬就會咬開, 好軟。而個汁絕對係成個飯入面最成功, 佢配埋豬軟骨食, 酸酸地反而令到豬軟骨食落無咁濟, 唔會濟到唔想再食, 有開胃效果。真係估唔到魚米會有個咁好食既飯, 我諗以後黎魚米都會食呢個XD

一個人唔知食咩好, 去左香港仔行左陣, 見到有間魚米係食魚架啵, 所以就黎左呢間魚米。環境OK既, 但唔算好好啦,而且一坐低隔左好耐都未有人招呼, 少少扣分。D呀姐好似好忙咁但其實又無乜人。最後點左個有成條魚既米線, 呢度有好多選擇, 你可以揀你自己鐘意食既魚魚米係食魚湯米線, 而且可以點有一整條魚黎食, 不過佢D魚唔知用油炸定煎香, 幾香口但係有D油, 破壞左個湯, 其實個湯都幾鮮。米線就尚可接受啦。 幾十蚊貨仔, 收貨啦。如果本身鐘意食魚既人, 一定鐘意呢間, D魚都OK架。

以前都唔覺得魚米有咁多分店，不過自從公司同屋企附近都開左之後，就覺得周圍都見到佢既出現。今晚食二人套餐，有個豬軟骨菜飯，黃花魚米線，仲有炸雲吞。個豬軟骨係用果醋整既，所以食落係會有少少甜味同酸味，比起一般食開既豬軟骨無咁膩，加上煮得好軟好入味，所以我地都覺得係全晚最好味。原條炸黃花魚，比想像中睇落細條，亦都唔算太多肉，但好在唔係炸到乾哂，食既時候會有魚汁，所以都唔太差既。炸雲吞係菜肉餡，香脆外皮加埋包滿既餡料，比起炸蝦雲吞好食，算係意外驚喜。

今日去香港仔食晚餐，可能這間米線店越開越多。我試過佢的早餐、飯餐，今次點都要試佢的米線啦。這間米線店的米線分量十足，雖然價錢的確貴。所以如果不是太肚餓，真係唔需要選太多配料。湯底很好，雖然飲唔出佢係唔係味精湯，但佢配料豐富。我今次點選了魚餅，其實我又覺得有點失望，因我本以為會很有魚味，但其實咩味都沒有，普通雪藏魚餅。所以下次一定唔會選。下次再食魚米，肚餓都係食飯餐算數。因飯餐很抵食。這個餐有飲品配搭，不過要加錢的。

放假日自己一個周圍行食午飯，係周圍都排哂隊等食午飯既香港仔，行行下見到魚米，就抱住香港仔係魚港既心態入去試下香港仔魚米同不同地方既魚米會唔會有分別。一坐底就叫左個原條黃花魚米線，等左唔算太耐就黎到。食米線第一口當然係試個湯啦，淡淡既魚香味，個湯睇落去好濃，但試落唔係特別濃味。米線唔會太淋，都算彈牙，但因為個湯唔算濃既關係，所以食落去唔係好入味，好彩米線上有其他配菜，都唔會話特別清淡。黃花魚炸得幾干身，魚肉都仲係濕潤既狀態，唔會炸到魚肉干哂，食落仲有黃花魚既魚味。食完既感覺係，香港仔魚米同其他魚米係無大分別。

🐟係我最愛，無論煎炸炆蒸我都係咁鍾意食！自從上次係銅記食過魚米後，就成日心思思想再食。原來香港仔都有魚米。今次就叫左馬友同埋烏頭魚🐟🐟，識食一定係蒸！ 紅綠椒蒸烏頭$62 跟白飯：6.5/10 烏頭無泥味，肉質唔會霉幾好；但因為唔食得辣，所以食到下面個汁有d辣！ 麵醬蒸馬友 $72+$8 轉米線：8/10 用麵醬蒸有驚喜，好好食，麵醬甜甜咸咸帶出馬友既鮮味；肉質滑得黎又唔會有san既感覺。米線都幾大碗，不過唔明點解要加$8先可以白飯轉🤔🤔。 另外，仲叫左： 一碟菜心$15: 5.5/10，蠔油另上幾貼心，不過都幾油⬇️！ 泰式魚餅$18: 4/10 其實味道真一般，只覺得油外面又唔脆⋯⋯雖然呢個價錢，但都真係⋯⋯ 總括來說，魚既質素真係唔錯！又大條又好味！不過服務方面，香港仔分店真係有待改善，有好大既進步空間。店員落單時都唔清楚menu上既items。又唔聽清楚客人講咩，明明叫馬友，黎左黃花！黎左魚又唔上米線白飯，要問先有。睇到隔離檯明明叫A燉湯，又上左B燉湯。人手明顯不足，運作又亂！

我第一次去香港仔呢間魚米食嘢，唸住叫個外賣，18:40等前面果位比外賣錢，但個收銀一路慢慢嚟，一路自己有自講，個客問嘢，佢就只係望住個螢幕細細聲講，我等左5分鐘，到我order，問佢叫蒸魚餐會包咩，佢又係望住螢幕細聲自己講，完全無理我，我根本聽唔倒佢講乜，跟住收錢收多我1蚊又唔講，等幾耐又唔講，唔好話多謝，攞左你錢就走左去！我都預左15分鐘後返去，入左去坐低等，個個員工都係苦口苦面。我等左陣，嘗試問第二個員工，點知仲慘，我係"請問"要等幾耐，佢竟然答我：自己响屋企蒸魚都知啦，烏頭係蒸得耐㗎啦！⋯⋯一樣無望過我！間魚米有三個員工，第三個員工仲奇怪，每一次有外賣出，都會走嚟問係咪我，第一次，我答左佢話佢知幾多號外賣唔係我，佢唔信我，第二次又嚟，佢又唔信重複問我仲啤住我，之後再嚟第三次又問我三四次：110喎！？110喎！點解我要呃你呢？究竟我做錯咩，嚟幫襯要受你地氣呢？有咁既待遇呢？一個晚餐，一條魚一個白飯59蚊就乜都無，又唔係特別平！千祈咪去呀！

同朋友做節！上年魚米，今年都係魚米！四個人。成枱野都係為$260蒸䱽魚配菜飯 $65+$4幾滑。煎左口魚配湯飯 $65煎到好香脆酸辣酸菜鯇腩湯飯 $55個湯酸酸辣辣。幾好味。配飯。正！肉餅配菜飯 $55 + $4 娃娃菜 $12

最近周不時見到呢間魚米分店，入去試下。好肚餓望見餐牌樣樣都想食！餐牌上好特別有成條魚上嘅米線、亦有酸辣麻辣，最後叫左原條馬友米線加豬潤、腩肉。上枱個刻真係好surprised，好大條嘅馬友，魚湯有魚味唔似出面D米線鋪個湯底全部用味精開，湯底好正可以飲，條魚新鮮，豬潤都好好味，腩肉幾大塊好食，本身對呢D鋪頭無咩期望，但估唔到食到正野，有用心！好想試埋其他款會再來！

下午茶見新開又無乜人叫左個魚蛋米線再加杯熱央呷啖湯又幾好味奶白色師父唔算多魚蛋魚片都好彈好似有d墨魚味份量亦唔算少杯熱央好過d大xx茶味都濃d以$29地餔都值得再幫襯

趴走後，累極了，餓透了﹗路過魚米，不作他想，衝了入去。小店牆上畫有魚群排隊等巴士和追巴士等有趣生動的漫畫插圖，彷彿與我們方才的不堪經歷不謀而合。下午茶時段，客人不多，小妹和Cc很快就揀好了茶餐。 小妹另加$2妹要了一杯凍檸茶，甫見茶色，已不太對辦。果然，呷下紅茶香未見突出，檸片也未夠清香，一般貨色也！幸，夠冰凍，可消減小妹心中那團悶熱之火。花生醬多士配炸雞翼$30即叫即炸，夠香夠熱，也可配選腐皮墨魚餅。花生醬多士炸得金黃，然未夠香脆，中間夾著香濃花生醬，再淋上蜜糖同吃，整體中規中矩也。兩隻雞翼醃得甚為美味，但太細隻了，且炸過火了少許。Cc要了魚蛋魚腐米線$29配熱檸水，奶白湯底甚為清新鮮甜，米線也極具嚼勁，惜只有兩小粒爽彈鮮美的白魚蛋和兩小塊混入香蔥鯪魚肉製成的魚腐，略嫌太少了！

在旺角閒逛完，就走到香港仔與親愛的女友匯合，一來可以與女友閒話常，二來也可撐枱腳，共渡一個只有我倆的二人世界。閒逛完畢，是時候找一間食店醫下肚，便來到魚米，一嚐魚湯米線。在香港仔要找一個魚湯，實在不易，但是開了魚米，卻又多一個選擇。餐廳以淺木為裝飾，也有白色仿磚牆，座位與茶餐差不多，有卡座和圓枱，最初咱們坐在中間的圓枱，但是剛好有人埋單，便坐在卡座。而燈飾以圓形為主，都幾別緻的。從餐牌中得知，除了魚湯外，還有酸辣湯，當中以米線為主，但也有米飯供應。除此之外，餐廳還提供了小食和甜品，實在都幾多款式的。牛腩米線。是親愛的女友不二之選，湯底除了魚湯之外，還有加上腩汁，便湯底變成了濃郁的牛腩湯底。這湯底味道確實濃郁，富有牛腩味道，吃一件牛腩，鬆化之餘也很軟腍。雖然只吃一件，但是卻又滋味無限。魚腐墨魚腐皮魚湯米線。既然是以魚湯作為招牌菜，當然要會它一會，喝一口，嘩，不得了，這是一個清甜而沒有薑味的魚湯，也沒有添加入任何胡椒粉在內，這已經足以證明，是用上新鮮魚和魚骨熬製而成，不過如果魚湯味再濃烈和再清甜的話，一定必屬佳品，而且有助降低熱氣。至於魚腐，亦新鮮鮮味而沒有醒味，內裡也沒有任何味精，而魚肉

今天DAY OFF陪媽媽去試這新食店。11點多，裡面不是太多食客，連侍應也不多，想當然不設帶位服務吧，有枱有位自己坐吧。我們見卡位剛有人離座，就坐過去了，坐了良久還是沒有人執枱，更不要想有人拿水給你。你會好奇侍應在哪，侍應有2位，但走來走去不知忙什麼似的 ，就是不會停下來看看食客要落單嗎？要帶位嗎？要餐牌嗎？要水嗎？好不容易攔截了個侍應執枱落單，她枱是執了，單也落了，卻是幫隔離枱落的，我奇怪她的先後次序是怎訂的。好不容易等她下完隔離枱的單，便開口請她都幫我們枱落單，她頭也不回的回應：「等陣啦！」結果等她在電腦入好隔離枱的單，她才施施然走過來落單，態度真“好”。媽媽點了酸辣魚腩湯米線條（＄55）及凍金桔蜜（加＄8)，我點了果醋豬軟骨菜飯加熱金桔蜜（＄45)。首先上的是果醋豬軟骨菜飯，趁侍應送飯來，順道問她要杯水，她沒有答好沒有答不好，面無表情的走開了，面無表情的把一杯水帶來。算吧，還是專注吃飯好了，豬軟骨頗硬，但味道還不錯，酸酸甜甜的，送飯真好，份量對普通OL來說十分足夠，男孩子應該再加碗飯便夠了。媽媽的魚腩米線，份量也真大，面盤一樣的大。魚腩大概是女仔手板左右大吧。喝一口湯底，說真的，