鮨樂 (新鴻基中心)

營業中

休息中

新開左一陣仔既灣仔分店，一入店侍應即刻詳細介紹餐牌同埋近期當造刺身，今時今日咁既服務態度唔錯🤣食物賣相吸引，質素就未如預期，不過價錢都正常既☺️▪️ 稻庭烏冬壽司定食 💲128 (午市套餐)前菜有芝麻醬沙律同埋味噌湯🥣稻庭烏冬係可以揀熱麵或者冷麵，我呢個熱麵扁長身順滑得黎帶點韌性，不過湯底略鹹🤭全部壽司都已經加左芥辣，而飯底係用上赤醋🍣平時唔係特別鍾意加州卷同埋玉子，但係呢啲都還好，其餘刺身新鮮度一般，熟蝦太乾，三文魚、魷魚、油甘魚、吞拿魚軟身無彈性，而且都係魚味好淡🙈🔎 整體評分（6/10）

最近經過這間餐廳，都在心裡慨歎：疫情下開食店搵食真艱難，沒了晚市都不知道他們怎麼生存。趁它還在新開張期間，約了朋友來這裡試試，整體感覺不錯。進入餐廳便被輕快的日本流行音樂環繞，再加上明亮的燈光和新淨的裝修和餐具，感覺都幾日本。最正的是在擁擠的灣仔可以找到找到這間具空間感的餐廳，再加上視覺和觸覺都做得很好，整潔乾淨，加分。食物種類中規中矩，不多也不少，不過如果你也喜歡生冷食物的話，總有有一款合你口味。其實我們也只是隨便選擇，吃過感覺也不錯。海膽很滑很肥美，三文魚子也不會太咸，麵豉湯溫度適中，溫暖而不燙嘴，沙律擺放得很精緻。最欣賞的食物是壽司，因為壽司醋調味不錯，壽司飯很有嚼口，加上切割和弧形貼合壽司的高質魚生，令壽司的大小和形狀都非常適合一下放入口中，讓舌頭感受魚生油分帶來的滑溜，讓香氣浸滿嘴巴，大滿足。伴碟很精緻，更有我喜愛的紫蘇葉。在灣仔區，午飯時間很多餐廳都很擠擁很難找位置，反而這間餐廳不擠擁。不嫌貴少少，又想吃好一點的話，不如就幫襯一下，特別是趁它最很新淨的時候好好享受，並希望它保持水準，讓更多人欣賞！

迷你蛋糕生日book咗Grand Hyatt staycation, request early check in 完就比迷你蛋糕揀一早睇定既餐廳，佢揀咗食壽司極上金目鯛丼金目鯛，三文魚，三文魚子，牡丹蝦全部都好新鮮，珍珠飯混入赤醋，鮮味提升梅壽司盛合12件壽司同樣新鮮，壽司飯同樣係混赤醋，飯比平時食既壽司少3分2，非常好唔會太飽，可以試多幾樣薄坍金目鰂2切油甘魚 2切鮮味十足，魚脂豐溢鰯魚壽司（北海道）好少地方有得食，魚味突出柔軟鮮甜和牛壽司微熱，脂香肉嫩厚灸燒鰻魚灸燒得微脆

小妹又要食sushi喇😆😆😆今次同男朋友去《鮨樂》由銅鑼灣出發行去新隆基大廈都係15min放工行過去都好近我地行到過去一眼就見到，成間舖頭黃啡色大大隻字寫住《鮨樂》等咗大約5分鐘就入得一入舖頭個個都會同你打招呼就算你兩個人，都會比四人卡位坐得好舒服，而且好好禮貌坐低之後，服務員會介紹今日咩壽司特別新鮮或者季節當做/ 值得一試聽完介紹之後，我哋最後order左幾款特別壽司鰤魚壽司🍣 $38@件好推介，真係好肥美好當造活赤背壽司🍣 $48@件新鮮爽甜，可以一叫炙燒魚背壽司🍣 $28@件入口即化，性價比較高另外亦叫咗鹽燒牛脷🐮 $32@ 3件炭燒表面+多肉汁自己多數都會叫燒牛脷呢個味都OK另一款係special snack鮟鱇魚肝🫕 $59@碗好特別，第一次食清酒浸住醃製了的魚肝鹹鹹地，仲有少少酒味味道好夾👍🏻推介一試👍🏻👍🏻大食男朋友當然唔夠飽啦所以我哋叫咗一碗丼飯特選刺身丼 $158@個平價之選，刺身新鮮，而且份量不少最鍾意食帆立貝，夠晒jeng😆但係飯底調味偏鹹，未必個個都鍾意最後「梅」壽司盛盒12件 $308好好食呀，件件都新鮮又大件又好味，特別係個海膽壽司哇 成個口都係海膽味 超正

同小朋友去會展睇展覽，兩個餓到暈，我就帶佢嚟新鴻基中心呢邊覓食，行天橋一過到黎，就俾佢地發現有至愛嘅日本菜😆✨冷稻庭烏冬壽司定食～幫唔到呢個lunch set係咁有份量😍，除咗主角凍烏冬之外，有五件壽司、兩件卷物和一件甜蛋，凍烏冬處理得好好，入口凍冰冰又非常彈牙，唔會過硬，壽司少飯，刺身部份卻大大件又肉厚🥰✨象拔蚌刺身～呢款份量唔多，始終都係貴價食材，勝在入口好新鮮，條條都咁爽脆，食完都有啲意猶未盡添！✨明太子雞翼～雞翼都頗大隻，脹卜卜，外皮香脆，甜甜地，明太子味道香香辣辣，兩者交融，好惹味！ 呢度lunch定食款式夠哂多，帶小朋友都好適合👍🏻

過嚟灣仔呢邊攞完身分證，發現附近新鴻基中心嗰度開咗新嘅食店。Lunch set 性價比極高，套餐包埋麵豉湯、飯、沙律、飲品。仲有好耐冇見嘅波子汽水，.加$15就有😍🍀蒲燒鰻魚丼定食～鰻魚非常厚身又大條，燒得啱啱好唔會燶，入口juicy，份量足夠🙌🏻🍀天婦羅盛～天婦羅件件分明，脆漿唔會太厚，上枱仲係熱辣辣出煙，鬆軟又脆口，好有口感！ 🍀白子～爽滑質感，配上日式酸汁，入口即化！白子本身含豐富蛋白質，唔係咁多餐廳有得食，屬矜貴食材，越食越養顏❤️❤️

話說上星期六我地帶左仔仔返航青之後，原本都只係打算搵間餐廳hea下等到夠鐘去接放學，但路過見到新開嘅鮨樂，望入去又好似幾舒服咁，所以最後老公就決定入去食返個豐富午餐啦！入面環境都真係唔錯，而且都坐得好舒服呀！食物種類都算多，所以都好難選擇呢！係店員推介下，我地先嚟左北海道直送嘅岩蠔同埋鰤魚壽司，個岩蠔真係冇介紹錯，肥啫啫之餘入口CREAMY又鮮甜，真心覺得好好食，如果唔係已經ORDER左兩個SET怕食唔晒，我都仲想食多隻添呀。鰤魚壽司都好新鮮我地兩個嘅lunch set會先送上沙律同麵豉湯老公就叫左一個特選三色丼，碎拖羅、三文魚籽再加海膽，佢話唔錯整體上都好鮮甜，尤其係啲海膽好新鮮，所以原本佢話分一半海膽俾我，到最後完全冇左件事囉。我就食一客12件嘅梅 壽司盛合，基本上每粒壽司都好鮮甜，而且每片魚生都幾厚身嘅，我個人就特別推介海膽、油甘魚、牡丹蝦、拖羅、同埋帆立貝。依餐真係食得勁豐富，我地都食得勁滿足，性價比超高，下次要帶埋仔仔嚟一齊食呀！

高檔日式壽司店🥢 裝修好有日本風格，吧枱座位都好開揚，可以清楚望到師傅手勢😆*白子 $ 48配柚子汁幾清新，但覺得唔夠肥美*北海道岩蠔 $48好肥美，新鮮爽甜*本鮪 (大拖羅) 壽司 $48入口鮮味，但未至於入口即溶*炙燒佐賀和牛壽司 $48牛味濃郁，油脂充斥口腔😋*剝皮魚壽司 $48切成絲狀，魚肉黏滑清甜*新鮮鯖魚壽司 $38札實廿甜，帶有淡淡魚油香*梅 壽司盛合（12件）🍣壽司用上赤醋飯，size會較細，可以一啖過好好品嚐刺身鮮甜特別出色嘅係帆立貝🤤 厚身又鮮甜😍*金目鯛丼 $248🍱亦用上赤醋，但份量極少整體三文魚籽最正，金目鯛肉質細嫩，白身魚淡淡清甜，對比之下三文魚最遜色

大家都無得飛好耐啦~一定會思鄉病發!所以而家可以做嘅就係食返餐地道嘅就當回咗鄉架啦~又就嚟聖誕節🎄🎄攸桐爸帶我去食好嘢~.鮨樂 Sushi Raku📌灣仔港灣道30號新鴻基中心1樓137-139號舖.攸桐爸揀咗呢間位於灣仔新鴻基中心新開嘅鮨樂佢哋好貼心會提供口罩套比客人(值得一讚!).我就點咗呢幾款啦～♦️ 春子鯛壽司(灣仔分店限定)壽司嚟到時, 紅紅地, 我仲以為係唔係有問題原來唔係呀~係佢哋用咗赤醋整成架!用赤醋，用酒粕發酵製成，酸味較濃，最適合配搭濃味的刺身🍣而春子鯛師傅都有用到柚子入口前你會聞到好清香嘅柚子味春子鯛口感比較特別, 唔同一般嘅魚生, 入口會有油份但又唔會"鞋"身~ 所以感覺真係好特別大家可以一試~.♦️ 白子小食(灣仔分店限定)大家知唔知咩係白子?白子其實係魚嘅睪丸😱😱😱你哋可能一聽會覺得好噁心但佢入口即溶, 好滑架, 非常鮮味~含豐富蛋白質同維他命D~養顏功效一流!👍🏻👍🏻.♦️ 剝皮魚壽司(灣仔分店限定)呢個壽司都係好特別佢上枱嘅時候有D似花之戀咁但係食起上嚟好鮮甜好新鮮.♦️ 吉列蝦反卷呢個食品好多地方都有得食但佢哋嘅蝦好爽口彈牙炸粉又唔會太多! 味道啱啱好~.♦️

之前同老公兩人世界去睇Mirror 6子演唱會🥳上網見有人介紹鮨樂呢間日本餐廳一直都好想去試🙈見係灣仔會展附近有分店🇯🇵就一於去食dinner 試下係咪真係甘正❤️餐廳環境好舒適 充滿日本風情 有長長既Bar 枱可以睇到師傅喺你面前整壽司🍣呢度主打高質壽司🍣 有OMAKASE 😍不過時間關係無得慢慢坐低食我哋就無點呢個餐餐牌上除左OMAKASE 餐 每日推介外仲有得散點壽司 盛盒丼飯 炸物 煮物 小食 等等😋😋😋我哋就點左牛油果蟹肉沙律🥗蟹肉海鮮蒸蛋🥚特上壽司盛盒 特選刺身丼炙燒厚鰻魚壽司 黑松露炙燒三文魚壽司同軟殼蟹手卷🦀壽司係即點即整💯最正係呢度既壽司係用赤醋飯💓完全唔洗點豉油已經好夠味魚生亦都好新鮮 全部都好新鮮鮮甜🌟特上壽司盛盒 個3個軍艦係重點🤩海膽 三文魚子 吞拿魚蓉 全部都滿瀉😋而軟殼蟹手卷都好出色 紫菜係脆既蟹亦都好大件 $28 好抵食仲有牛油果蟹肉沙律我都10分推介🤣比較特別 通常外面嘅日本餐廳只有蟹子沙律🥗總括而言 所有食物都好有水準👍👍👍下次一定要來試吓OMAKASE 🤟🏻

好耐冇去日本，超級掛住日本菜去完會展，就行左去灣仔新鴻基中心新開的鮨樂開餐！環境充滿居酒屋的氣氛，新裝修座位舒服，仲有Bar 檯可以同壽司師傅傾偈！店員好有禮貌，會記得你嘅稱呼，親切推介menu，服務超級好 ！不過我唔想諗咁多，嗌咗個刺身丼同壽司set 🤣特選北海道丼我俾相片上嘅海膽吸引，即刻點！用料超級豐盛海膽、三文魚籽、帆立貝、牡丹蝦、蟹海膽非常新鮮，味道鮮甜，加埋蟹肉、三文魚籽、帆立貝、牡丹蝦，作為一個海膽迷，大滿足值得一提，丼物嘅飯採用赤醋飯！超級開胃！松 壽司盛盒 食壽司最緊要新鮮，每一款厚切大件，配合埋赤酢壽司飯，好快K.O 哂，好味！鮨樂 (灣仔)灣仔港灣道30號新鴻基中心1樓137-139號舖

終於比我搵到一間高質素嘅日本餐廳 最重要係價錢一啲都唔貴 坐得又舒服 服務都好好依一間雖然唔係好近地鐵站 但係咁樣人流就會少啲 都避免左要排隊 呢度都有得食廚師發板 價錢都唔算貴Gillette Shrimp Uramaki吉列蝦反卷有六舊咁多 炸蝦唔會炸到好乾身 而且啲炸蝦好大隻 出面包嘅飯都好簿身Salmon 2 Slices三文魚刺身2切三文魚刺身都切得幾厚 亦都冇未解凍嘅情況Fried Chicken Cartilage炸雞軟骨鍾意食炸雞軟骨嘅我 覺得呢度嘅雞軟骨炸得好香口 份量都唔少 而且唔會好咸Salt Grilled Beef Tongue鹽燒牛脷呢度嘅牛脷真係值得食下 除咗夠厚身之外 最重要係你一咬就咬得開 一啲都唔unSalmon Sushi Set三文魚壽司盛合呢一個拼盤真係好抵食 而且$70左右就食到 鍾意食三文魚嘅你一定要嗌！

好掛住日本呀🇯🇵早幾日放工就去左灣仔食壽司🍣 去左 #鮨樂 回味一下日本的味道～點選了 #是日推介愛女魚肉質都很厚身都比較韌，味道十分新鮮👍🏻石垣鯛都切很厚身，入口很有口感，鮮味十足😋特選刺身丼有甜蝦、油甘魚、三文魚的刺身丼，就咁睇落去已經非常新鮮北海道三文魚子手卷最愛的三文魚籽，粒粒新鮮咬落去好有口感，回味無窮🥰炸軟殼蟹手卷軟殼蟹整得很出色，炸得好鬆軟美味，食完仲想點多件👍🏻👍🏻👍🏻

之前聽朋友講過呢間「鮨樂」幾好味😋，所以我一直都想去食。今晚經過灣仔，知道有間分店響灣仔，所以決定今晚去食😋呢間餐廳裝修主要係用木，所以充滿日本風格。餐具筷子座得意，係鯨魚黎🥰咁得意嘅風格真係好日本☺️店員亦好有禮貌同埋好詳細同你講解佢哋既餐牌上嘅食物👍🏻梅壽司盛合🍣一共有12件，店員解釋係由吞拿魚開始食起。每件魚生都好肥美丶好大件同厚切，亦都好鮮甜😋。壽司飯係赤醋飯，用紅色嘅醋整成嘅壽司飯。同埋每件壽司飯都好細舊所以唔會好濟。而大拖羅壽司超好味，入口即溶丶好肥美😍😍海膽好濃郁丶好creamy !!!😍😍炙燒佐賀和牛壽司🐮因為炙燒嘅關係，令到和牛嘅油脂出咗嚟，入口即溶，又食到油脂嘅甘香，好好味😍😋岩蠔🦪呢個係黎自北海道，店員話呢係是日推介，我哋又好鍾意食蠔，所以試吓。一黎到，見到d岩蠔好有色澤又飽滿。一入口，哇！好鮮甜丶好肥美丶好creamy！！超正！😍😍牛肉稻庭手打烏冬🍜呢碗烏冬係細麵質，而牛肉係半生熟丶粉嫩粉嫩，所以食起上嚟肉質好嫩，好好味😋而且牛肉有好多片，店家比得大方👍🏻。天婦羅盛🍤天婦羅包括蝦、日本南瓜、日本番薯、日本冬菇丶紫蘇葉。每件都炸得好酥脆，又唔厚粉👍🏻南瓜同番薯好甜😋

妹妹鍾意食日本野,所以有新嘅日本餐廳都會同妹妹去試.今次哩間新開嘅日本餐廳係灣仔叫鮨樂,環境舒適光猛,位置闊落.吧枱位置可以見到師傅整壽司,卡位牆上掛左日式嘅字畫,風情十足.一坐低職員就好親切介紹是日有咩新返嘅刺身,有咩佢地會特別推介等等,最後會講返自己叫咩名,有咩可以搵返佢,哩種服務態度真係好值得一讚👍🏻赤鯥壽司-油脂含量豐富，味道鮮美鹽燒牛脷-牛脷厚身多汁,好JUICY炸雞軟骨- 份量十足,香脆唔會油淋淋本鮪（中拖羅）壽司-油分適中而無筋，入口即溶而魚味濃郁本鮪(大拖羅）壽司-油分多分布亦多，但筋位亦較多，較有咬口三文魚腩壽司-肉質柔軟鮮美,滿口油香自家制厚玉子壽司-玉子壽司上面印有店鋪名非常有特色,玉子香甜炙燒原條海鰻壽司-海鰻比一般鰻魚薄身,食落冇咁啖啖肉,味道較淡北海道海膽手卷-海膽呈鮮橙色，香甜濃郁虎蝦天婦羅手卷-虎蝦好大隻,香脆而不油膩宇治金時雪糕-抹茶味濃郁,紅豆微甜