鮨孝

營業中

休息中

星期六都要過黎apm做野又行唔得遠 要快食 所以就揀咗Food Fiesta見到有鮨孝 有魚生飯食 就決定試試首先去Counter 俾錢買職員話等叫號碼取餐但我一直聽唔到 等咗四個字行去望下原來已經出咗餐 一個人食food court 又要望住個位又要去攞餐 確實有啲唔方便….叫咗一個🍣角切海鮮丼$98魚生份量都幾多 但味道好一般 魚生仲有好強烈腥味 ……..但為咗惜食 我都食晒 不過應該都唔會食第二次嚕😢

位於apm foodcourt入面既一間平民omakase 鮨孝 以平民價錢食到魚生飯。今次叫左個蟹籽吞拿魚飯 下午茶時段份量較少 但水準不錯，整體來說十分新鮮，可以再幫襯。

$68一個魚生丼飯碗，飯都是熱的 三文魚食落重魚味都唔意外， 元貝柱無味都可以理解 ，只要點Wasabi就有味啦但點解個飯要係熱🥲， 仲以為壞左，定係我見識少未見過熱飯丼

【鮨孝】在香港國際機場客運大堂、太古城商場及APM的美食廣場均有分店。作為日本大廚齋藤孝司主理的香港米芝蓮二星（在2022年被降為一星）壽司店【鮨齋藤】的副線，但定價就平一大截。以開業不久的最新太古城廣場分店為例，只是主店的 1/3價錢；早兩年開業的APM分店就更加只是【千両】價位。單單看背景已經相當吸引，加上 APM分店價錢親民，因此剛剛開業時都有不少報導。位於Food court 內，日式壽司店格局非常搶眼。有師傅正在預備复食材，不是什麼高級魚生，只是三文魚……平時到壽司店都會望下魚生櫃內的豐富食材，不過這裡只有三文魚、吞拿、青瓜、蛋……這些不顯眼的食材，沒有吸引力。魚生丼有廿多款選擇，以價錢劃分為$68, 98, 128, 188。另外有些壽司、刺身選擇。好難想像這是與米蓮餐廳有關係。【角切海鮮丼 $98】魚生丼份量不太多，對小編來說份量足夠，但是如果是男生就不太足夠。角切魚生有三文魚、吞拿魚、蟹籽、蛋，種類不叫豐富但是勝在魚生切得厚身入口有口感，而且魚生鮮甜質素不錯。不過$98的角切魚生丼，沒有蒸蛋、麵豉湯、前菜……更加沒有好的服務及環境。香港日本料理店非常多，不論貴或平……絕

第一，這裡是自行去收銀處落單，叫了自己喜歡食的，付款後取單，才過來坐低等叫票號。這穿白袍的，不知稱他們為厨師還是侍應，服務態度極差，一來不懂得體貼客戶，二來站著講人壞話，我們在吧枱聽到「邊食邊背脊骨落」，直情有點反胃，想快點走。一聽到叫 404, 我們舉手示意，其中一位白袍說：「一定要來這邊取！」哦！我們起身過去自己取，行兩步返來坐低食，所謂的《三文魚貝柱丼》，三文魚和貝柱很新鮮，日本飯的味道很夠味，薄荷葉很健康，還有點紫菜，不錯。但因為服務態度實在太差，拉低了整體的分。

今日小妹去咗觀塘apm food fiesta諗住食壽司曾經小妹大讚嘅鮨孝令人失望🙁是咁的…小妹今日11點就去到 得一個師傅佢亦都講明話而家落單要等一段時間我哋06分落單明明整碟壽司只需10分鐘但佢拖到28分先開始整最後我哋等咗半個鐘有多其實等一陣都冇所謂但我哋落完單之後師傅黑晒面仲大大力又擲盤又擲碟咁😟明顯發緊脾氣呢個態度真系唔系好得😔-講埋食物質素㋡ 珍寶帶子 $48原本小妹好期待 呢件帶子成48蚊件上次食嘅時候系超級厚肉超級大塊今次明顯縮左水 小小失望🙁雖然佢都系大塊 味道亦鮮甜但呢個價位就唔系咁值啦🙌🏿味道: 8/10性價比: 4/10-♡ 油甘魚 $20成廿蚊件但得一塊薄片😢食落唔夠油香質感亦有啲怪 失望🤥味道: 5/10性價比: 2/10-☻︎ 三文魚 $10三文魚就正正常常同你喺壽司郎噗$17兩件嘅差唔多咁小妹會想去食壽司郎多啲😂大件夾抵食吖嘛😜味道: 7.5/10性價比: 6/10-㋡ 松葉蟹肉蟹膏軍艦 $15(和風祭特價)蟹膏creamy食完夠晒滿足平過原價成10蚊架!😆可惜今次啲紫菜唔夠脆真系師傅問題😤味道: 8.5/10性價比: 7/10-雖然佢食物質素大多都唔錯但

十一點零見其他舖未開門，見呢間一個丼最平$59，貪得意試下。叫左一個三文魚鯛魚吞拿魚丼加三件單點壽司。明明坐bar頭，整好左都要自己去攞🤷🏻‍♂️見到個set，呆左，細碗到呢，以為叫左兒童餐，幾片魚加一㗳仔飯。細都唔緊要，無味兼難食。千其唔好試，樓上樓下加附近大把選擇，等執算把啦！

係apm food court 門口好大個foam board 宣傳丼飯優惠好吸引所以想試下係云云選擇當中揀左火炙三文魚左口魚邊丼 $79+2(外賣)因為住得近所以選擇外賣返屋企慢慢歎，只係5分鐘路程返到屋企洗手換衫就已經開始食飯，又點會估到啲飯就硬過我條命，想用少少汁拌飯都無，真係乾啃啲飯三文魚有3片又係完全硬哂，一啲魚味都未，從來無食過咁難食既魚生；左口魚邊4片，比三文魚好，有少少魚油，但坦白講$79你比啲爭鮮都不如既質素我，不如我以平一半既價錢去買爭鮮?飯同魚生既質素都好過哩間餐廳呀……

超級好味！SUPER SURPRISED！APM Food Fiesta 選擇有很多。今日選擇試試這間「鮨孝」納豆丼 - HK$59.00納豆不是人人喜歡，我都是媽媽地。但知道納豆營養價值高，於是膽粗粗試試。誰知 一試難忘！這碗飯不止沒有「難入口」的感覺，而且上面的多種配料連汁簡直絕配。一向不太喜歡納豆的我一試就愛上！唯一欠奉之處就是沒有茶或水供應。而且只有吧檯（高檯），沒有矮的。但「極好味」都足以掩蓋一切瑕疵。絕對會回來再試！

.鮨孝今日去左觀塘睇醫生就行下APM有咩食🤤見到foodcourt有間日本料理，環境又唔錯就想試下🤤仲有個師傅係面前即叫即整🍣……….我地單點左17件壽司，包括：火炙三文魚($10)、赤蝦($10)、胡麻火炙三文魚($10)、池魚($15)、針魚($15)、穴子($15)、火炙左口魚裙邊($20)、蔥吞拿魚腩蓉軍艦($20)、醬油漬熟成吞拿魚（山幸）、油甘魚腩、劍魚腩($20)、三文魚籽軍艦($20)、鰻魚($15)、粒貝($15) +一個火炙海鮮丼($69)💁🏻‍♀️……….平價壽司黎講其實火炙三文魚、穴子都唔錯，但當中有大部分都比較差!!☹️包括劍魚腩、醬油漬熟成吞拿魚、三文魚籽軍艦、油甘魚腩。……….劍魚腩：本應係比較肥美有油香，但鮨孝嘅劍魚腩係無味，而且沒有油香。醬油漬熟成吞拿魚：又係無味🥲🥲🥲🥲合埋眼食應該唔會知自己食緊咩🥹三文魚籽軍艦：朋友話有陣臭味，同平時食開嘅三文魚籽唔同油甘魚腩：叫左油甘魚腩但沒有腩位嘅油香☹️………火炙海鮮丼：火炙吞拿魚、火炙左口魚、火炙三文魚、火炙池魚、火炙針魚，雖然係平，但好坦白講，丼飯嘅剌身真係好劣質….我地都未食過剌身係咁硬身，而且無味。什至爭鮮嘅

Lunch冇乜胃口，係food court 見到呢間壽司店有D丼飯細細碗咁，啱數啦。叫左個香蔥蜆肉丼，59蚊，的確夠細碗，上面鋪面醬汁蜆肉（D蜆肉有D似日本罐頭蜆肉），仲有啲蔥花同一舊靚嘅wasabi，加所D壽司豉油上去，味道係幾好，不過如果肚餓就肯定唔夠😂

Tried to have lunch here today after searching on open rice. Stood at the front for 5 minutes with the server walking past us several times without acknowledging us. Tried to prompt the server by asking if they are open, and he replied yes. But he continued doing other things. The place was not busy at the time. Concluded that the service was bad and went somewhere else. Would be worried about other aspects like hygiene as well. Looks likely the attitude was due to under staffed and over work.

經過APM見到有壽司食就試吓叫咗個蟹子蔥花吞拿魚丼味道唔錯嘅材料都新鮮👍🏻本來諗住食海膽軍艦但係佢冇晒加拿大海膽得返日本海膽佢話要$100.1件個人覺得唔抵所以冇叫😂😅Food court冇晒位坐係佢吧枱食望到師傅幫其他客人整omakase好似都幾吸引下次可以試吓👍🏻

谷友推介 “鮨孝”, 地理位置喺 APM 美食廣場𥚃面, 聽落幾有趣. 🤗 今日初訪, 點咗 “廚師發板”, $398, 免加一, 包括壽司十貫及麵豉湯.🥢 餐廳設一張10-12人嘅L型吧枱, 當日食客唔多. 4位師傅, 同時負責其他壽司魚生食物俾大堂食客, 十分繁忙.🍣 第一件… 真鯛, 魚身柔軟, 魚味OK.🍣 第二件… 沙追魚, 魚肉較結實, 反而魚味唔夠.🍣 第三件… 深海池魚. 魚油豐富, 柔滑, 不俗.🍣 第四件… 帶子, 食到黑椒味青檸味, 合格.🍣 第五件… 昆布漬甘蝦, 非常膠口, 蝦味濃郁, 口感充實.🍣 第六件… 燒黑睦, 油脂滿溢, 好食.🍣 第七件… 鯖魚, 幾重魚味, 可惜口感柔弱.🍣 第八件… 赤身, 又係食到黑椒味青檸味, 正常發揮.🍣 第九件… 中拖羅, 略嫌肉質太腍.🍣 第十件… 燒吞拿魚面珠墩, 油脂充足, 香口, 可惜略喊.🥣 麵豉湯, 夠熱, 味道麻麻.😂 總結: 魚料食材零驚喜, 整體合格吧. 預咗唔夠飽, 結果真係唔夠飽. 服務係冇嘅, 一來可能係美食廣場嘅限制, 冇服務員, 二來師傅忙住整大堂食物, 唔得閒招呼你, 上壽司嘅時候只係講抵魚

Late dinner in APM mall food court sushi bar. I had saw other foodies comment but it wasn’t as good as I thought it would be. A bit noisy as we were sit near the back kitchen, most of the workers were stay in the back kitchen and keep talking loud. Sushi chef helps refill guests tea during he is making sushi and without wash his hands then back to serve, this is sooo weird. Restaurant operation have to be improved. I ordered sashimi platter, sushi platter and some gunkanmaki. All sushi are in h