鳥巢

營業中

休息中

黎到沙田市中心 行完之後就搵野食晚餐時間又到了，市中心食既野都係多連鎖，於是決定行黎禾輋商場睇下有咩食，行完個圈就決定食呢間試下了。最後點了 糖醋甜酸排骨，水晶粉皮，上海雲吞，香蔥黃油雞，蒜泥白肉，小籠包。糖醋排骨，味道ok ，酸酸地既味道幾惹味，還算可以既味道。雞絲水晶粉皮，比較細碟，還算有點惹味不過有啲唔夠凍。上海雲吞，味道可以。黃油雞，比較細碟，唔算太抵，骨比較多。蒜泥白肉，只有幾塊，有點太少啦。。。呢個跟餐加錢28蚊真係唔抵。。。小籠包屬正常味道。整體黎講，呢間份量真係幾少下，蒜泥白肉得幾塊都要28蚊，而且雞既肉都唔算多，雖然味道還可以不過真係有啲餸菜有啲細份，變得好唔抵。

自從公司搬咗去沙田, 就開始周圍搵食! 附近居住的朋友推介一家隱世寶藏上海菜, 價錢十分大眾化, 食物性價比極高, 那當然要試試啦! 滬菜, 上海菜是我愛的地方菜之一! 菜式清不論是清淡還是濃厚均有很多選擇! 餐廳佔地頗大, 座位寬闊, 以木及灰系列為設計, 簡約時尚 上海菜的座上菜 ~ 上湯小籠包 $40/4隻! 即叫即蒸, 價錢超相宜! 皮夠餡靚, 但不是通透沒咬口那種薄, 肉餡新鮮嫩滑多汁, 是爆汁的那種!花雕醉雞 $78 ~ 酒味香濃, 雞肉嫩滑, 雞皮沒有過多油脂! 晚市才有的乾鍋套餐 $108/3餸、$128/4餸, 還包一碗白飯! 為食的我們當然選4餸啦! 我們點了腩片、豬大腸、鯛魚片、窩筍! 辣味可選微辣至勁辣! 味道也不單一, 有香辣、麻辣、蔥爆及孜然! 首試蔥爆乾鍋! 餸的份量超多, 炒得夠乾身, 蔥爆雖然不辣但仍很惹味! 豬腸煙靭沒有很多肥膏, 沒有內臟腥臭味, 愛了! 腩片是乾鍋不可缺的, 半肥瘦的腩片, 沒有很油膩, 超讚! 鯛魚片沒有腥味, 很滑也很爽口! 窩筍跟別店不同, 切厚件更有咬口! 松子糖醋東海小黃魚 $118 ~ 真心抵! 魚超大一條, 完全沒有

🕖時段-星期一夜晚屋苑商場主要都係街坊生意 但都坐到7,8成滿_▫️金蒜香蔥黃油雞 配飯 $60$60有飯有餸有野飲都幾抵食 雞肉鮮嫩但中間骨份部分有少少紅 蒜味唔算好突出 _▫️福菜花炒鯛魚片 配飯 $88出街食又想有肉有菜就揀左菜花炒魚片 個芡汁幾濃味唔怕太清淡又啱餸飯食_晚餐配超大碗白飯😂 如果女仔食量無咁大可叫少飯減少浪費另外可以加錢配點心 例如 蒜泥白肉 小籠包 流沙包 牛肉餅 價錢合理每樣都只係加十幾蚊_▫️豆漿▫️檸檬百香果

餐廳大約開了幾個月, 跟同樣在禾輋商場的藍鳥為同一集團, 可能個鳥字有旺於老闆, 兩間餐廳都以鳥命名 🤭芹菜蔥爆炒牛肉配飯 $75一般煮這個菜會用京蔥, 這𥚃則用青蔥, 洋蔥和芹菜做配菜, 比較特別, 如果用京蔥可能會再香一點 😬 味道也不錯, 牛肉也軟淋而不韌。上海排骨湯麵 $60餐廳並非用一般常吃的幼麵, 加了少許青蔥, 排骨與麵分開上碟, 這一點很好 😊 有些餐廳會把排骨放在麵中就容易變淋。 排骨微脆, 並不乾身, 將排骨切成四小件, 剛好足夠配麵吃 🙂上海小籠包 $40外皮並不厚, 豬肉餡也蠻多的 😙 上碟時未有提供醋, 原來桌上已經擺放了, 不過這樣一來就未配有薑絲 🧐數十元一個麵餐或飯餐, 價錢親民, 而且地方很寬敞, 所以位於禾輋這類邨屋商場絕對吸引到不少附近住客。

擔擔面好好食，雲吞面水準之上，上面粗炒正常之上，小龍包樣貌差點，但爆湯好味，沒負評是真的，被前身的舖套著，味道比上手好很多，希望頂到落去比其他人再試，會再來食，價錢貴少少，但味道是值呢個價，會叫朋友黎食。

今次又去咗禾輋廣場揾野食🤣 雖然地點比較偏僻, 距離沙田火車站都有十幾分鐘路程~ 但因為係屋邨區, 所以廣場都有唔少餐廳! 仲有壽司郎添😆 今次食呢間應該都幾受呢邊嘅住客歡迎~ 唔單止性價比高, 而且仲有唔少家鄉小菜~ 而且餐廳環境好闊落, 坐得好舒服~晚餐所有小菜都會跟白飯同飲品🥤 除咗家鄉小菜, 餐廳仲主打上海菜😋 有陽春麵, 擔擔麵🍜 小籠包🥟紅油抄手等等 🤍家鄉回鍋肉回鍋肉炒得好有鑊氣, 而且好惹味!! 辣嘅程度啱啱好🌶 送飯一流🍚 豬肉同菜都唔會太油膩😝🤍芹香蔥爆炒牛肉炒牛肉超級足料! 牛肉大大片又厚身🥩 調味一樣唔會過鹹夠哂惹味🤩 配埋芹菜香蔥食就唔會膩~🤍紅油抄手抄手大大粒🥟 調味比起回鍋肉辣🌶 但唔會太油~ 加上餡料厚實! 食落都滿足~

今次介紹一間偏門小店比大家，佢內部裝修環境都幾別緻，有唔同款嘅晚市小菜套餐包小菜、飯同飲品。———————————————🌟松子糖醋東海小黃魚 $118呢個我係真心覺得抵食，平時食親糖醋魚都講緊差唔多要$200起，但呢度100頭就已經有成個套餐，而且糖醋配料一啲都唔馬虎。條魚炸得好香脆，淋上酸酸甜甜嘅糖醋醬，上面再加有各款椒、菠蘿、椰果同埋松子，魚同配料都比我食得乾乾淨淨。🌟芹香蔥爆炒牛肉 $75爆炒真係夠晒鑊氣，牛肉麵同芹菜、洋蔥、香蔥炒埋一齊，牛肉本身都嫩滑味道濃郁，呢個菜嘅精髓係除咗牛肉之外，其他配料一樣炒得好出色，最主要係佢嗰個調味做得好好，令到所有材料都好好食。🌟黑金流沙包 +$12套餐全部都可以加十幾蚊就有個點心，我嗰日心郁郁就叫咗個流沙包，入面嘅流心都做得唔錯，但係流沙本身個味道係偏鹹香，個人會鍾意甜少少嘅奶黃味。

禾輋唔算好多餐廳選擇，今日試咗呢間木系佈置嘅上海菜，地方幾光鮮，裝修幾新，就同朋友一齊試下♡ 小籠包上海小籠包皮較厚，唔易爆破，有上海風味，咬開皮之後，裡面嘅湯幾清甜同可口，味道剛好，唔會太甜而嗆喉♡ 生煎包生煎包幾好食，包嘅口感柔軟，包底有微微焦香，裡面肉質彈牙，有少許筋同油脂，咬開有肉汁滲出，下次都會再食♡ 京蔥牛肉飯味道香濃，有好多大蔥，牛肉亦大片同軟焾，肉汁較濃稠，送飯一流♡ 整體性價比幾高，質量都唔錯

今日我同另一半講想食上海野，佢話上次有朋友帶佢去禾輋食左好抵食又好味ge 晚飯，其實我開頭有啲抗拒，因為原來我從來冇去過禾輋😅但食完之後我就話下次到我帶朋友嚟食😂因為冇諗過餐廳細細，但佢嗰條糖醋魚同menu一樣係原條上，勁多菠蘿，仲一啲都冇魚腥味 ，就算凍咗魚皮外層都保持着有點脆口。「松子糖醋東海小黃魚」套餐，仲有兩粒小籠包加碗大白飯都只係118元，share 食正爆❤️再落咗上海肉絲粗炒，鍋貼（4件）和豆沙窩餅（8小件）。粗炒每條粗幼都一樣，唔會黐埋一住或者油淋淋，另一半超鐘意食呀⋯⋯佢話上次都有食過同今次一樣味道👅豆沙窩餅啲豆沙多到漏咗出嚟，甜度適中。至於鍋貼熱辣辣放入口一咬啲汁就多到爆出嚟😂 我鐘意呀！😍經過沙田可以行去禾輋試吓呢一間鳥巢。我哋食咗咁多野只係二百幾元埋單飽住走。

同屋企人係沙田行街，行行下去到禾輋廣場，屋企人就揀左呢間上海小店，見到餐牌性價比幾高，當然要一試。黑金流沙包$42/3隻流沙包唔會太大，岩岩好，包住滿滿咸蛋黃，但完全唔會過甜，包又夠軟熟，唔錯！酸菜活魚片配飯$88酸菜魚好大碟，一點也不油膩，而且餐廳好貼心，可以揀走酸或者走辣，配菜有唔少芽菜、雲耳、蓮藕同寬粉，勁抵食，魚片新鮮彈牙，啖啖肉，配菜都好入味，酸酸辣辣好過癮。家鄉回鍋肉配飯$75呢味好夠鑊氣，好香口好惹味，腩肉切得夠薄，肥瘦均勻，好易入口，椰菜同青椒都好多，而且好入味，味道甜甜，送飯一流，食到停唔到口。📌鳥巢地址：沙田德厚街3號禾輋廣場2樓210A號鋪評語食物多選擇，性價比高環境舒適寬敞🐵推介🍌🍌🍌🍌🍌（5🍌為滿分）#foodie #美食 #外食 #知己相聚 #foodielife #foodiehk #hkfood #hkfoodlover #foodinhk #igfoodies #香港 #好去處 #吃貨 #吃貨人生 #香港美食指南 #相機食先 #香港旅行 #香港餐廳 #香港生活 #foodblogger #foodiegram #hongkong #流沙包 #酸菜魚 #

禾輋商場而家都好多食肆,呢間主打上海菜既鳥巢,我地經過見到menu上都好多選擇,而且望入去座位都好寬敞,令人感覺舒適除咗晚餐之外仲有二人套餐選擇不過因為都驚食唔哂,所以就選擇左單點既套餐金蒜香蔥黄油雞配飯蒜蓉加蔥再配上豉油,單單呢個汁都好足夠送飯雞件食落都好香滑上海排骨湯麵排骨炸得好香脆而且都好厚肉湯麵既湯底清甜,麵質彈牙黑金流沙包估唔到呢度有埋我最鐘意食既流沙奶皇包奶皇x鹹蛋黃既流沙口感熱辣辣超正野飲方便選擇左檸檬茶同埋豆漿豆腐豆香味濃檸檬茶比起出面既有小小唔同茶底帶有花香配埋青檸，出黎味道好夾

《沙田美食/上海菜 鳥巢》🔹酸菜魚配飯 （$88）入面有粗薯粉、蓮藕、木耳、芽菜、魚片等，配料豐富～呢個酸菜魚冇平時嘅咁油膩，喜歡清淡嘅朋友應該會幾適🈴🔹家鄉回鍋肉配飯 （$88）四眼仔幾鐘意佢將啲回鍋肉切薄片，可以一啖飯一啖肉咁食😋亦都容易掛汁，好似蒜泥白肉咁一啖一舊😎🔹黑金流沙包 （$42）新鮮熱辣出爐🔥黑色嘅包配上金黃色嘅咸蛋黃醬，打卡一流📸 入面嘅咸蛋黃醬都幾多，啖啖都係醬🔹檸檬百香果 （$20）檸檬加百香果呢個配搭幾match✨🔹蜂蜜柚子茶（$20）正常嘅蜂蜜柚子茶🤣唔會太甜

今日又入咗沙田禾輋廣埸lunch …….. 朋友說想飲酸辣湯喎⋯⋯所以就揀咗位於禾輋廣場2樓嘅「鳥巢」.. 「鳥巢」嘅裝修簡潔衞生，座位寛闊😜重點套餐價錢都幾實惠🤭酸辣湯麵+3隻上海雲吞，豆漿是跟套餐送的😙酸辣湯幾濃稠，酸辣湯料也不少，味道ok 啊🤭糖醋甜排骨配飯，這道菜好味在於個糖醋醬汁，甜酸度配合得剛剛好，不會太酸，亦不會太甜…另一方面，所用的是肉排，啖啖肉🤭🤭黑金流沙包，熱辣辣，口感柔軟👍

「鳥巢」位於禾輋廣場二樓。簡約裝修，提供大量卡座，座位寬敞舒適。主打上海菜，經典各款上海涼拌、點心、湯麵、菜飯及小炒都有。晚市有一人及二人套餐供應，一人套餐價錢由$60至$118不等，相當街坊價。套餐已包飲品，亦可追加小食。晚餐D8《家鄉回鍋肉配飯》（$75）回鍋肉真真炒得不錯，集齊鹹、香、辣，夠晒惹味停吾到口，送飯一流。《上湯小籠包》（$40/4隻）小籠包上枱熱辣辣的，要趁熱食至夠好味。包子皮不會太厚，測試過係有湯汁嘅，肉餡適中，味道 ok 。《麻香雞絲水晶粉皮》（$58/例）麻醬十分香濃，水晶粉爽滑，大致不錯。餐廳不設加一服務費，三樣食物連飲品，兩人埋單都只係$173，價錢確實經濟實惠，而且食物品質不錯，没有將價就貨，可以推薦一試。

實左太掛住上海菜啦，今日放工拉埋朋友去屋企附近新開既上海菜餐廳試試~我地食上海菜，去邊間餐廳都好，都一定會叫三寶，上海肉絲粗炒,酸辣湯面,上海小籠包。我地今次唔例外，都係食呢三樣，試試呢間質素首先是上海肉絲粗炒，其他餐廳都係多面無乜餸，但呢間係餸多過面，豬肉絲都好多，配菜同醬料加上海面一齊炒，面吸晒醬料的風味，認真不錯。接下來是酸辣湯面，湯底酸辣可口，面條彈牙，配料豐富。湯中的酸味和辣味相得益彰，為整道菜品增添了一層層的風味。配料中的肉絲、木耳和豆腐乳等，使得湯面更加豐富美味。上海小籠包，這是上海的傳統點心之一。小籠包的外皮薄而有彈性，裡面包著鮮嫩多汁的豬肉餡，每一口都帶來滿滿的肉汁和鮮味。在品嚐時，蘸上一點醋和薑絲，更能提升整體的風味。最後是手切蒜泥白肉，這是一道冷盤。白肉切得薄而均勻，搭配上濃郁的蒜泥醬，口感鮮嫩多汁，蒜泥的香氣與肉的鮮味完美結合，讓人回味無窮。這道菜既可以作為開胃菜，也可以作為主菜，非常適合喜歡蒜味的人品嚐。