麥當勞 (已結業)

同朋友仔行完歷史博物館就黎呢度歇歇。試左新出既綠茶紅豆新地，賣相麻麻，一pet杰撻撻既綠色醬淹沒曬d紅豆粒。一試，算係ok既，但唔會再有下次囉。

經過麥當勞咁岩又未食野就入黎試下至尊漢堡個飽暖暖地既係就係幾大個不過一食.. 有1大pet醬跌左係我條褲!!!好多醬呀..不過味道都唔錯既!但生菜真係好碎.. 塊牛肉仲大過個包薯條係唯1令我好失望既..凍既!! 有無搞錯

一如以往，平時唔會主動黎呢類快餐廳，但佢地有親新野都最小會試返一次咁大把，呢個什麼至尊漢堡，講到好似好勁咁，之但係其實本來一個合格既美式漢堡包就最起碼要做成咁，只係佢地本身普通既漢堡包實在太差，講返個包，d材料都係一貫M記質素，個醬唔覺特別，仲有話乜野多汁牛肉，我覺得乾到飛起囉。照舊試佢一次咁大把試完就無下次。

試過新出既板燒咖喱豬扒包,覺得真係麻麻地,塊豬扒無廣告中咁吸引,我覺得只係算普通,而個咖喱汁亦唔太好味,只係好咖喱但唔夠惹味,配合得唔好!我覺得同板燒雞腿包差好遠,所以打算食過一次之後唔會再食!

蕉蕉批($5)吃之前已經可以估計他的味道了~吃下去果然不錯~~香蕉味很濃~配合得不錯~比蘋果批好吃~不過只是暖暖的...熱一點更好!

見麥當勞出左草莓味既脆筒,熱愛雪糕既我又點會唔試!不過天氣好熱,所以好易溶,唔知咁對那層草莓皮有無影響,因為我一食既感覺就係,覺得層皮好薄,而且顏色比海報淺色好多…雖然草莓好好味,甜度又岩,但係份量唔係幾夠,好似令人會唔夠喉咁…我會再食,但希望層皮係厚d囉!不過係好味架!同果有得揮!

經過m記想飲杯milk shark...見poster有新野出就試左杯意式新地(唔係太記得個名)杯野其實係用佢地既雪糕加好多好似oreo既餅乾碎做成..再加少少好似焦糖係面...ok啦..可以不試.

好開心呀!麥當勞出左夏日甜品,仲有成六款咁多!我咁鐘意甜品,一定會逐一品嚐!琴日首先試左朱古力咖啡奶昔,原來套餐轉飲呢個特飲只須加$4.5(原價$11.5),都好合理。味道方面,有少少似雪香,但係更加milky,所以會比較飽肚,飲落朱古力味蓋過咖啡味,所以似朱古力奶昔多些,咖啡味係有但淡,特飲上面會有忌廉,令個奶昔更creamy,而對於唔喜歡忌廉既我,一定要叫佢輕手d,我覺得少忌廉ok,但太多反而令到個飲品太heavy,我覺得都算yummy,飲得過呀!

我品嘗此漢堡餐~ 比較味重，因為火腿肉已味濃再加上芝士就會好咸！如果個飽飽唔係漢堡飽，而係豬柳漢堡的飽飽會好味好多喇！　

麥當勞新出火腿扒芝士漢堡,只係早餐至有,本來都唔打算試,但咁岩有人買,咁咪試下囉!原來都唔好味既!個包唔大,同普遍漢堡包一樣大小,有一片芝士,個所謂手腿扒無論外表同味道都唔似一般火腿,好似豬肉…我覺得唔好味,同肉蛋漢堡差得遠!唔會再試!

麥記都學以前大快活出飯堡包，即管買個試下，記得佢有個韓式卷d牛肉整得唔好食，所以都係買過雞肉試下，味道算過得去，起碼叫好過我以前係超市買果d急凍飯堡包，d飯唔知用乜野汁煮，有d怪怪地，整體黎講普普通通，我就唔會再試了。

近排最鍾意的廣告就麥當當的軟硬廣告身為軟硬”蕃薯”的我,對這個板燒鷄套餐packaging就非常鍾意(新春特別版packing?)仲換埋軟硬design的利是封,真係十分合皮!(要買某雜誌才可換)食物本身,板燒雞包-雞夠滑,醬汁同沙律汁都夾,唯一唔好就係雞肉無去皮,唔係咁配合麥當當現時想走健康的路線扭扭薯條-比普通有口感,但我買的那包,大部份都不是幾個圈一條,是碎開得半個圈,因此扣了很多分

試左麥記既賀年板燒雞腿包套餐,原來件雞係有少少辣既!不過又幾香口同幾惹味,有少少似食緊黑椒雞扒,件雞亦夠廋,而且唔係炸,無咁熱氣,味道好好,可惜有好多沙律醬,對於唔鍾意沙律醬既人如我,就要撥開至食,生菜都幾多,呢點幾好!仲有係個盒做,得頗精緻呢!至於紐紐薯條,一般啦!我都係鍾普遍薯條多d!送一利是封,似乎以前既精美些喎!

見老麥新出了蘑菇粟米濃湯，口痕想試下，於是硬拉男友買了一碗，另多要一杯朱古力奶昔。一飲之下，哇！真係超級唔掂，完全唔稱得上濃，稀過水，味道淡，粟米又少，仲差過開金寶，賣成$9碗，認真搵笨！

很久沒去m 記啦，一來很貴，二來都沒什好吃。新出的雞腿包沒什麼特別，反而薯王有驚喜，推介。