麥當勞

營業中

休息中

12.31因為是2008年最後一天, 所以決定要食一個豐富的早餐。上班前來了買麥當勞早晨套餐吃, 首選依然是豬柳蛋漢堡餐, 天氣太凍了, 飲熱朱古力吧!有媽咪會, 所以送多一個薯餅。豬柳蛋漢堡: 依然一貫的好味。 豬柳是熱的, 加上半熟蛋, 是perfect。薯餅: 也是熱熱的, 偶然吃一次好了, 因為真的很油膩呀!熱朱古力: 未喝已經無了幾啖, 不要這麼吝嗇, 可以嗎?

今年美國大選話咁快就有結果，一如所料，史上首個黑鬼美國總統終於出世！ 為左切合 Change 呢個主題，前日下午一於 change 去麥記，食個美國漢堡，慶祝美國總統大選結果！（講左真係多廢話，查實係其他茶餐廳搵唔到位） 去到麥記真係冇乜特別想食，結果都係叫返「至尊漢堡」，呢樣係我覺得麥記唯一似樣既漢堡飽。起碼佢既用料叫做好些，生菜，蕃茄等等都落足，但件牛肉始終水準一般，雖然比起普通漢堡飽既已經好N倍。 加杯大奶昔，廿幾蚊咁又一餐！奧巴馬，呢餐係咪應該你請先？

有coupon減5蚊都只是 $20.8, 好平。所以lunch 就去買左板燒豬柳包餐, 加3蚊轉凍咖啡。Lunch 麥當勞都幾多人, 好彩不用等太耐。同事提我要記得走洋蔥, 口味唔係太夾。不過去到已經餓到唔記得左呢回事。首先, 睇個樣唔太好食, 因為好少汁, 乾「爭」「爭」的感覺。食一啖, 普普通通, 不算難食, 可以食曬成個。 連埋生洋蔥一齊食, 不會難以接受, 我接受到喎。豬柳好厚, 不過我唔中意。我都係中意食豬柳蛋漢堡餐的豬柳多些。吃完成個包都飽左七成, 仲有薯皇。要慢慢食…..可能擺得太耐, 凍左, 無咁好味。凍咖啡都只是一般水準。價錢唔太貴, 食到十成十飽, 有coupon 先會再食。

急急在返崇拜之前來食個早餐。記憶中上一次食早晨全餐已是好久好久之前的事了, 因為總覺得只是將個豬柳蛋漢堡拆開來吃, 有點騙錢之嫌。今次見是豬柳換成板燒雞腿, 姑且看看又如何。賣 22 大元的早餐包括板燒雞腿一件、炒蛋、鬆餅、薯餅和飲品, 那已預先入盒的早餐原來是未有薯餅的, 因為未炸! 我就跟收銀小姐說我不要薯餅了, 反正我也不吃的。其實全個早餐最好的地方是個盒 (!), 設計是六七十年代的美式風格, 而且是全紙盒, 沒有正常早晨全餐的發泡膠味。雞扒是萬變不離其宗, 雞扒沙律係佢, 板燒雞腿包又係佢, 今次化身成早晨全餐的一份子, 別以為可以騙得過我的味蕾, 哼。塊雞扒當然是乾巴巴的, 算數。不知怎的我對麥記的一舊舊炒蛋又幾受落的, 可能是見不到油光感覺沒那麼肥膩吧。鬆餅有藥水味提子果醬伴食, 還算不錯啦。只是調味料早已包裝好, 如果有得揀我會揀士多啤梨果醬喇。我的回魂咖啡算係咁啦, 麥當當咖啡水貨色。麥記早餐係夠快囉, 如果唔係真係唔值這個價錢。

不得不佩麥記這次推出的新食品，宣傳廣告更找來軟硬加強號召力，確實不容有失。因為某雙周的更新號附送 coupon 一張，沒理由不試的。前後共吃過兩次，第一次是剛出爐，一咬下去，皮鬆化無比，而且真係有少少軟心的感覺，但不致朱古力漿四溢，第二次便相容失色，因為明顯是出爐已久，朱古力漿已是凝固。雖然 $7 一個，size 細細，但都值捧場。

普遍成年人話就話對麥字記已有種無形的厭惡感~但小比依舊會在每次有新東西推出時第一時間撲著吃...始終都是個大細路今次在重推照燒包包薯皇之時...也出了個軟心朱古力批..感覺有點Heavy卻很吸引~也是有必要的試一試很可愛的外盒..用上美國風的紅白藍.黃..這些大對比的顏色.加上可愛字體與蘋果批外皮是不一樣的~有點像炸飛碟~面頭有薄脆的一小層..但也差不多全脫下了盒上的貼紙印著1500..當時買的時候大概是1340..好像那貼紙是代表在特定時間後要掉...希望都算新鮮吧...因為在Peak hour都沒看上有太多人有吃這個批~外皮是幾脆身的.但中層的就較煙Un..要花點氣力才咬得斷..可能是軟心的關係..而且是打直吃的關係...開初的數啖都沒咬到朱古力原來是因為都聚在底底..情況有點像從前吃夾餅..在街上得打橫吃..haha後半批情況就大逆轉///因為朱古力漿多得湧出來..當你咬批的左邊..右邊就會湧..吃右邊..左邊就會湧.朱古力軟心的感覺有點像金莎..因為是有nuts碎碎混在其中的.也有點像小時候買一小盒邊走邊吃的那種...是幾Rich的~Slogen為 SOFT INSIDE N

很想一讚麥當勞今期推出這個與別不同的新地，往時有新口味的新地我都不太敢試，但黑芝麻真係難以抗拒。估唔到今次呢個黑芝麻漿不太甜膩，個人認為十分好味，只是黑芝麻唔係好香濃，不然便 perfect 了！

講緊玉子同將軍。這個新出品的玉子將軍漢堡將兩者拉埋一齊, 可惜他們同床異夢, 雖有濃厚的照燒汁將蛋和豬柳團團圍住, 煎蛋沾上了汁的味道完全唔 match (甜酸汁蛋喎! 咩事呢?), 過多的汁還把麵包弄的淋 pat pat, 吃得甚狼狽之餘也和宣傳照的賣相大相逕庭囉! 真佩服 food stylist 點可以整到咁靚, 被騙了... 現在在這家麥記購物是有發票的啊, 有單為憑更均真。由此也知道不同的麥記賣同一樣東西的價錢是不同的, 例如在網站上這個包的標價是 $15.3, 而這家分店就賣 $14.8! 點都好, 咁嘅 quality 收呢個價錢真係好過去搶呀!

老豆外賣哩個包俾我做早餐，查實同無蕃茄的版本都無乜分別。而且可能由於我唔太肚餓同埋個包已經攤左一段時間，都唔會特別覺得好食，但又唔係難食咯。其實我係好鍾意食脆辣雞腿包架~

這個湯已推出好一陣子，前後試過兩次，感覺都不一樣。第一次是稀兼淡，第二次是勁重奶味，但至少似係西式湯，而唔係中式湯水。粟米和蘑菇只屬戥場性質，所以難尋其蹤影，不過$9 一個湯，不如過隔鄰超市買罐金寶回家自煮冇咁嬲！

I was quite rushed that day; therefore, I choose to eat fast food shop. Fortunely, I found a Mcdonalds near by my side. When I get in, the ppl were nice and said welcome to you, I feel good about that boy (But I didn't see his name clearly); However, when I got to the counter and bought the combo meal, the girl was absolutely different. First, I told her I need a Big and Tasty combo, the girl asked wt I gotta drink, but she was reali impolite. Then the girl stood at the back said The sandwishes

麥當勞的新新口味已經愈來愈無誠意，竟然出個N年前出過o既「黑椒漢堡」當新o野！ <br>好在今個月都仲有「蜜桃芒果新地」同「菠蘿特飲」。兩樣都試過，不過就唔係好欣賞個菠蘿特飲，總覺得有d怪。而蜜桃芒果新地就幾好，幾清新，果然係消暑妙品。

very good,i like!

今日去開政府合署，記得你地話健康村好易換到KITTY ，真係喎！都冇乜人排隊，我好輕易就換到喇，都冇難度！不過呢間老麥d 野食唔多新鮮喎，d 薯條好腍..