麥當勞

營業中

休息中

如果唔係小西灣冇好野食，如果唔係唔夠精神，如果唔係趕時間，我絕對唔會去麥當勞飲咖啡，仲要係齋果隻。人煮咖啡，佢煮咖啡，都算啦，仲要係冇味，加糖，唔掂，加奶，又唔掂，濃奶茶，更唔掂。好心佢啦！唔好整壞咖啡個名。

今日貪快o係m記食早餐，例牌要個早晨全餐加杯凍啡，老實講，呢個餐食過n 次，點解要寫食評呢？因為今日飲果杯咖啡實在太難飲，既唔苦又冇咖啡味，簡單來說是一杯啡色飲料...但俾o左咁多錢，唔飲哂去又好似好浪費，於是局住......飲。最慘係杯咖啡係熱的，所謂凍啡只係加多幾舊冰落去，格硬整凍佢。雖然所有餐廳都係咁，但當你feel到一杯咁o既野由熱變凍，我會話灰囉！尤其是尾後果幾o岩根本係度飲凍水><，其實m記班高層都唔知點諗，飲咖啡加糖漿，咁都俾佢地諗到！糖漿難溶己經算啦，仲要係凍水，所以唔駛多講，面就甜甜的，但唔係香濃咖啡果種甜，底就淡淡的。簡單來說，失敗...由於係膠杯關係，冇得騙茶飲，仲失敗。所以奉勸各位真係唔好飲凍啡...係好難飲，唔關間鋪事，係果班不知所謂的食品設計師傳事。順帶一題，早幾日飲過新推出的雀檸，唉...都係買番罐裝冰極飲好過，熱的雀檸你飲過沒有？唔該我要清水.... 或者熱朱古力都可以...

有小朋友到訪，今日在這裡買了唔少外賣，其中當然有最近又再推出的紅豆批同粟米批。像蘋果批一樣，紅豆批同粟米批都是熱熱的，同老婆兩個人一人一半食晒兩款，一致公認粟米批幾好食，似忌廉粟米湯放入脆批皮裡，香口又唔漏；紅豆批以甜批來說唔差，真係幾似紅豆沙的口感，但以甜餡來說，個人而言還是喜歡蘋果餡多D。