鮨秋 (已結業)

午市唔使加一👍鰹魚湯牛肉稻庭幼烏冬+配加州卷兩件其實最感覺麻麻哋，就係個稻庭幼烏冬。可能係我第一次接觸呢一款烏冬，食落去嘅感覺有少少似壽桃牌上海麵。鰹魚湯底又層次OK嘅。肥牛都唔算係好肥，還好吧。至於碗入面有兩大件蘿蔔，但係食落去都係冇醃過嘅蘿蔔。麵豉湯不錯的，唔似一般飲到麵豉嗰隻死鹹。但係我唔明點解面試湯偏油？加州卷正常，唔伏。三文魚三食丼，漬物三文魚有驚喜。飯有點多。紫色嗰一坨泥係洋蔥泥。自家味道幾好，唔會太辣。

午餐時間，今次揀咗日式餐廳——鮨秋。餐廳裝潢以簡單日系為主調，柔和嘅燈光營造咗舒適嘅用餐氣氛，特別嘅係入邊有電視可以收看。溫泉玉子牛肉飯$62整體上，肥牛份量都多，牛肉口感偏韌，部份牛肉帶有一些筋位，需要慢慢咁食，但肥牛味道都算濃厚的。配搭嘅洋蔥亦都偏少，牛肉汁都算多，飯味帶濕潤的牛肉味，溫泉蛋是唯一的亮點，稍微有點凍，影響整體口感，但溫泉蛋蛋味濃厚，配搭起嚟充滿層次感。整體嚟講，質素上可以有所提升。

滑蛋豬扒飯滑蛋鰻魚飯三文魚壽司×21. 三文魚有骨:這道三文魚有骨的料理別具特色。三文魚肉質鮮美紮實,搭配骨頭卻不會顯得過於繁瑣。骨頭本身增添了獨特的口感,在咀嚼時能感受到豐富的層次感。調味也恰到好處,既沒有掩蓋住三文魚本身的鮮美滋味,又為整道菜增添了更多的層次。配菜也很講究,為整個組合增添了更多的趣味性。對於喜歡嚐試不同口感的食客來說,這道三文魚有骨肯定是一個不錯的選擇。2. 滑蛋太過濕的建議:對於滑蛋太過濕的問題,我有以下建議供您參考:首先,在炒蛋之前,可以先擦乾鍋底,控制好油溫,這樣能夠減少蛋液過多。其次,在打蛋時可以加入一些淀粉或麵粉,適量增加蛋液的黏稠度。再者,炒蛋的時候要小火慢炒,不要讓蛋液過度融化。最後,最後一點蛋液可以用湯匙舀掉一些,控制好蛋液的量。通過以上幾點調整,相信您下次做的滑蛋會更加完美。3. 三文魚，唔新鮮

外賣平台嗌外賣，竟然仲有8折，相當吸引。牛油軟殼蟹卷 $37.6有3舊，大大片牛油果放面，有別於一般夾係中間甜蝦壽司（ $19.2 ）新鮮，仲要勁大隻，海膽軍艦（ $30.4）都好鮮甜刺身丼+可樂 $66特價刺身丼份量都唔少，仲要厚切，仲要唔係俾d 平價刺身，超抵食，刺身好新鮮，山葵仲要係自製，真係有心思💕豬軟骨拉麵 $67.2豬軟骨味道唔錯，可惜淋得濟，碎晒😅滑蛋吉列豬扒定食 $75.2豬扒夠脆，外脆內軟，份量都唔少，豬扒大大塊整體黎講，無謂食物賣相、味度、食材新鮮度，都好好，仲要有特價刺身丼，抵食👍

難得女朋友小絲來屯門，當然要帶佢去食佢時少時最鍾意既日本料理啦。雖然住了屯門好耐，不過這間鮨秋都是第一來。一個食飯要摼錢同小絲嘛。平時少吃日本菜是因為給我的感覺很貴，所以每次同小絲食飯都擔心非常。好彩這間鮨秋價錢很經濟實惠，最平的2人餐少$200多些許。我還很闊綽多付$20加一客拉麵。這個鍋物2人餐，雖然是價錢最平的一個餐，但份量出奇地多：牛肉鍋，壽司4件，串燒4串，芒果沙律，天婦羅3件，湯或飲品2客。食物份量很多，不用加拉麵，2個人已經夠飽肚。尤其是牛肉鍋，超多肉。每款食物的味道雖不致很好，不過在這個價位已超出預期。若坐位的空間再大些就好，食物來到已沒位放。小絲沒問這餐價錢，我就當然說很貴啦。不知她在想甚麼？

魚生尚算新鮮肥美，招待一般，跟餐有味增湯。環境清潔， 餐廳有餐位及吧檯， 地方不算大。價錢性價比 都算合理。但魚生飯每款要加多二元，話說來貨物價貴左， 職員落單前都有說明 但門前沒有明確注明。

溫泉蛋是冷的, 配菜黃色蘿蔔是鹹的, 熱食配上凍蛋, 很奇怪。麵豉湯不鹹, 啱我口味。另外點了豚肉拖羅烏冬, 豚肉拖囉感覺像吃豬頸肉, 餐廳客人不多, 估計是因為食物及價錢, 下次唔會再嚟啦

同張圖差天共地 好耐未食過咁難食既野張相成十幾塊海膽 成品得三粒 D蝦又乾又唔新鮮仲要賣成238本來諗住好食的話 再叫多幾件壽司真係估佢唔到 完來難食係無下限點對得住D食客

好耐無食過日本料理🍱趁開放番夜市堂食 就試吓呢間日本料理🎏可惜有點失望😮‍💨 三點盛刺身（三文魚 帆立貝 甜蝦）🍣$98三文魚夠厚身 帆立貝帶鮮味 甜蝦夠鮮整體算新鮮 份量算多 都幾抵食蒲燒鰻魚定食🍱 $98鰻魚有點碎骨 燒到有啲乾麵豉湯入面有幾片海帶 味道比較淡一級叉燒拉麵（轉烏冬）🍜 $68食日本拉麵慣常有配料 但係唔知點解呢碗只係得一塊叉燒同一舊蘿蔔….🫥唔知會唔會因為啱啱開放夜市 未預備好材料 定一係圖片真的只供參考🥲吉列豬扒烏冬🍜 $75豬扒炸得香脆 可惜肉質太乾🥲烏冬較淋身 湯底唔會太咸 比起叉燒烏冬還可以鮨秋📌 屯門良德街11號寶怡花園地下26號舖#鮨秋 #日式 #屯門 #屯門日式料理 #相機食先 #晚餐吃什麼 #午餐 #晚餐 #拉麵 #烏冬#定食 #屯門日本料理 #日本料理 #hkig #Tuenmun #food #hkfoodie #foodie #foodieblogger #foodiehk #foodblog #hongkongfood #hkfood #foodstagram

夜晚外賣，見佢寫外賣9折，唔係平好多，但當支持下啦，咁啱想食日本野。買咗個壽司拼盤，點知原來無折。算，但個收銀語氣真係麻麻。返到屋企食壽司，真係aeon 60零蚊既壽司都好食過去。壽司其實得十二件左右，但啲魚生係超級普通，敗筆係飯，同壽司夾唔到，而且太硬。呢個價錢，屯市有好多好選擇，如果唔係咁啱經過，真係唔會買。當然，建生區得兩間日本野，我估好多鍾意食日本野既人都無乜選擇。不過呢間野真係搞唔掂。佢令我寧願行遠啲或者唔食，都冇再翻食既感覺。

呢間舖睇住佢開，開始嘅時候見到佢有用心做食物嘅，但時間耐咗，食物嘅質素就開始變差。一個月前食過晚餐，已經覺得D魚生唔新鮮，幾款魚生食落都係一種味道！所以已經一個幾月無再幫襯。今日午餐呀仔話想食壽司，咁我心諗俾多次機會，試吓有無改善啦！點知係仲衰過上次，我揀咗I套餐係魚生定食價值$75，魚生唔太新鮮不特止，連魚生飯都唔合格，飯太淋啦😣點都食唔落😔而呀仔叫嘅係C餐親子魚生丼$58一樣衹食咗幾件三文魚，飯全部無食，咁就同個負責人反映D食物質素唔掂，佢就話換過一份俾我，但我話D飯咁樣都係同一煲飯，換都無用吖！唔駛喇。咁我一個餐衹係食咗2舊玉子、一件太卷（最難食嘅）、一件帶子壽司和一塊刺身（因D飯太難食諗住衹食上面）咁我就叫走埋單嘅時候，佢都係收番我$133。😟2個人都係食唔飽，返家前仲要買個飽食，越諗越唔抵😰。

星期六我同屋企人響度食午餐，屋企人叫咗個拉麵，冇乜特別正正常常，不過不失。我就食咗個午餐A餐雜錦魚生飯，有三文魚、吞拿魚及油甘魚粒。飯到時見所有魚生都撈了豉油，但芥辣是分開的。當時不以為意，還覺得很細心落埋豉油。但食食吓就發覺有些不新鮮的酸宿味，然後再逐粒去試去望，發現吞拿魚粒並非全生那種，而係火灸或灼過一下，因面那層是灰色的。 吞拿魚的味道很不新鮮，咁樣用火或水灼一下，再將所有魚生一齊撈豉油，就可以蓋過灼了的吞拿魚色和味道？！我當然唔會知道佢真正的製作過程係點樣，但就係食到唔新鮮，同埋有酸宿味。其實好好地一間地鋪，裝修靚靚仔仔，無謂攪衰個名。唔新鮮甚至就壞的食材，寧願棄掉都要換過新鮮嘅啦，覺得蝕咪賣貴少少囉。魚生壞，真係會食壞人架！

與同事到一間日式小店吃午餐，店內座位狹窄，舒適度麻麻！餐牌款式比較普通，沒有什麼特別！隨餐奉上的麵豉湯，味道只屬一般，三文魚薄切，口感一般，唯魚肉尚算新鮮，而雜錦魚生飯相對較為好，口感不俗，魚肉頗有鮮味！

天口熱想食壽司丼 嚟咗呢間環境都算唔錯日本餐廳叫左個三文魚親子丼lunch set包碗湯 三文魚份量都唔孤寒， 有五塊亦唔係薄切切咁， 呢個價錢黎講算係咁三文魚籽份量就略為少，唔夠撈飯，搞到食到一半得翻半碗白飯，淡某某，有啲可惜。壽司飯正常味道，冇縮味，不過就暖暖地，成件事有小小奇怪。另外佢個刺身豉油咩都有啲偏鹹，大家食個時唔需要加咁多啦😆之前都食過佢個溫泉蛋牛肉飯。 覺得對比之下，牛肉飯優勝。成個飯keep住好濕潤， 加埋牛肉汁同燒汁非常推介😌

今日諗唔到食乜，最後去左屋企附近一間日本餐廳「鮨秋」買外賣，叫左《自選壽司🍣》1️⃣ 2 x 火炙魚背 $262️⃣ 2 x 火炙三文魚 $163️⃣ 2 x 油甘魚 $164️⃣ 2 x 鯛魚 $245️⃣ 2 x 赤蝦 $246️⃣ 2 x 吞拿魚 $447️⃣ 2 x 蔥粒吞拿魚軍艦 32價格💰：$166 ($182 + 外賣盒 $2 - 9折優惠 $18)味道😋：OK