影片
港鐵上環站 A2 出口, 步行約2分鐘
繼續閱讀
開飯介紹
A rising star in Hong Kong, FreshLodge Seafood Bar & Shop is one of the most innovative places
offering a stunning array of freshly imported Chinese Mitten Crabs, Oysters, Sashimi as well as creative seafood fusion
and a wide range of wines and beverages.
We care what you eat - safe, healthy and delicious.
With this mission in mind, we proudly open our flagship seafood bar and shop with a view to realising our pursuit of good meals.
Simple yet with the best and fresh ingredients, we believe all you taste in our restaurant can be replicated at home!
繼續閱讀
營業時間
星期一至六
11:30 - 22:00
以上資料只供參考, 請與餐廳確認詳情
平時都唔係太鍾意食海鮮，但係之前睇東張西望見到呢間Freshlodge話有大閘蟹套餐，好似幾新鮮咁，所以就快生日果陣就黎試下啦，反正咁大個仔都未食過咁豪~我之前都有食過蟹，但就未食過歐洲野生大閘蟹，今次呢餐有八道送，788蚊，價錢都OK既， 生日遇左食好啲丫嘛，仲有兩隻5両大閘蟹， 都算抵啦。頭盤 － 牛油果啫喱釀生拆蟹肉丸其實姐係牛油果蟹肉沙律，幾新鮮，但係唔鍾意食牛油果，而蟹肉都OK多，作為一個頭盤都唔錯。第二味 － 蟹王粉絲焗蟹蓋蟹蓋焗得幾入味，入面全部粉絲都好大陣鮮味， 配埋啲粉絲蒜蓉的確好食。第三味 － 蟹湯配蟹皇脆多士多士脆卜卜， 熱辣辣， 蟹湯又係夠哂味，但又唔係咸果隻味，係蟹味，用多士點湯，正！第四味 － 蟹皇龍蝦意大利飯除左蟹之外仲有半隻龍蝦，仲要拆晒肉， 但係溝埋落個飯到有啲咸。第五味 － 清新柑橘雪葩食左幾樣濃味野，中間有個清清地既甜品食下，清下個口先再食主菜，起承轉合，原來唔係只係用係作文到！第六味 － 歐洲野生大閘蟹5両兩隻終於到重點， 打開蟹蓋， 已經成堆香噴噴既蟹膏，雖然食得少蟹，但係覺得蟹膏淺色過大陸大閘蟹，咬落去覺得幾清甜鮮味，肉既口感比較實，而醋夠酸，有薑俾人食， 食完蟹都冇咁寒涼啦！第七味 － 蟹肉蛋白小波菜加黃金蟹皇小波菜+蛋白其實幾好味，因為我鍾意食菜， 食完蟹之後飲碗清湯都算幾滿足。第八味 － 新版番薯糖水點解叫新版呢？因為唔係普通既番薯糖水，佢個樣成個類似啫哩既份子料理咁，幾得意， 食左咁多蟹再暖身都唔錯既最後: 薑茶其實都已經成肚水，不過照飲薑茶，飲完之後我諗我食多十幾隻蟹都仲得（前提係唔洗俾錢）總結：一餐八菜蟹宴，排序恰當，味道充足，大姆指都不自然咁伸出黎，讚！間餐廳都幾有情調，第時追到女朋友一定要帶佢黎，不過有啲缺點係冇免費野飲，不過有湯有糖水就算數啦！
繼續閱讀
我喺上環附近番工，同事上Open Rice見到有得食歐洲大閘蟹，覺得幾特別，所以決定book位星期五收工拉大隊去食!由公司行去，只需要3分鐘的路程，幾好! 入到去，見到有分兩層，天氣幾好既關係，所以坐上層，係幾舒服既環境之下食飯真係不錯。我地每人叫左隻野生歐洲大閘蟹加迷你海鮮拼盤，等左一陣傾傾下計，重點終於到!個拼盤有青口、龍蝦同埋生蠔等等... 特別推介生蠔，海水味很重，十分新鮮，而青口都很新鮮，沒有腥味。食完「頭盤」之後，終於到主食 -- 大閘蟹! 我揀左公蟹，4両重~ 入到場，十分熱(仲出煙)，先來幾張近拍的相，之後再打開蟹蓋。果一刻真係"嘩"左一聲! 因為真係好多膏! 但對手已經污濁左 所以熱唔到靚相 T_T (特別一讚的是: 蟹身十分白，店員將大閘蟹洗得十分乾淨，值得一讚)配上特製的醋之下，口感一流!! 終於可以一試歐洲大閘蟹!!在一輪瘋狂食蟹之後，店員就拎薑茶補番~ !! 十分細心!!所有同事食完都好滿意，下次都會再試!!
繼續閱讀
餐廳大門口貼左新餐單, 主要得一種, 就係海鮮飯。有樓上半露天既座位, 天氣凍左好多, 餐廳就加左個暖爐, 咁就好唔同啦。自選3個餸, 配4選1既汁, 以鐵板形式上既飯。3個餸當中可選1個8蚊餸, 2個16蚊餸。如果唔夠, 仲可以加錢再加料。4個汁入面有一個係海鮮湯, 當係湯飯咁食既, 職員好細心咁講解。海鮮湯, 甘筍, 三文魚, 蜆肉海鮮湯胡椒味濃, 飲到最尾, 碗底有好多黑胡椒。甘筍好爽口, 新鮮 GOOD!!!三文魚就有少少特別, 唔係全熟, 又唔係魚生咁, 而係輕輕燒一燒三文魚邊, 一半熟一半唔熟咁。加埋個鐵板就撈一撈, 就熟晒啦, 又唔會過熟, 又幾好WOO蜆就普通咁啦, 算唔上鮮甜, 但起碼唔會有沙加埋個海鮮湯~ 成個就係海鮮湯飯喇 HAHA, 整體都幾好架 鐵板飯咁題外話啦, 如果真係想吸引到多D食客, 得一個自選飯其實係唔夠既, 加一D SET LUNCH, 海鮮意粉之類, 加海鮮湯, 總好過得一種啦。
繼續閱讀
每年大小姐的生日，總是為熊貓少爺帶來不少煩惱。他知道我愛蟹，自從第一年帶了我去蟹家吃毛蟹餐後，他好像自己把難度提高了許多，因希望都以蟹為題呀。這一年他帶我來到上環的Fresh Lodge。型式就像蠔吧似的。但十／十一月的亮點在於大閘蟹，這一家是賣歐洲大閘蟹的，因為早幾年有人把洋澄湖的種帶到歐洲繁殖呀。當造的兩個月有做大昂蟹餐，我們點了一位份量的，另外在加點其他海鮮試一試 。先說<大閘蟹餐>吧。很多味都帶來不少驚喜，讓我介紹特別的幾道。(對不起我交文太慢,大家要待出年才可吃這個餐了,但他們單點的質素也十分好呀!)第一個送來的是-牛油果啫喱生拆蟹丸。外面綠色的皮有點Chewy，裡面是豐富的生拆蟹肉呀。蟹蓋也做得很出色，不會是滿滿麵粉令你吃半個就飽那種。另外還有龍蝦湯，不是我杯茶。頭盆上完有杯Sorbet清清口，是柚子味呀！可他是放在冰上的，稍有不慎便會整個掉進冰水中了。跟餐的蟹皇龍蝦risortto十分好吃，有海鮮味但不會太太太重蝦殼味，而且龍蝦肉很豐富，足料！主角來了。一人餐也有兩隻這樣大的蟹，一定可以滿足蟹怪的願望吧？是心理關係？好像歐洲蟹有比較乾淨點 ，沒布那些黑色一團的毛。吃完蟹的這一道很特別，是用蟹肉煮成一個獻汁，再用旁邊放着的Baby Spinach 沾着吃，很有趣的。好了，介紹完大閘蟹餐的美食外，可以介紹我們另點的東西了。先來一個海鮮拼盆（$298），有生蠔，小龍蝦，蜆，螺及青口。每樣都試到一點，很新鮮呢！另外點了車厘蜆。車厘蜆稍有一點不新鮮就會很腥，所以不是常常點。這一晚海鮮拼盆質素不錯，便加點了，滿足一下嘛。意料之內的新鮮！其實這樣的蜆比生蠔來得更滿足，因為蜆是有咬口的，每一口咬下去也鮮味無比，回味無窮呀！不得不提的是Linguini Vongole （$158），他們家的是我暫時在香港吃到最好吃的。坊間的有些做得不夠乾身，有些不夠蒜不夠辣。Fresh Lodge 這個是在我差不多80%飽時上菜的，正常我都提不起勁吃，但它是香香辣辣好吃到我停不了呀！最後是甜品時間了。跟餐的是新版"蕃薯糖水“，被子蓋住的是蕃薯蓉，那張"被子"就是有薑味的啫喱，很特別。原本飽到上心口，看到甜品有我最愛的Mojito都不想點。最後大少竟然拜托把剛收工的廚師叫回來為我做，驚喜萬分！沒想過最愛的Cocktail 會是固體的出現在眼前，好好吃呀！有心有創意，加上用料好，一定要再來！
繼續閱讀
喺巧合的情況之下,朋友介紹了去Freshlodge食西餐~一直都知道Freshlodge食蟹最出名~ 咁岩係蟹季, 所以決定一試歐洲大閘蟹同埋其他野食!喺朋友口中得知, 除左歐洲野生大閘蟹係出名之外, 佢其他野食都幾好食既! 早兩日book定位, 收工之後搭地鐵去到上環, 就開始美味的一餐。到餐廳門口, 一定要影番張相先 smile 店員安排了樓上的位置, 需要經過長樓梯先可以到樓上, 樓上是半戶外的地方, 天氣涼爽的陪襯之下, 感覺非常好!前菜: 點了薄切帶子 ($98)帶子上菜的賣相不錯, 用信封包住帶子, 在配上檸檬汁之下, 很有鮮味, 十分新鮮.主菜: 歐洲野生大閘蟹 ($150)吃過大陸的大閘蟹, 但從來未試過歐洲大閘蟹. 聽聞係無打針, 比內地的大閘蟹健康, 這是吸引我來的原因. 果然無讓我失望! 蟹的肉身十分鮮甜. 蟹膏都比大陸的蟹膏清同濃味.原隻法國睡蟹 ($188隻)睡蟹一向肉味鮮甜, 肉汁都比較多. 今次的睡蟹都十分好, 不錯.飲品: 有機蘋果汁 ($28枝)來自英國的有機蘋果汁, 有天然的果甜, 很有蘋果味.總括來說: 吃了一晚海鮮宴, 感覺相當不錯, 實而不華. Freshlodge的食具都十分乾淨, 而且都十分新鮮. 值得推介! 在舒服的環境之下, 不知不覺地坐了兩個小時. 真開心!
繼續閱讀