鮮芋仙 (荃新天地)

營業中

休息中

諗住食個甜品，但係收銀男同事非常之冇禮貌。不停同身邊女同事傾偈大聲笑，收錢嘅時候極度冇禮貌。理解唔到點解做服務行業可以咁冇禮貌。其實如果唔想做真係可以唔做，冇人逼你返工。

每次去親都一定係叫牛奶冰佢性價比十足兩個人一齊食都夠有雪糕 小芋圓 大芋圓 愛玉 煙靭嘅麻薯條而且冰 啖啖牛奶味呢個刨冰一啲都唔單調 口感味道都勁豐富絕對推薦比大家超級抵食牛奶冰

想試咗幾日，行過終於決定買，買咗兩碗分別香芋同蕃薯芋圓珍珠，諗住請愛好芋頭的媽咪試新口味糖水，點知，頂!芋圓同珍珠個芯都係硬嘅，點食呀。好失望，未煮好唔好賣比人嘛, 難食到我的芋頭控媽咪都唔肯食，因為就連舊芋頭都"爽"架

疫情只供外賣，叫了招牌芋圓仙草沙冰，很快5分鐘左右做好。回去打開満満芋圓和仙草在面，倒下鮮奶，沙冰在底，叫了少冰。竽圓軟硬適中，但食唔到芋味，仙草很Q彈口，沙冰帶有黑糖水。整體okay。

鮮芋仙係各區愈開愈多，不過我第一次食鮮芋仙都係係呢間荃灣分店，平時呢間都係比較多人排隊，今日難得見到竟然平日唔洗排隊就入咗去嘆個下午茶～招牌仙草沙冰 $45平時如果有朋友同我share我就會嗌勁大份嘅牛奶冰，但今日一個人少少哋嗌個招牌仙草沙冰就算😂但一啲都唔細份😍雖然價錢比起平時貴少少但係真係份量比返咁多你🤩其實成碗就係芋圓、黑糖沙冰同仙草，食落冇咁甜，仙草幾清香，撈埋黑糖冰底都好夠味，芋圓口感都幾好，會食到啲芋頭同地瓜粒，真係真材實料嘅芋圓，完全明點解咁多人排隊🤣

Today I went to meet fresh, ordered the desert, it was very big! No problem for two people. But it is a little bit sweet.

本身一開始仲打算一人叫一份芋圓，但係望到隔離見到咁大份，即刻order左個大既一齊share，好多料，三個人share都綽綽有餘，並且食到下面d冰仲系有味既，唔會純水；芋圓極度煙韌，唔會過甜，我最鍾意個雞蛋布丁，雞蛋味好香，乜嘢都十分完美啊，太好了！(≧▽≦)

係附近食完晚飯，決定再買碗甜品糖水。咁啱係荃新天地1期食完飯，好近就有間鮮芋仙，鮮芋仙最近開左好多分店，好似好出名，就試下啦!原來佢d芋圓，都有固定配搭好，有1-6號揀。朋友話1號、5號比較好食，我就揀左一碗熱既芋圓1號。熱既係配紅豆湯，入面有綠豆、蓮子、珍珠，芋圓原來有地瓜圓同芋圓。d芋圓好軟好淋，唔夠煙韌，同埋味道都好淡。紅豆湯底唔會好甜，都ok既，加埋d綠豆、蓮子、珍珠，口感都不錯。只不過，整體又唔覺得相傳咁好食。

荃灣站📍鮮芋仙-平時去鮮芋仙都無食開手工芋圓同鮮草，但係朋友推介之下試左呢個布丁Q麻糬牛奶冰🍧布丁Q麻糬牛奶冰（$52）呢個牛奶冰夏天食一流😋佢有雞蛋布甸、杏仁布甸、原味麻糬、黑糖麻糬、小芋圓、冬瓜凍，牛奶刨冰，最頂仲有一球雲呢拿雪糕🤤材料夠晒豐富，份量適合兩個人食🤘🏻女朋友最鍾意食杏仁布甸，杏仁味好濃，滑捋捋，好Q彈🍮！喺呢個情況之下我就只可以食到雞蛋布甸😹味道都ok。麻糬好煙韌，黑糖味都幾出，配埋牛奶冰一齊食感覺好豐富。芋圓都係一貫嘅水準，反而冬瓜凍我就一般般啦，唔知嘅話以為係食緊普通硬身啫喱。牛奶冰都唔會太淡味，不過一定要一開始都將雪糕溶咗啲落個冰度先，如果唔係中間嗰啲冰就會比較淡。成個甜品都有黑糖漿，如果再多啲糖漿就更加yummy😍不過即使係夏天食，食食吓都會食到起雞皮，因為都真係幾凍下😹冬天黎講大家都係唔好去食😹環境方面，雖然座位之間嘅間距唔會太窄，不過舖頭相對都唔算好大，而且人流比較多，多數食完就要好快走，如果可以坐低慢慢嘆就會更加好。

成日經過都見到好多人排隊難得平日見到冇咩人就直接入咗去食啦咁就揀咗對住街外風景嘅位置啦望落去都幾唔錯見到有人食呢個咁巨型嘅冰望到都好吸引所以我哋又嗌左你食啦呢個冰咁大真係超級抵人均都係$30唔使，不過都係推介嗌返個熱茶嚟配因為食到真係超級凍而且份量又大飲番杯熱茶先會增加戰鬥力入面有兩個布丁一個係原味一個係杏仁味有兩種口味嘅粉條、小芋圓、雪糕及牛奶冰等等等….而且好好味！我哋一男一女兩個人真係食唔晒但見到隔離枱有兩個年輕學生妹食晒真係好犀利！

食完飯仲未滿足就嚟咗呢間鮮芋仙食甜品😍叫咗個$52 芋圓牛奶冰真係超大個🥶🥶無論係芋圓 定係入面嘅冰份量都係勁多😮我地係2個人一齊食到最後都係食唔哂🤣.食下食下啲冰會開始融所以最後都變咗碗冰水🥶如果唔想佢變左水 可能要食快啲🥶

Geo條👅評分：⭐️⭐️ ⭐️ ⭐️(5⭐️最高）芝麻湯圓紅豆湯 $42冰芋圓紫米粥 $42荃灣間鮮芋仙長期都排晒長龍，見有時間就走去排，一排都排咗4-5個字😅入到去就叫咗個熱紅豆湯芝麻湯圓，呢派多食啲熱嘅湯水暖吓胃🥰紅豆湯唔會太甜，紅豆都煲得夠，唔會過硬👍🏻湯圓係我唯一鍾意嘅芝麻湯圓😜正，煙煙韌韌加埋芝麻個味道再配紅豆湯🤤🤤同埋佢都有細細粒芋圓仔俾你咬吓！朋友食冰芋圓紫米粥，天氣凍再食凍野，挑戰吓自己😂紫米都煲得淋同有大粒芋圓，再加上邪惡嘅花奶，你又點會唔捨得食🤣

中午食咗個太豐富嘅午餐 到夜晚都未完全落格 但又想同朋友想搵個地方坐低食下野 傾吓計糖水舖一定係首選行行吓醒起荃新天地有間鮮芋仙 次次經過都畀條人龍嚇怕 但唔信邪都係要行過去睇下要等位要等幾耐 點知原來7點零鐘係唔需要等位架😊點完野食 比左錢 之後就可以直入 自己揀位冰招牌豆漿豆花 （有芋圓 芋頭 珍珠）豆漿好濃好香豆味 鮮芋仙既芋圓就當然唔洗我作介紹啦 煙韌適中 好好咬口不過可能係凍豆花既關係 豆花變得唔夠滑 但一樣豆味好香既 下次要試下食熱既 個豆腐花滑啲應該更正招牌仙草冰沙 （有芋圓 仙草凍 鮮草冰沙）有海量嘅仙草 配搭啲煙韌嘅芋圓 底層就係仙草味嘅冰沙 啖啖透心涼仙草甜度適中 唔會畀甜味蓋過哂仙草既味道 食完喉嚨好舒服

我order布甸Q麻糬牛奶冰, 我落完單問過布甸可否另上, 我驚會壓扁, 布甸同雪糕基本上唔可以壓, 職員回覆唔可以, 我以為佢無裝布甸外賣盒, 之後發現佢都係用膠盒裝, 再倒入放外賣盒, 加埋雪糕, 跟住一手拎起外賣蓋就壓, 未壓之前我見住雪糕仲突出盒面. 回家打開雪糕完全唔係球狀, 賣相好差.建議大家唔好叫外賣.

每次夜晚經過荃灣呢間鮮芋仙都超多人等，今次預早d黎到，等左一陣就有位！兩款麻糬牛奶冰都好吸引，最終揀左「布丁Q麻糬牛奶冰」，估唔到係超大份超級大碗，就算同另一個朋友share黎食，都好慶幸食晚飯時有食少d留肚黎食配料有球雪糕，仲有兩大舊布丁，杏仁味同原味，布丁口感好滑溜，不過略嫌奶味唔係好夠，另外仲有好多細細粒既小芋圓同埋冬瓜凍，當然仲有個人最鍾意既麻糬，好煙韌軟熟，兩隻黑糖同牛奶味都好正份量好足之餘好好味，而且好抵食，一定會再幫襯！