鮮茶道 (已結業)

The one 是一個神奇的地方，有好多層，但是有G UG，仲有夾層，what？！(兜兜轉轉好難揾)這間鮮茶道係吉之島12蚊店果層，店面好細下↓今日招牌水果茶第二杯半價，同朋友買先！比起甜膩的奶茶(尤其是黑糖奶茶)，呢個水果茶好清新，又是手搖鮮茶，確實不錯，33蚊/杯裡面有蘋果，橙各幾塊，茶底是招牌水果茶底(唔知即是咩茶)前台有小罐茶葉俾你試聞，但是我覺得都是一樣味，全部水果味(無論綠茶定烏龍定玄米)好奇怪

初嘗白珍珠，細滑煙靭，蜜香帶甜~感覺特別，奶茶清香值得一讚，員工靈活，幫我將黑珍珠轉為白，還細心建議我少甜，因為白珠和茶都帶~~讓我可以20蚊，嘆到1杯好飲奶茶，下次想飲野都會想黎鮮茶道

和朋友們去銅鑼灣吃火鍋後，便去了尖沙咀逛藥妝店和aeon living plaza，朋友看見鮮茶道推出買「同一款飲品買一送一」的優惠，她問我買否。我想起因為友人跟我說鮮茶道的飲品不錯，加上剛吃完火鍋蠻飽膩，喝杯清茶也好。最後在眾多茶品中，我選喝四季春，原本賣20元的四季春，現在買一送一只是10元一杯，本身已經很便宜，現在簡直是超優惠。我們都要求少冰，以免冰塊融化影響茶的味道。朋友見到製成品頗大杯，我說這不是很好嗎，多喝點鮮茶身體亦有益處。四季春淡淡的茶香很寧神，入口回甘順口，細細的品味，飽膩感亦開始消散，心情如其茶名四季春舒暢起來。

見到做緊買一送一先試下，見到無咩人買都無乜信心，本來要求少冰，職員話無得，咁就算啦。之後睇住佢地沖，成半杯野都係冰都嚇親，但飲落又出乎預料好飲喎，入面只有奶同黑糖，冰溶左之後可以溝稀啲，無咁滯，黑糖又好香，值得一試！不過都係略嫌啲冰太凍了。

喺the one 行完街口痕又搵奶茶飲~ 經過鮮茶道見冇咩人排，決定買杯黎飲~可以喺counter 隔離嘅機自己落單比錢。見炭燒烏龍幾特別所以試下，茶我覺得熱喺香啲所以叫左杯熱，冇珍珠。等左大約5分鐘就有。但我一拎上手，熱到冇朋友。。個杯薄，然後得一塊好薄嘅卡紙比你隔住，果塊紙又滑，結果要雙手先拎到，托住個底。杯茶就好飲嘅，炭燒烏龍味好突出，冇比奶味蓋住。今次就黎食飯所以冇加珍珠，下次想試下佢熊貓黑白珍珠先，好似幾得意。

係尖沙咀行左口渴，咁啱係the one附近，上網先知入面有呢間珍珠奶茶舖，於是就去買杯解解渴！價錢唔算貴，大部分都唔過$30，而且都幾多選擇，仲有特別既熊貓珍珠..最後擇左杯沖繩黑糖奶茶另配熊貓珍珠，可以擇少冰，但無得擇甜度，因為黑糖本身係甜第一啖已經有重重既黑糖味，攪均左味道都仲係咁好飲，好香黑糖同茶味熊貓珍珠其實係黑，白珍珠，而且珍珠分量都好多，感覺好似有吃唔完既珍珠...

因為等人又落雨唔想濕住等人於是 去左the one等人落到去 見到有 鮮茶道而且仲有 45 mins朋友到Hea住等因為我鍾意用機買野所以買左杯半糖 薄冰 招牌水果茶+熊貓珍珠等 5 mins左右就拿上手la他們好窩心 有 叉電位 啱我呢d hea時間 無野做 可以 叉住電 飲住野等人呢杯招牌水果茶 雖然已50%糖但個甜度都=我max. 甜度入面有大量珍珠而生果方面 有蘋果片 香橙茶底有桃味所以都有解滯 解渴加上都好大杯 都hea到30 mins而最後 d珍珠 真係太多仲有好多留下

話說上次經過想飲台式奶茶，剛好就有一間在左近。香港人很愛排隊飲奶茶、水果茶等等，但之前都沒有聽過鮮茶道的名，所以對它都沒有期望的。但就因為無期望，所以嚐到好飲的奶茶更顯驚喜之情。上次飲了炭燒烏龍奶茶，驚訝怎麼大家都沒發現到這杯奶茶，一直想著要把它介紹給大家，我今次都叫一樣的。兩次都叫少糖少冰，總覺得這類飲料要少糖才能飲到真味，太甜會破壞味道的層次。炭燒烏龍茶的茶香依然超級突出，讚喔讚喔！不過今次奶味的確淡了些少，上次的奶味更濃更好飲，希望只是店員一時失手，期望將來可飲到回復水準的奶茶。另外，鮮茶道收銀位置擺放了十幾種茶葉，我把所有都嗅了一番，茶葉香味真的很好聞，等奶茶時又可消磨時間哈哈。其他奶茶店飲料動輒三十幾蚊，鮮茶道相比起來價錢就十分相宜了。

飯後特別想搵野飲，喺the one首先諗起呢間台茶，鮮茶道屬於台灣黎嘅飲料店，喺海外都有不少分店。尖沙咀店位於商場入面，睇過依稀記得關門時間係十點多，拿拿臨衝去搵，最終到埗時，店員正準備收拾，感激佢幫我地沖埋最後兩杯飲品，即時飲料不對我口味，用餐感受良好，挽回不少分數時間較急趕，加上部份飲料已經售罊，原本想點招牌熊貓珍珠鮮奶茶，好似話賣哂其中一款珍珠。冇乜時間去逐項挑選，隨口點左一杯試試。餐牌分原茶、鮮奶茶、奶茶、抹茶、紫芋、果茶等系列，定價$15-31，價錢都唔貴，飲料幾大杯。沖繩黑糖奶茶 加仙草廿零蚊咁大杯，其實就唔貴，但成杯飲品俾我嘅感覺，同歇腳亭、貢茶之流差不多，知道有啲朋友喜歡，但個人就覺得一般，唔係我杯茶。黑糖味唔夠香濃，甜度偏高奶茶底未見出色，茶味淡薄，高糖度嘅奶湧入口中，幸好仙草入口滑溜。有諗過最初開嘅時就黎試，不過丟低一段時間後，並無好大意慾；今次喺附近食完飯，不抱期望，又唔會覺得好失望嘅。根據過往習慣，可能鮮奶茶會比較啱我口味。或者俾多次機會，再訪時試一試

一望個menu ，啲款式有好多呀，而且啲mix and match 又好特別，我叫左個炭燒鮮奶烏龍茶🥛🍵🥛🍵熱飲大大杯，叫左少糖，味道岩岩好，唔會太甜又唔會完全冇哂味道。佢有好多唔同配搭可以迎合返唔同客人既需要，糖量都分幾種，好細心，💋可以比客人試到唔同既甜度同種類。而且飲品上面插飲管位置痴左張膠紙，應該係防止個開口位越開越大，到時漏哂啲嘢飲出黎就麻煩嚕。又一個細心既動作。👍🏻👍🏻👍🏻

大熱天時，唔搵嘢飲真係幾高難度。行開尖沙咀嘅the one，見到宣傳廣告，話有300幾間分店嘅鮮茶道進駐尖沙咀The One，見到個數目更龐大，心諗應該非常好飲，所以就特登落到去aeon 嗰餐去買野飲。啱啱開新裝修，個門面都幾舒服企理。門口放咗好多嘅茶葉罐，一睇就知係主打查嘅飲品啊。可惜嘅係，去到已經四五點，因為怕飲完茶之後會瞓唔着，所以唯有試其他非四五點，因為怕飲完茶之後會瞓唔着，所以唯有試其他非茶類飲料。見到佢哋係用咖啡機黎沖茶，覺得非常有趣，唔知咁樣會唔會濃啲呢？我叫咗蜂蜜蘆薈（ $23 ），叫咗去冰同少甜，飲落去其實就單純嘅蜂蜜水，同埋加咗蘆薈，可能唔係飲佢哋嘅招牌嘢，飲落唔覺有乜特別。男朋友叫咗紫芋鮮奶（ $27 ），加白珍珠（ $5），雖然叫咗3分甜，但係個飲品都仲係非常甜，正常冰啲冰真係大大舊，飲嘅時候啲冰好阻住哂。我同男朋友都唔係太鍾意呢間野出品，下次唔會再試lo。

今日係尖沙嘴5點幾突然肚餓，但離晩飯時間不遠，於是決定去買杯珍珠飲品頂一頂。天氣好熱，於是行咗入The One,就俾我搵到間鮮茶道。同一般台式飲品店一樣，佢有好多唔同飲品同唔到冰度、甜度同奶種嘅選擇。而我最後就選擇左先買皇家伯爵紅茶家族，問過店員先至知道原來＂家族＂係代表飲品入面已經包含黑珍珠、仙草凍同布丁，咁就啱晒我要醫肚ge要求啦！不過呢款伯爵茶嘅茶香好似太過突出，有啲唔係太自然嘅感覺，黑珍珠尚算chewy,而我揀嘅係5分堂配薄冰，所以甜度啱啱好，總體來說，這杯飲品都算不過不失吧！

就當我先戴頭盔（我這種天生大頭的人，要找適合的頭盔也不容易），做定準備好了，因為我本來是想光顧位於尖沙咀的某間韓國菜餐廳，但是我後來因為財政預算問題而臨時擱置計劃，而轉到商場「The One」地庫位置，光顧台灣外賣飲品店「鮮茶道」。的而且確，我本來是想幫襯某間尖沙咀的韓國菜餐廳，計劃卻因為那餐廳價錢超出了我的經濟預算，我被迫把目標光顧的食店的計劃，轉變改為先喝杯黑糖鮮奶，然後才想下一步行動。購買尖沙咀飲品店「鮮茶道」的抹茶珍珠飲品，價錢本來只是一個很便宜的價錢。再加上光顧「鮮茶道」之後，我還有足夠經濟能力，再光顧「The One」裡面另一間日本廉價小食店，「鮮茶道」抹茶飲品的價格水平，相信心水清的讀者應該不難估計到。「鮮茶道」大部分在餐牌裡面售賣的飲品價錢，由港幣十五元至到三十一元不等，這個飲品售價價位，在尖沙咀區裡面，都屬於中等至到以下的便宜價格水平。例如我今次在「鮮茶道」購買的飲品「宇治抹茶奶綠」飲品，售價本來就只需要港幣二十五元而已。即使我還為自己的「宇治抹茶奶綠」，另外加入了黑白二色的「熊貓珍珠」，飲品最後的價錢都只是三十一元。我看見「鮮茶道」的飲品售價，再看看正在幫襯「鮮茶道

一直見到呢間台灣飲品店無長龍，見到評語一般，但今日唔想花時間排其他，所以就決定一試。可能係我選錯飲品，選了一杯無茶底的木瓜奶，成件事錯哂。木瓜奶：高鈣低脂奶+走冰+走甜應該係我走甜的關係，所以無咩味，但咁先飲到原汁原味，木瓜應該唔係好熟，所以唔甜，無咩木瓜香，一般般。如果有下次應該真係要試下茶類的飲品。味道：2/5抵食：2/5回頭率：1/5

話說今日要幫公司返工，當然要飲杯珍珠奶茶爽吓啦。見到呢間鮮茶道 Presotea，就試試，一行買咗四杯同同事一齊happy sharing，點知⋯出咗事！我呢杯「紫芋珍珠鮮奶綠」有個皇冠推薦，諗住點都唔會太難飲掛。嗯⋯我覺得自己好似飲緊奶水咁，係無咩味㗎，連茶味都無咩，當然同事們其他飲品都一併伏啦！呢杯珍珠奶綠索價31蚊，但真心覺得唔值，因為是但揾一間都好味啲，我直頭諗緊係咪店員唔記得落茶。紫珍珠鮮奶綠HK$31