麥當勞

營業中

休息中

我呢個懶人今日竟然興致勃勃去m記買早餐食😨😨特此記念😂😂由細到大都中意食熱香餅早餐，因為唔中意食精選早餐個包🙁題外話：雖然呢間m記成日都好多人，但係佢啲包成日都砌得好好，薯條都熱辣辣脆卜卜，抵讚！熱香餅我會淋好多糖漿！塊餅索哂啲糖漿，淋bear bear既口感，完美地為這一天作個甜蜜既開始😍😍😍豬柳漢堡煎得好香，油唔算多，好鹹😂為呢個早餐點綴一下。薯餅，又熱又脆，粒粒薯仔又淋又爽，好好味🤩配杯熱朱古力，香濃幼滑，仲好甜！依家熱香餅餐已經盛惠30大元，冇以前咁抵食了😭

星期日起身，去m記諗住買個令早餐外賣返屋企食。間m記寶哂棚，要等都預左，不過真係估唔到要成半粒鐘咁耐，等左好耐好耐我個號碼先出現係製作中果欄，之後又等左一大輪先有得拎。買得m記緊係想快，咁等法真係唔覺自己買緊快餐🤮🤮間m記多人到等外賣既人都唔夠位企，要企去後面等，真係好誇張。我買左個珍寶套餐，我就唔鍾意食塊包既，所以都轉登走左包。點知返到去打開個餐，個包仲係到，但係舊豬柳居然唔見左😭😭😭但係又換哂衫，都費事拎落去換了再之後，杯橙汁無及好，我一下倒瀉哂，之後食都無心情食了。希望m記可以加返多d人手，咁等法，咁出錯法，真係接受唔到！

位於香港的麥當勞，最近推出迷你兵系列食物。當天和吃貨姐姐經過麥當勞，發現大家都想吃呢，所以便買幾件嚐嚐吧。香蕉批$8麥當勞的批一向深得香港人歡迎，例如: 粟米批，朱古力批，香芋批，紅豆批等但我每次都沒把握機會去吃，結果供應期又過了。以迷你兵為主題，批餡當然是香蕉囗味吧。批皮酥脆驚喜，卡嚓卡嚓的聲響令人滿足。內裡的香蕉餡甜蜜蜜，蕉味特出，很美味哦。

由於工作地點距離家中不太遠，因此基本上平日中午都是回家食午飯，今日剛巧媽媽有事外出關係，貪方便的我，又唔想食飯麵，就決定到麥當當食，未到12:00個肚已向我發出多次求救。到達麥當當時，人流不多，空位多的是，我望了餐牌後，就選了雙重芝士孖堡餐，配玉米，熱朱古力，另加蘋果批。等了一陣，便可取餐享用我的午餐，人流不多的麥當當，感覺非常舒服寧靜，又不需急著食完就離開，不錯。我至愛是蘋果批，由不知幾時開始，就鍾情於它，外層皮炸到香口又脆，內裡充滿肉桂味及蘋果肉，味道甚佳。其後便享用雙層芝士孖堡飽，芝士味濃郁，咬落漢堡排好軟熟，加上青瓜及洋蔥粒好清新，整體個飽配搭好夾。最後喝上一杯甜芝芝熱朱古力，好滿足及填滿了空洞洞的肚子，又是繼續為工作奮鬥。

噚日同表弟去左麥當勞嘆過下午茶Tea Set,我同佢叫左個開心樂園餐，有漢堡burger,牛肉好香，無燶，茄瓜就最正，酸酸甜甜，而D薯條亦好脆，加埋盒利賓纳，仲有玩具，確實超值

今天約上教會一班妹妹到m記進餐，自從天澤商場那間m記結業後，就只剩下俊宏軒一間m記，所以有時候真得想不到食甚麼，就會選擇到m記。記憶中以前最常選擇的套餐是漢堡包餐或麥樂雞餐，最近就想試試新的套餐--big mac經典滋味。這個套餐有一個巨無霸包，一盒炸薯皇，一杯汽水(今次我叫左芬達), 價錢只是$26,真得十分低食，除了價錢外，另一個原因是我好喜歡巨無霸包醬料，洋蔥粒配搭芥茉醬，再加埋芝士，真得好開胃及滋味，食後不會覺得膩。個人就不太喜樂炸薯皇，原因是薯皇外層不夠脆，較為軟身，表上醬料濃味了一點，不加會更好。

夏日炎炎，胃口不佳，不想吃飯或者麵，所以就簡簡單單食個飽當午餐。「滋味蝦堡」以粉紅色紙盒配襯Hello Kitty圖案，感覺可愛，像是開心樂園餐的包裝。蝦堡用上千島醬，生菜及炸蝦餅。蝦餅大小合理，炸至金黃色，外脆內軟。咬開蝦餅，剔透的蝦肉出現眼前，入口有蝦味，與酸甜的千島醬同吃，十分開胃 。

原本天澤間麥記係最近娘親屋企的,但可能平日冇乜生意,再加上向前一站之距有間俊宏軒M麥記,向後兩站之距有間頌富麥記,兩間都有McCafe,所以天澤分店執左(小妹估架咋)今日媽媽大人建議去食麥記,於是我地就去左俊宏軒,4pm我地一行4人黎到,完全係搵唔到位坐,全場坐滿人,有人係食野有人係吹水有人係溫書;幾經轉折終於等到位,2人坐低等待,我同妹妹出去買野食,我地買左3個超值套餐同一個兒童餐,幫我地執餐ge係一個叫Yan Yi ge女員工,當時我地有3包中薯條,但就只有2包茄汁,於是小妹禮貌地要求女員工俾多2包茄汁，女員工黑面加不滿咁將2包茄汁掟落小妹個餐盤度 小妹今次係試新出的『親子蛋飯TASTIC』飯TASTIC上下兩塊飯餅煎得有少少焦但唔脆,塊炸雞明明咁多人流都可以放到淋晒,仲要係又乾又鞋 舊蛋唔滑又冇蛋香,但加左尐粟米都幾清新,個醬幾好食,但落得好少,所以成個包都係乾爭爭  同埋今次d薯條好碎呀!!幸好都仲Keep到脆脆地

M記又出新包 聽到手撕雞就覺得好惹味 但睇廣告見到係美式既 好有興趣去試係乜味美式手撕雞包$35.8+$4厚切薯條 每間店吾一價錢 而依間價錢都應該中挺 但附近另一間m記通常平少少 可能細啲既鋪位又俾人吐糟我又係想試新包 但係講得好岩既 一有新野就會想去食架啦新包圍餵喂 訂價吾算平 手撕雞好似沙律甘一大個扒甘擺上包度 係凍批泥既 有啲肉比較碎有啲就大塊些少 搞到我一度覺得自己食緊吞拿魚沙律 手撕雞既味同個芝士既味幾夾 炸洋蔥圈味吾特出 整體幾夾 但感覺相對健康 吾岩我地依啲重口食肉獸 而最失望係個粗薯 原本以為應該有mos burger質素 但一開始食第一條ok 擺耐左入面既薯條就變硬 同埋有至少6條幼薯亂入 咩事 呃秤

趁着麥當勞推出另一系列前,趕緊試試新的產品!麥樂雞餐(6件)$21麥樂雞味道依舊不變,外皮脆脆,內裏溫熱。但雞肉不鮮,相比另一M牌的雞塊就比下去了!跟餐的醬是蜜糖芥茉醬,嗜起來像味道酸酸的蛋黃醬,一點都不辣,不錯!薯條普普通通,不比粗薯好吃!無糖可樂(ZERO)怕吸收過多糖份,叫了無糖可樂,清新一點!焦糖布丁麥旋風(+$7)原價$13的麥旋風跟餐只是$7,抵食非常!嗜起來不致於太甜,少甜吧!還帶點布丁味,有曲奇碎相伴,不錯不錯!整體不過不失,只有新產品才令人驚喜!故此「笑臉,是給新產品的!」。7.5/10分!

考完數學,心情變得十分好,到麥當勞食個早餐去獎勵自己!6號餐:板燒雞腿扭扭粉($26.5)雞腿沒以前太辣,入口尚算嫰滑!湯底不變,是清雞湯!但湯底味道令人意想不到咁‘Fresh',太淡!總是欠缺一點點……跟餐的脆薯餅最有亮點!又熱又香脆!少許咸味便能突出薯餅的鮮味!Zero可樂健康之選,不過不失!總括來說,整體好像欠缺一點點,味道?還是用心的製作?倒也希望MOS的水準不會倒退!6/10分!