鳳鳴石磨腸粉 (觀塘廣場) (已結業)

一直keep 住食左差唔多半年，上個月開始突然間份量少左勁多多，少左成一半，以前腸粉加底可以做一餐會飽肚，裝到成個盒滿嘅，依家得返半滿，唔加底簡直得返幾啖嘅份量完全唔知點解無啦啦會少成一半咁多，呢個已經係我叫左加底嘅份量另外，豉油都比少左勁多，以前會装滿成個細兜仔，依家得返兜仔嘅4份1豉油，呢個份量食到一半已經冇晒豉油勁無奈，本身間舖嘅員工都俾好多人話態度差，依家啲食物本身都越嚟越差，其實寧願加價都唔想突然之間咁將啲份量減少咁多一直以嚟都懶得寫食評，但突然間份量少咁多真係太誇張，差到我特登上嚟寫食評

今個星期去觀塘上training~梗係唔會放過食鳳鳴石磨腸粉嘅機會啦!!不過我唔記得咗😮‍💨唔好叫佢嘅餐⚠️佢哋嘅魚蛋/燒賣都唔好食!!!浪費quota🌚叫餐係有steps嘅~趕時間嘅朋友可以諗定晒先! 如果唔係有排揀🤭.Step1️⃣選擇白米/紅米/黑米💁🏻‍♀️我就推介紅米腸粉因為佢比傳統石磨白米腸粉滑~重點係佢✅低脂✅高纖⚠️適合瘦身人士⚠️Step2️⃣選擇口味<<雞蛋豬肉腸>>(套餐$36/單點$23)係my favourite🥇🏆因為有雞蛋嘅腸粉多咗份蛋香😋.腸粉口感唔算特別好滑~可能因為多皺紋😂但算係入口即滑🙃.Step3️⃣選擇配料包括：芝麻、炸蒜、麻油、芫茜、辣椒油、麻香油、胡麻醬如果你以上皆OK💁🏻‍♀️高度建議全部都要! 會香好多!!!如果驚辣~ 唔要辣椒油都要番個麻香油呀🦾🦾嗰種麻痺嘅快感會令你一試難忘❤️‍🔥Step4️⃣選擇小食就係燒賣/魚蛋~Ummmm…no comment🤷🏻‍♀️兩樣都唔好食!.Step5️⃣選擇飲品有得揀💁🏻‍♀️竹蓆茅根、自家製豆漿、羅漢果茶👆🏻不過呢啲我都唔飲嘅😂好彩仲有得揀紅棗桂圓茶…不過我嫌佢甜得滯😮‍💨.下次都係就咁單點算喇🤫食

一直久聞大名但未試過嘅石磨腸粉店。食完正餐仲有啲口痕，單點左一份雞蛋豬肉腸 $23落單會咩需唔需要走啲咩配料，我地全部都要～一打開個膠盒，就聞到勁香麻油味。配料仲有芝麻，芫荽，炸蒜..我鍾意食芫荽，但佢啲芫荽都唔多夠靚。之前未食過石磨腸粉，睇佢嘅質地有啲似陳村粉嘅感覺。份量都唔少，食落口感好實在，夾起連住啲雞蛋一齊食，但冇咩蛋味唔夠香，好似所有野都比啲配料遮左啲味，豬肉香味都有啲既。不過如果想健康啲又想食腸粉可以試下，因為平時出去食啲腸粉都吸左幾多油，所以先又滑又香。 如果有下次再食，我可能會走配料只係落豉油，試下原味嘅雞蛋腸粉夠唔夠香。

外賣平台見到有優惠就試試呢間的腸粉。黑米無骨手撕雞腸原價$29一打開個盒見到手撕雞係小小的雞塊食落還有點乾，同menu張圖差好遠。佢被的鼓油唔夠鹹又唔甜，好似好健康。整體就普普通通，但腸粉真的比起其他店舖滑如果下次要用正價買會覺得唔抵食

食佐咁多次，腸粉係好味嘅，但係外賣真係成日漏嘢又落錯料咯！明明揀佐走青但始終都係落埋，都算，今次另外加錢要菜圃但係又無落喎，WhatsApp問番但係不回應！無退款無回應，實在失望！

幫襯咁多次，今次真係最燥，亦唔會再幫襯。無可否認為天氣熱同餓都有影響個人情緒，不過食盒手撕雞腸粉未至於等30分鐘up呀！落單平時會講等幾耐，15-20分鐘都係可接受，今次唔講要等，手撕雞無哂唔講，仲要等左20分鐘先發現佢整熱啲雞，如果落單時講就唔會叫啦！$49，無位坐，又唔係大盒，亦唔係特別好食，大熱天時企係等咁耐，又唔講無貨，等左咁耐一句唔好意思都冇，真係比錢買難受。雖然我唔會再幫襯，希望你改善一下，最低限度要通知客人。

叫左葱花蝦米腸，返到屋企一開，無葱嘅！已經第二次係咁啦！食落口，連麻油都無落到⋯上次叫套餐已經漏左6粒燒賣，今次又漏葱漏麻油，大佬⋯做野可唔可以認真少少啊😓😓

腸粉係好味的，已經食過好多次。但係落單嗰個阿姐，啲態度真係不可理喻咁差。態度又惡劣又寸嘴，講嘢無尾音。表情又凶狠，未開始食已經俾佢搞到冇咗一半胃口。已經唔係第一次受佢惡劣嘅對待，見到我前前後後嘅客人都係比佢催落單，藐嘴。希望負責人見到，會有改善。其實佢咁唔想幫人落單，不如唔好做啦。

鳳鳴石磨腸粉真係幾好食，前前後後都試過不同嘅腸粉🙈係我心目中依間真係世一 最值得推介👍🏻👍🏻👍🏻👍🏻最鐘意食係豬肉石磨腸粉😆😆再加埋啲豉油同辣醬 都真係幾滋味😍😍留意嘅係佢好快就會買哂 試過幾次6點到去 都已經買哂 🥺🥺

🍴鳳鳴石磨腸粉📍觀塘開源道68號觀塘廣場地下G34號舖✨石磨雞蛋腸 $22All in加底$10腸粉外層好薄入口即化口感好嫩滑Q彈😍腸粉加埋啲蔥花搭配上鳳鳴獨家的醬料更加添風味🤪值得一試！

之前都係去到店舖落單等今日發現可以喺OpenRice度下單 俾咗錢先明明撳咗走芫荽 走芝麻 全部喺晒度佢一時間嘅衝動 浪費咗我5分鐘慢慢挑返出來食係好食 但係有浸芫荽味就想嘔

以前都成日食腸粉，因為又平又好味自從轉左落單個男人之後成日落錯單唔食辣，又幫人打單放辣椒態度仲要好有問題⋯⋯平時經過落單嘅時候個男人好似淨係識得坐喺度撳電話人哋企喺度，等佢都冇反應唔識理人咁之後轉左打電話嗌外賣外賣電話成日都冇人聽 聽左都要等成分鐘都開始落單 因為個男人掛住做其他野之後去攞外賣冇提供膠袋但當時係2022膠袋徵收實施前即係公布咗仲未實施要收一蚊個男人喺電話中冇問過我要唔要膠袋要求提供膠袋是竟然話，我喺電話度話唔要膠袋，仲要大大聲然後同佢講話我冇講過依然都係話：係我話唔要，所以唔提供腸袋，仲提及法律叫我問返政府點解要收一蚊囉最後自己都比左一蚊要個袋但當時其實法律上仲未實施。請問係法律限期實施前我係可以要求要$0.5膠袋？？之後停食左一段時間直至今日再喺OpenRice落單叫左個套餐 拎走咗先發現俾漏野飲😅😅如果係錯漏百出嘅時候，愈來愈少生意嘅話，其實作為餐廳你哋係要重視如果一日都仲係呢個人我都未必會再食

豬肉蛋腸粉豉油倒哂落去感覺有啲似湯粉，但d腸粉好快就吸左大半豉油，怕油的人要自己衡量第一口係滿滿的麻香味，腸粉唔係行滑的路線，反而皺皮的情況，同麻香汁與豉油緊緊連繫第二口繼續係滿滿的麻香味，細味下有蛋的滑同香味，同埋豬肉嘅淋彈口感第三口繼續係滿滿的麻香味，細味下係蒜容的同辣椒粉的味道第四口繼續係滿滿的麻香味，細味下有芫茜伴隨的麻香味第五口繼續係滿滿的麻香味，細味下竟然係麻香嘅回麻第六口繼續係滿滿的麻香味，細味下係麻味第七，八，九，十口都係滿滿的麻香味，細味下只係麻味喜歡花椒麻油的人有福了竹蔗茅根水，一個字甜

想輕食可以單點腸粉only想食飽d可以點套餐(腸粉+燒賣/魚蛋+飲品)飲品 四選一調味料包括以下6款, 有邊種唔食, 可以走左佢如果想加芫荽, 需另加$5我單點了雞蛋腸($20)腸粉不算很滑,但勝在醬汁,炸蒜脆口,麻汁香口,辣椒爽辣, 絕配會令人上癮建議自備袋, 膠袋需另加$1 每買一份可儲印花,10送1 ($25以下腸粉)

其實之前我喺灣仔都食過一次，今次嚟到觀塘又好想食下❤️佢除咗選擇多，啲腸粉仲好滑，食過返尋味🥰🥰今次揀咗佢招牌嘅雞蛋豬肉腸粉，淨係落咗炸蒜、麻油、豉油（因朋友唔食芫荽），但係都好好味！個蛋同啲腸粉好夾，本身啲蛋都煮得好滑，加埋豬肉鹹鹹地嘅口感，真係好好食，好有層次！佢其實個套餐都好抵買，30幾蚊有腸粉又有燒賣仲有支嘢飲，我本身個人唔係好大食，對我來講個份量就啱啱好😋男仔可能會唔夠食，但係唔緊要因為觀塘廣場好多口立濕，可以慢慢掃街😆