鹽澤 (已結業)

Looking for a nice Teppanyaki Restaurant, a friend recommends me to try this. I used the OpenRice app to place reservation online, easy to book a table for 4 on Jan 2 for lunch. Nice & cosy ambience with superb view over the racing course. We ordered 4 sets to share among each other , 2 sirloin beef sets & 2 seafood sets. Excellent services from details describing the menu , to the chef of table and to all staff. They are really warm & alert to notice every details a customer wants; of course th

那日請客食飯，在openrice上憑直覺揀咗呢間餐廳...果然冇錯。菜式精緻、服務佳，再加上高層海景馬場景，客人很滿意！我都食到捧住個肚走。埋單發現做緊午餐9折推廣，埋單都是300一個人，好抵食呀！希望呢間餐廳keep住咁好質素，咁我就可以成日帶客黎食喇....

好耐冇食鐵板燒…特然挑起條筋就上黎開飯睇下有乜推介…見鹽澤評語咁好…lunch訂位又有10% off....就打去book位…同事安排好訂位事宜就窩心提醒我訂2pm要3pm交檯，所以我問得1個鐘夠唔夠…佢話"你食快d咪得囉"被安排坐對海位置…不過位置比較窄…同事都立即安排新檯…不過唔想佢地開新爐…所以沒有換位…不過個場冷氣唔太夠咁！先黎沙律…幾新鮮咁…因為凍冰冰都有錯覺新鮮D特選套餐既刺身…一般…味道偏淡…帶子呢個品有D腎腎地…個人鍾意”糯”少少既質感茶碗蒸…味道唔錯…雖然滑不過質感麻麻好實天婦羅就不過不失呢幾款野都味道偏淡…調味好似唔夠…若然想比客人食原味又略然太淡…帶子過老蝦就幾新鮮…爽脆牛肉算係比較好既一樣…可能和牛關系！肉味就偏淡…可能過脂肪比較多…不過入口溶化炒飯都尚可炒菜都正常…不過一般鐵板燒地係咁上下呢個甜品就好行咖啡就不過不失埋單大約$1000...老實講除左服務欣勤外…由食物質素到廚師級數我覺得未達到呢個收費水平…或者晚飯正價或者點貴價野會好D掛…不過我唔會去find out

出席「酒 ・浴・維港」清酒活動後，餓了就約埋朋友去鹽澤試下新菜和他們的招牌菜西班牙深海紅蝦。除左西班牙紅蝦，我地仲試左新菜香脆洋芋平政魚，鐵板香草法國乳鴿腿，自制奶凍和cheese cake。紅蝦色澤艷麗呈紅色，手掌般大。服務員介紹西班牙深海紅蝦於人手逐隻挑選，確保品質新鮮及體形巨大。 特點是蝦膏香濃甘甜, 蝦肉爽甜鮮美, 比野生海蝦蝦味濃郁10倍。 蝦身香煎，蝦腳烘乾炒成香脆小食，佐酒真係一流！蝦膏煮稻庭烏冬時，加入了番茄仔，中和蝦膏的油膩及腥味。香脆洋芋平政魚在原來魚肉面層加上薯仔煎煮造成的效果。黏實薯片，師傅在鐵板上以大火煎香煎脆，之後加蓋焗煮一至兩次，以鎖緊水分，配清新八方汁，食落口汁即可減輕油膩又將魚的鮮味帶返出黎，口感不俗。鐵板香草法國乳鴿腿煎香，入口啖啖肉，質感嫩滑多汁。自制奶凍夠香滑唔會太甜和cheese cake好正唔會好流..！呢餐食得好飽，值得再返轉頭！

特別的你生日，當然揀間好餐廳同你慶祝啦，明知正日生日你要同屋企人過，就同你預祝先啦。間店分兩層，下層有維港景同馬場景揀，上層就分左四間獨立房，有細有大。今日中午好少人來，得兩檯客，我坐維港呢邊，到走都係我地包左張檯職員好有禮貌問要快食定慢食，放假當然揀慢啦。慢慢上菜，廚師一路講解點煮點食。揀食物就當然揀左呢間店最出名西班牙紅蝦餐同鮑魚餐。凍海膽蒸蛋好正，海膽好鮮甜，蛋好滑和風沙律菜普通。魚生拼盤新鮮，但三文魚未算肥美。帆立貝，煎得幾好唔會過火大根鵝肝，鵝肝唔夠大同厚欠左少許，唔夠喉，大根甜，隔離個汁太稀做唔到圓點。主角上場，嘩!我手短定蝦長😂😂好大隻呀蝦肉肉質唔係爽，係偏軟身，味好香，好鮮，好好食呀，蝦腳煎到好脆。鮑魚嫩，爽，原來鮑魚有牙可以食得，我真係今日先知😂😂😂物盡其用，頭先D蝦殼拎左去煲麵豉湯，蝦膏拎去炒烏冬，平時唔飲麵鼓湯嘅我都飲哂，個烏冬食到停唔到口，超級正。豚好食，有肉汁，朋友話牛就麻麻地。炒飯魚仔偏鹹，如果轉做櫻花蝦就完美。飯後還有雪糕食，海鹽雪糕幾好味。傾下食下，食足兩個半鐘，好滿足，坐得舒服無人催你走，侍應還好貼心我話想杯茶熱D,佢換茶換埋杯，唔會係凍茶上加熱茶，茶

今日想食鐵板燒，朋友建議到鹽澤用餐。我們選擇坐鐵板檯，點左個美國牛肉鐵板餐和海鮮鐵板餐。我們鐵板師傅個樣好像功夫足球裡面的一個角色，但唸唔起個名。鐵板套餐都帶有沙律，前菜和蒸蛋。餐後有甜品和咖啡/茶。呢個餐對蒸蛋有點失望，一點都唔滑，帶乾；感覺蒸耐左。其餘的出品都唔錯。鐵板燒Ben師傅的火候拿捏得好好。食得好飽，好滿足！總結黎講呢兩個餐都唔錯。我下次會再去試下他們的招牌鐵板紅蝦和紅蝦蝦膏炒稻庭烏冬。

乾媽生日飯、快樂滿足的一天吃着這個沖繩的海葡萄、突然之間想念日本！用青瓜代替紫菜格外清新煮得啱啱好好味嘅粟米湯好creamy 海膽同黑松露嘅飯、兩樣我都鍾意食嘅嘢！好味道

朋友介紹服務，環境，食物一流！原來開業有一段時間，朋友喜歡日式鐵板燒，就決定試一試！銅鑼灣耀華街某商業大廈樓上，如不是朋友介紹都不會知道有這間餐廳一行6人，因為沒有太多客，所以給我們獨立房間，景觀一流，開掦向著跑馬地，2位廚師只為我地服務，賓至如歸既感覺！每人各自order 一人餐，加$280有刺身拼盤,有驚喜食物幾好味, 份量有點少，虎蝦很彈牙..鮑魚很大隻."鹽澤炒飯"更加令人一食難忘，比其他日式鐵板燒不一様的味道，炒得香口，個個朋友必讚甜品—哈蜜瓜，超甜！必食！靚環境！好服務！食物一流！值得再來

屋企人生日包左鹽澤攪開生日party。餐廳環境舒服，坐擁跑馬地馬場跑道的壯觀景致，場內有三張鐵板燒枱，可容納30-40人。▫️今次我地叫左午餐鐵板套餐，有大虎蝦🦐、銀雪魚🐠、美國牛柳(厚或薄燒)🐄、帶子🐚、三文魚🐟、廣島號🐚、鵝肝魚子蒸蛋🥚、時蔬🥒、鹽澤炒飯🥘，等⋯▫️師傅一邊煮，一邊講解食物來源、食法，非常有heart❤️其實我咁多樣最鍾意都係個牛扒🍖，因為師傅烹調牛肉既生熟情度剛好🐂，而且牛肉非常juicy，加埋個炒蒜片夾住黎食，簡直一流。一啖靚紅酒🍷，一啖靚牛肉，真寫意！▫️除此之外，令我幾suprise就係個蒸蛋🥚，估唔到係一個鐵板燒上都可以煮炒出咁嫩既蒸蛋🍳，而且成個煮蛋過程好似睇表演咁，富有娛樂性😍

同事提議今個月飯聚食鐵板燒，就即刻上網搵公司附近嘅餐廳，終於搵呢間——鹽澤。見到零負評就好想試一試睇下有冇伏，立即訂6位！～果然服務態度同食物都十分有水準！！值得一讚叫了1人套餐x6 另加錢轉西班牙紅蝦及2隻鮑魚

朋友带我们第一次来，没想到大大的惊喜，是我在香港吃过最新鲜最好吃的铁板烧，红虾3种吃法，我平时不怎么爱吃虾，但这家虾彻底让我改观了，铁板虾肉太鲜甜美味了，虾头汁的面也很棒，还有虾头汤，都意犹未尽，各种小菜做的口感也非常到位，都没够吃，还有这个酒太好喝了，圣子也不错，大家可以来试试，很享受

📅5月11日繼續懶懶地 只係有心機寫好野 朋友生日飯去食鐵板🔥遲哂到 係甘叫朋友落order 先 叫住D大路野 點知朋友好難為甘 係都要等埋我先order 😂上到去先發覺原來係冇咩普通野 唔想煩叫set dinner la 不過4個choices 頭兩個要$2500+每位 第一次尼都唔知龍定蟲 都係唔好叫甘貴 所以揀左另外兩個 一個8xx 一個6xx既 😂再每人加＄250 追加個刺身同升級去A5 😂😂😂成餐簡單尼講 一流一流服務 一流材料 一流烹調 絶對對得起尼個價＄有餘 最後重要每$1000 有一個禮物最埋拎住個叉電同自拍燈走 happy die 😂😂😂

2月仍然有午市七折，就去試試。呢度主打鐵板燒，28樓三張鐵板燒大台。我地無點鐵板餐而是食lunch set, 鰻魚飯同牛肉。我的鰻魚飯定食另外包括沙律 味噌湯 茶碗蒸 蘿蔔牛肉煮 同雪糕（唔揀雪糕可以叫咖啡）。沙律有紅腰豆唔錯，個人亦幾鐘意蘿蔔牛肉煮。至於鰻魚飯，鰻魚好味抵食，飯都幾多，對女仔黎講好夠飽。呢度環境幾舒服，坐位闊落，又可以望下馬場景。服務亦好好，真係會有賓至如歸的感覺。離開時，服務生亦會好似日本人咁送我地去搭lift。出面d日式餐廳百零蚊食餐飯係唔會expect呢d服務的。所以趁佢地仲有午市優惠，去試下都唔錯。下次約多d朋友再去試鐵板燒!

已經來過好幾次，每次都有新的驚喜，繼上兩次都有食和牛之外，今次試下西班牙紅蝦個set,紅蝦又新鮮又彈牙，配合埋個烏冬簡直味道剛剛好，最後加埋個豆腐雪糕，份量足料，絕對推薦！

鐵板燒最值得欣賞之處，可說是師傅即席在食客前把食材烹弄， 讓食客感受真正的“趁熱食” 環境舒適的《鹽澤鐵板燒》店里可看到跑馬地快活谷， 讓眼球與味蕾都可感受到刺激感呢～ ． ． ． 鐵板燒前，先吃前菜及頭盤吧！ 「炸赤蝦」質感鬆化，吃來少少鹹多多脆，吃不停口。用冰船奉上的「香芒蟹籽沙律」 當中的芒果很是香甜，沙律汁酸度亦剛好， 瞬間打開胃口。 「鹽澤特上刺身盛合」 內里包括魚油豐富的拖羅、鮮爽的赤貝及甘香的油甘魚， 一口刺身一口清酒，氣氛就是好。 「鹽澤大蝦皇飯卷」 爽口虎蝦天婦羅以黏糯的米飯卷著，與牛油果及自家製蛋黃醬相緊抱， 極富香滑軟糯又爽口的層次感。 「金鯛」魚皮做到香脆不油膩，魚肉滑嫩富魚味， 可見師傅的熟練功架！ 放於金鯛底部的自家製豬肉醬汁， 除了不會破壞魚皮香脆度，亦有助增強魚肉的鮮度呢！ 來自青森縣的「鮑魚」份量十足！ 成品軟嫩多汁，可配松露汁或柚子汁搭著吃， 愛鹹鮮的我，則愛其原始味道。 做法獨特的「火焰海鹽焗鱈場蟹腳」 先以熱鹽薰熟粗粗的蟹腳，及後再淋上白蘭地烹弄， 成品鹹鮮中，帶酒的香甜。 長度如手前臂般的「西班牙紅蝦」 師傅即席於食客面前把紅蝦去殼、挑腸等，