麥當勞

營業中

休息中

自從喺東京食過McGriddle之後, 滿心歡喜，佢嚟咗香港梗係要試一下！ 上次食過一次紅貓外送，啲Pancake都係濕得滯！ 我以為係焗住所以咁濕啦😮‍💨🥲🥲今次去返同一間分店買，直程堂食， 以為會好啲無咁濕，點知…仲濕過上次添🤮🤮🤮☝🏻嗱…介紹返…嗰個pancake啲糖醬濕到嗰pancake團粉糊晒😮‍💨糖醬一篤篤、甜到不得了，🙄完全唔知食緊乜！點咗磨咖啡加咗$2加奶，出嚟嗰個奶嘅份量同其他門市都唔一樣，杯咖啡好難飲，無奶味都無啡味，咩事先？最出奇，自問都成日食老麥，個薯餅有黑點？ 係油鍋嘅千年油渣？ 鑊撈？ 定係個薯餅生嘢？😅😅😅真心唔明我只有講聲請加油，我都唔知仲有咩好講？

今年嘅18件麥樂雞有4款特色麥樂雞醬，包括係煙燻芝士醬、蜜糖芥末醬、星洲咖喱醬和蒜辣蛋黃醬，咖哩醬同蛋黃醬好有特色最鍾意嘅係星州咖喱醬，味道好突出。芝士溝蛋黃醬都好好食。

十蚊食到一個熱辣辣嘅火腿扒仔蛋堡真係好正！又便又好味。另外再加五個半，買一個芒果加原味扭紋新地筒，唔會太甜，味道啱啱好。15個半食到一個咁正嘅下午茶，好滿足。希望麥當勞以後推出多啲咁正嘅優惠。

今日又嚟到三點三嘅時間呀，我梗係又會趁住呢個空檔落去食個下午茶啦。做嘢咁辛苦梗係要食得開心啲對自己好啲。今日呢個下午茶好邪惡呀，我見到麥當勞新推出咗麥炸雞。其實呢心思思咗好耐想去食 。今日終於的起心肝落去買嚟試一試先。三點幾嘅時間下午茶都唔算多人排隊，我好快咁就買咗麥炸雞套餐嚟食啦，包埋薯條同飲品價錢都四十幾蚊。 價錢都算可以接受嘅，佢啲炸雞真係超級大舊，拍得住kfc。而且呢食落好有脆香雞翼嗰種香味，我覺得好有麥當勞自己嘅特色風味。而且啲雞肉都好滑同埋個皮好脆隻雞。 真係肥一次都要食。

今日三點三下午茶，走咗去麥當勞買雪糕食，好耐冇喺麥當勞買雪糕啦，但係呢佢多咗好多款式，佢本身有新地喇，甜筒喇，或者係旋風蛋，我都冇揀到，我揀咗最新嘅，就係個抹茶雪糕啦，望落好似幾吸引，食都幾香抹茶味同埋唔係太甜都幾好。呢個價錢食一杯當下午茶真係抵嘅。

麥當勞但都係小朋友最愛。之前每次都會食麥樂雞。雖然麥樂雞嘅雞肉我冇乜要求㗎啦。但係最近食幾次麥樂雞都覺得怪怪地，雞肉好似好淋好霉咁樣。真係食到驚驚地....但反而雞翼同雞鎚好食左好多喎！

我剛剛諗住開開心心去食個M記先，點知攞餐嘅時侯個員工態度超級無禮貌，佢遞左3個餐上黎都無同D客講話幾多號係邊個餐就9秒9轉身走去做其他野要D客自己睇號碼自己認領自己拎，呢樣都算喇都唔重要，但當佢9秒9轉身嘅時候 我就好快同佢講唔該要四包泰式辣醬呀！但佢明明聽到都當聽唔到冇應我囉！等陣都唔講一聲，好冇禮貌囉！ 呢D服務態度真係令我食得好唔開心囉！ 我諗我以後都唔會再去呢間食野喇！真係食得好受氣！一個好唔開心的經歷

Woohoo!!!! We paid a visit to this mcdonalds last week. Entering the restaurant, we found that there were a lot of seats, which made the environment so comfortable. We only ordered litte bit of food, like icecream and burgers, but we enjoyed as it was a nice and comfortable place to chat and chill. I would definitely go there next time with my friends.

之前麥當勞有$10 2件脆香雞翼+細汽水既優惠，咁我就去買左2set特價雞翼+豬柳蛋漢堡外賣，可能太多人，俾錢同拎餐過程十分混亂，所以拎左個外賣就檢查下有無俾錯或者少到野啦，點知真係無俾d雞翼醬我，咁我就同佢講d雞翼無比醬我wo，佢就好惡近乎係喝既態度咁話"咩雞翼啊，你無話要咪無俾你囉，你要講先俾你架wo"，我當堂O晒咀，食左廿幾年真係第一次聽d醬要講先俾，當時我不忿佢d咁既態度想同佢理論，點知佢話"而家咪俾返你lo，快d走，我好忙，唔好阻住晒"，當時真係覺得好委屈，唔通就因為我買特價雞翼就要受d咁既氣？但我大住個肚又唔方便同佢嘈就忍住啖氣返屋企，點知原來仲未完，我買豬柳蛋，佢俾左個魚柳包我😞塊魚柳仲薄到成張紙咁，真係忍唔住喊左出黎，未試過食個麥當勞食得咁唔開心，可能係個別事件，但我有排都唔想再食麥當勞了！

近年m記都推出好多新款既包或者推廣，但大部份都覺得伏或者係唔抵食，尤其是係出面圖與現實不符啦但今次對於m記出左個如此高質既包，黑洞表示好欣慰😭尋日食完晚餐食埋呢個fantastic餐，因為不嬲m記餐唔飽我係當宵夜only，點知竟然唔係縮水包兼且心思之作，真係要上黎讚下佢呀！！飯係煎得香脆之餘壓到實一實，口感煙韌兼實在，更令人驚喜係飯本身已經加入香菇粒同豉油等日式調味，淨係個飯已經夠和味😍驚喜繼續黎，蛋係炒仲要有混合埋粟米粒等蔬菜粒，炒得香滑，口感層次無限升呢!!!!至於件炸雞就不過不失啦，少少鞋口但起碼好厚肉，炸得脆脆地似食平時炸雞，連埋沙律醬已經完全贏哂比起得半塊芝士沙律醬少得可憐既魚柳bell，終於有個唔係$23餐可以打動我^_^一定encore!!!!溫馨提示：講明先，呢個係煎飯+炒蛋+炸雞+沙律醬而成既包，減肥人士或者怕重口味油膩既人唔建議試架 因為仲會加$8.5麥旋風食，想唔肥死都難（仲要本身當左宵夜咁黎食），而且大家食呢個包預左隻手會好油同堆都有啲易散開，尤其是個炒蛋拿呢個焦糖布丁麥旋風就完全係中伏囉，說穿了，只係杯甜左10倍既oreo麥旋風，的確，本身知佢係焦糖味係預左甜

見有新出品即試, 但查實黑白漢堡並非首次登場, 只是期間限定而已~黑漢堡--你看, 兩塊漢堡扒就是像風乾了一樣, 好dry.............醬汁嚴重不足, dry 上加 dry, 惟黑包尚算軟熟, 底層是加了似是火腿碎的薯蓉, 但太咸, 總括來說是難食~浪費了我19大洋~~芝麻棉花糖新地--吃了個很麻麻的burger, 那就試埋新出的sundae吧~咦~ 反而這新地ok, 比上次出芝麻新地時有進步, 黑芝麻醬好香, 配上軟滑雪糕, 令人吃得很滿足~

麥記推新出品, 通常都忍不住要去試試... 今次新推的蜜糖芥末雞堡, 有驚喜~由包開始說起, 這包跟一般burger不同, 用的不是平時的芝麻包, 而是另一款較厚身的包, 烘起來更外脆而內軟... 蜜糖芥末汁很惹味而不會過辣, 是香甜的味道突出~至於雞肉, 則算是嫩滑多汁, 跟那醬汁很配~~總而言之, 是麥記新作中蠻出色的一個.芝士薯波也不俗, 皮脆而薯香夠滑, 芝士很濃, 吃得不能罷手... 惟汽水新地味道奇特, 雪糕沾上藍色汽水會變成凝固的一團一塊的混合物, 看起來有點難下嚥~~

是日凌晨時份再約友人係屋企附近食宵夜叫了一個Shake拼盤加大餐跟一杯香芋麥旋風拼盤 有一客麥爆雞細 麥樂雞 脆香雞翼2隻大薯條色水唔錯 似濾完油之後炸的 拼盤份量好少...香芋麥旋風冇特別 顏色同普通麥旋風差唔多 只係多左少少祡色 同微芋頭味

麥脆雞 有幾趣?有幾脆?相信大家都食過KFC 雞粒...就係咁囉D味仲似麥樂雞 有幾粒又似脆香雞翼味可能好似麥樂雞係加左魚肉整 而唔係用純雞肉所致...好在有味粉 一包BBQ醬味 一包泰式柚子 外加了薯條 shake it.....

麥當勞今個夏天新產品 其實之前都已經出過稱不上新產品只可說是「水尾」之作...一向討厭這家麥當勞的員工態度，遊雲 發夢 錯order 比遺野經理又唔理，組長成日一開口就鬧員工 搞到員工不滿上司面阻阻 員工發顧客皮氣都試過...講返杯新地只有淡淡綠茶味 味道唔出 太淡 紅豆呢 各位睇到有嗎?整體 係一杯淡茶味新地而已...