影片
今日食晏嘅時候想試啲新嘢，咁啱見到呢間cafe好特別，主要係賣外賣嘅漢堡為主。除咗漢堡之外，我見到佢仲會有買啲麵包。見佢寫住優質日本麵粉，法國牛油...咁架世咁我就買嚟試下啦。果然一分錢一分貨，同普通嘅方包完全唔同口感。我未試過食個方包可以乜都唔使落就咁好食！買返屋企我仔齋食包同我食左大半。講返主菜我叫左個自家製騸牯牛肉漢堡，牛肉脂肪分佈均勻，肉味濃厚。以呢個價錢畀到呢個質素相當唔錯！抵讚另外我叫咗個小食意式芝士飯球，幾特別。煙韌得嚟又好脆口。飲品選擇都算多，唔係淨係得汽水咖啡奶茶。午餐一個唔錯嘅另類選擇
繼續閱讀