鮨之

營業中

休息中

係呢度睇完戲，腦海中已經諗到今晚想食壽司，一心諗住幫襯火車壽司，點知去度先知原來開左呢間新店，都係食日本菜，望下門口餐牌，價錢中上位價，唔理啦，我...要....食.......壽..........司!入到去裝潢係有格調，以魚類作主題佈置，有卡位有二人枱，側邊亦有單邊位飲杯綠茶，再點菜為食壽司而來，唔想苦惱，叫客特上壽司盛 ($188)，呢條"魚"就係用來運送壽司比客人嘅，相當過癮七件中有魚類有貝類仲有海膽，樣樣都可以淺嚐到，好味嘅可以再單點回味當中推介嘅有魷魚，軟身中又點嚼口縞蝦比起食開嘅牡丹蝦來得爽口海膽份量滿滿的，入口creamy，融入每粒壽司飯中，甘香甜美友人歡喜油甘魚，呢客油甘魚薄切佐黑松露酸汁 ($98)就逃唔過佢法眼，擺盤吸引，魚色靚仔，有埋沙律菜油甘魚嚴格黎講都唔算薄切，入口甘香，軟滑感覺，配埋黑松露香味及醋汁嘅酸味，整體配合相當唔錯!食完就到什錦魚生沙律 ($98) 出場，爽脆沙律菜中混入魚生粒，加埋開胃醬汁，為餘下嘅呢餐作好應援準備先完成凍食部分，係時候到熱食出場，打頭陣係串燒系列代表 : 燒魷魚 ($28)厚切但入口唔會韌，燒得面層帶點焦香味，味道偏淡，食到魷魚

喺朗豪坊4樓新開張的鮨之，前身是某連鎖壽司店，不過鮨之同X心集團沒有任何關係，所以可以放心幫襯！店內裝潢古典有特色，而且格局也頗為高級！枱面上有Order紙、醬油、綠茶粉和熱水，可自助！傳菜用的巨型鯉魚超吸睛，而且仲會用日文同你打招呼同埋提你攞嘢食！每次出動，啲食客都爭相拍照拍片，非常熱鬧！雜錦魚生沙律 $98正宗刺身多過菜，配Wasabi酸汁，可口又開胃！明太子沙律軍艦 $28 2pcs紫菜極脆口！好似方糖咁嘅明太子大大粒仲要幾多下，鮮味十足！挪威辣味三文魚軍艦 $28 2pcs辣味香得黎唔嗆，都不錯的！季節火炙壽司盛合 $188抵吃的組合，一次過可以享用到7款時令火炙壽司！呢件燒穴子超大件！肥美多汁又夠香口！炙燒帶子同埋左口魚裙邊都係超正！日本三得利啤酒金裝 $38細細杯，有揸車都可以Order，一定唔會超標！明太子蟹肉要鍋飯 $158店員會先Hold起熱食，等我哋食晒啲冷盤之後先上，服務夠晒細心！除咗有勁多蟹肉同埋明太子之外，個飯仲有啲紫菜、脆米、雪菜、飯素等，唔洗落任何醬油，都夠晒好味！食到底仲有少少飯焦添，正！

同男朋友行街， 平時去到旺角喺朗豪坊食嚟食去都係啲大路嘢，見到 food court 隔離開咗間新嘅日本料理，裝修幾精緻，一於試下新嘢。入到去已經見到牆上嘅鯉魚壁畫， 靚得嚟好有氣派。見到餐牌都好多款唔同嘅食物，淨係決定食咩都諗到頭都大埋， 樣樣都好想試！先叫咗一客新開張限定嘅鮨之福盒， 據餐牌介紹，係師傅用八種新鮮時令食材製作， 我有少少感覺好似食緊一個迷你福盒版嘅Omakase， 由師傅去決定食客食到最新鮮嘅食物， 更加反映到餐廳對食物質素嘅要求。福盒一出場已經嘩嘩聲，因為用咗一條日本鯉魚去做運輸，將食物送到客人嘅枱旁邊，加埋乾冰喺底，令到成個福盒仙氣瀰漫， 一定要打卡！有海膽、蟹鉗、甜蝦、金目鯛、八爪魚、呑拿魚赤身等等， 好呀款都好新鮮尤其是海膽好creamy好鮮甜，金目鯛清甜爽口，好正！跟住要咗個雜錦魚生沙律， 賣相精緻， 魚生粒每粒都好肥美新鮮，配上店家特製嘅沙律醋汁， 令人相當開胃。見到唔少客人都有嗌呢一個蔥吞拿魚薄脆 ， 我都唔執輸試下， 吞拿魚蓉用咗少少蛋黃醬嘅調味， 估唔到食落又幾夾，而且底層嘅薄脆好香口， 好啱送酒。咸牛肉蔥吞拿魚卷、天華蔥吞拿魚腩卷， 兩款卷物嘅賣

好耐無去日本，好掛住d新鮮刺身sushi🥺，所以打算搵間高級壽司店食下，朗豪坊呢間鮨之好多地方都有分店，有好多時令刺身。呢間坐位都幾多，坐得都好舒服。抹茶🍵用上抹茶粉。餐牌上d圖片好吸引，另外仲有時令魚同刺身。本鮪壽司盛盒八件($448)我鐘情於呑拿魚，大中赤身色好均勻，亦都幾厚切。佢件赤身醬油漬我最鐘意呢間餐廳有條輸送帶送d食物來，幾過癮。季節火灸壽司盛盒七件($188)賣相好精緻，對於好多魚都唔食的我，火灸壽司係一個唔錯選擇！特別燒過的三文魚腩有d油香好正最後點左個炸廣島蠔配黑松露醬($68)，蠔熱辣辣炸起好多汁，配上我最愛的黑松露醬，忍唔住好快食哂

新幹線送壽司？Out啦！在旺角朗豪坊的「鮨之」，以孔雀魚特快配送系統為大家送上高級刺身及壽司，食材每日由日本新鮮直送，七彩繽紛兼鮮甜味美，絕對高質；趕時間的話，還可以在外賣機order後，於特設的外賣窗口提貨，方便快捷、快上加快！鮨之位於朗豪坊四樓，是各大餐廳的集中地，搵食方便。餐廳內有很多魚類裝飾，無論是掛著的，又或是牆上的立體壁畫，都與孔雀魚配送系統一脈相承。店內共有兩條配送系統，一條在餐廳中央，另一條則在壁畫下面，大家order食物後，只要是size不過於巨型的，都會由這條日式孔雀魚送到客人桌子旁邊，緊記拍照要快，因為逾時魚兒就會さようなら👋🏻👋🏻返回起點啦。如沒時間坐下來堂食，餐廳旁邊亦另設窗口，有兩部電子點餐機讓大家選取外賣，餐單跟堂食分別不大，刺身、壽司等應有盡有。特上刺身盛合二人前 $428  來到這裡吃刺身和壽司是指定動作，「特上刺身盛合二人前」可一次過品嘗八款高質刺身，我不喜歡吃魚，海膽、鮮蝦、帶子等就全部交給我吧，yummy！鮨之福盒 $198很特別的還有「鮨之福盒」，靈感來自日本福袋，師傅會隨機放入多款神秘刺身或海鮮，是餐廳新開張的期間限定啊。壽司三杯盛 $28

早兩日老婆大人問我去唔去旺角同朋友一齊食日本嘢，佢話喱間新嘢好盞鬼我一定鍾意咁話，心諗食日本嘢啫又有幾盞鬼呀！點知去到又真係幾過瘾喎！ 鋪頭入面有好多藤製的孔雀魚吊燈，手工好精美掛到場都有好靚仔。  而老婆大人話好盞鬼嘅就係喱個飛魚路軌，喱條O咀孔雀魚會送出高級嘅正菜到我面前，須然有啲壽司店都有不過喱種高級嘅日本料理就第一次見。 孔雀魚送嚟鮨之福盒入面有大大塊嘅海膽、啖啖肉嘅松葉蟹鉗，仲有好多樣唔同嘅新鮮刺身魚，喱個盒好似百貨公司啲福袋咁隨時有驚喜。 跟住係特上刺身盛合二人前喱個刺身拼盤有8款刺身，好似有牡丹蝦、劍魚腩、吞拿魚腩、海膽、三文魚腩、油甘魚、帶子同埋三文魚籽，全部都好鬼鮮甜我就最鍾意食油滑嘅大拖羅，食完成口都係魚油香好鬼正又好鬼邪惡。 講到邪惡喱份本鮪壽司盛盒盛盒入面嗰件大吞拿魚又係正到痺，但估唔到其它兩件中吞拿魚同赤身都咁好食。 大食嘅我太鍾意喱道嘅吞拿魚喇！誓要整多件火炙醬油漬黒松露拖羅，燒過嘅拖羅油花更爆加咗黒松露又有唔同味道，仲有最一件魚籽醬紫蘇葉吞拿魚卷嗰種甘甜鮮味真係唔得了。 老婆大人忽然想食喱個壽司三杯盛當然捨命陪老婆啦！三杯其實係

車媽媽很喜歡某壽司店的特快配送系統現在不了！但我發現了在朗豪坊新開設了一間名為鮨之的日本餐廳，內裡同樣設有特快配送更以動感的孔雀魚作招徠，但吃的卻是高質壽司刺身日本料理，這天便相約好友齊齊同來感受一番！ 餐廳的裝潢用上簡約的木系為主，天花掛滿巨大藤紥孔雀魚吊燈，另加上一幅栩栩如生的孔雀魚壁畫，還配襯孔雀魚造型的配送盤成件事變得魚樂無窮。 我們一行5人被安座於舒適的卡位中，桌上已預備了抹茶粉大家可自行於桌旁的自助水製添加熱水便有熱騰騰的抹茶享用。 先來一客特上刺身盛合二人前＄428分享，刺身盛內包括有鮮甜的海膽、肥美油潤的吞拿魚腩、三文魚腩、咬口十足的劍魚腩、軟糯的牡丹蝦、香甜的油甘魚、軟綿鮮味的帶子和粒粒飽滿的三文魚籽等一共 8 款當天新鮮直送的海鮮刺身，款式多之餘更非常新鮮全屬有質素之出品。 接下來由動感孔雀魚在特快配送軌奉來這客創意料理鮨之福盒，這個福盒靈感來自日本百貨公司的福袋，只需以＄198這價錢便能享用到福盒內的多款神秘高質刺身或新鮮食材，每個福盒每天也隨機送上不同的驚喜吃得好刺激呢！ 我們這天得到有海膽、松葉蟹鉗，和7款不同類型的

原本要來食元氣壽司，才發現原址的元氣壽司朗豪坊分店收掉了，換了與穴同集團名為鮨之的連鎖日式餐廳。今日為著日本料理而來，就來試試新開的餐廳食物選擇很多，刺身、烤物、炒飯、烏冬一應具全，今晚就各點幾個來試試雞翼烤雞翼調味恰到好處，肉身多汁不乾硬芝士鰻魚卷鰻魚卷是用自動列車🚄送上，比起元氣的列車更氣派和華麗三文魚腩/赤海蝦三文魚🍣很新鮮，食完了還想再加一盤，赤海蝦彈牙又鮮甜三文魚刺身身為三文魚控再多三文魚也不厭煩，肉質新鮮，好好味明太子蟹肉石鍋飯蟹肉配上榨菜滿特別的搭配，多了這碗讓大家吃的更飽足總體而言食材新鮮選擇多，口味都在水準之上，侍應服務態度良好，用餐環境亦舒適不壅擠，適合朋友與輕鬆的商務用餐，推薦給大家

見新店開業不久,又見有報導寫有開業優惠及限定,就試試新店!不過原來暫未有那些優惠及限定。先叫ㄧ個set(包括兩款自選飯+1烏冬/蕎麥麵)自選飯叫了鰻魚飯及海膽三文魚飯鰻魚味道不錯,鰻魚的size就不過不失啦。海膽三文魚飯: 有4片三文魚及小量海膽(不知是否剛好只是我這碗的海膽少,menu內的海膽相片是多些的!) 至於味道,海膽没有腥味,三文魚厚度適中,飯就加少許醬油,會好味些!這次叫了蕎麥麵,普普通通啦! 另叫了壽司set(10款),賣相不錯。吞拿魚蓉壽司(左上3件),略嫌呑拿魚蓉太少,吃下去感覺不到吞拿魚的味道! 火炙魚背(左二排上),味道不錯! 左二排中間兩件是魚--味道一般,有少許腥. 吞拿魚腩壽司(左二排下),入口即溶,吃下去滿囗魚油。海鰻壽司味道不錯,而蝦壽司和甜蛋就ㄧ般.海膽及三文魚籽壽司也不錯。麵豉湯(餐):雖然連滑豆腐粒也没有,但味道不錯。吃到尾聲,店員自動送上甜品!切下去,有驚喜! 餡是蜜瓜味,少少流心,感覺有心思的甜品!如果不用等位,是值得ㄧ試的餐廳!

(文末有彩彈) 🌈🐣今天老闆請食飯😏餐廳的裝修好靚，店入面應該以魚🐟做主題，牆身以立體水彩畫了在水池中游緊嘅魚，天花亦吊住咗幾條大型竹製紙紮的魚，有啲似小學自製竹燈籠🏮，當然店入面嗰D大好多同埋靚好多。座位幾寬敞，坐得幾舒服，燈光柔和偏暗，適合一大班人飲酒吹水🍻，或者情侶👫過來食。一坐低就點了支清酒飲🍶，我比較愛店內的柚子酒，飲落香甜又有酒味，好意入口，適合女士👸🏻！先來一個香蔥吞拿魚茸薄脆, 我不吃蔥的, 同事幫我把吞拿魚上的香蔥撥走 , 很有愛🥰🥰 吞拿魚茸🦈非常軟滑，很香。雞泡魚干🐡，沾點蛋黃醬非常惹味，很適合配啤酒！雜錦刺身拼盤🐟🦐🦑🐙，最喜愛的是海膽有海水味，真係超鮮甜超好味，其他刺身都很新鮮，尤其是拖羅，拼盤中選用的是粉紅色的中拖羅，不是那種紅色沒有肥膏的拖羅，食落有非常香嘅吞拿魚油味，一級棒🥇再來是串燒，燒得很香脆，尤其是牛舌🐮👅，非常之香嘅牛油味，也不會很韌鰻魚卷，在卷物外鋪上了鰻魚，鰻魚很香軟亦沒有骨，飯卷中有芝士🧀，非常香口！老闆給我們在點了一板新鮮海膽，真係非常非常正，半碟

剛剛見到有一條冇人車路軌，送出一個會發光的蛋糕🎂，非常震撼，很有意思，基本上大部份的食物都是由冇人路軌送到餐枱前，會唔會這樣快了10秒，會唔會好味一啲呢？ ！餐廳環境燈光比較有情調，很多座位都是卡位，梳化比較寬敞，坐得很舒服！最開心是一家人來吃的時候，小朋友可以吃熟食，甜蛋壽司，蟹棒，薄牛肉到庭烏冬，最正就是老少咸宜的新鮮路端燒，外脆內熱，又多汁，小心辣到條利！特別推介石鍋鰻魚飯，有少少吱吱聲，熱辣辣，好似煲仔飯一樣，還有少少飯焦的香味！大人一定要試吓色彩繽紛的千層魚生杯！

超好食🥰估唔到旺角有啲咁好食嘅日本料理海膽超級好味😋😋 @ SushiZushi 鮨之好食到不得之了！海膽超鮮甜，刺身又新鮮坐得又舒服，服務員態度好有禮貌滿足的晚餐🥳🥳🥳🥳🥳超好味既日本菜高水準，樣樣都好好食呀😋😋😋😋😋

召喚旺角辦公室大樓上班的面孔！！！真心嗰句，喺朗豪坊返工咁耐，終於終於有一間好食嘅日本餐廳見佢新開張，夜晚過咗嚟食，好有驚喜以下幾款我最推介！！1. 蔥吞拿魚腩薄脆 （2件$60有找）吞拿魚腩新鮮，配埋揼咗喺面嘅芝麻同埋下面嘅薄脆，又有魚嘅鮮味又有口感，好特別，喺出面冇食過2. 特上刺身盛（2人份$400頭）呢個重點推介有8種款式，非常鮮甜，後尾聽師傅講，原來係每日飛機直送最鍾意海膽、縞蝦、拖羅，海膽入口即溶，之後滲出甜味，不嬲食蝦都好腌尖嘅我，竟然喺呢度識到大隻又漿口既縞蝦刺身拖來唔使講，無筋，入口即溶💕3. 芝士鰻魚卷（3件$48）呢個一定一定要叫，鰻魚無骨，好香好軟。。。平時唔鍾意食鰻魚嘅我，都讚不絕口追加咗一份以上三碟係我最鍾意嘅，之後仲食左其他都係好食過旺角大部份嘅日本菜，唯獨個明太子飯嘅飯粒可以再脆D，同埋小食年糕略實身。不過最後都係大滿足，好飽捧住個肚走！！會有第2，3，4，5次！！

見到朗豪坊開左間日本餐廳，裝修好靚，就同朋友一齊黎食下，入到去，環境黑黑地，坐得都好舒服，我地叫左盤刺身！嘩！真心好好食，最中意個海膽，真是超美味超鮮甜！！係我食過最好食的刺身真的值得推介店長推介我地食拖羅薄脆同埋個雞泡魚乾，果然無推介錯，薄脆夠脆拖羅夠新鮮！雞泡魚乾超贊！跟住黎左個鰻魚壽司，舊鰻魚好肥美其實間日本餐廳我覺得性價比高，食物夠新鮮係一間食物高質而且價錢貼地的日本料理餐廳我地問返職員原來食料由日本直送，難怪咁新鮮啦

見朗豪坊開咗間新日本餐廳，個名幾特別「鮨之」。夜晚個餐諗都唔諗就入去食一食，試試味。真心有驚喜，唔算太貴，但啲食物都好新鮮好好味。最鐘意海膽，好甜，食完個刺身拼盤，忍唔住再嗌多碟海膽刺身黎食，然後再叫海膽蒸蛋🤤🤤🤤超正！海膽控！仲有幾樣野都好好味，鱈魚燒、雞泡魚乾、拖羅......食過番尋味。個刺身拼盤4人份都只係$598旺角有啲咗高質既日本餐廳真係好難得，仲要係朗豪坊food court隔離咗方便，下次一定會再來幫襯🤗誠意推介大家過嚟食😬