麥當勞

營業中

休息中

自從芝芝系列出現咗之後．真係超級鍾意．見到麥當勞新出咗芝芝芒芒就嚟試下啦．貪佢走腳下午茶點一個cake加十蚊就有芝芝芒芒．但真係麻麻地芝士完全冇鹹香味．芒果唔似係用芒果打落去囉．真係麻麻地．cake就一般啦,不過不失,總之食返普通薯條餐啦

Limited Edition 每次最期待就係有將軍漢堡食，將軍漢堡應該係我係麥當勞裡面最最最最鍾意食既飽。佢既肉扒並唔似平時食既豬柳漢堡咁硬同偏咸，而係軟熟美味，再配上佢地配製既汁，簡直係冇得輸，所以佢一有預告會出將軍漢堡我已經好興奮，當佢第一日一出，個晚餐就必定係非佢莫屬啦😋味道 😋😋😋😋賣相 👱🏻‍♀️👱🏻‍♀️👱🏻‍♀️價錢 🏦🏦🏦(5分最高）✨餐廳環境✨：餐廳比較細，位置唔多🧑🏻‍🍳侍應服務🧑🏻‍🍳：自助售賣機暫停用，難得服務員親切🔆總結一下🔆：應該唔好限定，長期有得食親好

McDonald久唔久出新食品，出新口味係一件好事，但係始終係一間美式餐廳，我覺得出一啲比較亞洲口味嘅嘢食，我覺得最有啲不東不西，不倫不類。最近McDonald就推出咗一個新包叫做番茄蛋豬扒包，我就叫咗嚟食，而家就講講 我對呢個包嘅感受。蕃茄豬扒包，佢嘅味道係用香港茶餐廳嘅蕃茄豬扒飯嘅味道呢做藍本，個包基本上有厚切炸豬扒一塊，夾住雞蛋，仲有一啲香港茶記style嘅洋蔥番茄醬。 其實個包都幾厚，一啖咬落去並唔容易，而且好容易就甩甩漏漏，件豬扒係厚切但係好硬好乾柴，個洋蔥蕃茄汁嘅味道好特別，特別在於佢嘅味道真係不中不西，而且好甜，完全係唔啱我口味。

之前酒店跌價,有時收得夜唔想坐咁耐車會搵酒店住200蚊晚CASA酒店,對面有間老麥,買消夜最方便所以就過左黎買一個巨無霸29蚊餐同埋一個芝士蛋包芝士包得好差,溶了痴曬在紙上外賣等5分鐘先有得拎,效率有D慢

今日約左朋友食飯，但未夠鐘，逛了很久還未夠鐘，但已經很累，行到麥記門口，見天時暑熱，就一於入去買返杯雪糕休息下先，今期推介這款呂宋芒新地加香蕉味脆皮，新地裡面還有一些芒果醬汁在底部，食客將底部的醬和雪糕混起一來吃，面頭的香蕉脆皮好有香蕉味，和呂宋芒雪糕一起吃原來是很夾的。加上底部的醬汁，雖然會覺得甜了多少，但還是很好吃的。芒果雪糕好香芒果味，食完感覺真係降溫不少，仲要係十元都不用就可以消到暑，真係一流！

麥當勞雪糕今期出咗香蕉X呂宋芒果，梗係要試吓啦排左好耐，我終於都食到啦😬香蕉味脆皮呂宋芒果新地大窩夫筒雪糕芒果味幾香，朱古力脆皮可揀朱古力味或香蕉味，我當然要香蕉味啦！朱古力味咁普通😆😆😆食落味道好似鳳仙呀😂😂芒果味窩夫都幾好味、好脆😋不過正常都係食左雪糕先食窩夫，顯得窩夫唔夠香😔不過味道好夾🤗不過條KitKat朱古力條係失敗位...畫蛇添足嘅朱古力條同成個雪糕窩夫嘅味完全唔夾😣😣😣

McDonald’s new ice cream flavor! Okinawa sea salt ice cream! The color is so pretty but so artificial 😂😅 It tasted like really sweet vanilla ice cream with a hint of sea salt. The chocolate shell was delicious, but the ice cream itself was so-so. I thought the ice cream was too sweet and not “salty” enough even though I could taste a little bit of saltiness. Two cute koala biscuits topped off the ice cream, but it was basically hollow with a tiny bit of vanilla cream when I bit into it. Interest

返工前過黎買早餐，買左個火腿扒漢堡，見等左十分鐘都未出，凈係見佢地掃地清潔，冇人理咁，於是就過去問佢地，掃地嗰個嗌左兩三次先有反應，望完張單就攞個包比我，全程冇望過我冇講過一句野，而家漏單喎，分分鐘累人遲到架，咁既垃圾服務態度死得啦，成間舖啲服務都差到冇得再差，連短髮女經理都一樣，態度串串咁⋯唔怪得知班細都咁既死樣啦😒

老公半夜話肚餓要食宵夜我呢個奴隸老婆當然自動請纓話落街買俾佢食原本以為樓下有乜買乜......點知老公話想食麥記😱我唯有行三條街去買俾佢食以為行一條街咋嘛，中伏添🤣🤣Okay, 我都照去買24麥記果然勁咁夜仲有一條龍仔我都等左10分鐘見到峰味包好似好吸引就買咗個肉醬煎蛋漢堡加大要紫菜味shake shake 個包我好like因為肉醬好正😝一乾一濕混和左個口感但講起個薯條就好嬲點解個包粉會潮濕左架頂，又冇攞茄汁，我唔制呀！！！PS: 另外買咗個雙層芝士孖寶俾老公個包縮水到呢🤦🏻‍♀️no eye see

最近M記新出咗幾款野食，除咗必食嘅將軍漢堡外，作為M記迷嘅我梗係唔會錯過其它新嘅野食啦。今次新出咗呢個綠茶豆豆新地，賣相望落去幾唔錯，賣$9真係超值食落口估唔到d醬竟然幾濃郁好有綠茶味，認真有驚喜！感覺有少少似食緊之前Mc Cafe嘅Matcha Affogato!唯一一樣要彈嘅就係得好少紅豆，稱唔上係豆豆新地

昨天晚上吃過晚飯後，忽然想起麥當勞做緊$10芋頭麥旋風，跟著就同班friend一齊去買啦！其實啱啱餐飯食到勁飽，對個麥旋風真是不抱期望，但朋友們都興致勃勃，咁就唯有跟大眾啦！去到麥記門口專賣雪糕的櫃台排左5分鐘隊，跟著個收銀就走左去整部麥旋風機，整下整下店經理大哎「麻煩入來排隊啦！」個時心諗係咪玩嘢，如果係冇得食就早講。最後部麥旋風壞左個搞，員工人手搞拌。幾經波折雪糕到手啦🤣除左見到雪糕面淋左芋頭醬還有很多曲奇碎！估唔到佢嗰醬ok好食喎，而且我一向覺得m記啲雪糕係超甜的，而呢個味除左好香芋頭味郤不會過甜，真的連我朋友們都說「好食！」

今天下午去買18件麥樂雞套餐外賣, 因為太久沒買, 所以分不清佢D醬點配,落單時有點阻滯, 講左幾次個收銀都好似唔明咁....(但她是說純正廣東話的)我事先沒看請楚就點是我不對, 但那名收銀員大媽的態度極度惡劣。首先get錯左我想落6件雞餐, 我見價錢不對, 所以同佢講係18件果個餐,然後佢開始唔耐煩, 果陣我又未搞清楚原來18件果個d醬已經係一set過,唔洗再揀的。改單之後又差d落錯薯條個shake shake粉...沒錯, 我沒先看清楚再落單係我唔o岩, 但作為收銀員都有責任解釋返個餐係點吧?其實簡單講幾句有幾難!?而且點講你都會熟個menu多過我!?我唔要求有好好的服務, 唔洗笑晒口同我解釋, 但佢連最基本的服務態度都做唔到,仲要在我面前碎碎念, 覺得我煩同阻住後面。(仲要配合埋好唔耐煩的表情)有咩其實客氣d咁講/修正返我咪得囉, 咁冇禮貌, 我諗佢一定係好有錢,唔怕冇左份工, o係度返工只係為左過日晨定喇,冇o既,咪祝佢繼續富有落去, 繼續做呢d工過日晨lor本身想去麥富勞投訴, 但網頁冇留e-mail....所以只好o係呢度打...<(_ _)>

近來去《麥當勞》早餐，開始對他們的包、熱香餅等等厭倦了。咁，我就這樣從此不再踏足這一個 "金拱門"? 不會的，因為《麥當勞》實在太方便了。是日，有村友車左我出油麻地，咁就就地食一個早餐啦。而就在我眼前的，就是一間《麥當勞》。市區，尤其在彌敦道兩旁，好多《麥當勞》都係細細間的，油麻地的這一間就是例子。店子人不多，但已經可以說是 full house，所以，只有這一侸對著街的好位置可以坐說過不想吃包，我選擇了扭扭粉。也就是香港人喜愛，茶餐廳風格的港式早餐。只是肉扒同雞蛋變成了《麥當勞》的豬柳扒同雞蛋而已。味道我選了原味雞湯，感覺上，我覺得比豬骨湯更好。奶茶，一路以來，是我早餐的正能量。是日的奶茶濃香味適中，啱我。味道不會難食，而且夠飽，早餐求的就是溫飽啊，不需要過份的高要求。

終於試左11元限定的牛油果雞堡。切開四人分享。um，即係麥樂雞加塊包加塊芝士加d沙律醬同牛油果醬。麥樂雞味太搶，食唔到牛油果味。不過11元，算係好足料。俾佢80分，係材料丰富。

Oreo士多啤梨芭菲杯 $18.5Strawberry Parfait x Oreo .追溯返呢杯野 原來都四個月前 今次食到係因為張coupon 亦都係咁 我先知有呢杯野既存在 但係咩叫芭菲...? .類似凍凍地既雪糕 但個質感又唔係雪糕 冰冰地既感覺(我都唔知自己講緊咩😂 會懂的便會懂)質感都幾好食既 不過溶既速度好似快過雪糕 有oreo餅同朱古力條 正正常常既麥當勞雪糕 同食新地差唔多.個士多啤梨醬好甜 甜得制 間唔時食下都ok