麗港軒潮菜館 (已結業)

老世提議呢間食團年飯，由公司行過黎要15分鐘，都算係近嘅。團年飯黎講都唔算平，位位218。蟹都好味，啲殻已經淋淋地，一咬就開，肉都算多。鹵水拼盤，件件都浸到好夠味，可能都肚餓，大家都搶得好快，而底仲有豆腐。胡椒豬肚湯，佢一枱，個陣胡椒已經好勁，足料，暖胃一流。干葱雞都幾滑，ok好味！糖醋麵，兩者拼埋係好好味，個麵一定要趁熱食，凍左啲油出哂黎。好味！糯米煮得剛剛口，小小黏。潮洲炸雙棗，魚蛋同墨魚（應該係），好吃！（其實食到呢度油膩感都幾重）蠔仔粥，叫做去一去油感，好味嘅。上湯浸時菜，正常。反沙芋，佢厚厚嘅糖蓋係芋頭上，算炒得幾好。整體還可以，上菜要啲時間，環境算ok。我自己麻麻太多油感重啫。

同成班同事去食飯，有人介紹尼間位麗港城會所入面既潮州菜，不過非會員都可以book 位。到去發現全場坐滿，應該想walk in 機會不大。老闆娘雖忙但都好禮貌招呼！見我地D湯差不多飲完，再入廚房加一窩熱湯出黎！個胡椒豬肚湯,好夠未，大家飲完一碗又一碗。另外凍蟹上枱已經折殼！食得好方便。至啱我尼D懶人！所有食物都令人滿意。不過原來比較早收舖，未夠十點已催埋單！未夠時間坐下陣傾計。推介：凍蟹、胡椒豬肚湯、鱔煲、滷水拼盤

聽講個會所有潮州嘢食都幾岀名專登去試下。入到去會所行上頂樓推門入去，都好多人食，個個都一圍圍，諗住都唔錯。被安排到外面玻璃房坐，對住個泳池，不過d窗d膠紙痕多到好似磨沙咁😅 講下d食物，份量超大，兩個人一碟粉一個小菜都食唔曬，不過味道方面，全部都係粉漿同油🙄 個炒河一pat嘢咁，個水瓜烙係一碟油！不過唔想徙嘢都勉強食咗d，不過係非常錯嘅決定！一食全即刻覺得唔妥，應該係d野食膩到唔舒服咗幾日🙈 無下次

久聞這家酒樓的大名，但經常訂不到座位，今晚與朋友慶祝生日，提前訂好枱和菜單，一上菜已經感覺食材與普通酒樓不能同日而語，凍蟹的大小和肉質不是普通的等級，鮮甜彈牙多肉, 讓人回味！銀彩炒魚麵也是如今比較難找到的潮州菜色，今天也嚐到了，更是今晚所有小孩的最愛呢！

朋友在附近住，這天晚上見沒有什麼選擇，就即管往這間會所的潮菜一試。內裏裝修真的是很一般，像是六七十年代的佈置，侍應也是一樣六七十年代的裝束。菜色沒有很多的選擇，是每位計的，我們四位點了四餸一湯，那個胡椒豬肚湯大大碢，但是味道是胡椒粉味而不是真的胡椒粒的味道，那些白果還苦的，豬肚有一陣騷味；一心想試凍蟹但上枱的賣相真是很一般，因為實在太細隻，辛好都還有些少鮮味，煎𧐢仔烙算是全晚最有賣相同美味的。熱騰騰而且𧐢仔也是很肥美；另外那個豉油王煎大蝦真不知道是那款豉油做的，完全沒有味道連蝦本身肉質也是很一般；之前大力推薦的豆醬鷄也是一般得不得了，完全吃不出有何特色，鷄肉也是很淋沒有雞味。反而叫了一個甜品，反沙芋算是較為滿意的一個甜品。平均每人消費也差不多＄250，似乎不是我潮菜那杯茶。

話係私房菜，其實只係要預先訂檯，訂食物吧了。訂了一檯10人前來麗港城裡的麗港軒吃潮菜麗港軒位於麗港城CLUB HOUSE內少不了的鵝片 ~ 可惜鵝肉頗鞋， 鹵水不算濃郁鱔湯( 需要另加錢 )：好有特色既燉湯，用茶壺仔上倒出來飲好方便 內裡用荷葉包著材料清燉而成，湯很清甜 凍烏頭，條烏頭魚好大條 炒蟹~ 唔知點解凍蟹變咗炒蟹，不過算啦照食... 可惜嫌佢油咗DD囉，肉質有點"削"清心丸綠豆爽~ 個人喜歡綠豆爽煲得淋些 全晚最滿意就係依個反沙芋芋頭條大細如一的長方塊，芋頭超粉，砂糖炒得好乾身全部都依附在芋頭條上 整體既份量超足，全部都大大碟 !  除咗上湯菜同反沙芋之外，樣樣都食唔晒 !成人每位HK$198(未加一)，住客好似每位HK$188。8歲以上照成人價, 8歲以下又佔座位既2位收一成人價

呢都係麗港城會所埋邊，一般情況我的都唔會特登行過去食呢間的，個晚家姐請食飯，讓我可以有機會一嚐美食：凍蟹真係好好味，肉質新鮮，甘甜，回味悠長，超抵讚～蠔餅都好好食，講真，係我食過地最好的蠔餅了，出門卜卜脆，入面軟身有蠔香：呢個雞都幾好喔，賣相都足夠吸引～呢個香煎鱈魚真係冇的彈，係我呢餐飯的最愛⋯之一當當當當，最愛的暇，總要係炸滴～好味地不得了總之，有機會一定要去試試呢間！

好耐無一家人食飯 姑奶訂左位 地點係麗港城算係私房菜 專食潮洲野 應該係套餐第一味送上係凍蟹 鮮甜實肉 雖然唔係好大隻再黎又係份量極足既潮洲鵝片 底還藏左豆腐 鹵水鵝啖啖肉 連豆腐也入味不過無蓋過豆香呢個春卷都特別係九肚魚春卷食落有少許wasabei味 脆仆仆 唔錯好耐無見過咁古式原條蒸鱔 唔腥無泥味都好juicy 雙棗 都ok可惜質地較淋普寧雞 第一次食幾夠味 不過有d鹹 可能已經好飽其他都係例牌野 無特別啦

Visited this place for lunch at least twice a month.This time 7 people tried many dishes.For best is still the 鹵水鵝 and 沙爹牛河。Basically they are must eat items and never disappointed.Great value for money!

嚟到呢間潮州菜館，又真係幾得。唔係有friend住呢頭，都唔會識得嚟呢度食飯。鹵水鵝片并豬腸 - 好大碟。鵝片好嫩滑，豬腸夠淋，頌有豆腐墊低，鹵水汁夠晒味，又煮得夠火喉，剛剛好不會過鹹。福果胡椒豬肚湯 - 胡椒味夠，好香濃白果，不過湯渣唔多，豬肚較少。味菜煲大蟮 - 條蟮好大條，好滑好鮮甜，味菜煮得好淋啲味入晒係嗰湯底度，鹹中帶有鮮味，好好食。潮州凍蟹 - 不過不失，蟹比較細，肉不多。食凍蟹主要食鮮味，但鮮味不足稍為遜色。不過價錢咁平都算係交到貨。九肚魚春卷 - 之前未食過想試下，不過其實食唔到九肚魚味，剩係覺得啲「涵」嘅質感似係九肚魚嗰種質地，不過即炸春卷熱辣辣，已經夠好食。豉油王煎蝦 - 中蝦size，鮮味不足似係雪藏蝦，但係嗰汁校得好好，豉油好香又有甜味。潮州芫茜燒鷄 - 鷄都幾滑，但唔覺有芫茜味，所以唔知點解嗰名話芫茜燒鷄。點豉油食就更好味。蠔仔烙 - 好多蠔，蛋香夠，配搭合宜。

感謝兩位好友又在今年為我搞了一個慶生飯局,時間就在我生日前幾日的一個晚上，餐廳方面由我來安排。其實之前都試過麗港軒, 發覺有一定水準, 而且地點也就近兩位好友，便提議到這間潮菜館，在大家同意之下就落實這次飯局。麗港軒潮菜館位於麗港城的會所內,以私房菜模式經營, 有標準套餐供應, 收費方面是按人頭計算，而人數越多可享用的菜色也越多, 訂位時已要選定了所有菜色，當中有些菜色需要預訂, 有些則要另外加錢。除了有標準套餐之外, 也有其他散點菜色。在周五的晚上，一行三人來到後覺得地方是實而不華，由店員引領入座，被安排坐在餐廳最盡頭的一張枱。先來一窩湯品, 福果胡椒豬肚湯是也, 呈顏色奶白的湯, 湯料方面有福果、豬肚、腐竹等，喜歡當中的豬肚,豬肚煲得很腍,而福果即是白果, 份量也多, 煲得煙韌, 用了一粒粒的粗胡椒,湯內有很濃的胡椒味,味道清甜香濃, 是有水準的端來的是潮州凍蟹，烹調方法不太複離，就是最簡單的烚熟後再攤凍就可以了, 是晚供應的是花蟹,雖不算非常大隻，但就十分好肉也肉質爽實而鮮甜，還有一些豐腴的蟹膏, 不用任何調味已非常美味。來一客蠔仔烙，這裡的蠔烙是煎得不錯的, 蠔餅煎得剛剛好,

雖然不是麗港（城）友，但因麗港城有個由細睇到大嘅勁醫生（唔知點解係睇佢先睇得好），所以久唔久都過來呢度。今次因感冒未清，放工又長征過來睇一睇。由於 Mr A 好想食潮州菜，就喺 open rice search 觀塘區有乜中菜食，竟然出咗呢間潮州菜館，rating 好，仲要喺正麗港城裡面喎！睇完醫生食晚飯啱哂！睇評語話要book 位，Mr A 就即打去訂到兩位，不過話唔好介意要喺門口位置。估唔到星期四晚，約8:15pm 去到時都坐無虛席，真係得返我地二人門口一張細細地嘅枱。由於我仲有啲感冒未清，所以無叫dinner set (有凍蟹我好想試呀~!最衰有點咳廢事食凍嘢），而散叫咗蠔仔粥，鵝件雙拼，鼓汁蒸鱔同勝瓜。真係估唔到咁嘅價錢，啲嘢食咁有水準，仲要足料大大碟！蠔仔粥： 蠔仔非常肥美，入口香滑無過熟，食得到蠔仔的鮮味，湯底味濃而沒有過鹹。 鹵水鵝肉掌翼紅腸：不是掌翼紅腸fans， 所以主要食鵝肉。鹵水入味，鵝的肉質幾嫩幾腍。非常不錯！ 蝦乾蒸勝瓜：我覺得勝瓜有點over cook 腍咗少少，但A 就覺得口感幾好。個蝦乾同鼓油幾香，清清地送飯不錯。 最後係鼓汁蒸鱔：啲鱔大件件，蒜蓉

復活節假期前一晚約咗班朋友去試下呢間位於麗港城會所內嘅潮州私房菜。呢間私房菜其實同普通酒樓無異，裝修比較簡樸，而佢嘅所謂私房菜亦只不過係按人頭收費食指定嘅套餐，而套餐裡面亦提供若干選擇。班朋友一坐低，見到枱面擺放咗幾個茶壺同一個用嚟洗餐具嘅水兜，見人未到齊，咪用啲滾水又好，茶又好嚟洗下啲碗碗筷筷囉，洗完就將啲茶同水倒入個水兜度。點知好衰唔衰老闆娘親自嚟收番個水兜，見到我哋用啲茶嚟洗碗，好唔客氣咁同我哋講，話啲茶葉係靚嘢嚟，成幾百蚊一斤，應該攞嚟飲，唔係愛嚟洗碗，洗碗應該用滾水，仲話我哋嘥嘢，搞到啲朋友鬼咁尷尬。啲茶葉係咪靚嘢我真係唔識分，但係喺酒樓用啲茶嚟洗啲碗碗筷筷其實係好平常啫，間私房菜都開咗咁耐，老闆娘都應該睇慣晒喇，駛唔駛咁大反應呀 人到齊就即刻上菜，選定菜單上除咗個福果胡椒豬肚湯冇影低（因為已經分好晒），其他都喺齊度：蟹唔算大，但亦唔算細，肥美有膏，肉質夠實，啲蟹鉗都拍得夠碎，容易食，唔錯 鵝片下有連骨嘅鵝肉，鵝片比較乾同嚡，每人只分到一片，連骨嘅鵝肉滑好多；大腸唔算肥，過得去；再下面嘅豆腐就真係麻麻。條魚認真夠大條，但唔見有黃油，肉質都夠實，伴魚嘅汁亦唔會太鹹，但烏頭始

我地一大班理工舊同學，過一段時間，也會約埋一齊，聚一聚，大家的話題由家事、公事到私事也無所不談。因為友人之前居住在麗港城, 所以這次聚會，便提議到這間麗港軒潮菜館，之前都詳細的看過了餐單，在大家同意下選了麗港軒, 這次飯局就此作實。麗港軒潮菜館位於麗港城的會所內,經營模式有點像私房菜,就算不是麗港城的會員同樣可進內用膳,環境方面是實而不華，是典形的中式酒樓, 主要以圓形桌子為主。收費方面是按人頭計算，每位$178, 訂位時已要選定了所有菜色，每種菜色均有多款口味和烹調法可供選擇，有些菜色需要預訂, 有些特別的菜色則要另外加錢。湯品是福果胡椒豬肚湯，一大窩的, 可以給大家喝過夠,湯呈顏色奶白, 湯料有福果、豬肚、腐竹等，因為用料頗足, 感覺上是沒有下味精，用一粒粒的粗胡椒,有很濃的胡椒味,味道清甜香濃; 其實福果即是白果, 份量也多, 煲得煙韌,喜歡當中的豬肚, 豬肚煲得很腍, 一大煲豬肚湯，很快便給我們喝完了!當然要試卥水鵝併，此品是潮州菜常吃之物，一大碟堆得滿滿的卥水鵝併, 鋪面是卥水鵝片，底下是連骨的鵝肉，全都醃得很入味, 鹵水鵝片份量不少, 鵝片肉質軟熟但鹵水就略嫌不太夠味，肉質

麗港軒標榜的所謂潮州私房菜，其實是在麗港城會所內近泳池旁的酒家內提供的潮州菜，豪華裝修欠奉，近池畔以透明板間開的另一用餐位置更是比普通酒家更吵耳。或許是因為沒有吸音的天花和布料板作間隔的緣故，整個用餐過程幾乎失聰，想跟同枱的家人說句話，也完全聽不到彼此在說什麼，故此大部份時間能集中在品嚐食物和拍照上。先上的湯品令人聯想起喝功夫茶，因為是以有如紙砂茶壺的小器皿原盅燉成再上桌，一人一壼，只需拿起耳柄自斟自飲，既風雅亦方便。我們點了兩款湯品味道，分別是螺頭淮山杞子雞湯和涼瓜鮮鮑魚湯。兩款都十分滋陰，是女士的恩物。打開後看到壼內有不少湯料，包括雞肉和瘦肉，當然也有螺頭和原隻硬幣大小的鮑魚。味道清甜香濃，用料頗足。家人於訂位時早已選定所有小菜，收費方面按人頭計，每人$178，每種肉類均有多款口味和烹調法可選擇，魚類方面家人點了香煎雪魚，是較香口的選擇，自己則挌嫌有點熱氣。不過雪魚的確煎得金黃香脆，而且魚肉又大又厚，咬下香脆外皮便呈現雪白嫩滑的魚肉，不如想像中般熱氣。潮州菜必然之選是卥水鵝肉，可另選一款拼料，我們就揀了以豆腐作配襯，比另外兩款拼紅腸或大腸更健康有益。其實只有最頂那層才是卥水鵝片，第