鳳鳴居

營業中

休息中

第一次食係喺上水店食，食完就念念不忘，但因為太遠，唔可以成日食到，所以旺角有分店真係好開心，幾乎經過旺角都會食 。每次都會點「醉香雞湯米」！普遍嘅醉雞都係凍嘅，而呢間嘅醉雞反而係熱食，所以一食返唔到轉頭。湯底酒味極濃郁，甜甜地，易入口 ，十分上癮 。雞件都有6-7塊，今次好好彩，咁岩比雞髀位我，幾滑嫩 。一啖雞髀肉，一啖花雕湯，一啖米線 。真係好滿足😌

可能我少係鬧市搵食，而家香港好似好少見到要排隊嘅餐廳。6:30pm 去拎飛，竟然等咗40分鐘先可以入座，不過總比我入上水去食呢間嘢慳時間🤣🐥 醉香雞湯米線加芽菜 $62+$7餐廳嘅招牌菜，一入到餐廳就有好香嘅醉雞味。以前食過好多次都覺得個湯底太甜（雖然都會飲晒成個湯底🙈），唔知今次係因為加咗芽菜，定係改咗食譜？今次竟然係正常嘅甜味。餐牌上面寫醉雞係生滾雞，時間比其他麵會耐啲，但其實上咗個喇沙雞米線無耐，個醉雞都到左。隨麵送上嘅豉油都好好味。🐥喇沙雞湯米線 $60係一個充滿醉雞香味嘅餐廳入邊，個喇沙米上枱時仍然散發住香濃嘅喇沙味。啲雞好入味，完全唔使點豉油（所以佢都冇跟豉油，係我patpat 痕點醉雞嘅豉油🤣)。總括而言，兩碗麵嘅雞都好嫩滑，唔使點咬啲雞肉同雞骨已經分離。其實可以揀車仔麵配搭，但排得咁辛苦，梗係食雞啦🤣不過老實講要等40分鐘係有d誇張，都係今日見唔太肚餓先肯等，等等吓都由唔太肚餓變肚餓

呢排天氣涼涼地，晏晝又食得多左啲，就諗住夜晚食下粉麵，輕便啲又可以暖一暖個身🔥 經過好多次，次次都排哂長龍，今次見未係好肚餓就拎張飛仔等下啦，結果當然係無後悔啦😝🍜醉香雞米線湯底有驚喜，飲左成個人即刻暖哂，酒味都幾濃，雞肉好嫩滑，特別一提係佢嘅豉油，豉油甜甜地同啲雞好夾，忍唔住不斷點完又點🤣🍜姬松茸雞湯米線對比之下，呢個湯底相對地無咁濃厚，但又會比較溫和，適合唔鐘意酒味嘅朋友仔，姬松茸菇嘅份量都唔少，但呢碗啲雞就有少少凍，要浸落湯度浸返暖佢🙊

嚟到旺角必食嘅鳳鳴居，每次都勁多人排隊，大概等咗半個鐘多就輪到啦，招牌醉雞湯米線都係必點的，醉雞湯真係好好飲呀，甜甜嘅藥膳味連湯底都可以飲晒，雞肉份量都有六七件，配搭耐少少木耳同紅棗，姬松茸雞湯米線，湯底都好濃，冇醉雞個湯底咁甜

天氣開始轉冷，最啱就係搵啲暖胃嘅美食。旺角嘅鳳鳴居以醉雞麵聞名，交通方便，真係一個好選擇。專登試咗店內招牌嘅「醉香雞湯麵」，主食方面可以揀油麵、河粉、公仔麵等，我揀咗米線。米線口感彈牙，煮得啱啱好，完全唔會過腍。同時，湯底飄散著陣陣花雕酒香，濃郁卻唔會喧賓奪主，亦冇酒嘅苦澀味，仲滲透少少藥材嘅香氣，整體好暖胃，冬天食真係一流。雞件分量足夠，調味適中，唔會過鹹，保留咗雞肉嘅鮮味。店家仲貼心地附上一碟底豉油，想味道更濃郁嘅話，可以點少少嚟配，味道同樣出色。小食方面，試咗「辣豉油爽脆鵝腸」，雖然叫咗小辣，但對怕辣嘅人嚟講可能仍然偏辣。不過鵝腸嘅質感非常彈牙，唔會過韌，每一啖都充滿鵝腸嘅天然香氣。鍾意食鵝腸嘅朋友一定要試，絕對唔會失望。整體而言，鳳鳴居無論湯麵定小食都保持水準，特別適合冬天嚟一碗暖笠笠嘅醉雞湯麵，唔單止飽肚，仲令人身心都暖晒！

旺角人龍店？平日5點左右去到都有一定人氣，眼見枱枱都係叫呢個招牌，使用QR code 落單。$60 醉香雞湯麵 米線 少麵上枱真係大，碗架。聞到好微弱嘅酒香味，但食落就唔重，只係隱約食得出，湯頭甜甜地？唔係鹹，應該來自紅棗。雞件就唔少都有8至9件，肉質嫩但冇雞味呢部位平均，有脾位，可能用上黃油雞，偏肥，令到湯底都偏油。一度以為自己食梗雞米🙂‍↕️ 米線口感就正常，好彩叫左少麵，普通女仔呢個份量剛剛好。唔會再訪！

 話說早排想食呢間都係要拎飛等位. 最後等吾到食左第二間. 今次5點幾去到終於吾洗排隊啦😻**醉香雞麵** $60首先有d諗吾到麵類選擇竟然無上海麵? 🤐咁最後只能焗揀米線了🫨湯底出奇地甜, 吾知係咪因為落左紅棗關係, 麵上都有2粒紅棗點綴.🤗比起酒味, 甜味更突出, 只能說隻雞未醉晒🤡雞件嫩滑, 但精華都應該係晒個湯度. 說不出有雞味.米線偏淋身, 仲有隻空碟可以放骨, 尚算貼心👍🏻**蕃茄雞湯麵**  $58蕃茄湯稱不上濃郁, 雞件同醉香雞有點不同, 肉質較厚實.😗Encore 指數:⭐️⭐️

推介大家食醉雞湯米線，每次過嚟旺角都會去食，佢嘅醉雞湯底真係超好味，甜甜地有一陣藥膳味，飲落覺得好養生，會令人飲完一啖接一啖，雞嘅份量都好多，肉質就唔算好嫩滑，但都唔會話好老，仲有其他配料，男仔都會食得飽！！

今日路經旺角拎呀囝枝胎毛筆，終於有機會試吓呢間bookmark左好耐，由上水開出黎既醉雞米線！/滿懷期待嘅我覺得佢嘅湯底好有酒嘅香味，雖然知道佢嘅甜味來自於紅棗，不過對於我嚟講都係太甜喇，所以淨係試咗幾啖湯🫣米線爽滑吸湯👌🏻醉雞大大件，肉質充滿彈性，味道新鮮，啱晒補充蛋白質🙌🏻/整體來說中規中矩，經過諗唔到食咩可以一試😀

一間餐廳無論有幾好食，但只要服務、態度有問題，就點都唔會再有第二次.......夜晚附近放工，一心諗住去試呢間 "好食" 既米線店，當時門口唔太多人等位，行入舖頭，先要經過一條小斜路。店員o係斜路既盡頭大駕你光臨，問完我幾多位，就叫我出去攞飛，要等等。我出返去門口，撳左飛就o係門口既右邊等，面向馬路。起初都企o係撳飛部機附近，但隨住越黎越多人攞飛，我就行開左去另一邊等，驚阻到人，但都係舖頭門口。等左大約10分鐘，見到有D比我遲黎既人竟然入左去，我就覺得奇怪，行去部機睇，原來已經過左3個號碼。我入去同職員講，我話完全聽唔到有叫號碼，店員第一句就話: 你唔應該行開, 要企o係門口等，下一張補返俾你。我由頭到尾都冇離開過舖頭門口，只係太多人攞飛，我先企埋一邊等。我出返去門口望實部機，發現部機係唔會讀出張飛號碼，只有一聲 "叮"就完。舖頭對住彌敦道，人聲、車聲，其實大家都知有幾嘈。加上，店員由頭到尾都冇出過門口叫號碼，單靠一下 "叮" ，真係會聽到? 仲要怪我行開左，所以miss左..........我叫左碗醉雞米線，加一客醉雞腎。米線同食評所講一樣，個湯好味，雞既部位都會有雞肶位，唔會全部都

🍜喇沙雞湯麵 $58大多數都會有雞髀位，食落啖啖肉之餘仲好滑～佢地嘅米線好彈，韌度啱啱好喇沙湯底辣辣地之餘仲帶有椰奶嘅淡淡香甜湯頭夠濃稠，米線勁掛湯🍜麻辣醉香雞米線 $70醉香雞湯底勁清甜，仲可以飲到有陣陣酒香，仲會愈食愈熱湯底仲見到有紅棗，女仔食夠哂補😋真係可以食米線飲埋湯都得！同埋佢地嘅店員都好nice🥰私心推薦比所有鍾意食米線嘅朋友試下❣️

旺角區我最愛的醉香雞湯麵湯底熬製得十分香濃，湯色金黃透亮，喝上一口，鮮美的雞汁和香料的味道交融，回味無窮。米線與湯底的搭配恰到好處，吸附了湯汁的精華，每一口都充滿滿足感。餐廳的環境舒適，氛圍輕鬆，侍應的態度友善，總的來說，醉香雞湯麵令人回味無窮不可錯過！

「鳳凰」：神鳥。《說文解字．鳥部》：「鳳，神傳說中百鳥之王，雄為「鳳」。 此店以鳳為名，必然係對自家之雞麵飯料理充滿自信。由疫情開始黎呢度食，已經食過好多次，今次終於啲起心肝寫食評。今次叫左醉香雞湯麵，跟餐加凍熱飲品$8。一上枱，花雕酒既陣陣香味撲鼻而來。雞湯配上米粉，簡單而美味既組合。數一數，有六件雞，雲耳，紅棗。佢個菜牌講明，湯麵唔可以揀雞既部件。不過，佢最均真既係，六件雞入面，佢次次都有兩件係屬於最滑既雞脾部位。以雞既嫩滑程度同埋鮮味，完全食得出佢採用了新鮮雞。我最鍾意先飲啖充滿酒味既湯，食件雞脾，再食米粉。食到咁上下，先至將肉身較粗既其他部份，點一點辣椒鼓油一齊吃。最高享受呀！

每次出黎旺角都總係要食呢一間，佢嘅湯底款式多而且質素高😍加上佢嘅小食都相當吸引，係旺角一直人氣高企，門外長期多人排隊！相信去開旺角嘅人都一定唔會陌生😍⭐️醉香雞湯米配牛柏葉醉雞湯味道香濃甘甜，酒味足！雞件火候控制得非常好，嫩滑有雞味！個人私心配埋牛柏葉，質地爽口而且份量足，索埋湯食一流！⭐️蟲草花雞湯米線蟲草花湯飲落清甜而且有濃濃嘅雞湯味，雞件就同樣肉質嫩滑！而呢到嘅雞件部位都係隨機，朋友好好彩有雞髀食！⭐️蜂巢春卷每次都一定會叫嘅小食，一共有6條，而且外皮炸得好鬆脆，配合埋入面既芋茸餡，真係會食唔停😋

每次路過都超多人排隊的一間店，今天和老婆去排，2人才叫到30號但我們拿到69號，本來想說換一家，老婆二話不說拿了兩張單人號，然後排了不到兩分鐘我倆就進店了，不過要分開坐。點的醉香雞湯面，我想它的湯底應該是很大比例的黃酒，經長時間煮沸，去掉了酒精，保留了黃酒的酒氣和甜，再加上某程度上平日煲湯會有的鹹味。說是雞湯但沒有雞味，酒氣和甜度稍超出我可以接受的範圍。不合比例的調味，造就了味蕾上的先聲奪人，和幾口以後的過猶不及。另外湯底太搶，令我再吃面吃雞件都嚐不出其他的味道。如果你不介意排很長的隊，吃很網紅的味道，鳳鳴居還是不錯的，以上。