鮮芋仙 (荃新天地)

營業中

休息中

呢款甜品真係令人眼前一亮！成個甜品睇落去好豐富，好似一座小山咁。上面頂住個香草雪糕，雪糕質地綿密，入口即化，仲有少少焦糖醬淋落去，增添咗風味。雪糕下面係層層疊疊嘅碎冰，碎冰好細膩，食落好清爽。周圍仲圍繞住好多配料，有彈牙嘅芋圓、煙韌嘅黑糖凍，仲有香甜嘅芒果粒。每種配料都有自己獨特嘅口感同味道，同碎冰同雪糕一齊食，真係口感豐富。食呢款甜品嘅時候，真係好滿足，每一口都能感受到不同配料嘅碰撞。價錢又唔貴，份量又夠，真係超值！如果平時鍾意食甜品嘅朋友，一定唔好錯過呢款，真係會令人食咗又想再食。

作為大芋烘見到台式芋泥即刻心動，再被相片吸引馬上行動，但可惜事實與相片相差甚遠；見到實物仲似為比錯，好奇怪的再問一次，服務員嘅反應係「無錯，你叫嘅係咁㗎喇」，我真係估唔到距離係遠成咁，定係我要求太高？！平心而論，香港飲食業要救香港真係要用心做，更要從前線做起。

26-4-2025（Sat）晏晝，同老公去街市買嘢前，又食吓甜品，經過呢間睇吓，有嘢飲同台式甜品，而原來佢哋有堂食，係喎，我都唔記得以前呢間係滿記甜品。咁我哋入去坐啦，睇完menu，我要$48.00嘅仙草5號，老公出去買完拎入嚟，就多咗一杯嘢，佢話有每人$28.00嘅最低消費，所以佢用$48.00嘅凍QQ豆漿少甜。見到仙草5號都幾大碗，而材料有仙草，粉條，粉粿同珍珠。我先飲啖老公杯凍QQ豆漿少糖，唔凍，而係暖，少甜都已經夠甜，豆味都夠，而內裡原來有芋圓，地瓜圓同珍珠，重要係唔少。3分我哋就將佢加落仙草喥一齊食，仙草係滑，粉粿夠煙韌，粉條就冇咁煙韌，珍珠味道口感都正常，而原來底嗰喥係黑糖沙冰，撈埋唔凍嘅食材就夠凍，加埋奶就好食啲，最後連豆漿都倒埋落去食，味道更豐富。5分環境：唔夠冷氣，但之後因為仙草5號有黑糖沙冰，所以開始覺得凍。抵食係2.7分其他：除咗最低消費外，重有用餐時間45分鐘。

已經唔係第一次 ！講得上係成日幫襯 住附近成日食完飯會去買外賣 上次叫左甜品 叫左走珍珠 因為唔想太飽返到屋企發現變左走左芋圓 珍珠反而無走 無奈無得追又有一次叫小芋圓奶茶都可以無芋圓 真係嬲左另外 叫左個招牌冰 份量小到喊出黎 同店員提返上次叫咗甜品冇咗芋圓 佢一句 “無可能無芋圓 “就算完全冇諗住跟進或者任何補返 或者無唔好意思態度差 無下次了 已經比左好多次機會為咗想食芋圓先去食佢點知幾次都冇失望 由忠粉睇住佢變差！ 見到另外都有食評話外賣比漏 希望佢地會改善！

諗住嗌個豆花地瓜薏米糖水叫咗個熱嘅,攞到返屋企第一個糖水又唔凍又唔熱都唔知啲豆花有冇壞, 第二啲薏米唔熟, 第三啲地瓜係硬嘅睇相就知啦 it’s completely out of standard and so dissapointed. It’s hardly eatable and I suggest the shop should not downgrade its quality at any time. Make sure food is warm enough and fresh ! It’s not fresh !

國慶前請日假無反大陸，諗住同小朋友落街搵野食。減緊肥本身唔想食甜點，但小朋友行過見到個冰山話吸引就入左去。叫左個奶茶冰 做得好靚又好食，不過有小小大 一個大人加一個小朋友差小小食唔哂。 食到尾小朋友話太冰，問個店員姐姐服務好好，仲比杯暖水我地！讚 下次再食

招牌芋圓冰 $52原本以為係凍糖水，原來唔單只係冰涼，直頭中間有一堆冰。但啲冰好粗粒，好似食緊凍檸茶裡面嗰啲冰粒咁，一d都唔綿，好影響口感。其他材料芋圓都唔錯，煙煙韌韌。白湯圓冇味。下次可以唔要。紅豆牛奶冰 $60睇到嘅時候俾佢嚇親，咁巨大！但係冰粒超粗，一d 都唔綿！口感粗糙，啖啖冰塊。得個凍字。一啲都唔享受。唔推介。環境：★★☆☆☆ 食物： ★★☆☆☆ 推介度：★☆☆☆☆

帶陳皮妹去仙芋鮮食下午茶☕️，佢自己喺menu揀咗珍珠焦糖布甸🍮，搵咗位放低陳皮妹先，大約4成滿，再出去門口買嘢食攞埋，$18都抵，見佢開個現成既焦糖布甸🍮再加幾粒珍珠就完成✅，皓快手。食落冇焦糖味，珍珠Q正

今日同friend行街，咁啱見到鮮芋仙都冇咩人排隊就係去吓啲糖水同friend一人嗌咗兩個唔同嘅糖水：1.仙草芋圓糖水仙草滑捋捋，芋圓非常之煙靭啊，有芋頭味同埋黃色番薯味道，呢個糖水底啱啱好唔會話太甜，唔鍾意食甜嘢嘅可以試吓👍🏻2.芋頭芋圓紅豆糖水冰芋頭真係正，唔會話好硬咬唔落口反而係好冧一啖咬落去都有糖水嘅味道啦，唔會好dry，呢個糖水底同上一個糖水係一樣啦，唔鍾意食甜嘅都啱食❤️不過珍珠就好硬啦，可能因為凍水凍過之後冇熱個啲咁煙靭🥲🥲環境方面：張枱有啲污糟咗少少水漬啦，希望可以抹乾淨啲小總結：極之推介芋頭芋圓糖水，鍾意食芋頭可以試吓

昨日寫字樓同事請客，叫咗15盒外賣，我叫咗芋圓4號，啲芋頭超大舊又硬，嗰啲珍珠又係好硬，嗰啲沙冰應該叫冰塊，真係未試過咁難食嘅甜品，同事其它都話唔掂，下次唔會再幫趁。

我取了 106號票，之前有人再取票，但叫 107唔叫106， 我問點解唔叫106號時，話我1位所以未叫，之後又走去睇有無1個位，到我叫左野入坐，又有位男士入坐，先安排男士，我又再次被打尖，我即話佢地安排次序有問題，。即是要1位的去到被打尖，我不接受任何事情的打尖，佢點陪返被我。

今日有成30度行咗一陣街想解解暑經過見到呢間鮮芋仙去台灣必吃的店即刻沖入去叫左個芋圓食都有少少台灣嘅味道最鍾意食嘅芋頭唔係好淋嗰種台灣嗰隻係芋泥正好多環境都算乾淨舒服原來佢哋都有min charge兩個人最少要叫56蚊本來買咗個芋圓4號只係52蚊所以唔夠要專登多叫抹茶布丁抹茶布丁奶味比較重有少少抹茶回甘

我哋叫左兩個芋圓4, 比左5我哋，同服務員講，一個食緊(媽咪話唔知乜嘢嚟，佢照食)，阿女話唔要5，要番4，佢哋唔認錯，雖然肯換，但拎走錯果個，仲要加多句，‘’嘥嘢！！‘’，之後走開咗，我鬧番佢轉頭，你落錯單仲講，佢唔敢再駁咀，呢個四眼仔，做錯嘢之餘，仲咁話客，你唔落錯單，咪唔‘’嘥嘢‘’囉，鮮芋仙出埋d態度咁善嘅員工嘅？？？

珍珠奶茶冰以珍珠奶茶為主題，食落有濃濃嘅珍珠奶茶味，好似真係飲緊珍珠奶茶，為炎炎夏日帶來一絲絲涼意同舒緩。份量豐富，適合兩個人分享嘅甜品上面嘅布丁同雪糕同布丁都好好食，為成個甜品加咗唔少分！

芒果冰既清新又充滿夏日氣息。以芒果為主題，這款甜品唔單止味道充滿了芒果嘅鮮甜香氣，而且食落去仲特別清涼，為炎炎夏日帶來一絲絲涼意同舒緩。份量豐富，適合兩個人分享嘅甜品