麗香園冰室 (已搬遷) 新店位置

和舊同事於數碼港商塲的麗香園冰室午膳，雖然已是下午兩點，店內人客差不多坐滿。舊同事想吃燒味，叫了個燒腩、燒鴨、切雞燒味三併，上枱時是以一個用蠟燭加熱的保溫盤盛著，吃起來燒味肉暖滑溜。燒鴨肉嫩尤其好吃，切雞肉滑加上薑蔥回味無窮。是日例湯蜜棗西洋菜瘦肉陳腎湯，清熱潤肺，果皮味香。楊州炒飯，足料有叉燒、蝦、蛋、火腿及葱花，還有生菜絲可見廚師的用心，整個炒飯有鑊氣香味四溢。香煎魚柳意粉，魚柳煎得外脆肉軟滑，蒜蓉汁調校得好美味，意粉的軟硬度適中。比起其他冰室這𥚃的熱阿華田香濃四溢夠味。現時套餐附送是日例湯，不收費。

通常返工我都會帶飯在公司食因健康些又可慳D，不過間中都會約埋同事出外嘆嘆。過往兩個幾月疫情影響無奈要放冇薪假期，日日都在家煮食又冇得外出，真係人都癲。近來香港感染個案皆單位數字，所有行業和服務皆慢慢放寬恢復運作。而我都回復正常投入番工作。因工作擱置了一段時間亦要整理需時，這幾天決定買外回公司慢慢嘆，亦順道可支持下D食肆啦！香煎豬扒配午餐肉意粉 $58豬扒好大件好入味，煎得剛剛好。咬落很淋滑一D都唔鞋口，好食。午餐肉就一般貨色只得半塊。原本我揀選是黑椒汁，但醬汁似加入面豉醬味很濃；好彩味道唔錯。不過意粉畧粗身是大路質數，份量少只適合女士。若配飲品要加錢以半價計算，價錢頗為偏貴。

嗰日去開數碼港，又到下午茶時間，所以決定去商場附近買嘢食。發現商場有間麗香園冰室。餐廳裝修充滿古典氣息。食物充滿港式風味，而且選擇好多。乾炒叉燒意粉充滿鑊氣，叉燒肥廋適中，意粉煙韌彈牙。馬來星州炒米米粉爽口，配搭叉燒，雞蛋等，充滿咖哩粉和黃薑粉的味道。頭抽乾炒牛河牛肉大片厚身，醬油均勻，河粉透薄分明，乾身煙韌。鹹牛肉三文治鹹牛肉份量十足，配三文治一流。奶茶茶香奶滑。咖啡充滿咖啡香味。鴛鴦奶茶同咖啡嘅比例恰到好處。

朝早好早食咗早餐下午茶時間係時候買啲嘢食抗疫期間出去買外賣而家多咗買外賣環境乾淨企理第日可以再來坐低慢慢食燒味都好多款式可以揀選擇多多屋企人話想食茶記來左呢間茶記環境都幾大幾闊落下買左西多士炸得金黃入面多料花生醬好好味迷你叉燒煎蛋飯（暗然銷魂飯）望落好簡單不過好好食呢個配搭相當之唔錯蛋黃係半熟用嚟撈飯一流啲叉燒好香香炸雞髀肉質嫩啖啖肉d皮好香脆咖喱海鮮炒飯超多料d飯炒到粒粒分明好香好好味整體感覺好滿意

星期六的午餐時間，餐廳內人數不多客人講出於餐牌上的食物編號，疑似經理嘅職員（白頭髮嘅阿叔）好快且態度欠佳作出回應，講名啦，部機無呀（佢意思指order食物部機無得入編號）皆因呢種語氣（我唔識形容，總之聽一下就令人好嬲，完全包容唔到嘅語氣）確實令人好不滿，於是便同該職員理論，我話你無就唔好寫個code係到啦，鬼知你無呀，你自己心情唔好就唔好發洩落人哋個到，你態度咁差，係咪唔想做生意呀 （語氣：憤怒地責罵佢）但係，該職員依然毫無悔意，仍然用唔好嘅態度咁講話係我態度差，話我鬧佢。之後，我同佢講，人哋鬧你係有原因嘅。我再問佢係咪唔想做生意，佢就話我而家咪做你生意，跟住我就照講個編號落單，我係唔會講食物名，你自己睇。最後，我再同佢講，先生，你自己心情唔好就唔好發洩落客人到，佢隨即回應我，我無態度差，係你態度差，係咁鬧我。跟住我就講，得啦，我唔要呀我order嘅嘢，然後就走。作為飲食業，最基本嘅服務態度都無，我唔理你因為咩原因影響到你心情，都要自己控制吓啦你做飲食業。再加上，你嘅態度差到可以令人立刻嬲，我都堅持同你落單。但仍然堅持用咁差嘅態度同客人講嘢，最後無咗單生意，一宗生意好少事，但係我一定會

貴唔緊要，比返該有的水準就得，但事與願違，無服務唔再話，連比兩杯水都唔乾淨。真心唔Ok，真係無下次一百蚊碟抄河，d河粉仲要一舊舊抄唔散，上枱都唔夠熱。Sorry我寧食大家樂。

每個人對飲食有自己的偏好，口味也是每個人而言，普通的一家小店每天幾百碗的出品能保持正常水平已是值得嘉許啦。這家店換了餐牌後的第一次早餐，感覺良好，寫下食評以資鼓勵。多士烘得剛好一點也沒有烤焦，煎蛋有焦邊效果但不多油，吃下去心裡自然感覺良好，豬潤面有落花雕酒釣味去腥，上菜速度來看這面煮得剛好。整體店面乾淨整潔，雖然只有兩三個樓面但每個人都積極有禮，客人有舉手都第一時間停下來回應，有服務熱忱，對得住制服上的口號（用心去做）。

去左數碼港搵食，結果見到麗香個冰室。裝修好靚，坐低應該好舒服，所以就入去叫咗個下午茶。有好多選擇，但係因為想食得輕便啲，所以就叫咗個豬扒沙律，另外有一杯免費嘅杏仁霜。豬扒煎得剛剛好，薄薄地，容易入口。不過豬肉味唔夠，味道比較淡。沙律嘅鮮果好多，有好多唔同種類嘅水果，值得一讚！杏仁霜沖得好好飲，甜度適中。

以前到數碼港，只會懂得去麥當富食，因為唔識路和以為其他都是貴價餐廳。之後找了到foodcourt，在數碼港商場三樓，不太方便。今早到這裡，見到了一閒新冰室＂麗香園冰室＂，就在商場地下，麥當當對面，價錢不算貴，選擇了這裡食一個人的早餐。因為是星期六，不是上班日子，早餐時間沒有人。這裡裝修很有中式格調，坐位頗寬闊。餐廳推廣自助點餐，但我用不到，又沒有多餘時間研究，唯有叫職員落單，職員態度也很好。早餐款式都不少。因為趕時間，只點了一份蛋治烘底配熱奶茶 ($32)。奶茶的杯很特別，外面是麻雀圖案。奶茶夠熱，雖然茶色頗深，但也很滑。三文治烘底微脆（再脆一點更好)，炒蛋很滑。簡單的一個早餐，不錯！下次到數碼港又多一個平價選擇了！

The food was terrible, service was very slow....almost non existent. Food was expensive. One bowl of rice was 15 dollars. Waited more than 30 minutes for the food. 肥牛炒粉絲had so little 粉絲and肥牛that you can’t see it. Would definitely not come back.

今日剛剛由一點等到一點二十三分，叫左個外賣A餐，外賣出爐之後經理只係放喺門口，唔洗對外賣飛就任人拎走左我個個都唔知。我睇極都無我個外賣，叫人去追追，話出晒無人收飛？企咗喺度等左咁耐無得食，追佢佢話廚房無晒A餐唔會補返？因為係特價外賣自取所以唔會補返？退錢趕人走就算？依家係你唔對外賣飛就比人拎，搞到我呆等之後無飯食，仲話唔會補返我個份比我退錢了事？時間唔係錢？無下次，以後都唔會去，會叫相熟同事都唔好去。外賣堂食都唔洗預我。估唔到轉左手之後服務態度仲衰過以前。大家千祈唔好無外賣單又去拎人地啲嘢食呀，小心比人拉呀～不過啲外賣處理到咁樣唔知一日要蝕幾多個呢？祝生意興隆啦

學大陸整手機落單系統，搞左15-20分鐘都係down機，講真唔係肚餓就唔會黎食嘢啦，點知啲侍應一點都唔緊張咁仲係度試圖影射我地唔識搞，明明隔黎張檯都反映同一個問題，咁就唔係我地既問題啦！放棄之後，就叫人手寫落單，點知頻頻出錯（聽到附近其他檯都遇到同一個情況，點知個阿姐仲要死拗！ 終於啲食物黎，黎錯嘢，仲話你係個app度就係點咧樣（梗係唔係啦！）老公點既沙爹牛肉麵既沙爹牛肉係凍既，湯就似滾水，多士烤過頭，好立克過甜，一句講晒，唔駛旨意我地再幫襯！

今日去食下午茶，選擇好少，我叫左個炸雞亦伴沙律，以為$42 咁貴理應起碼有兩隻雞亦。點知得一隻，沙律份量係一個雪糕球咁少，配左杯熱奶茶，咁就$42！食幾個老麥下午茶都仲得。雞亦炸到乾哂，無肉。沙律醬好多，材料好少，唯一ok 既係奶茶。食完好似無食一樣。原本想叫多士加奶茶，但伙記都話一杯奶茶淨叫要$22，好貴，叫我唔好要。最後屈服食下午茶餐。

位於數碼港的金記冰室改名，新店名麗香園冰室，感覺上仍是金記的名稱較好聽，可能是習慣吧！餐廳內沒有裝修改動，仍保持一貫風格。煎蛋多士- 忘記了在下單時要求多士走牛油，多士烤得香脆。煎蛋是濃邊荷包蛋，蛋黃仍帶流心，香口！鮑絲火腿通粉- 港式早餐中，通粉是一客早餐的靈魂所在，值得一讚的是這裡的通粉很彈牙，雞湯鮮， 火腿絲及鮑絲份量足。熱奶茶仍然是香滑，淡奶奶味豐腴，茶味足，茶奶比例恰到好處。早上似乎是加價了，但外賣仍有九折優惠。