麗港軒潮菜館 (已結業)

因弟弟和我前排都幾忙碌，也因薑餅人外出未回港， 令我家的母親節晚飯要延期至五月三十日。聽聞這間位於會所內的潮州菜館質素不錯也抵吃， 所以一行六人決去試一試。這裏是私房菜形式， 以人頭計錢， 持會所証更有折頭。 有些菜式要預訂才有， 例如荷包鳝， 可惜今次沒有預訂， 惟有下次再嚐。可愛之處是可以在每項分類選擇菜式， 增添靈活性。是夜弟弟和我負責揀餸， 有六餸一湯。鹵水鵝肉拼豬腸 - 鵝片嫩滑入味， 豬腸也浸得淋香， 鹵水汁不過咸， 也帶點淡淡香料味，不俗啊～胡椒豬肚湯 – 很辛辣， 但又愛喝下暖肚的感覺， 最厲害竟是薑餅人， 連喝數碗也面不改容， cool~~金不換炒蟹 – 炒得有鑊氣, 蟹肉鮮甜, 但我覺得可以再spicy點就更惹味.炸九肚魚春卷 – 每人一大條, 外脆內魚肉嫩滑, 也能保持肉汁, 小朋友一定愛吃.普寧豆醬雞半隻 – 雞肉肉質還不錯, 普寧豆醬味嫌不夠濃, 味道較淡.炸雙棗 – 炸得不會油稔稔, 但其實不太吃得出蝦棗和蟹棗.煎蠔餅 – 蠔仔新鮮不腥, 分量也多, 但木薯粉像少了些.甜品是清心丸綠豆爽, 清甜煙韌.吃完飽得肚子漲卜卜, 因這裏碟頭不少, 果真大件好味夾抵

朋友 L 住係呢個屋苑....佢推介呢間潮州食店.....我地三大一BB....走黎食 tea....食左:紅腸 - OK 呀....唔錯.....墊底的豆腐好好味....蠔仔九肚魚肉碎粥 - 蠔仔好大粒....冇沙.....個粥好好味....墨丸河 - 好大碗....D墨丸好爽口彈牙.....湯底都唔錯埋單 $120....有機會會再黎食晚餐......

一行12位就訂了一個指定的套餐, 而我就更改了小小1.) 荷包鱔湯NO.1 : 用個紫砂壺保持溫度, 好香菜味又夠熱, 鱔肉包著金華火腿/冬菇, 而鱔肉就沒有骨又甘香.2.) 炆海參鮮鮑 : 炆得未夠火候, 海參依然有點硬, 未入味. (不夠水準)3.) 反沙芋 : 各網友沒介照錯, 好好食. 外面包著芋頭的沙糖包得好好, 不會太多沙糖包著而過甜, 而是薄薄一層. 可見功夫了得4.) 芋泥 : 正宗潮州的味道, 比較偏甜而且不同於外面的酒樓, 內裡加入了"麥米", 但芋頭味道唔夠香5.) 鵝片 : 肉質好鬆, 平時食到的鵝片比較"鞋"口, 但這裡一入口好軟和鬆的口感6.) 蠔餅 : 都是正宗的潮州做法, 是用薯粉和大蒜而不是大蔥, 好食 !! 蠔肉又肥整體都食到正宗的潮菜, 大家可以一試

上星期一行8人訂了私房菜試吓.本身是街坊,但今次係第一次嚟食.入到去地方唔算大,可能始終係會所關係,不過衛生及格局都總算ok.價錢超值,8人可點8餸1湯:1.鹵水雙併;有鵝片,豬腸. 鹵汁好正宗, 好入味.正!2.荷包鱔湯: 用紫砂茶壺serve,一人一壺,好得意;. 湯底好清,是用咸菜及鱔燉成,ok!3.凍蟹:一人有半隻, 雖然不是大大隻,但勝在新鮮,好多膏,好鮮甜.4.醉雞:雞是ok的,但酒唔靚,唔掂,下次唔會再食.5.豉油皇煎蝦: 好食! 中蝦size, 味道不會太咸,豉油味好香.6.春捲雙併: 九肚魚春捲及芋絲春捲都ok啦.7.沙爹牛河:好大碟,好好味.8.上湯浸菜芯: 勁大碟,起碼有斤半菜,一點也不吝嗇!9.加$56叫咗碟8件嘅反沙芋: 勁勁正! 好耐無食過咁正宗,咁好食嘅反沙芋,師傅功力十足,好到家.10.最後糖水是清心丸綠荳爽,亦係極正宗貨色.

1. size is O.K. .2. 待應太懶.3. 鵝片o.k., 花淍蟹有苦味, 味菜鱔煲o.k. & 新鮮, 蠔仔粥無味道,春卷好味,荷包鱔湯好味 又 有特色,

因有同事食過, 所以大家一起去食...(1) 件頭, 超大件, 尤其烏頭, 超大條, 因為涷魚, 所以味道較淡, 但配黃豆汁, 就啱啱好(2) 蠔餅, 有蛋味, 蠔又大, 好食(3) 蠔仔粥, 多蠔, 粥味道不錯(4) 鵝片, 底下的豆腐, 味道也不錯...(5) 炸排骨(忘記名字), 比較普通, 味道不太入味, 青炸得比較乾, 所以比其他食物, 稍為差(6) 綠豆爽 (甜品), 好味, 少甜,

好大碟，食完包走五盒。咖啡豬手乾乾地，無期待中咁正。招呼幾好，唔收開瓶費。做菜師父有誠意。

母親節又在這兒, 25人食2圍永遠食唔曬.-凍蟹 (smaller than when its first open but still good as always)-胡椒豬肚湯 / 鱔湯 (各一圍) (the best of the night)-川椒雞 (a little too oily)-滷水拼盤 (nothing special)-石榴裹 (always delicate)-沙猛 (I didn’t try but heard its just fair)-蠔餅 / 蠔仔春卷 (these often go the quickest, meaning its nice!)-蠔仔粥 / 方魚肉碎粥 (ok la~!)-咖啡鹹菜豬手 (adventurous, taste interesting but not strong enough)-金銀旦現菜 (to balance the diet)-綠豆清心丸 (always leftover but sweet to wrap up)(註: 這兒的反沙芋好好食, 但現在不是季節所以無叫)在麗港城住平點記住要預早book

味道很好....師父廚藝正宗....食蟹凍食熱食都睇得出師父全部揀過....同餉屋企食一樣咁爽甜新鮮....花雕蒸蟹....淡淡既花雕加高湯蒸熟既花蟹....滋味....鹵水鵝片....有水準既作品....只係我屋企人比較鍾意蕪湖街生記既味道....水瓜烙....傳統制作加有澄面煎香....香脆糯軟水瓜甜....蠔烙....出色作品....蠔仔熟但肚仍有汁....鴨蛋煎得香酥....無落澄面不會有蚵仔煎既腥味....中芹煮沙孟....沙孟既鮮甜被唐芹蒜仔湯勾起....出色風味佳作....方魚肉碎粥....很有潮州原味既一窩粥....係將冷飯肉碎方魚脆片加落魚湯滾起既潮州傳統湯飯....煎兩面黃....相當高妙既作品....師父功夫到家....揀手鴨蛋靚面兩面煎脆....一面煎一面加入大地魚韭黃湯....令到中間保留面質軟滑....鴨蛋香味淡淡而出....只係價格關係比金島用金腿老鴨熬湯煎既兩面黃略遜一籌....論功夫打成平手....

自從上次找到Pink Salmon這樣一間有誠意的餐廳後,已很懶寫了...今次發現了另一間同樣有十分誠意, 用料十足的潮菜館,就是位於麗港城1,2,4期會所的---麗港軒!3個人於午餐要了:蠔仔九肚魚肉碎粥,十分好, 超大隻的蠔仔....有些有成2/3指公咁大, 九肚魚亦很新鮮!方魚肉碎粥, 亦唔錯....不過, 我梗係鍾意大大隻嘅蠔仔啦!玉蘭炒河,即肉絲芥蘭炒河, 竟然不油膩, 味道不太濃, 合現代人健康之道!在這裡工作的阿姐....個個都有些似家庭主婦樣, 好似家人咁...哈哈!親切又友善! 可能是在會所中的關係吧......午市竟然人不多, 反而那間位於商場的垃圾酒樓....有人滿之患, 太荒謬了! 所以, 特寫此稿提醒在麗港城住或在附近工作的朋友, 原來除了商埸那些快餐店及惟一一間酒家外, 還有被忽略了的更好選擇的!

坐小巴回家途中收到喵喵電話相約食晚飯，慶祝HARRIS生日，地點係麗港城會所內的潮洲菜館～～～豆豉凍烏頭，清清地，幾特別呀！鹵水鵝拼，初頭食好入味，點知越食越咸既＠＠太入味所致蠔餅唔錯喎，蠔大細得唻又唔腥！唔粉又無蔥腥味，我都食左一件豆蓉春卷幾特別，但食食下先覺得好流潮式雙棗，還是覺得大排檔果個蝦棗好味Ｄ所以食物都唔錯呀！希望下次再唻食過

點解呢間餐廳會無人推介架!我覺得好好味噃。之前母親節去食,樣樣都好好味(識叫潮菜),胡椒湯夠香濃,豪仔餅夠新鮮,潮州炸大腸夠香口,馬蹄爽唔太甜清清地..........見到黃淑儀都來食。不過記得在此千萬別叫唔係潮州菜的東西, 都幾唔掂架!我試過叫個豆醬雞,好似在隔餐白斬雞上淋一堆豆醬咁,超肉酸。