鳩戟

營業中

休息中

聽聞呢間pancake 喺葵芳好出名今日終於同朋友嚟葵芳掃街 嚟到都好多人排緊隊揀咗伯爵茶口味加開心果雪糕雪糕都有好多款可以揀全部即叫即整 所以都等咗一陣 Pancake 有兩塊 蒸得勁高勁大 比較厚實嘅pancakes 加埋伯爵茶醬碎碎 唔會太甜太漏最正喺開心果雪糕 勁濃郁嘅口感 冇敏感牙齒嘅感覺 好綿滑

一場嚟到 #葵廣，點可以唔掃下街🤭 人山人海嘅場面，永遠都會喺食物檔出現😅 經重重開山劈路，#小秘書 終於嚟到 #九鳥戟 … 一間傳聞中好好味嘅 #班戟店 🍮 一向患有選擇障礙嘅我似乎樣樣都想試😅 唯有靠點指兵兵做選擇… 呢日我哋揀咗 #香印提子 #海鹽焦糖脆皮 #pancake 🍮 配 #開心果 #Gelato … 鬆軟嘅pancake，舖上厚厚嘅焦糖，夾埋海鹽一齊入口，鹹甜口味配合得天衣無縫🤤 而且仲有 #開心果 味超濃嘅 #Gelato 做陪襯，又真係幾好味㗎喎🤤🤤 📍九鳥戟 (葵芳)葵富路7-11號葵涌廣場2樓2010號舖

上次黎葵廣試唔到既pancake，今日終於試到啦😍即叫即整既關係，落完order大概都等左15分鐘先有得食🫧✰⋆🥞焦糖脆皮奶黃流沙𝐏𝐚𝐧𝐜𝐚𝐤𝐞 $60/2 pcs即叫即製既梳乎厘pancake賣相好靚聞落好香💯上面淋滿左奶黃流沙醬，上面個層焦糖有燒過，好脆好好食。梳乎厘都好厚身，口感鬆軟，充滿空氣感🫧非常軟綿，有入口即溶既感覺(´▽`ʃ♡ƪ)，🍳蛋香味亦都好濃郁😋每份梳乎厘都可以揀一種口味嘅雪糕，作為開心果控既我當然又揀咗開心果味，完全係好有驚喜，雪糕入面有開心果碎，開心果味亦非常之濃，真係好值得一試⭐️⭐️⭐️✰

9cake嘅海鹽芝士Oreo唔錯。外觀方面，梳乎厘嘅色彩對比鮮明，Oreo嘅深色同芝士唧奶白色搭配得幾靚，Oreo 粉比足！！令人一睇就有食慾。味道方面，海鹽嘅微鹹同芝士嘅濃郁互相融合，梳乎厘空氣感十足，口感豐富。Oreo餅乾的酥脆感同芝士的滑順形成對比，甜度適中，唔會太膩，而我揀嘅tiramisu 味雪糕都唔錯。性價比方面都算合理。但係都有啲多人，我都要10分鐘先拎得。整體嚟講，海鹽芝士Oreo表現唔錯，值得再試！

今日同朋友出葵涌廣場掃街見到多左好多新野食，其中呢間疏乎厘最多人排隊，入面有多款口味，我地揀左宇治抹茶紅豆+開心果味雪糕，疏乎厘空氣感十足，配合香滑的抺茶醬再加上開心果雪糕，值得一試～

葵廣出名有好多唔同嘅小店，特別係飲品同埋甜品店，一直都排曬大隊。今日小篇甘岩黎到葵廣夾公仔，試左間人氣好高既pancake。佢個名好引人入勝😂 依加pancake 送一球雪糕，好似幾吸引就試試佢。我地就揀左伯爵茶pancake，等左5分鐘左右就有得拿，幾快手！班戟有兩件，厚度中規中矩，但好"動L"！係比較重空氣感，pancake 本身已經有幾濃既蛋香同奶香味，面頭有一層伯爵茶醬，醬上面亦有少量餅乾碎增加口感，整體味道配搭唔錯。建議係個雪糕要裝番靚少少。。。個panckake 既美感完全比依球雪糕整壞曬，可以既話希望係同相一樣，甘就正啦。有個句講個句，賣相雖然睇落麻麻但食落係好食的。整體唔錯，可以再試。

焦糖脆皮奶皇流沙配自選雪糕奶黃吉士淋醬塗上焦糖脆脆餅皮,黏稠滑順就像蘇打雲尼拿。🤩🤩再加一球雪糕,一口入嘴刺激冰暖交替。😋😋半熟班戟外层薄脆内里嫩滑,咬下去滿嘴的水汪汪。口感豐盈彈牙,以前從未有過這樣子。🥰🥰#hkfoodie #foodiegram #香港美食 #性價比餐廳 #葵芳區 ##甜品 #餐廳 #生日飯 #hkig #hkfood #hkfoodblogger

小店主打梳乎厘班戟和旋風雪糕, 見是網絡熱推之一, 又很久沒吃梳乎厘, 便光顧一番。灑上糖霜後的班戟, 糖霜少得很沒誠意追加糖霜後的班戟焦糖脆皮奶黃流沙 (所有pancake均會奉送軟雪糕) $60焦糖脆皮奶黃流沙賣相中規中矩, 班戟有兩件, 厚度略微不足。奶黃流沙醬蓋滿班戟, 面頭有燒過的焦糖, 唯沒有脆的質感。由於所有pancake均會奉送雪糕, 雖然並非餐牌所指的軟雪糕, 但雪糕有繽紛樂榛子, 雜莓和特濃開心果選擇, 我選了特濃開心果。店員會在客人面前為班戟灑上糖霜, 糖霜份量之少令我忍不住開口問可否多給, 雖然店員樂意為我追加, 但感覺製作的心度不足。雖然製作的心度不足, 但質素尚存。班戟富有空氣感, 入口軟綿, 配上奶黃流沙醬, 奶黃味濃, 味道不俗。特濃開心果雪糕開心果味明顯, 內有少量開心果碎, 增添口感。由於pancake尚餘熱力, 雪糕融化得快, 一冷一熱, 有冰火感覺。

焦糖脆皮奶黃流沙Pancake - $60 呢間嘅Pancake係疏乎厘嘅質地，好重空氣感，呢款有啖啖奶黃味，比較重蛋香，面頭會有一層焦糖脆皮，增添口感，而每款pancake都會一款雪糕，可以自己揀味道，今次揀了Tiramisu，都好味。但略嫌性價比不高，同埋建議買完要即食🤣

係我唔好彩？還是轉咗新人等到佢正式開鋪後，第一批order 約25分鐘完成🕐平時見排曬長龍， 2件pancake都疊得起，靚靚仔仔🥞，今日塌曬朱古力醬+餅碎味道👌🏻（三重朱古力，第三重係乜嘢呢？！）pancake濕濕地，好似唔熟😑同店員講，完全扮聽唔到。。。

📍FreeHcaKe尋日去咗葵廣掃街，除咗廢水之外，梗係都唔少得甜品la💗行到2樓，見到有條巷仔專賣嘢食，入面有間主打疏乎厘嘅小店，賣相望落勁吸引😍而且有d款式仲配埋雪糕，真係夠晒邪惡呀～嚟得掃街都預咗肥㗎la，唔爭在食埋呢個🤭🥞Pink Team $50/2pcs 呢款係季節限定口味，而且成個都粉紅色咁，真係好少女💕個賣相已經贏晒，打卡一流🫰🏻疏乎厘表面浸滿士多啤梨奶蓋，味道似士多啤梨糖🍬但口感唔算好fluffy，反而食落好似蛋糕，質感偏乾，同平時嗰d有出入😌𣎴過勝在個配搭非常夾，疏乎厘班戟配上韓國士多啤梨同乾果碎，味道酸酸哋，可以中和返奶蓋嘅甜膩感👍🏻另外，仲有澳洲雲呢拿雪糕，口感超級軟滑，同疏乎厘一齊食有冰火交融嘅感覺🧊🔥估唔到雪糕都咁出色😋🍨9 cake旋風 $25雪糕同樣係雲呢拿味，而配料方面有5個選擇：Oreo、聰明豆、香芋麻糬、Nutella 榛子醬同Skippy 朱古力花生💓平時食開Oreo配雪糕，今次就試吓聰明豆la😬呢杯雪糕都幾大杯，但溶得好快🫠一開頭食落都覺得唔錯，聰明豆硬硬哋咁，口感幾得意😚但之後越食越甜，而且咬聰明豆咬到好攰，所以個人就唔係好鐘意呢個組合🥲朱古

➲ 葵廣 hk9cake➳ 奶黃不奶共 ⁽⁹/¹⁰⁾奶黃吉士淋醬配埋焦糖薄脆層，雲尼拿奶油感，配埋雪糕，冰火兩重天。半熟班戟，外實內軟，泡泡豐盈感，出面嘅都唔係呢個口感㗎。➳ 宇治金時 ⁽⁷/¹⁰⁾宇治抹茶味好濃，有啲苦澀味，雖然有紅豆配料，相比奶黃較單調，想食無咁甜嘅可以簡呢款。⤵ @hk9cake葵芳葵富路7號葵涌廣場2樓2010號舖#hkfood #hkrestaurant #hkcafe #cafehk #hk #hkfoodie #hkfoodblogger #hkcoffee #hkcoffeeshop #coffeeinhongkong #cafeholic #foodblog #foodblogger #foodreview #香港美食 #香港食評 #葵廣美食 #班戟 #奶黃 #freehcake

喺葵廣掃完美食點都要搵個甜品食下 🍮🧁🍰🍧🍦🍨為豐富既美食日畫上句號❣️呢間pancake聽過好多次但因為每次都勁多人排隊而放棄左(˶‾᷄ ⁻̫ ‾᷅˵)今日見冇乜人而且「期間限定」竟然係我超鍾意既🧊波子汽水🍹一於試吓等左3分鐘 上手熱辣辣✨充滿波子汽水味嘅cream🍦勁有空氣感既疏乎厘🍮加上凍冰冰嘅雪糕🍨🧊🔥我2分鐘食晒🤣🤣🤣💫💫💫💫下次會再黎食埋其他味🌹🌹🌹

第一次去食，經過時以為好好食，點知店員好鬼無禮貌，全部惡形惡相，超級不可一世，嘢食又唔好食，真係貼錢買難受，快啲執咗佢要，影衰香港，香港再無禮貌嘅店鋪，點同人競爭呀

食物不錯吃，但態度好差一開始叫野食就全程度黑臉到尾，講嘢冇啲禮貌，講完嘢又即刻望第二到同反白眼咁，唔知咩事，態度非常趕客。但總結嚟講食物係幾好食，唔介紹態度差既話都可以試試。