麥當勞

營業中

休息中

經常幫襯麥當勞的我，說到巨無霸,這個絕對是麥當勞的招牌之作。每次去麥當勞,我都忍唔住要點一個。又厚又大的牛肉餅,簡直是太扎實了,一口咬落去都快撐唔住。不過真是太juicy了,肉汁滿到都快流出來。加上新鮮的蔬菜,再配上醬汁,簡直就是完美搭配。另一個我超鍾意的就是他們家的薯條了。外表酥脆香黃,一口咬下去,外焦內軟的口感簡直太讚了。沾點番茄醬更是絕配。總結，麥當勞的這些經典美食就是太好吃了。無論是巨無霸漢堡,定係薯條。都係每次必點。

新款巨無霸大致上同舊款其實無咩分別，個人覺得只係d醬汁多咗同酸咗，整體嚟講都好味。吉士蘋果批就食唔出有吉士味，同普通一個蘋果批無分別，下次可以淨係叫蘋果批算。。

我去到藍田，位於「德田商場」的分店「麥當勞」，「麥當勞」門口位置旁邊的售賣軟雪糕甜品站，購買了一杯「朱古力脆皮海鹽新地筒」甜品。「朱古力脆皮海鹽新地筒」售價不算昂貴，價錢才港幣六元五角而已。藍田「麥當勞」的店員製作「朱古力脆皮海鹽新地筒」速度尚算中等偏快，我不需要等太久就已經取得「朱古力脆皮海鹽新地筒」。藍田「麥當勞」店員製作出來的「朱古力脆皮海鹽新地筒」實際製成品，外表端正，朱古力脆皮剛剛好豎立起來，完全沒有任何傾斜倒塌的風險。而且朱古力脆皮經過在空氣之中，進行凝固過程之後，脆皮表面的鬆脆口感，已經成功被塑造出來，而且朱古力脆皮的味道很甜，很有朱古力原材料「可可」的香味。不過，「朱古力脆皮海鹽新地筒」裡面的海鹽軟雪糕，海鹽軟雪糕的味道，就不要期望會吃到海鹽鹹味了，「朱古力脆皮海鹽新地筒」的實際味道，就只有朱古力甜味，還有海鹽軟雪糕的甜味而已。不過，難得藍田「麥當勞」現場排隊購買「朱古力脆皮海鹽新地筒」的食客人數不算很多，所以我不需要花時間等候，很快就成功付款，購買到「朱古力脆皮海鹽新地筒」了。我吃完藍田「麥當勞」，價錢不昂貴的「朱古力脆皮海鹽新地筒」之後，整日剩下需要寫的食評，就只，

其實間中麥XX都會推出新款食物, 而近期就推出了炒雙蛋脆雞堡! 論價錢, 這個飽不算太貴, 早餐單買17.5, 若以套餐價買都只是26.5元!打開個飽看看, 可以看見有炒蛋, 脆雞排和白色的醬汁! 其實雞蛋的份量唔算太多, 感覺上應該不足2雙蛋的份量, 但雞蛋算是炒得嫰滑! 至於這塊脆雞排的size也不是太大, 但幸好炸得香脆, 而咬了一口後, 雞排裡仍有肉汁, 算不錯! 整體而言, 用料份份量好似少了一點, 但將嫰滑的雞蛋配上香脆的雞排, 加上香濃的沙律醬, 味道很不錯, 價得一試!

睜大眼一看, 竟然睡過頭了！ 怎麼一回事, 昨晚不但忘記較鬧鐘, 也忘記手机义电, 加上天色昏暗 (下大雨了）, 生理時鐘也不管用了... 逃命似的跑去找母親大人, 兔受她責備呢腦袋一直晃晃的.... 像靈魂出跑了..... 每早必要喝杯回魂咖啡, 於是找到梗有一間在附近的 MC Cafe 靈魂终于回来了！

離屋企有大約十分鐘路程，但啲薯條，買左幾次都係林，汽水冇汽，買過芬達同雪碧，最好check清楚先好攞走，有時漏野，醬汁最常漏，包就亂包，學晒大陸，大廈唔林就住得，包有野夾住就係包，啲菜阿，汁阿，飛晒出黎，冇咩特別我都會走落匯景買

話說早上我買左一個牛蛋漢堡. 由於我係自助機賣, 跟住就看screen等. 等等下, 號碼己經過左10個 (我開頭諗住人地忙所以先咁) 我過去問, 係咪留左, 結果不發一言, 攞左個飽出來即走左. 本來他地留左我諗住一句sorry 就算, 一句都無就真係無咩禮貌. 我食完個飽揾經理講番件事, 講完後經理去問番果位同事。我聽倒她大大聲講左句, (係留左啊! 她唔早啲來問! 次次來賣果小小野仲要投訢 !) 我係聽完之後就真係覺得係咪無讀過書就大晒, 可以咁無敎養同無禮貌= = 各位去食野都要諗清楚, french fries 中size 份量係small size.  = =  

今次第三次食，頭兩次都係中環食，原来中環貴$2真係今日先知藍田呢間好大，仲有好多部自助機，可惜我八達通無錢得現金，唯有排隊。條龍都幾長，前面都有只少六個人，佢開得一部機，等左陣，我後面多四個人，但佢都唔開多部收銀機……算，我真係好鐘意個田園雞包，唯有等。等左十分鐘先到我order。本人就唔太鐘意醬，所以走哂醬。有啲人覺得無醬會乾，但我就鐘意食到食材嘅真正味道，所以好多時都走醬嘅～不过個收銀員都好好笑，我話要走哂所有醬，佢問要唔要牛油果醬，我話都唔知。佢然後問我要唔要蕃茄，我話要。佢然後一項項食材問我要唔要………怪不得我要等十分鐘先買到啦！我朋友想食薯條，所以叫左個餐。佢話要薯條走鹽，哈。最後搞左15分鐘先食得味道都保持咁好味～bagel 煙煙un un, 好正～塊雞夠嫩～不过片芝士就放得hea左啲，一半走左岀黎，痴左係張紙到……

今天去藍田找我男友，他想吃麥當勞新推出的北海道三文魚.牛堡套餐，而且他又想試黑松露調味粉，於是我外賣買一個比他吃。我買了一個北海道三文魚.牛堡套餐，加大，要黑松露調味粉，再單買脆香雞翼4件（全翼），飲熱朱古力。北海道三文魚.牛堡方面，三文魚都算厚身，不過味道便一般了。由於是全熟的三文魚，肉質十分（鞋），口感十分差，而且又十分油，但沒有什麼三文魚味。雖然炸過，但味道都是一般。牛堡都算厚身，但沒有什麼牛肉味，而且又沒有肉汁，比較乾了一點。幸好包內有其他醬，整個包才不會乾憎憎。個人認為炸蝦堡美味得多了。黑松露調味粉薯條方面，薯條應該炸了一段時間，軟淋淋的，口感一般。幸好有調味粉，才能入口。黑松露調味粉只得咸味，感覺好像只是自己加鹽，有點失望。和風紫菜味應該更美味。脆香雞翼（全翼）方面，炸得有點燶，不過雞肉都算嫩滑，味道都不錯。熱朱古力方面，都是典型的味道，不過不失。價錢方面， 北海道三文魚.牛堡套餐（加大）$37.3，單買脆香雞翼（全翼）$18，總共$55.3，價錢十分便宜。總結來說， 北海道三文魚.牛堡套餐味道只是一般，黑松露調味粉味道都是一般。雖然不至於難吃，但個人認為不值得去試。

呢期麥當勞換Angry Birds，契仔鍾意所以呢排去多左。不過今日唔食開心樂園餐啦，食早餐麥芝蛋包餐唔要薯餅全場最平，又飽肚，有兩塊雞蛋加芝士，份量算幾多，芝士有一整塊，一咬feel到芝士處於半融狀態，同雞蛋融為一體，但食時芝士比較痴牙，所以食得比較麻煩。熱咖啡無得輸，咖啡味香，茶香奶濃，又夠滑，所以我一向幾欣賞佢啲咖啡。食飽就繼續努力工作，對抗老闆

前排係FACEBOOK見好多朋友仔都試左麥當當新推出嘅抺茶雪糕，不過因為早排未病好，所以一直都冇有得試。早幾日見小小豬返學乖乖，我又病好左，所以兩母子就去試新嘢啦~FACEBOOK朋友仔嘅食後感都係有讚有彈，所以都心大心細，唔知好唔好食。不過平平地都係$5，所以就抱住一試冇壞心態試吓啦~食落好唔好味？當然...同大牌子嘅抺茶味雪糕相比個抺茶味可能唔夠濃。不過我個人就覺得個味道唔錯，都幾啱我口味，因為食落都好香抺茶味，而且一啲都唔苦澀味。加上平平地過下口癮都不失為一個好選擇呀！哈哈...唔止我覺得好食，就連小小豬都食唔停口呀~自嗰次同小小豬試過抺茶雪糕之後，今日行過麥當當，見抺茶雪糕又有新款式，所以又走入去八卦一下，原來出左啲新地款呀~哈哈哈...見有新嘢我當然又嚟試下，所以就叫左一個抺茶新地啦~OH....原來將抺茶雪糕再加上朱古力醬個味道係冇純抺茶雪糕咁好食，因為啲朱古力味就真係太勁了，完全蓋個晒抺茶味。所以原本都打算下次試抺茶麥旋風，依家都唔敢啦，都係食返完味好啲！不過我都不法奇想，如果將抺茶雪糕改配紅豆醬，我諗一定會好食好多，希望麥當當會有機會推出依個配搭啦！

食物選擇‧法國皇室凱旋堡餐 ($28.8)．蕃茄海鮮湯(+$6.5)味道．個包拿上手就覺得很有份量，吃完幾夠飽。牛肉很厚很大塊，大到超出ciabatta的範圍，有肉汁不會太乾，加上有兩塊不同的芝士，整體味道不錯。但不明白既然有新鮮蕃茄為什麼還要加那麼多茄汁......．所謂的中薯條是騙人的，完全裝不夠，跟細薯條份量沒分別．汽水就算走了冰也是一貫的淡貿貿．蕃茄海鮮湯很咸，而且有很多一團團好像未溶的湯粉，只喝了一半就喝不下去了