麥當勞

營業中

休息中

今日想同大家分享下小弟對麥記熱香餅糖漿既看法。平時大家去茶餐廳食西多，可能都會落佢地提供既糖漿，但係相信同小弟一樣，覺得佢地既糖漿得個甜字，無其他味道做配親，感覺好悶。但係食過都晤算少既餐廳之後，又不得不覺得麥記既糖漿真係喺budget餐廳之中都係算ok既架喎。利申非打手個人覺得麥記糖漿可取之處就係晤會一味死甜(其實我覺得佢晤算好甜)，仲有陣楓糖既味道，再加埋佢偏水既texture，一野淋落啲熱香餅到，等佢地索曬糖漿啲味再塞幾塊落口，個陣熱香餅既味道加埋楓糖既味道，比左我一種好幸福既感覺(利申晤係偽文青)，實在非言語可以形容啊!食用高糖食物或對身體健康構成影響，嗜甜人士或身形豐滿人士在跟從本食評推介前，建議先諮詢家庭醫生意見，以評估健康風險。 

今日要同大家介紹既就係麥記既豬柳，咁呢塊豬柳分別可以係早餐既精選早晨套餐，珍寶套餐，熱香餅早晨套餐，豬柳蛋扭扭粉，豬柳漢堡，同埋早午晚都有既豬柳蛋漢堡，睇黎呢塊豬柳既地位都非同小可。咁當然啦，to be honest 麥記點製作食材就天下共知架啦，大家都好難要求麥記豬柳有豬肉味，甚至係用豬肉做，只能奢望食落肚無事。一直以來我次次咬落塊豬柳個時，都會爆啲油出黎。其實豬柳係咪用油煮架?點解可以油成咁?定係佢為左令啲肉無咁鞋要咁做?好啦講完口感，講下啲味啦。鹹味當然不在話下，麥記仲要落啲香料，令塊肉辣辣地咁，當然佢咁做固然有佢理由，但係我本人就只係食到少少豬油既味道，其他都係香料/味精味而已。

加大我系列話咁快就踏入第三集，今日朝早食既又係珍寶套餐啦。珍寶套餐有啲咩就晤多介紹啦，今日反而想重點介紹佢個包。晤知麥記個包各位巴絲會點食?我通常就搽提子醬食，之前就會夾塊豬柳或者炒蛋一齊食，不過依家就無啦，因為一次過塞咁多野入口好滯所以晤再做啦(同埋同食豬柳蛋包餐有咩分別?)，大家有啲咩idea歡迎share出黎~今次自己試下剩食個包先,個人都幾鍾意包邊焗到金黃色，香香脆脆咁，中間可以見到搽左啲咩野，濕濕地，咁就試下啦，哦原來係融左既牛油黎既，但係有樣野想講既就係本身個包都用左晤少油去搓，仲要搽牛油令到個包好油，仲令到個包晤乾爽，畫蛇添足。

朝早緊係食返個麥記早餐先，今次就係食熱香餅餐啦，有三塊熱香餅同埋塊豬柳，見麥記有熱香餅新醬，跟住就試下朱古力醬先，咦仲用個啫喱兜黎裝住佢又幾骨指咁喎，都有少少期望啦。試下倒啲醬落去先~大钁，啲醬咁結既?結果要用刀掃落黎先得。食落去忍晤住講左聲超,咪都係新地啲醬黎，用另外一個包裝同埋宣傳就當新野出，毫無新意，等我仲咁天真去試新野添不過話黎話去，朱古力醬同熱香餅都幾好食，皆因熱香餅本身係麥記中比較淡既野食，朱古力醬既甜味同埋啲可可昧為熱香餅既平淡添加左少少色彩，食落又覺得晤錯既，算數啦

話咁快銅鑼灣魯爾又同大家見面喇~大概十幾年前有個美國大導演就拍左套片講自己一個月一日三餐淨食麥記，食到成個人發曬福，今日魯爾決定每日都食返一樣麥記野食，以對前輩表示返敬意~今日小弟為左慶祝出糧，喊左個珍寶套餐配原味糖漿~咁珍寶套餐有豬柳啦，炒蛋，包同埋熱香餅。打開紙蓋個下都ok企理整齊，晤會似某啲分店咁亂，合格!味道方面，整體黎講可以接受，不過薯餅啲油未"keng"乾，豬柳咬落去啲油必曬出黎，結果食完有少少滯。好啦食完油膩既野，食埋個熱香餅啦，今次用既係原味糖漿，咁梗係一盒野淋曬上去，浸鬼霖曬啲熱香餅先食，正呀~!心諗今次仲晤supersize me

玉子將軍又再出現, 這一款包都算係M記我覺得味道唔錯, 可能我係一名醬怪喜歡多醬多汁既包, 而且用上豬柳不是牛肉就更加熱愛出左多時都未食, 所以中午時分自己一個就去M記為左這一個將軍.今次這一個玉子將軍真係無以前咁好味, 可能第一次永遠最好.就算係我一名醬怪, 但今次這個包太多沙律醬汁太重手相反燒烤醬汁就偏少, 攪到個包有點酸酸地.

平時既我看到麥記就要皺眉, 既不好吃又不健康的 junk food 點解會咁受歡迎? 但人有時候就係咁矛盾, 每次麥記推出味精薯條 --- 即官方所謂既 Shake Shake 薯條 --- 我總係忍唔住想食, 直情係中左味精毒???!!!今次包和風紫菜唔知係唔係配方有變, 總覺得比較以前既和風紫菜味粉更咸, 紫菜粒又好似多左少少...當然食得多真係唔健康, 所以偶一為之好啦!(唔叫套餐淨食薯條要味精粉仲要加$1蚊!!!)

又係麥記啦 冇法啦 廣告既誘惑....好似好平好抵食咁兩個和風芥末魚柳包餐$40.5已經冇用盒裝住 但其實重方便之前食個陣係有盒冇紙 食既時候有少少麻煩可能我要求低 食咁多次 都係咁好食魚柳夠脆 吠落去juicy有油香 好食芥末都幾辣幾攻鼻 但醬汁唔太多 ok啦~已經冇脆薯皮 但薯條都唔差啦今次水準唔錯 唔太鹹又夠脆 幾好食$20一個餐 唔可以同$35週年既優惠同時使用不過有得平咪重實際 飽就麻麻地夠飽 之次都要買多杯新地~

最近McDonald's推出咗維持$35日既優惠今日係星期二 係我最愛既魚柳包做特價 咁就梗係去食啦~兩個魚柳包加脆香雞翼$30.5因為都幾肚餓 所以買咗兩侸包加一盒雞翼脆香雞翼$14.5簡咗全翼 其實我個人黎講係鍾意麥樂雞但係琴日麥樂雞買一送一 今日先買太笨啦雞翼微辣 肉質幾滑 好食過KFC 但都幾貴魚柳包$8係多人食既關係吧 感覺上都幾新鮮魚肉嫩滑有油香 又夠香脆 亦幾厚肉 唔錯沙律醬唔算多 但反正我唔太鐘意佢呢個混有瓜既醬只要食落唔太dry就可以了~呢一餐$30.5 唔貴唔平咁啦 但都叫有飽又好味~

爸爸同家姐都唔番黎食飯 咁就費事煮啦見到報紙賣廣告 M記連新出既芥末魚柳包餐都只係$20咁抵食 一於同媽媽一齊去食叫咗兩個和風芥末魚柳包餐$40.5和風芥末魚柳包用盒唔用紙 食落反而冇咁方便 係為咗環保??Wasabi都幾攻鼻辣口 唔差既 但我自己本身唔鍾意wasabi魚柳脆卜卜 咬落去 油同汁都噴出黎 好正好好味個包係有芝麻個種 食落係會香口D 但如果包身帶脆就重好~脆薯皮似新鮮炸起 熱辣辣 脆卜卜 食到薯仔肉 好食過薯條勁多呢個餐真係好抵食 薯皮又唔洗加錢原價$26.8 薯皮再加$3.5 即係$30.3 而家只係$20 好抵呢~

朝早食完蛋批同蕃薯糖水咁豐富既早餐之後Lunch既時間都唔係好肚餓 唔係好想食飯一於食麥記啦McDonald's不斷咁加價 諗過度過 都係買兩個包食化算魚柳包+麥香雞包$22.8魚柳包今次賣相麻麻 味道都冇咁好食 魚柳冇咁多汁 冇咁有油香 失望反而麥香雞就幾有水準 脆卜卜 又夠熱 好食$22.8 唔算太貴 因為唔肚餓 叫夠飽啦~

最後一擊 繼黑椒漢堡 輪到蝦堡推出之前McDonald's都出過蝦堡 但係就冇試到今次一出 重有珍寶既雙層蝦堡 梗係要一試一共買咗珍寶滋味蝦堡餐+脆辣雞腿包餐+魚柳包+豬柳蛋漢堡$82.8蝦堡無論係單層定雙層 都有個盒 但睇落單層既靚DSize都唔細 蝦餅都幾厚身 睇落都幾吸引架~但係蝦肉唔爽 而且有雪藏味 個汁亦唔太好味 可以不試~媽媽既係脆辣雞腿包餐 佢話唔好食 皮太厚 而且都幾鹹另外散買多兩個包 魚柳包$13.8+豬柳蛋漢堡$9魚柳包size好似縮咗水 不過魚都都係咁好味 包身又軟熟 正~豬柳蛋漢堡特價包 豬柳好有油香 比較鹹 但同蛋同包一齊食就OK今次薯條唔夠熱 失準咗少少~而家麥記真係愈黎愈貴 今餐都唔平 唔再係平靚正快餐店啦!

外帶 m記的兒童餐,為了換小丸子,呵呵~點了漢堡包...不過質感真係好差呀完全唔似食緊包的感覺...d材料不太好的質素......茄汁又少......仲之不喜歡薯條熱度都ok.不過係硬左少少.....份量都多的~橙汁唔知點解唔係太甜@@.....夠凍的!!職員笑容..真的一點都沒有呢......係1個男職員...

麥當勞又有cupon 買餐可以平$5 又多個藉口出街食我同媽媽都係食魚柳包餐 兩個魚柳包餐$39.1除咗杯飲品 兩個餐既食物一模一樣而家所有包都係即叫即整 所以攞上手都熱辣辣過人魚柳脆卜卜 咬落有汁兼好有油香包身軟熟又夠熱 好味 唯一美中不足係得半塊芝士薯條今次都好有水準 全部熱辣辣 脆卜 卜 又夠鹹 份量都唔少夾埋平$10 每個餐唔洗$20 抵食~

上年暑假黑椒漢堡一役一直都想再試過今年終於番炒了...打開一睇,我的天啊...個飽縮水成個漢堡飽咁,只不過比漢堡飽多塊肉賣相更加唔需要多言了而薯條既數量更加係少左3分1望見成個餐,真係有d o嘴...味道方面,個飽味道同之前一樣(呢層當然係理所當然)廿幾蚊好唔抵對比上年既黑椒漢堡,簡直...睇黎12月果個蝦堡都無緣試味了