影片
以上資料只供參考, 請與餐廳確認詳情
服務態度極差!拎等位飛問10次都冇人理,仲要俾遲黎既人先!坐低左冇人招呼!冇人開位!冇點心紙問左冇人理!職員經過先拋落黎!係拋!! 啲食物其實準不錯!但服務差成咁！幾好味都冇用!!極力不推介此酒樓!!!
繼續閱讀
其實一直都想向大家推介呢間茶樓。不過，係攞位個陣，如果大家唔趕時間的話，不妨指定等二樓既位，因為一樓同二樓既服務態度簡直有天淵之別，係二樓你可以享受賓至如歸感覺，可惜一樓既一班「經驗老到」職員，你會覺得自己係一個隱形人，因為無論你點舉手遞點心紙，班人一樣係以高速絕塵而去，不帶走半點雲彩。到到你坐好之後，當然係嗌野食時間，筆者極力推介各位試試蘿蔔糕。第二個地方通常都係落好多好多粉，食落去好似食緊chemical compound一樣，但呢度既蘿蔔糕，入面真係有一條一條既蘿蔔絲，食落蘿蔔味極濃，唔係一般既味精味。星洲炒米亦係我另一個推介，一般食肆既星洲米大多都係一味整到碟野黃黃黃辣辣辣，但呢度既星洲米，真係好有係馬來西亞食既風味，叉燒、蝦仁、蛋花再配合米粉所合成既鮮味，並唔係一般地方可以做到。腸粉方面，個春風得意腸的確幾得意，由其係當佢地個一期係賣緊蘿蔔絲春卷個陣，只係塊腸粉皮略嫌太厚，但意識良好。今日就同大家介紹住呢三味先，得筆者發掘更多之後再同大家分享！
繼續閱讀
好耐無黎麗都飲茶，唔係行開呢頭都唔會黎。雖然係新年假，但唔算好多人等位，攞張飛一陣就有枱。上樓上坐，幾個伙計都同茶客吹緊水，有阿姐黎收左點心紙，但無人開茶，又無卡。等到點心黎都無人理我地，有無咁多水吹吖。一落單即到嘅甜薄撐，凍就預左，餅底尚算鬆軟，糖，椰絲加埋花生碎又幾好味。炸兩腸，賣相完全唔合格，上面舊腸粉皮做咩事？味道正常，油炸鬼硬左啲，有番炸感。臘腸卷，好似好食左，包吸左臘腸油好味，但真係好油，好有罪惡感。排骨陳村粉，勁油同勁多肥膏，雖然落左豉油但都係無乜味。糯米包，糯米餡炒得香口，唔少臘味同芫荽，但包面硬啲，可能凍左啦。服務依然差，但假日都有啲特價點心，所以都好旺下。味道一般可接受啦，茶就真係差啦，又唔多滾。
繼續閱讀
今天，下午有事幹，特意11:00am便到來了取票輪侯，可是，到場後已擠滿了人，心知不妙。等了半小時，龍隊也不怎麼調動過，足足等了45分鐘才獲安排入座，之前從未試過那麼誇張的...幸好還有15分鐘才過早茶優惠時段，馬上點東西吃！1. 鳳爪排骨煲仔飯–今次一送來就馬上吃，2隻鳳爪、6塊排骨，飯的份量足以3、4人享用，配以豉油拌勻，美味！2. 上湯鮮竹卷–我以為是一般3條鮮竹卷的那種，但這個只有2條，腐皮包著一些豬肉、菜絲，再浸在湯裡，不覺得特別好吃，$7.8／2條，不值~3. 牛肉球–每次也要求阿姐多放點喼汁，使吃起來大大減低了酥味，最喜歡像這種蒸得『滾燙』般的點心，忍不住一口又一口狠狠的咬下去，嗯^^又嫩又滑的牛肉，正啊！4. 叉燒包–也是3大個的，但今次的包子外皮沒有過甜了，不錯！5. 香煎蝦米腸–這個也是『滾燙』之作，即點即煎、新鮮熱辣，極之好吃！6. 金醬煎薄餅–這個很少見，我還是第一次吃，甜蛋餅上塗有花生醬，並鋪上芝麻、椰絲、花生粒，味道有點像街頭小食的"格仔餅"。是次食品的質素及價錢大致上也很滿意，雖然是等了45分鐘，但也算值得的^^
繼續閱讀
其實我哋已經係第二次泥呢度食晚飯嫁la....以一間食小菜o既酒家黎講算係咁la.....之前睇食評話d清蒸多寶魚好好味!!~今次都蒸左條泥食^^果真不錯!!!~佢地o既涼拌海蜤手撕雞都唔錯可以一試!~果度o既人手唔係好足夠.....呢一方面真係有待改進.....唔係有幾好o既野食都冇用......
繼續閱讀