鴻圖34

營業中

休息中

官塘工業區有好多茶餐廳，但我本人就特別鍾情於鴻圖34 ，唔單止系因為佢地別樹一幟的美食，更加重要的系，佢地令我感受到現時茶餐廳罕有的一份人情味。 對於一般打工仔黎講，早上當然想要有一份醒神早餐啦，而且最好就系價廉物美。試過甘多間茶餐廳，得鴻圖34的早餐最吸引到我。 28蚊大大碗五香肉丁公仔面，唔好以為系罐頭的果種，呢度的五香肉丁系自家制的！大大粒肉丁，肥瘦適中，表面光澤，一啖咬落去，肉汁溢出，肉質鮮美彈牙，且帶有微辣，唔夠辣的朋友可以加其秘制辣油，必定能夠滿足到嗜辣的你！而且，仲有附送埋一份滑蛋牛多。半件牛油多士熱辣辣，脆卜卜。滑蛋色澤金黃，口感綿軟。正！呢28蚊仲包埋熱飲，凍飲就要加2蚊，黎得茶餐廳，當然就要叫翻左杯奶茶試下，呢杯奶茶香氣撲鼻，奶香茶滑，口質細滑，值得一嘗！講真，加埋兩蚊凍飲，先得個30蚊一個早餐，的確系十分實惠，系得工業區先有。加上，d野食又好味，樣樣野自家制，連個公仔面的湯底都系自制，特別鮮甜，我直情當湯飲都得。D阿姐服務又周到，一見到客,就主動話，x小姐，早晨啊，今日食咩啊?得閑又會同你吹下水，見你遲左翻工又會叫廚房整快d個餐比我

環境~冷氣出熱風,相信是26.5度味道~午餐D是葡汁雞飯~雞冇雞味,冇伴薯仔同事A叫白切雞飯! 噢,原來是冰鎮白切雞+暖飯~so funny! 豉油,羌蓉是不包的服務~我唔明點解樓面咁忙都要企個人係出面拉客扮多人等位囉(真心唔明)衛生~一般抵食~請大家注意~$45-$50 午餐, 不過凍飲要+$6 囉, 真心個句我不如帶罐可樂冇咁嬲

餐廳前身是於迅達大廈的「八月天」，還記得第一次幫襯是因為那被某食評稱為「可能是全港最好味的奶茶」吸引而來的 除了那沒有令我失望的奶茶外，另一俘虜我味蕾的絕對是坊間平民餐廳少見的「法式油封鴨腿」～五十幾蚊可以享受外脆內軟又多汁的鴨腿，配上口感不俗的黃薑飯，成功吸引非在附近返工的我一再光臨！