鱻屋 (已結業)

同朋友在西灣河打完波，就過了太安樓"揾食"，行行吓見到一間新開的餐廳，係專賣海鲜丼和吞拿魚的，對於日本痴的我，二話不說就走入去試吓!舖子細細但好整潔，座都幾舒服!打開餐牌都有很多選擇，但最吸睛的都是吞拿魚這一頁，一個大吞拿魚腩飯都唔駛兩嚿水，我平時喺中環番工呢個價錢都食唔到兩片La，一定要試吓佢!Order咗個"本鮪滿盛丼"，侍應話呢個丼可以食哂吞拿魚的不同部位!上菜了，真係有齊吞拿魚的唔同部位，吃起來D Toro很夠油，很香，赤身和我食開的有D唔同，問師傅佢話因為係"大魚"所以連赤身都帶點油份!它們的壽司飯都係和暖的，睇得出師傅都係用心做的!麵豉湯有很濃的魚味，師傅話他會用魚骨整咗個湯底先再加麵豉，咁樣做會另麵豉湯好飲D!(連麵豉湯都咁講究，抵讚!)最後我再order多件大toro壽司和赤身壽司先埋單!整體嚟講呢間小店不論食物的質素和價錢，都係直得推薦的!👍👍

食材新鮮，對於唔食魚既我，搵到有個蝦蟹丼，有兩款蝦，鮮甜好味！蟹鉗仔略嫌細粒咗啲，冇乜味，不過側邊果堆蟹肉可以補償返！至於拖羅係朋友食既！佢地話好好味，入口即溶！冇「渣」！整體唔錯！刺身有質素！可以encore!

一行四人於西灣河體育館出嚟，就去太安樓搵嘢食，無意中俾一間新開張日式小店店名吸引，眾人都贊成入內試試，地方雖小，卻乾淨企理，用的器皿都有大店般雅緻，正合小妹要求！餐牌圖文並茂，圖片吸引，第一個柯打上枱＂鱻屋特選五味丼，非常吸睛，一個字形容＂鮮＂，跟店名一樣音。至於＂原條鰻魚丼＂，色澤略嫌濃咗咁色，不過食落都好滋味，另一個柯打＂火焰左口魚裙邊丼＂白濛濛冇乜色，賣相不吸引，不過食落非常嫩滑、很有魚油香味，連飯粒都黐有魚油香味！一粒飯都食晒，係一個驚喜，大家都好滿意這餐。

行經呢到見到呢間舖 尚在試業中 一問之下 竟然有好發現。鰻魚飯 加上厚蛋絲 同芝麻粒 配合得好好味 而且鰻魚肉厚身 食落去有回彈味 好食呀👍👍再八掛一睇 Wasabi 係自家磨嫁 好有心唔係用粉開出黎呀！係呢果位竟然搵到好食既日本野 實在難得