鴻運車仔麵

營業中

休息中

記得當年還在讀書時,有時放午飯回到家才知老媽子冇煮飯,立即出街食,第一時間想起英車聯車仔面(當年係咁叫)每次食都係爆場,搞到要抱著書包仔𦂨埋一舊,本身又係住係長沙灣,所以假日或晚上都會來吃後來潮流興食米線,漸漸地少左來挑戰英超聯上幾個月突然心血來潮行過來食今晚又心血來潮想食,為左緬懷十年感情決定寫埋食評入到去又係近乎爆位,望望d人同十年前一樣,靚靚侍應,老闆,唯獨老闆娘唔知係咪返早唔見左人.坐低點餸,叫左沙爹牛肉,豬腸,米底加底同埋最重要既羅白,每次黎食識食一定係食籮白,佢d籮白係好甜冇渣,我叫沙爹牛肉同豬腸都係想加濃d湯味,令羅白走上主角之位,遞單前一刻老闆向周遭所有新客:某某食物賣晒,所有菜賣晒,跟住我一遞紙,老闆同我講:阿仔,你中晒啦,我笑笑口講,咁係係開心定唔開心,佢冇應我埋頭送其他食物即叫即整大約等左五分鐘食物就到,廢話左咁耐講食評啦沙爹牛肉有d辣,不過可能因我唔食得辣,食左一半就流鼻水,但醉翁之意只在為羅白鋪路然後到試豬腸.....一流好味,但食到我覺得份量少左d最後到主角羅白,甜,大份,冇渣,好味其間一路食,老闆又向新客宣揚:某某食物賣晒,沙爹牛肉岩岩整起好靚,汁點羅白一

成日係果邊經過，為左醫飽個肚都會周圍去食下唔同既食店，依間係我經常食既其中一間，雖然加左價但依然會繼續幫襯，車仔麵既款式選擇多，而且可以自由配搭，佢D料都唔錯街坊生意黎講屬唔錯，會KEEP住幫襯車仔麵平得黎又好食，叫左米粉配沙嗲牛肉、蘿白，牛腩汁，差唔多次次都係食依款，蘿白多汁又夠入味，必嗌因為好牛既我就叫左沙嗲牛，令湯汁更濃味，米粉則一時時，一時好碎，一時又OK，不過做開街坊當然要支持下

每次去李鄭屋游泳池游水後，我都會到鴻運車仔麵吃晚餐。我最喜愛的是豬紅，豬紅十分好味，簡直是『全世界最好味的』豬紅！媽媽喜歡吃蘿白，這裏的蘿白好好味，所以她每次都點蘿白。

咖哩螺肉 - 夠晒多, 入味, 很好.韮菜餃 自家包水餃，好多韮菜呀蘿白 非常鮮甜, GOOD----，又無渣湯底:咖哩湯底是最美味的價錢方面，算係幾大眾化啦總體黎講~真係好好下次一定會再去

新的工作計劃，另我工作的地點有一半從港島區遷移到長沙灣來，而且時間不短，看來我要和長沙灣做好朋友啦~ 是日一個人吃午餐，一路走走走，這間車仔麵的阿姐很熱情的叫我試試看，所以我就進來啦。午飯時間也不算很滿，反正有幾個空位就是啦。除了車仔麵還有餃子什麼的 ($6/3隻都幾抵呀)，但我還是吃個車仔麵好了。吃車仔麵當然是要吃油麵的吧，每餸$5/$6，我就要了豬紅，蘿蔔和豬扒，湯底也有 4 款選擇，而我就要了清湯的。不過它的清湯和我想像中有點出入，我原本真的以為是只有肉味的清湯，來到心想這也算是「清湯」? 不是吧? 不過其實它也只是味道濃一點而已，也不算很油膩啦，有點點腩汁的味道。油麵沒什麼好評，不過我覺得它的蘿蔔很好吃，很清甜，而且一點渣也沒有~ 豬紅很入味，相反豬扒好飲軟腍了一點點，感覺像炸過的但不太香口，而且沒什麼肉味，所以一般呢~ 事後聽到老闆說他們最好吃的是牛肚(?)，有機會下次再吃吃看吧。車仔麵加$6有飲品，價錢不算貴，味道也不差~ 往後的日子在這附近工作，相信總有機會再來吧。=)

真的估不到有如此水平，等朋友去黃金買printer. 肚餓去找野食，點知見到有車仔麵檔幾間，新年流流當然選擇有意頭啦。嘩，真喺要試炸貢丸啦，一咬落去“chuk"一聲，正呀。

外賣自取, 點了九菜餃, 魚皮餃跟碗仔翅.九菜餃 - 看上去很扎實, 餃皮雖薄, 連裡面的九菜都透綠出來, 但用筷子夾上去感覺皮很穩扎. 入口時, 九菜很俱層次感, 能感受到片片的鮮九菜在口腔跟肉碎有序地演著美味的奏曲. Good .魚皮餃 - 皮很彈口, 餡料味道也ok.碗仔翅 - 內容豐富, 質量也不錯, 有東菇片, 肉絲, 木耳, 粉絲跟少量蛋絲, 味道不錯, 稀濃也適中, 可以再吃 (不過吃後非常口渴).

見此店時常人頭湧湧食車仔麵,今日路過,看到有位,即時坐低.車仔麵每餸$5,麵底連菜$5.要了兩餸車仔麵:豬腸夠淋,乾淨,無異味,有六,七件.o趙得過癮.爽肚O.K.份量亦不少.油麵 - 通菜鋪滿整個碗面,油麵索晒腩汁,好味!麵份量夠,食完都夠飽,再來杯凍飲都是加$5.埋單$20,此街坊式食肆,最正是冷氣夠凍,最失望是下午三點收爐,想再食,要明天請早!

$15 兩餸一面, 但我要了剩餸, 貢丸片 + 椰菜餃 + 咖哩螺肉貢丸片 - 多人讚, 但其實麻麻, 炸的, 好油椰菜餃 - 無咩肥肉, 椰菜爽甜, 幾好 咖哩螺肉 - 夠晒多, 入味, 唔錯

難以估計, 在舊區工廠區之內, 有一間咁美味的廉價車仔麵.這兒又是$20 有1麵3餸.八爪魚丸似乎真的和平常的墨魚丸有所不同, 特別在那些一粒粒突起的, 應該確是八爪魚吧. 彈牙, 好吃.雞翼, 很腍很腍, 可以輕易吃其肉吐其骨.韭菜餃很好, 因為叫一個餸有三隻之多! 內含不少韭菜, 香氣濃郁!而車仔麵的湯亦較街外的濃香, 並附有咖哩汁沙嗲汁, 本人嚐過沙嗲汁, 回味無窮.此店還有炸餃, 也只是$5 /3只, 下次可以試一試.

兩年前同姨甥來過吃車仔麵,當時覺得很好吃, 每樣餸都很新鮮和入味今年姨甥又再由美國回來玩,於是又再叫外賣回來吃,但今次令到我同姨甥都大失所望姨甥叫了豬紅, 豬皮, 蘿白, 鳳爪配粗麵 要咖喱汁,我既係豬腸, 魚皮餃, 牛腩, 配油麵 要沙爹汁,豬紅很假, 一點豬紅應有既煙un感覺都無, 反而有點似硬既涼粉豬皮和鳳爪都很冧, 係冧到甩皮甩骨個種, 真係無牙都食得@@牛腩係牛腩碎, 撈左落麵之後夾都夾唔起,魚皮餃係來貨, 所以無問題,豬腸可能已經滷左好耐, 很深色, 有點硬,全個麵基本上最好食既係蘿白, 非常鮮甜, 不會滷得太久, 入味得來可以吃到蘿白原味其實整碗麵不算太難食, 但就係不知是他們滷食物太久,or一次過做得太多, 每樣食物味道都過濃,加上自選醬汁, 咁就濃上加濃, 成個湯汁都係黑麻麻既如果可以較淡少少, 食物不要做得太多放太久,我想這樣會好吃很多......希望以後有所改善喇

我第一次黎尼間鋪係友人介紹我黎！第二次去食友人竟然失憶話係我介紹佢黎店入貼滿了【秘制，特制，自創，馳名等等】又有【英超聯車仔麵】都算特色既我諗！叫左： - 椰菜餃雞翅粗麵（沙嗲汁）椰菜餃係用雲吞包，皮一定薄，有少許木耳絲，豬肉，增加爽口既感覺！雞翅怪怪地，原因係我覺得（老）得太耐，變左味，果隻變味唔係壞左既變味！沙嗲汁好正！小妹唔食得辣，佢個汁對我黎講係香辣，唔錯啊兩個（送）十幾蚊送一杯豆漿 ，都好抵！

剛剛搬來附近...搵食的確很方便一個人又不想下廚時, 大可以在家附近蕩一下今天就蕩到這裡來一入內就隨便找個位坐看到周圍都貼滿了推介的食品, 心想應該不錯吧要了豬紅, 豬皮, 蘿蔔, 八爪魚丸及墨魚丸豬紅很爽口, 豬皮很入味只是淋了點, 兩款都比想像中好蘿蔔是無渣, 但談不上清甜, 可能碰巧我那份蘿蔔比較"生"其實我最想說的是那些所謂自製的八爪魚丸 / 墨魚丸我敢說它們一定是"來貨" !!而貨源的質素只能與一般的凍肉公司相比所謂的自製, 只是"走過油"而已雖然豬紅, 豬皮都十分不錯但此店的確沒能令我回頭

尋晚(11月1號)行經呢間車仔麵鋪 , 我同朋友一行二人決定就係呢度食晚飯一入到鋪頭 , 老闆非常之好客咁向我推介鋪內有乜好野食由於我係第一次黎呢間食車仔麵 , 老闆就向我推介食豬紅 , 貢丸片 , 豬腸呢間鋪既豬紅食落口個陣係好滑 , 無血腥味 , 貢丸片非常之特別 , 食得出係有煎過而豬腸係無乜肥膏 , 食落口個感覺無咁油膩 , 配埋米粉及沙爹汁都可以話係絕配!整體而言我對呢間車仔麵鋪印象好好 , 下次經過都會決定再食 !

小金魚愛吃麵比吃飯多，尤其愛車仔麵，因為可以種類選擇多，可以滿足我呢條貪心的小金魚的"花心"。有次見d同事叫呢間車仔麵，佢地個個都話呢間d白蘿蔔係全球(定全宇宙??唔係小金魚d同事亂講，間舖都係咁貼嚟宣傳~~)最好食~~見佢地咁講，小金魚只係食蘿蔔只係白蘿蔔，仲要唔算係好好個隻，所以就"痴"咗一塊嚟試試啦。一試之下，GOOD~白蘿蔔超甜，又無渣，我D同事話我聽係次次叫都係咁好食(呢個好緊要啦)，唔會話時好時壞，只係普通水煮蘿蔔，無落乜特別調味料(味精就應:該都有o既)，但係真係食得到d蘿蔔甜味，真係好想問下佢地點擇蘿蔔，可以"正"成咁。至於其他嘛，小金魚只係試過以下呢幾樣：貢丸片：一般貢丸係圓型(我知我有點癈話hehehehe)，但係呢度買有隻叫頁丸片，一片好似魚片的東西，食味唔錯，但係味道就唔多似貢丸。牛肚：呢度多數都"炆"到好"淋"，但係味道尚可，如果有多少少咬口會好D。椰菜餃：OK啦，我有D同事話好好食，但係我就覺得D椰菜唔夠爽口。豬紅：間舖話佢D豬紅好好，但係我返而鐘意通達D豬紅，不過其實味道都唔錯。雞亦：其實我覺得車仔麵D雞亦最好係用鼓油OR滷水會比較好，因為炸的話浸湯會"淋