鳳城酒家 (已搬遷) 新店位置

早兩日又去鳳城飲早茶，諗住試下佢地d招牌魚翅灌湯餃，雖然要$30一籠(兩隻)，但見佢咁大隻，諗住裏面一定好多湯汁。點知裏面湯就無，啫喱狀既大菜膏就大把，唔知係原本的設計就係咁，定係蒸得唔夠呢？味道ok既，之前看過網友話，果d啫喱係燕窩，但我地就唔識欣賞囉。另一樣我地唔鍾意既就係鮑魚雞燒賣，其實即係類似春蛋燒賣咁，在燒賣上放上鮑魚和雞，不過原來每籠只有兩粒，一粒上面放鮑魚(類似壽司的貨色)，另一粒上面就放雞肉。食完真係覺得有d搵笨。

2009-02-12是日係遲o左o既team 開年飯暨ITT 同事登陸要了個六/八人餐，再加少許點心蝦多士/鍋貼明蝦(??) - 蝦味比上次HKU 吃的差了點點，但整體大隻o的，又無咁油膩熱氣翅 - 翅就好似唔太覺炸子雞 - 是非常好的一隻雞，唔太鹹唔油，似新鮮雞，亦無血水灌湯餃 - 佢o地話呢o的先係正宗，唔係我見開o既一盅o個o的。無乜湯o係入面，亦發現食家所講似燕窩的東西。我都懷疑是凝固了的湯鳳城炒飯 - 炒得好有水準，唔太油亦乾身。但料就少o的喇仲有其他o既鮑魚菰扒時蔬，生菜包肉碎，叉包，奶皇包，腸粉，菜餃，粉果都不俗生果盤無乜味，紅荳沙普通九個人最後食唔晒多謝老闆

今早約了一年沒見面的舊下屬聚舊, 來了這間鳳城飲茶. 平日的早晨十一時, 酒樓客人不多, 只有半滿, 多數是飲茶吃點心的, 但間中也有一兩枱客人是吃小菜的. 我們點了:燒賣 - 頗大粒, 但有粒粒肥膏, 感覺比較肥鮑魚雞絲腸粉 - 說是"益街坊"的點心, 說真的吃不出鮑魚味, 和一般的雞絲腸粉差不多, 腸粉不夠滑, 不太喜歡.蘿蔔絲酥 - 較好的一碟點心, 蘿蔔絲酥有三隻, 咬下有絲絲蘿蔔, 又夠酥脆, 不過較"熱氣".珍珠雞 - 一籠兩件, 雖然很大隻,但又乾又硬, 很難吃!!!!芋頭腩肉卷 - 又是一籠兩件, 賣相如臘腸卷, 但味道又像义燒飽, 因為腩肉是搽了义燒醬, 吃下去不太硬, 但比較o鞋. 雖然飲茶不貴, 但水準好像正在下降中, 比一年前來的時候差, 看來下次要選個新地方去飲茶了!

其實一心想去森美小儀介紹果間, 但係時間不容許, 本來以為呢間同北角果間係一樣, 點知後來聽人講…原來北角同旺角果間先係正貨, 其他市面上既鳳城都係由另一個集團主理既………是日叫左七籠點心, 普普通通, 又唔係話特別出色…但係最奇怪係個灌湯餃……明明0的人都話裡面係包住0的湯汁架…點解我果個灌湯餃裡面一0的湯都無, 但係就有一0的好似啫喱狀既物體係裡面呢, sheep 話個口感似係燕窩…我都覺得~但係心想一定唔會係燕窩啦, 最適合既解釋我覺得係0的湯凝固左….但係個餃本身又唔係凍架喎~到底點解會咁呢~另外又有叫左個等價點心叫做綠茶煎軟糕, 因為我曾經食過一個南瓜煎軟餅好好味~所以就想試點~件糕有少少油而且0的餡都幾甜…有少少失望~不過最驚喜係一個叫做咩絲沙律卷…幾好味~雖然唔係好熱, 但係外層炸左既芋頭絲(我估計)幾好, 而且唔係太油…good~下次都係去返北角果間試多次個灌湯餃先得….

今日一行八人走左去鳳城飲茶食中午，叫左好多野食，蝦餃唔錯，燒買都好，牛肉一般般，咖哩魷魚就唔夠味，雞扎好夠份量，炒蘿蔔糕就好得，仲有叫左最出名嘰燒雞，燒雞就真係有驚喜，好夠味，d肉又唔會鞋，所以中午好爆，如果唔訂位，分分鍾有排等。

今日同屋企人去飲下午茶叫了五個點心，等了很久點解未來呢?完來無落單，叫返無叫的五個點心啦，哦來得3個，另外果兩個呢?完來售罄，唔問又唔主動通知態度又惡劣，真係一元貼士也唔想俾‧

早在月前金豬媽媽已經要求來個中秋節晚飯高興一下,經過多方諮詢後,幸運地找到一個齊人的晚上共慶佳節,地點就是這間早前出了事故的鳳城酒樓,只因朋友一句:之前出左事,而家至唔怕去食,實係更乾淨嘛!(有point!!)訂檯時已訂下馳名炸子雞一隻和焗西米布甸;誰知酒樓現在有不少優惠套餐裡也有這兩味名菜,相信不用特訂也可吃到,連侍應們也極力推薦我們吃套餐哩,最後點了一個名為"超值半價全包宴"($1690),還包了茶芥、啤酒三支(或改為汽水六罐)和加一,又真的很抵食!等了快要半小時,第一道鴻運燒味拼盤才上桌,拼盤有乳豬、叉燒、白切雞和鹵水掌翼。乳豬皮香脆可口,比乳豬肉更美味;叉燒帶點肥,吃來很柔軟甘香,蜜味也頗重,好味!白切雞小試一件雞胸肉,還算ok也不會很孩;掌翼顏色較淺,個人覺得鵝掌較柔軟好吃,廚師將小小掌翼也可以斬得如此仔細,利害。再等了快半小時,其他餸菜還沒見,跟侍應們追了2-3次,以下餸菜才陸續送到,這時候的上菜速度比較正常了。鍋貼大明蝦下面的麵包炸得香脆可口,卜卜脆的沾上沙律醬實在美味!大明蝦蝦肉爽口彈牙,本身味道已算不錯,再加上大家飢腸轆轆,當然覺得更好吃!大良煎藕餅是另一道香口食物,

22/6/2008 早早上10時半~3個人訓醒去左飲茶, 因為之前有朋友介紹ok~搭的士黎食3個人叫左12碟, 呢道星期六及日全日大, 中, 小點一律$9.8食物整體上唔錯, 有幾樣我覺得值得推介伯爵奶皇包~ 個包好鬆軟, 奶皇好香~正(我地叫左2個)鳳爪排骨飯~ 排骨好多, 而且好肥美, 飯唔會太濕杞子菊花糕~清香的菊花味, 唔會太甜, 夠凍埋單12碟都係 150左右

這間老店唔係唔好，但只適宜久不久才光顧一次。原因是現在連菜牌也欠奉，只得那兩三張過膠單張，選擇真的非常非常有限。那些地道的招牌算做得唔錯：窩貼明蝦($108) ：蝦肉鮮夾爽，多士鬆脆香口，可惜一大碟只得十件，一個人都可以吃清。大良炒鮮奶：仍有水準，只是比以前份量略少。炸子雞：照例皮脆肉滑有雞味，鹹度適中。可能太搶手，每次點此菜均要追單追到一吐氣才上枱，要半隻又話要等有其他客要埋另一半才斬喎；今次要全隻又比鄰座的半隻遲了近半小時! 次次要攪到部長入廚房親自拿出來…野雞卷：唔怕油膩可以一試。燒腩仔: 出乎意料之外的好。义燒: 好惹味，肥瘦度適中。味道合格，但若叫人每次都只是圍繞呢幾度菜(最多加埋個炒桂魚、蜆芥鯪魚球、焗布甸)，幾好食都係假喇。

2July2007 1325本來想休息一下，但老爸要同細佬飲茶，叫埋我一齊。要選擇坐得舒服，近近地搭車地方就來這裡，等左一輪就入左房裡面，傾計唔駛大大聲都聽到。點了幾款點心，包括半湯餃，蝦餃燒賣，及一碟素菜炒麵。半湯餃係用點心籠上的一種，每籠只係有兩隻，裡面的湯不算熱，有點失望。其餘兩款亦冇什麼好或差可這。至於素菜炒麵，麵炸成一餅，然後淋上由生抽開成的獻汁，至於主角為紅燈籠椒、黃燈籠椒、秀珍菇、冬菇、草菇及菜頭等等，但求清清的可以食飽。埋單連加一及tips，為140蚊，幾抵食，所以從內心發出一個笑臉。

蒜子沉菠菜--蒜子俾得太少,菠菜老炸子雞(半隻)--雖然皮夠脆,但係肉淡已無味(點做招牌菜呀)炸蟹蚶--蝦膠都算OK,中間隻蟹蚶又亁又鞋,最重要係冇味

20070830約了朋友一行四人中午飲茶，早過一點鐘的話就幾乎不用等位，菜上得也快。不過出現錯單，落了潮州炒飯，來的是揚州炒飯，說去換結果又被告知售罄，結果要轉過另一款，可能中午始終人多忙亂吧。比較特別的是鮮蝦春捲，幾好味；叉燒蠻出色，肥瘦搭配適中，很香甜；蝦餃、燒賣、蘿蔔糕、潮州粉果、福建炒飯等就屬於正常；奶黃包不太好，味道有點假。總的來說不算突出，地方又有些逼仄，所以就覺得70元有點貴……這一區許多茶樓都收得到這個價，有些似乎味道還好些喔~

對於我這個打字白痴來說，連打三篇食評實在匪夷所思，但又不吐不快，長話短說；點了----什錦迷你冬瓜盅----打開蓋雞湯香味濃郁、鮮竹牛肉球----正常、灌湯餃----回味無窮、炸粉果----特別必試、雞球大飽----正常、高湯腐皮----腐皮太少，有些失望、順德醬汁蒸魚雲----正，肉厚滋味、蝦子柚皮----蝦子少，柚皮不夠淋；服務一般，尚可接受。原來星期六、日及假期，大、中、小點$9‧80，最後結算$165，滿意。

朋友約今日黎食晚飯, 原本有4個人, 其中一人有事唔黎得, 攪到三缺一. 叫唔到多o的.我地叫左:1. 脆皮炸子雞雞肉很嫩, 雞皮也夠脆, 只是略為多油, 朋友說北角的店更好吃, 亦不太油2. 炸鮮奶原本叫炒鮮奶的, 但侍應說有炸鮮奶供應, 說這平時是要預訂的, 便試一試. 一吃果然外脆內軟, 裡面的鮮奶仍然很滑, 很難想像是如何炸得剛剛好.3. 窩貼大明蝦蝦肉新鮮爽脆, 只是麵包也是太油4. 莧菜前三味都係炸, 叫碟菜平衡返5. 合桃糊這是飯後奉送的甜品, 但一點也不馬虎. 初嘗第一口已感覺到很香合桃味, 特別喜歡混有細細的合桃粒, 很有自家製造的感覺. 這碗合桃糊比一般糖水鋪更好食.6. 燒腩仔又一味脆扑扑的小食, 尚算可口總結: 今日食左好多油, 每樣菜都很好吃, 值得下次再來.

祖母乃順德人, 適逢媽媽節, 就做個孝順孫, 請她老人家吃吃她的家鄉菜吧.七時到達酒樓, 離遠已看到人山人海的人龍, 有老有嫩的, 可見一眾媽媽於子孫心中的地位.訂了座也要等半句小時才能入席, 大概非熟客關係吧. 有太多的食客等候, 門口的接待員也顯得有點火.點了個四人餐, 有雞炖鮑翅仔, 脆皮炸子雞, 窩貼大明蝦, 上湯浸芥膽, 西蘭花石斑球, 楊州炒飯. 另外還點了母親大人最愛的燒腩仔.雞炖鮑翅仔, 以這個套餐的價錢, 合理地找到悉數的翅, 雞湯味亦很濃, 還能找到一只烏雞腿, 有點意想不到. 可惜樓面太忙, 要自己落手落腳添湯.脆皮炸子雞, 雞很嫩, 包括雞胸的位置, 應該不是冰鮮雞. 皮亦很脆, 一向不吃雞皮的我也有點心動把它吃下.窩貼大明蝦, 是香口的菜式, 面的蝦也算爽口, 可惜底下的麵包過油, 也多了有點膩.上湯浸芥膽, 原以為比較清淡, 但所謂的上湯竟是濃濃的芡汁, 如果換作清湯會醒胃一點.西蘭花石斑球, 石斑球老了一點, 西蘭花則不過不失, 然而好像放了味精.楊州炒飯, 炒出來有點黑, 是過了火喉吧. 然而也相當足料, 蝦, 叉燒堆滿一碟.另外點的燒腩仔, 肥瘦適中,