鵝太子

營業中

休息中

外賣勁快送到，15分鐘左右滷水四寶飯飯偏硬，滷水甜甜地，滷水腩肉比較肥，係5花腩，不過就係凍食，D脂肪已經白色清遠雞凍食，有好多雞汁啫喱，味道唔會太咸，配埋薑蔥食就啱啱好肉質好滑，半隻份量都好多👍🏻👍🏻👍🏻👍🏻

鵝太子並沒有堂食，我買了一份鹵水鵝，滷水鵝好味，夠入味，而且唔太肥，肥度適中。我喜歡這店的酸菜，送飯一流。還有不得不試的滷水豆腐及滷水蛋，非常入味。下次有機會還會再幫襯

我唔食鵝，鹵水亦冇乜興趣。但去金魚街經過見到有特價鷄賣，就試咗半隻。肉嫩皮薄夠入味，$78一隻，$40半隻好抵食。性價比高！蔥蓉亦好正！個名改得好叫回味雞。每次去開想食雞都會買。下次有機會再試吓鹵水。我見平日收工時間都有人排隊，應該都有唔少回頭客。其實呢個舖位喺路口，照計會有唔少人經過。可能冇乜宣傳，只有個牌冇乜人留意。鵝太子，一睇就知賣鵝喺太子，老闆真係識改名。不過唔睇個名以為普通燒味舖啦！哈哈

購買了一份例牌鹵水鵝併豆腐價值$88，沒料到盒內有多達7-8片一吋多厚的鵝膏連鵝皮，是完全不能放進口裏，莫説能否飽肚，希望大家慎買，這是本人最差一次外賣體驗，完全過份！

鵝太子經過幾次，都有試吓佢哋嘅鹵水，味道的確唔錯，性價比超高一個⋯今日外賣鹵手細鵝掌翼，$40一份但相當足料，有5大隻鵝亦，亦都有好幾隻鵝掌，咁嘅價錢，你有得投訴嗎？鹵水味好香，唔會太咸，剛剛好合當，都係果句，送啤酒一流⋯✌🏻✌🏻✌🏻

諗住大手筆花費96元買八両墨魚！可惜換來一盒隔夜又硬又冇味的出品！實在食不下去，直接扔了！本來我太太想買一些鹵水鵝來試的！好彩臨時決定下次再買！否則損失更大！我亦品嚐一下跟來的一小盒鹵水！可惜味道亦係淡而無味！其實這間小店改名相當出色，鵝太子- 即是位於太子道附近一帶嘅鹵水鵝出品！裝修亦算乾淨企理！雖然每次經過見到幫襯嘅人很少，覺得可能係因為新開店舖冇人知嘅關係，現在回想起來，可能佢其他鹵水出品未必出色，食品銷路麻麻，新鮮程度便可能大打折扣！睇情形，我都冇興趣再去試其他產品了！

呢間嘢成日經過太子一個轉角位都會留意到... 今次第一日帶外賣返去 買咗六隻鵝翼... 返屋企同屋企人一齊分享... 門面其實都整理得非常好 大玻璃睇落去乾淨整齊 店名亦都非常大隻清晰... 同啲鵝翼一樣都係咁大隻... 不過呢 話時話 鵝掌翼 唔一定大隻先 好味道... 只不過係多啲肉同埋得睇啲 咁不過呢間嘢都整得幾好味， 醬汁首先一定齊全先啦 整得都好入味 入面啱啱好骨肉分離 證明煮食嘅時間都控制得好好， 店務員都好有禮貌 整體消費感覺很好