鮮芋仙 (V Point )

營業中

休息中

去過鮮芋仙旣應該都對佢旣牛奶冰唔陌生真係幾乎枱枱都叫黎食點解？好食就一定架啦重點係CP值超高絕對係menu上面最抵食！譬如芋薯圓紫米露要45$但呢個冰又有芋薯圓又有雪糕又有冬瓜凍又有小芋圓仲要有勁多條麻糬但先52$！！！！！簡直便宜太多了吧而且份量超級多每枱都係兩個人share一個個人最中意食佢d麻糬軟軟糯糯煙煙韌韌咬落黑糖味好香

人氣店，要預排隊時間啊～芋薯圓Q麻糬牛奶冰+燒仙草 $55非常多配料，2-3人食都ok😙🌟牛奶雪糕奶味香濃，正🌟芋薯圓黃色波波，入面有芋泥😍🌟迷你芋圓口感煙韌，夾埋冰一齊食好正🌟冬瓜凍黃色嘅啫喱，味道清甜🌟Q麻糬有黑白兩款，Not my type🤢太甜 痴喉嚨嘅感覺，我係好怕食日式大福的🌟燒仙草高質，有草本甘香嘅味道，亦有微微燒烤味，建議加配😋🌟冰底台式碎冰，唔係綿綿冰，以煉奶，焦糖調味，好邪惡🤣總結：好抵食 好足料 好滿足😍

個個都話仙芋鮮好味，見咁多人排隊真係想試試，咁岩閒日咪入去試下。堂食都要等一陣先有位試吓佢推介嘅芋圓四號，有芋頭珍珠同埋好似紅豆，一上臺好失望，碗係大。但啲湯好稀，一睇就知啖mou mou 果種，個湯底係紅豆水。見到有一層水定油係面，總之就起唔到沙果種再筆吓啲料，可能個碗太大，望落啲料唔係好多，味道偏淡口，啲芋圓同埋珍珠好軟屬嘅，芋頭最好味好甜我朋友就試咗佢個芋圓甜粥。佢都話個味道麻麻但overall 味道好一般。呢個價錢仲要排隊，真係可以有更好嘅選擇

冬天先要食凍野😆呢間野長期都勁多人排隊要早少少，大概食飯時間黎先無咁多人排我地3人嗌左個布丁Q麻糬牛奶冰諗住3個人share 1個，之後晚餐食少啲估唔到個冰既份量超大！！三個人食完都飽·布丁Q麻糬牛奶冰份量超大 好足料！啲冰加左奶 唔會好寡，加上有球雪糕啲雪糕溶左加埋啲冰食 好正配料有2大舊布丁，一個係杏仁味 一個係原味鍾意食統一布丁嘅朋友 應該會幾滿意呢個布丁 但係我就嫌佢唔夠奶另外仲有好多小芋圓，雖然細細粒 但都幾有咬口㗎最值得一提就係個麻糬，煙韌得黎非常之軟熟，啡色嗰個係黑糖味，白色嗰個係牛奶味。兩隻味都好好食，唔會得啲糯米粉味，係食到牛奶同黑糖味不過佢啲冰唔係磨得好碎 愈食愈凍，食到啲牙都無晒知覺🤣🤣

✅ 熱芋圓2號 ($45)而家凍冰冰 食碗熱糖水真係唔錯! 外賣依然係咁大碗 同事 share食都好飽 lol 地瓜好甜好淋，仲有薏仁、珍珠、芋圓，好煙韌。個底係紅豆湯 雖然比平時食開紅豆沙稀身 反而冇咁heavy 而且冇想像中咁甜~🦁 鮮芋仙 Meet Fresh銅鑼灣登龍街18號V Point 地下1號舖荃灣楊屋道1號荃新天地一期地下G46號舖屯門屯順街1號屯門市廣場1期1樓Kiosk C尖沙咀厚福街3號華博商業大廈地下2-3號舖紅磡黃埔天地美食坊(第8期)地下G01號舖🦁 人均消費：<$30｜推介：❣️❣️❣️❣️

想食呢間甜品店好耐，成日見到多人等就無食到，今次叫咗手工芋圓，佢個底係刨冰🍧，芋圓真係超好味，好香好煙un，加埋涼粉同雪糕既搭配真係一流，岩曬食飽飯好膩，黎食下甜野，多人排隊，但值得既

呢一間台灣必食嘅甜品店旋風式係香港開咗幾間連鎖店。無論堂食，外賣都好，都會有兩條好長嘅人龍，同時次次望住佢嘅餐單，都諗唔到應該食咩好，又想食仙草，又想食芋圓，最後就揀咗招牌仙草沙冰為我既飯後品。坦白講，以呢一個價錢都叫做有少少貴，但質素真係無跌過watt，鮮草自家製，又滑又有少少甘草味。芋圓又係煙韌到好想食完一粒又一粒，不過呢，我覺得同台灣有少少分別嘅在於佢個仙草沙冰底，香港版嘅沙冰冇咩仙草味，同時間喺室溫一段時間沙冰都未融得哂，令到成個甜品會越食越淡（間間分店都係咁）但順帶一提，好欣賞佢外賣匙羹嘅設計，匙羹嘅前部份為平口，方便篤沙冰同（不）芋圓！

終於食到啦！！！之前係大陸食過一次！香港一直都冇食過！終於有機會！！#招牌仙草冰沙 仙草好味！夠滑藥材味唔算濃！但冰沙加入花奶後溶得好快🤔 唔係好食到味 叫做多左D口感！芋圓 有兩款 芋頭同地瓜！但有少少硬 偏細粒！#豆花豆漿2號 +芋圓2號係有薏仁同地瓜、地瓜偏硬味道較淡、豆腐比較實在 唔滑、薏仁普通啦、豆漿好味、有豆味整體唔算好好食、果日肯好唔洗排隊！芋圓 IG 小店比佢更好食！而且配搭比較少🤣 我太麻煩 仙草唔可以加豆花、但豆花1-5號配搭總有一樣係我唔食既🙄 但真係好大碗！想食仙草果時會去😂😂

我最愛煙煙韌韌嘅嘢架啦😭食芋圓食到個人都似粒芋圓咁😂圓碌碌啊🏐🏐陰公豬...（其實無人逼你食😂😂.👅招牌仙草沙冰 $45呢個係我最愛入邊嘅最愛😚💜每次去我都係食呢個‼️芋圓煙韌彈牙 彈到不停喺口中遊走🤣又夠大粒😍一次過食好多好多粒 真係塞爆曬我個口啦🍠👄仙草滑嘟嘟 好潤喉💦有水準就不在講話下啦 個沙冰底🍧仲有少少黑糖味🖤整體配合得好完美👏🏻無懈可擊啊💫.其實有好多網店嘅芋圓都各有千秋 但都要等開團 有時唔能夠即時滿足到我嘅芋圓癮😭綜合好多方面之下，鮮芋仙有過人之處 成為係我嘅最愛！（係芋圓方面😍只要我芋圓癮一起💜就會即刻！係即刻去銅鑼灣買黎食😹好方便😙.👄總結仲未食過嘅 一定要去啦💕💕雖然對佢讚口不絕 但我係真心分享💖唔係廣告（我都想係ad啊🤣太鐘意食啦💜———📍鮮芋仙 (銅鑼灣)銅鑼灣登龍街18號V Point 地下1號舖

閒日閒時去食下之前次次都排長龍不過試完...！都係👉🏻👈🏻叫完得call牌響來到唔熱.叫做微暖第一啖唔甜（尼點要讚👍🏻）但紅豆沙稀過頭湯丸涵料少丸子都係咁🙄兩舊大芋頭咁樣羅😟

鮮芋仙相信大家都唔陌生每次都係食佢嘅芋圓或者仙草呢次去排隊等位嘅時候見到有人食呢個巨型刨冰🤤即刻忍唔住都order左嚟試下______________________________芋薯圓Q麻糬牛奶冰 HK$52份量好多，足夠兩至三個人食，夏天食解暑一流，但我係呢啲涼涼地嘅天氣食，食到最後打哂冷震😂😂😂同真係乜配料都有有細細粒嘅小芋圓、好煙韌好Q彈嘅雙色麻糬、大大粒好似湯圓嘅芋薯圓、好似啫喱嘅冬瓜凍、仲有一粒好重雲尼拿味嘅雪糕球而且個冰底牛奶味好香，同個雲尼拿雪糕好夾整體嚟講都好出色👍🏻👍🏻👍🏻______________________________

其實我成日都係3點幾4點呢D鍾數經過鮮芋仙都見到唔洗排隊.但無時間食,今次終於的起心肝要去食,已經擇好時間黎食.3點9入到去,果然唔洗排隊呀,入座後出面已經排緊十個八個了.抹茶紅豆布丁 + Q麻糬布丁唔會太甜. 抹茶味亦都足夠.紅豆好淋. 但布丁下面個汁我麻麻地, 令到成個布丁甜左D.麻糬唔洗講...好好食....好煙UN又唔痴牙...巨好吃!呢個係期間限定係雙圓仙草冰沙.熱辣辣既芋圓紫薯圓 真係好好食佢入面仲有些小流心餡架!!!!真係好好好好食.最底係黑糖冰沙.佢另外有比糖漿,但其實黑糖都夠甜,唔洗落糖漿都足夠.

👩🏻‍🤝‍👨🏼銅鑼灣覓食自從鮮芋仙進註咗銅鑼灣之後，久不久都會忍唔住過嚟食😜每次去都會有新產品😙咁啱去開銅鑼灣整電話，整完未諗到去邊就嚟呢到食個tea糖水😌🥢雙圓招牌$45今次就揀咗呢個新產品🤩本身已經好鐘意食仙草同芋圓，今次呢個雙圓係比平時嘅芋圓大粒啲，咬開係有餡㗎😍煙煙韌韌好好味😙🥢招牌仙草冰沙$45男友就揀返食開嘅招牌，其實同雙圓嘅分別就係佢係芋圓😆一樣好煙煙韌韌，最鐘意呢到嘅仙草好有仙草味😙咁啱去嘅時間唔算多人，可以坐低慢慢食傾下計，呢個價錢份量一啲都唔少😙抵食！

無論幾多點去都要排隊布丁麻薯牛奶冰🍧份量好多 2個人share就岩好好食 好多料 有好多芋圓😋😋最鐘意食係d麻薯 QQ的 好有口感布丁其中一個係杏仁味雪糕係雲呢拿味🍦

知道鮮芋仙一直都多人食，無諗到9點幾10點都要大排長龍！呢日嚟到至少有20人以上排緊隊，但因為好想試試佢有幾好食，所以決定排一次！排左至少半個鐘之後終於到我哋，當日有人食飽離開個時，門口就有位員工會安排隊頭既人坐低，所以完全唔驚人多混亂。叫左兩份甜品，份量超大。招牌豆花豆漿：豆花同豆漿都唔算太甜，配料有芋圓、芋泥同珍珠。芋泥先係入面最驚喜嘅！芋頭打成蓉而唔係一舊芋頭放落去，口感嫩滑creamy，超鍾意！-芋薯圓Q麻薯牛奶冰：大推！份量極大，一個人肯定食唔晒。牛奶冰滿到就嚟瀉，配料都唔馬虎，有大芋圓小芋圓冬瓜條雪糕等等⋯⋯除咗面頭既焦糖同雪糕外成個甜品都唔會過份甜，必食😍雖然出面真係大排長龍，但質素同份量絕對配得起。有機會仲會試，但等無咁多人排隊先