鮨岐

營業中

休息中

紅磡有好多餐廳都吃過了，今天來吃日本菜式的餐廳，我點了一個吉列炸豬扒飯，吉列炸豬扒炸得香脆，粉漿略嫌太多，肉都算厚，上菜速度也頗快的，午餐時段差點要等位很多人來吃。

冇得去日本住，唯帶食個魚生飯頂癮先，今日lunch就去左紅磡鮨岐，疫情下仍有8成滿，店內裝潢風格與其他日式餐廳無異，都算令人舒服，坐底睇睇餐牌又唔算貴，一個魚生飯都係$80-$100左右，我order左海膽什錦魚生飯$98、同事就點左北海道三色魚生飯$84，有齊味噌湯、日式沙律同茶碗蒸，魚生飯好新鮮，海膽好juicy，碗飯份量算多，我親食唔晒，連茶碗蒸咁好味都飽得滯食唔落，臨尾仲有啫喱甜品食，好滿足！

經過這條食街很多餐廳這間日本餐廳看起來最高級.入面的室內設計更加似日本餐廳的風格剛好有一台日本人他們再飲酒在說日文.本身以為好貴但價錢很合理.叫了一個吞拿魚飯吞拿魚很新鮮很肥美.之後叫了一個牛肉鍋店員好好心就話牛肉鍋其實有定食價錢差不多咁當然要定食啦牛肉也很濃牛味，又有冬菇少少粉在下面一個定食還包沙律湯及白飯味道也很標準的壽喜燒.最後每人還送了一個抹茶泡芙不會太甜帶出抹茶的甘香所以說看起來很貴的東西也不一定很貴呢

Back here for more sushi! 星期日晚也要等候差不多半個小時，生意真的蠻好，建議要訂位喔！來了幾次幾乎所有的東西都試過了。每次必點蟹籽沙律，大大份的。 另外還有刺身盛合，刺身全部厚切，新鮮肥美，每次來也從未失望。蔥吞拿魚卷非常震撼，吞拿魚蓉堆超高的，基本上要一次過夾兩件才可以！配上香脆的青瓜口感豐富。壽司飯醋味、口感適中，比較細件，但卻正合我們女士。炙燒的壽司都做得很是出色，貝殼類的也新鮮爽口。這邊價錢算是中上，算是迴轉壽司與omakase之間的級別及價錢，很適合家人來吃飯或者相約朋友聚會呢！

夜晚想食日本嘢，咁啱經過黃埔附近嘅呢間日本餐廳，就一於入黎試一試。呢間餐廳服務唔錯，侍應幾有禮貌，而且環境都幾好，有半和式嘅獨立房間添。我地首先叫左一串牛舌($42)，佢夠厚身，調味亦幾好，牛味亦出位。只不過$42得4粒，真係有啲貴。加州卷($45)都唔錯，相入面都見到有好多牛油果，幾抵食。即使咁多牛油果，佢都唔溜架！牛肉鍋($88)都唔錯，份量好足夠，有好多牛肉，肉質唔硬。湯底亦夠味，不太鹹。配菜亦都好豐富，食得好滿足。帶子刺身($68)有三大粒，價格適中，味道就普普通通。我地仲叫左個熱烏冬($68)。佢嘅烏冬好幼細，幾滑。雖然湯底清清地，但夾埋烏冬食幾好味，唔太溜。每位客人仲有一個甜品送添，而今日係送啫喱，簡簡單單嘅甜品，但又整得唔錯喎！總括嚟講，呢間餐廳真係唔錯，我下次帶多啲朋友再黎食先

來到鮨岐晚餐，叫了三個菜。第一道是銀鱈魚西京燒定食。 魚煮得十分嫩滑，有魚味，而且特定醬汁不過放得過多而令到過甜，惟魚皮燒得有點兒燶，略有苦皮。第二道是北海道三色魚生丼。所謂三色丼，其實就是三文魚、白身魚和帶子刺生飯。魚生新鮮，而且份量足，不錯。最後一道是豬軟骨石煱飯： 豬軟骨煮得很腍和入味。很多地方的豬軟骨只做到肉腍但軟骨脆，難得這間能的軟骨能做到有有煙韌的口感。值得一提的是豬軟骨石煱飯和北海道三色魚生丼都加入左溫泉蛋，蛋汁令到整道菜昇華，有畫龍點精的效果。最後每人一客芒果啫喱，滿足地離開。不錯的日本餐廳，物有所值。

田中：我唔要食吉X家邊爐！其實仲有其他選擇既🌰#田中食紅磡 🌰#田中食黃埔-廣島蠔鍋 ($88)1️⃣啲廣島蠔竟然超級新鮮！唔腥，出奇地鮮甜到極，唔算大隻但好飽滿，不過得4隻2️⃣湯底非常非常清，少少蠔味，但都係好清，要好似打邊爐咁點豉油食3️⃣配料算多，但粉絲痴底(ﾒ ﾟ皿ﾟ)ﾒ👍🏻7.5/10-🥘韓式泡菜豚肉鍋 ($78)1️⃣相比廣島蠔鍋，呢個湯底濃味好多好多，係泡菜部隊鍋既味道，好開胃2️⃣豬肉都新鮮有肉味，但冇醃過可能有啲淡👍🏻7/10

男友跟我來了紅磡這家食店，我們點了三文魚腩刺身，入口肥美，食指大動店員建議我們試即日送到的日本沙律，冰菜番茄配芝麻醬，十分新鮮，第一次吃冰菜沙律，口感爽口我的摯愛是鵝肝壽司，上面配有脆脆，鵝肝入口即溶，好邪惡啊！火炙帆立貝，也比較大，味道不錯。野菜牛肉鍋的牛肉也非常新鮮，不太韌，裡面有粉絲，味道不算太濃，不錯。軟殼蟹牛肉果卷，兩人每人有三個，份量比較多如果裡面的軟殼蟹再脆一點就好。最後，還送果凍作點品，幾有誠意。

🔎 紅磡必嘉街100號地下11B號舖*📍 鮨岐.三文魚刺身厚切($68)比起其他日式餐廳呢份三文魚厚切可能貴少少,但絕對係值得.因為佢係非一般厚切,而且味道好肥美,所以覺得呢個價錢係好好味.燒牛舌($42)牛舌唔算好特別,正正常常,如果鍾意食牛舌可試,正常串燒.安格斯牛扒定食($118)呢份牛扒絕對係超值,入口即溶感覺,唔會好un,所以十分推介大家叫呢個定食!口感非常豐富,牛味濃郁,絕對係對佢讚不絕口.如果本身對牛有執著.相信唔會令你失望/野牛肉鍋($82)店內都唔少人叫呢個牛肉鍋,價錢上的確都會比其他局酒屋貴D.但佢材料充足,好似食極都未完咁,兩個人食絕對剛好.類似壽喜燒,帶點甜嘅湯底,整體OK,唔會勁驚喜.

這次是第二次幫襯，上次是午餐，今次是晚餐，平心而論，這間餐廳的性價比算高，價錢不是很貴，而且味道很中上，但可惜服務真的很差。1.食一餐飯要起身讓人出入多次，想安安樂樂食餐飯都唔得，那是設計上的失敗，坐位被圍欄圍著，只有一邊可出入. 2.另外當你投入想食飯傾計時，侍應會打開你枱邊的櫃桶，取出餐巾和墊枱紙，然後大力關櫃桶，仲要係幾次，咩食飯氣氛都被啲關櫃桶聲震走晒。3. 侍應會在你身旁飛象過河收拾隔離坐位的餐具和傳菜，究竟想點？總括而言，沒見過一間裝修的這麼靚的日式餐廳服務和做事方法是這麼差，相信不會再幫襯了。

新開日本食肆，午市套餐都有很多選擇各個定食都有前菜：什菜沙拉配醋汁和茶碗蒸蛋，蛋蒸得滑滑的。仲有甜品: 啫喱一口炸雞便當配牛肉烏冬，雞皮炸得脆且大大件，且伴有薯蓉。牛肉烏冬份量也不少。日替便當三段刺身：三文魚、甜蝦、帶子，都很絴甜。大蝦天婦羅，有蝦、茄子、冬菇，炸得鬆脆。日替：汁煑豬軟骨，一咬便鬆開，炆得軟淋。配飯、麵豉湯。天婦羅什菜餅烏冬便當，亦有刺身三拼，牛肉烏冬、什菜餅有露筍、芋條、茄子條、冬菇等，又脆又鮮。

今日同屋企人喺屋企樓下呢一間新開嘅日本料理試下☺️入面裝修好靚 真係好似日本嘅居酒屋有幾間小房間 可以畀一班人傾下計聚下嚿👍仲可以閂門😘和式設計 入到去仲有拖鞋著超正🥶🥶不過我哋得兩個人所以喺出面食。。位置都好舒服 夠大 木枱木櫈有日本feel有大大個 open kitchen可以見到師父係入面整壽司刺身感覺好乾淨😉.💟刺身拼盤望落去每樣嘢得幾舊咁但其實勁厚切一舊等於三舊刺身全部都好新鮮其實睇圖都睇到特別推薦 帶子同生蝦 勁鮮甜好新鮮💋💟牛肉鍋定食牛肉好多 用壽喜燒湯加埋蛋仲有大量蔬菜 有好多粉絲味道甜甜地好好餸飯牛肉又夠嫩唔係肥牛 抵讚✅個飯係珍珠米 撈埋個湯食老實講兩個人食 已經七成包💟牛舌老實講不過不失 價錢有少少貴46蚊💟豚肉天婦羅好大塊 味道非常唔錯 又脆豬肉喺入面 唔會好鞋 少少調味唔會有油膩感覺同埋配菜食真心唔錯.🎀鮨岐🎀紅磡必嘉街100號地下11B號舖

呢間新開嘅小店，出品都還好，價錢都唔算過份。中午lunch set都係100左右沙律，茶碗蒸。em....味道不過不失。普普通通海膽什錦魚生飯，$98有車海老，三文魚，帶子，八爪魚，池魚，小小海膽。。都幾好嘅，份量都算多十二貫sushi set，$138十件sushi加兩件玉子，sushi就正常，不過玉子。。。。無蛋味，無甜味，無味。。出品，價錢。環境都尚算可以，不過服務就。。。可能飯市比較忙呱，成餐飯都無加過茶，飲到見底了。

裝潢色調以淡雅素色為主，環境簡潔明亮，帶出舒適寫意的感覺。座位之間也留有空間，不會感到逼狹。食物款式選擇多，價錢親民。銀鱈魚西京燒 ($128)魚肉香滑鮮嫩，口感細膩，味道帶點香甜，脂香滿滿，一吃難忘。明太子雞翼(2隻) ($40)賣相十分討好，雞翼非常飽滿，令人垂涎欲滴。雞翅內釀滿了明太子，帶點微辣，惹味香口，認真開胃。黃金汁燒蠔(2隻) ($49)色彩繽紛的燒蠔賣相誘人，非常搶眼。蠔非常飽滿、鮮味十足、蠔味濃郁，真的令人非常滿足！

今日來到紅磡，見到有間新開既日式餐廳還是試業中，外觀看上來非常優雅，真的是行過路過，不可錯過，當然要入內試試啦。店內以淺木色為主，裝修得簡潔需舒適，每個座位間距離適中，不會出現好迫的情況。座位方法亦有多種選擇，例如四人枱、卡位、還有可包廳的房間。食物方面，除了壽司外，還有炸物天婦羅、串燒、爐端燒、魚生丼等等。味醂魚干魚干味道鮮甜香口，內裡還保留了其肉汁，煙韌彈牙，口感一流。銀雪魚西京燒銀雪魚表面燒至金黃色， 香氣撲鼻，垂涎欲滴。無骨啖啖肉的魚肉肉質的嫩滑，相當creamy。北海道三色魚生飯北海道三色魚生飯上加上滑蛋，輕輕一切，便把蛋破開，蛋醬都隨着流出，混合蟹子與刺身(三文魚、帶子、白身魚)，更顯各刺身的鮮嫩，清甜，正。