鮮芋仙 (黃埔天地)

營業中

休息中

鮮芋仙芋圓出名就唔使再講啦喺香港插旗到而家都仲要排隊先有得食不過除左芋圓之外佢哋嘅麻糬都超級好食好軟淋淋.芋薯圓Q麻糬牛奶冰 $52配料有芋薯圓 小芋圓 Q麻糬 冬瓜凍呢個份量根本3-4人share都得真係好味又超抵食😋

一碗45蚊既外賣招牌芋圓糖水，喺咁既樣！15蚊都俾多左！芋圓得5.6粒，珍珠細到睇唔到，芋頭喺一大舊，切都冇切開！紅豆好似煲好左10日咁，爛哂，爆開晒！ 舊呃稱冰占左外賣盒1/3，水占1/3，芋頭佔1/6。以上其他野共1/6。承慰45大洋！你不如去搶啦！你話好好食，啲料特別靚，我都忍！但啲材料又差，好明顯喺每樣筆少少，再加紅糖水！講真X記都唔會咁樣啦！點解仲會有人食？我利申，今晚第一次食，都喺最後一次食呢間！

鮮芋仙成日都會大排長龍，而且呢間座位唔多，外賣食唔駛等咁耐。佢開左呢幾個月我都食左幾次了，佢既芋頭真係同其他地方無得比，係台灣既味道燒仙草原來係成磚好似龜苓膏咁樣好得意，比普通飲嘅仙草更為爽滑有口感呢個係我嘅至愛招牌雙圓，食過一次之後，每次返嚟都要encore下面仲有仙草，真係好抵食咬開佢入邊係包住芋蓉同埋紫薯蓉，就算出面嘅護院同地瓜圓未必有最出眾嘅口感，包埋個餡就一定贏曬$29呢個拼盤超級抵食，除咗有好煙韌嘅麻糬之外，個杏仁布丁真係滑溜到不得了 而且杏仁味濃得來都好易入口

呢間糖水舖平時見好多人排隊，一直都好想試，今日早少少去，等咗一陣就有位。不過第一個印象就係員工服務態度唔多掂！叫咗芋圓5號$45: 有花豆、白玉、珍珠紅豆湯非常稀，紅豆渣少到好似水咁，唔講唔知有紅豆。紅豆水好多，但係料好少，啲珍珠仲少過飲珍珠奶茶😑😑😑 我唔係食得好甜嘅人都覺得佢唔係太夠甜。主打嘅芋圓煮得太耐，發漲，唔夠煙韌。白色嗰隻芋圓仲有雪味🙄🙄🙄仙草2號：地瓜、薏仁、珍珠$45冰底勁實 、無糖水 、無味咁。味道同價錢唔成正比。食剩勁多！太難食！

6點後禁堂食，唯有外賣返屋企食。依個芋薯圓Q麻糬牛奶冰（$52）好好食，份量大大碗，麻糬煙韌有𡁻頭，口感十足。芋薯圓咬落韌韌地，食食吓就會食到芋頭味，牛奶味好重，加埋溶咗冰食，味道啱啱好。依個芋圓紅豆湯（$42）比麻糬份量細啲，甜度剛好，但略嫌料少咗啲。

知道呢到開咗一排想試好耐，今晚特登走去試食，由於禁堂食，結果要外賣返去，我估堂食可能會好食啲，呢到最出名應該係芋圓? 所以點都要試下，之前都有朋友講話麻麻，但點都要親自去試食過先知招牌仙草冰沙（芋圓，仙草凍，仙草冰沙） - 芋圓份量都好多，但可能凍食關係啲芋圓比較硬身，影響口感，仙草冰沙啲冰碎太大粒，如果再碎啲食落感覺會好啲，例如棉花冰既質地紫米粥 - 好大碗同埋好足料，紫米好多，同埋類似麥米粥既料，熱食好食好飽肚珍珠雞蛋布丁 - 外賣返去賣相差咗，珍珠未煲軟熟，雞蛋布丁幾好味總結 : 可以一試，仍有進步既空間

份量同價錢合理，味道不過不失！！仙草凍個d冰難得用仙草汁整既冰，溶左味都唔會淡，不過紅豆份量較少，小芋圓黏埋一舊，而芋泥都幾多，但係唔夠起沙，經過見到無乜人都會再去食

芋薯圓Q麻糬牛奶冰 （$52）對於煙韌控既人黎講，呢個芋薯圓Q麻糬牛奶冰真係一個大滿足！長條狀既麻糬比起平時比較常食到既芋圓更有口感。份量又多又大份，兩個人些牙食都食到十分滿足牛奶冰加埋練奶，好香濃既奶味，不過我就覺得有啲略甜。同埋真係好足料大份，食既速度追唔上牛奶冰溶既速度，所以食到後期，啲冰已經溶到液體狀，所以真係要食快啲呢間紅磡分店比其他分店細，亦都較隱蔽，但食個日都依然好多人排隊等緊衛生方面都做得好足，我個日堂食但都用一次性既餐具

鮮芋仙銅鑼灣嘅分店就晚晚都排長龍嘅咁所以我就趁住黃埔lunchtime冇人食鮮芋仙買左碗外賣返office食 🤣我個人覺得個糖水底係ok geh但其實我又唔係話好識欣賞依碗野因為畢竟都似係將各種食材煮好 放入去就搞掂有種比較雜食嘅感覺唔係唔好食 但係好普通 😐//最搞笑係佢個碗底放左好大舊冰我唔知係外賣所以有依一大舊冰keep it cool定其實舊冰係for我篤碎佢黎食見佢又唔似係糖水雪成冰結果我就放棄左了🤫

鮮芋仙早排黎香港嗰陣好hit,上次銅鑼灣店排左二三十人等唔到，今次下午時份黎到黃埔店竟然無乜人。叫左個招牌芋圓2號，有啲失望，碗就大，但配料份量就唔算多(張相係用左匙羹兜起啲餸先影到)，$45黎講芋圓都算比得孤寒。紅豆沙底，有芋圓，薏仁，蕃薯，珍珠。蕃薯好甜，薏仁同珍珠都甜既不過就好淋，芋圓都食到有蕃薯芋頭味，有嚼勁。 但就似係紅豆沙湯入面加左配料咁，食到最後覺得有啲甜，要飲水朗朗口。作為芋圓芋泥控，呢種紅豆湯底我都係麻麻，下次都係食返牛奶仙草類。都係芋頭牛奶岩我多啲。

終於唔洗過海食芋圓😊之前係銅鑼灣 經常大排長龍 見到就想放棄排分店多左 自然容易食到😍芋圓係我係咁多樣甜品入面 數一數二最鐘意既一款 喜歡佢煙煙韌韌非常有咬口香港整芋圓比較知名同出色一定非佢莫屬喜歡食仙草同芋圓既我order 既時候叫左走冰，所以仙草既分量好多，要share 食先食得哂。🤗 就算去唔到台灣都可以係hk食住先代替。招牌芋圓仙草$45

之前已經聽過呢間， 不過因為地區一直都冇去試， 今次開到我公司樓下一定要試下環境： 由於我係外賣， 目測舖內裝修都好新淨同乾淨， 九點半鐘食完飯去入座率都有八九成食物： 點咗一個布丁同埋冰芋圓， 冰芋圓食法都幾神奇， 黑糖味下面有舊冰加芋圓紅豆，黑糖夠香， 芋圓彈牙， 配合埋冰一齊食， 口感好正黑糖布丁性價比高，10蚊一份， 布丁濃味珍珠彈牙。總體唔錯食物好食，價錢適宜， 下次會再幫襯

鮮芋仙終於衝出CPD 傳統旺區, 開始進駐藍籌屋苑! 這鋪前身是許留山, 鋪仔細細, 反適合附近的家庭買外賣回家, 所以應該客源不錯！今次選了芋圓2號, 有蕃薯、大薏米和珍珠。其實紅磡區附近也有性價比不錯的芋圓糖水店, 而且比鮮芋仙便宜接近一半, 但吃著這碗2號, 便明白什麼是一分錢一分貨, 黑糖糖水的味道和芋圓的口感, 全都恰到好處，非常地道! 而且蕃薯是上等貨色, 鬆軟有香味👍🏻 希望他們在擴展業務之餘, 能夠繼續保持水準!! 順帶一提, 負責收銀的女生溫柔有禮, 願意聆聽客人, 抵讚💯

無左許留山有小小唔開心因為黃埔本身都無乜甜品店要行到紅磡先有🥺開左呢間真係一大喜訊呢！叫左外賣返去食芋圓二號 8.5/10叫熱會係紅豆湯底芋圓質感幾好！而且同薏仁好夾！會回頭

鮮芋仙這次去了黃埔新開的那間, 舖位較其他分店細, 以為會有$1加配布丁的優惠! 怎料, 6:00 已經賣完了! 我們比較早去, 所以這次便不用排隊! .這次便叫了芋薯圓Q麻糬牛奶冰$52和上次一樣依舊好吃, 兩個人吃完一碗後, 已經飽到不用吃晚餐了～😂😂這次的配料有芋薯圓、Q麻糬、冬瓜凍和小芋圓, 與布丁的相比, 只是少了布丁和多了芋薯圓, 其他配料也是一樣～若是煙韌控的你, 你一定會愛上這個!!! 芋薯圓外表好像湯圓, 外皮是芋圓的質感, 而裏面則是充滿芋泥, 口感豐富! 冬瓜凍也是十分好吃, 是冬瓜味~ 帶點口感的啫喱! Q麻糬亦是我的最愛, 有黑糖和牛奶味!🤤🤤🤤 不過, 短時間內, 應該不會再吃了hahaha~ 有點太膩了🤣🤣