麥當勞

營業中

休息中

今日唔想煮飯又諗唔到食咩，醒起之前有個包都幾好食，落街買返去睇下波慢慢食，不過之前返大陸都有食過麥記，發覺根本兩回事，包都係我哋啲好食，好醜都係一餐嘖，但係好坦白，我覺得其實都幾好食㗎！！！！！

細細個令我一試難忘既飯TASTIC終於番黎喇!不過…...個結果係令我好失望既，個”飯包”完全冇以前試過果種清脆既感覺，塊肉太乾太粉同舊蛋唔係好夾，而且個汁配合番舊飯既感覺又係有小小嘔心咁。而且舊飯硬係令我覺得臭臭地，同埋好快就會食到好”濟”，令人唔係好想繼續食落去。不過個限時推出既特飲係好飲既，唔會太甜有D FRESH FRESH地咁，仲有D果肉食下咁，算係咁啦!

呢期M記出新包 梗係要試下佢佢比起以前D黑椒包黎講 賣相好好多 吾算太一PAT野禁但說好的手撕雞? 完全係少到爆中間有塊洋蔥既野 OVERALL黎講試左就算無TAKE 2反而芋頭批 係正既 好香芋頭味 做到野食得蘋果批多可以轉下口味

身為芝士怪見到出左新包有芝士兩個字， 即刻忍唔住要試 瑞士芝士足三兩，塊牛肉依舊係比較乾無肉汁，芝士有車打芝同白芝士，但塊白芝士應該係溶左同個醬溶為一體所見唔到，最驚喜係炒洋蔥好香好惹味，男友仲以為磨菇會用罐頭果種，點知係鮮菇，好好味呀，聽講係法國磨菇黎既！ 成個包既味道都好夾好好味！

有無人睇完Minion鐘意左佢地?麥當勞岀左一系列嘅Minion嘢食，大多以黃色生果做主，好似香蕉，菠蘿，檸檬咁今日食左個餐加$4轉左杯「眼柑柑新地樂」，佢其實係柑橘味，但唔講都唔知佢係柑橘味，會以為係菠蘿味，杯嘢飲有雲呢拿新地，但搞渾後岀曬泡，完全飲唔到原本隻味，下次都係飲番可樂好

父親節晚餐前，送了小兄妹去玩樂，然後又要去東海堂取蛋糕。大熱天時步走過去實在超熱，回程時終於忍不住去麥記吃了杯 經典焦糖新地。真的太久沒吃麥記新地了，竟然犯上低級錯誤：忘記走花生！  除了自己大意，也怪廣告照的花生拍得不太明顯呢...之不過，撇開慢慢揀出花生的不方便，這新地真的無敵：焦糖醬香甜、雪糕又很滑，比朱古力新地好吃；份量又足，吃完都飽了一半，價錢卻只是 $8，很抵。會趁供應期再去吃，當然下次會記得走花生了～

係香港應該無咩人未食過m記啦～作為'食自己'時絕大部份人既首選作為外食既一等一頹食之王相信幾乎每個香港人都對m記不陌生了例如我 近5年來，一星期總有1-2天食m記誇張時 一星期7日食都會添總之生活離不開m記 雖然係頹餐姐.......但食食下都會無形中有啲要求既而且會儲經驗 開始比較到邊間會好食啲哈哈最鍾意呢間 係因為次次去食都做到最好薯條係熱騰騰脆卜卜漢堡都即叫即整既 芝士會熱到融既 好正汽水係有氣既！唔係無氣超甜糖水講真 唔係間間m記都做到！！90%都係食冷凍漢堡食軟薯條無氣汽水真真正正頹到喊既頹餐 幸好呢間質素都幾好 最鍾意呢間希望可以一直keep住水準啦～～～

行過南豐有D肚餓, 見未夠3點即刻上老麥買個12至3買左新出ge香草雞堡個包有少少燶塊雞都幾乾 , 又無咩味煙肉好細塊, 個包食到一半先發現煙肉ge存在...唔係優惠時段買要成三十蚊一個餐真係食麥香雞包好過...

今朝一早出門口, 9點已經去到荃灣, 好耐冇試過喇, 自己都覺得好勁! 早2日睇電視見到有雙層豬柳蛋漢堡已經即刻想食架喇, 因為我1向都覺得豬柳蛋漢堡係咁多包入面最好味...而家仲雙層添...聽落已經覺得正! 如果遲d出3層我都會食ar! (雖然好唔健康)我地叫左1個雙層豬柳蛋漢堡餐, 1個新嘅熱香餅餐, 1杯即磨咖啡, 1杯普通咖啡...夾埋$47.5...仲有2包滴露濕紙巾送, 所以我覺得價錢ok!雙層豬柳蛋漢堡 - 有d乾呀, 不過仍然好食. 熱香餅餐 - 同平時1樣, 不過多個薯餅同埋少1塊熱香餅... 咖啡 - ok, 不過我飲完先發現原來有brown sugar... 雖然幾好味, 不過只可以間中食下...因為可能食完1餐呢d嘅intake已經多過平時一日所需...好唔健康ar!

食麥記早餐, 最LIKE佢地熱香餅餐, 飲熱奶茶. 熱香餅夠熱, 三件, 加再牛油和蜜糖, 好滋味, 這裡的熱香餅味道真的不錯, 間間麥記都KEEP到好味水準, 一定是粉和水的份量有一定的準則, 才可KEEP住味道.另有一件豬柳, 咸咸地, 中和蜜糖的甜味, 又幾好呀. 而奶茶味濃, 不及茶餐廳的滑, 但都OK好飲.

M記新出既雞翼終於有唔係炸既雞翼都算幾好味~不過貴左少少lor~18蚊先得果4隻!!!都係kfc d狂惹香燒雞好味d環境服務衛生都係唔係幾岩用XD

雪梨茶~ 10.5元 第1次試飲~真係好大杯,應該700ml 左右呀,始終覺得檸檬茶好飲d..雖然係甜左d....因為雪梨茶無乜雪梨味就真..不過叫外賣,又無咁快返到屋企,都係走冰好d..事關當日行返屋企果陣撞到舊同學跟住又兜左差唔多成個鐘先返屋企,搞到杯雪梨茶淡左少少,haha我唔係怪個舊同學XD講返m記員工服務態度,係個女cashier,都算係nice!!又用左買1鬆1的優惠卡~所以係買雪梨茶,再送草莓奶昔草莓奶昔~不過大杯奶昔都唔係好大杯,不過飲左1半已經好快飽,haha草莓味突出~!!顏色很美我鐘意呢種粉紅色 扲回家飲又好在唔會溶,真係幾鐘意飲~

尋晚(8-1-2010 Fri)同男友食完Burger King後,就上o黎食麥當勞,為o既係$20.00巨無霸餐,買o左返o黎喇,睇睇個巨無霸先,啲生菜絲幾多,兩件牛肉好薄同好乾,食落,唉!呢啲就係廿蚊o既質素.味道: 1.5分而薯條就熱辣辣o既,食完想食佢最好食o既新地,男友買o左新地筒,香濃o既雲呢拿味同軟滑雪糕,真係令我好滿足.味道: 4.8分最後一個題外話,見到一個年逾七十o既老婆婆,佢負責全場執拾,好勤力盡責,相對前晚KFC o個兩個中年員工,老婆婆真係敬業樂業,佢o地真係要向佢好好學習.但我看在眼內,不自覺對呢位老婆婆產生憐忟,咁大年紀應該休息,安享晚年,我好想畀貼士佢.其實味道係被薯條同新地扯返高分.

McDonald's---珍寶黑椒漢堡(MEGA McPepper)日期：2009-11-02今晚在"McDonald's"買了再度推出的"珍寶黑椒漢堡(MEGA McPepper)"($20.6)。在家用焗爐翻熱。珍寶黑椒漢堡---芝麻漢堡麵包夾著4塊各重45.4克的牛肉漢堡扒和洋蔥粒，配上黑椒醬汁。漢堡扒肉質略為乾嚡，牛味足夠。醬汁份量適中，黑椒味香濃，辣味和鹹味適中。

McDonald's---玉子將軍漢堡(Shogun Burger with Egg)日期：2009-10-01 在"McDonald's"買了再度推出的"玉子將軍漢堡(Shogun Burger with Egg)"($16.8)。在家用焗爐翻熱。這款"玉子將軍漢堡"於2008年5月首度在香港McDonald's推出。而"將軍漢堡"則於上世紀90年代初開始在香港McDonald's推出。玉子將軍漢堡---芝麻漢堡麵包夾著豬肉漢堡扒、生菜絲和雞蛋，配上照燒汁及日本檸檬蛋黃醬(Lemon Mayonnaise)。麵包外脆內鬆軟，雞蛋軟滑，豬肉漢堡扒肉質鬆軟味道鹹香，照燒汁香甜惹味，檸檬蛋黃醬酸香醒胃。