鳥團

營業中

休息中

某日搭巴士經過光輝圍，平日好少乘搭呢邊線路，見有條小人龍排隊，見店鋪鳥團名字，立即網上搜尋，原來賣海南雞飯，網評平靚正，於是放工特別搭車落去買，睇真價錢真係抵食，我購買1隻無骨海南雞$110，1盒油飯$10，雞真係好滑，油飯有少許煙韌感非常好 ，配汁有正宗黑豉油，雞醬，疆蓉。看出老闆用心做雞做飯，肯定食完會愛上。

我係食手撕雞，超超超好味，雞好嫩滑，隻味又好正，辣辣地好開胃，好食到停唔到口，我十分鐘就食晒。雖然離我公司少少遠要行十幾分鐘，但咁好味都抵番晒，仲要$30咁平！！

$30一個飯嚟講真係好似時光倒流咁，有三款可以選擇。另外加$10-15有小食 😋1.海南雞飯呢個就係佢嘅招牌嘅海南雞飯，我自己覺得啲雞都幾滑，配合埋薑蓉更加好食，雞唔會諧同埋好有雞味，真係好過你去買燒味飯！2.手撕雞飯如果唔食得辣嘅朋友可以揀唔辣，但其實揀咗辣都唔會好辣，入面嘅配料有海蜇青瓜，而最特別嘅係有雞皮，喺夏日好似好熱嘅情況之下揀呢個飯真係會比較醒神！😬3.口水雞飯呢一個其實都係同海南雞飯差唔多不過就多咗啲口水雞醬，大同小異，幾好。喺前路茫茫嘅情況之下，突然發現嗰間食肆用$30吸引左我成日買飯，其實已經幫助左好多基層市民一日三餐所需，始終食飯真係飽好多，感恩！

好食抵食夠飽通常我會買海南雞飯再加個小食，咁樣先至$40，如果一個海南雞飯/手撕雞飯/口水雞飯嘅話$30，小食加$10，對前程好迷惘又唔想用咁多錢解決一餐嘅話，幫襯鳥團真係一個好好嘅選擇，話雖如此啲嘢食係好好食嘅，雞好滑，飯好食！有時夏天熱起上嚟真係想食手撕雞感覺可以令自己胃口好啲，而小食方面通常佢哋會有個推廣$10，其中金沙魚蛋係我最愛😘，啲鹹蛋黃醬係粒魚蛋入面爆出嚟💥😍，爆到我成咀都係。sorry for 1999

平時帶開飯既我 襯住今個禮拜六返工試下公司附近最近新開既泰式小店啦🤤佢主打係海南雞飯同手撕雞飯，同埋因為新張期間 佢售賣價係$30，係$30咋❗️❗️❗️重點係 佢一啲都唔劣食 仲好高質添😋依家咁既時勢仲有呢個價既海南雞配黃薑飯 仲可以去邊度搵呀😍一坐低 老闆娘見我手機無電，同我講個位隔離有條線可以叉🙈真係好好人🥰落完單之後好快就有得食喇～佢啲雞超嫩滑呀，同埋老闆仲比左隻雞髀位我添呀（唔知係唔係比錯左呢 哈哈🤣）因為平時雞髀位係要加錢架🫣個飯有配埋食海南雞必配既三色醬，同埋佢既飯唔係普通白飯，係黃薑飯，同埋佢既薑蔥醬係偏綠色 唔同出面嗰啲偏黃色，最初我覺得奇怪 但原來係老闆娘親手打磨架 勁有心機既老闆同老闆娘🙈👍🏼👍🏼👍🏼除左招牌海南雞飯，佢仲有手撕雞飯聽聞都好好食😋下次我要試埋呢個飯同埋佢啲小食✌🏼呢個飯呢個價錢 咁好既質素 份量都仲要唔細，真心好良心價🥰我食緊嗰陣仲見到好多人去買飯/買走半隻雞，證明佢係有品質保證架❗️❗️❗️

招牌海南雞飯（$30）雞肉超滑，唔肥，雞皮微微彈牙。油飯粒粒分明，唔會一pat pat，good。配上三款醬，黑色極濃豉油（偏甜）、綠色薑蔥打蓉（正）、紅色酸辣醬。秘制手撕雞飯（$30）芝麻醬味道正常，手撕雞胸位唔嚡，配有少量青瓜海蜇。但比起海南雞就失色少少。同樣是用油飯。麻辣口水雞飯（$30）麻辣汁恰到好處，唔會過辣過麻，雞應該都係用海南雞啲雞，所以都好滑。同樣是用油飯。三十蚊，食到一個質素高嘅外賣飯，而且份量不少（雞同飯都足），CP值爆哂燈。

平日見到超多人買外賣，一直都想試吓，星期日見到人少少入去試吓堂食$30海南雞飯仲要有油飯，包嘢飲真係好抵所以豪$5俾佢轉左雞髀雞髀勁滑，好入味唔使點醬料都好食，薑蓉係綠色，初頭以為係Wasabi原來係老闆娘親手打到好爛嘅薑同蔥，冇渣。食食吓見到有人叫幾十盒，成箱外賣🤣🤣好誇張，$30超多份量味道又唔錯唔怪得知咁多人外賣，女仔食或者細食嘅建議同老闆講少飯😂如果唔係真係食唔晒有心機小店👍🏻👍🏻👍🏻

$90 兩盒飯三小食😋招牌海南雞飯口水雞飯炸燒賣炸花支丸台灣腸揸車路過，本來想買漢堡包，點知去到已賣晒！轉彎見到鳥團新開業，$30/飯+飲品。食後感，真心抵食，雞好軟滑，性價比高。可惜只係路過，否則會多幫襯！希望小店繼續努力💪