麥記膳房 (已搬遷) 新店位置

今日送別一位同事，佢打算轉工，我們一大班就請佢食飯。我們今次去咗大角嘴食，真係好少黎，但估唔到這裡有間私房菜。我們一大班大約10個人，所以每人選一樣就好夠食。每碟都有特色，有魚有牛肉有豬有海鮮有菜，又有個好正的湯仲有甜品送大家食得好滿足好開心

Great hostess and great food. We were overjoyed with the dining experience. Food was delicious and the prices are reasonable. The hostess/ owner took  time to engage in conversation  with us. Very memorable

長輩友人極力推薦此餐廳，滿懷希望過海試菜。部分菜式的確頗為驚喜，但也有菜式不合乎期望。私房菜沒有餐牌，只能指點牆上食物由侍應逐一報價。雖然賣相並不是很吸引，整隻豬手骨伴碟更有蒙古大漠手抓肉的野性風情，但這個菜式是整頓飯最滿意的食物。豬手可以炮製到肉同膠質都唔硬，真係好難得。醬料方面，右邊的酸辣蒜和右邊的甜醬相得益彰，是滿意之作。這餐廳給人客最大的感受一定是菜式大碟。上枱的時候大家都會嘩一聲，但計返價錢又唔係超抵食。飯非常鮮香入味，由飯的顏色可見，糯米飯並沒有在蒸熟後再加調味料拌勻後期調校味道，蟹膏放在飯上與米粒融和。大師之作。在“相機食先”的一刻本來還是很滿意，大蜆肉肥美而飽滿，賣相不俗。但是!! 放進口中就有一股渠臭味。估計並非廚房問題而是貨源/飼養蜆的水質問題，純鹽水浸令味道更為明顯，非常可惜。酥炸感不錯，但裡面的豆腐+餡料則不敢恭維。不推薦。總體好壞參半，希望只是自己沒有機會嘗試最撚手的小菜。價格方面的確不便宜。

上星期由朋友帶我到呢間私房菜！起初我地行入條街覺得係一條非常舊的街道！裝修一般！我十人總共食咗九個餸！我朋友説，最好早一曰預定餸菜！原來廚師準備當曰新鮮食材！我又試下是否講得這了不起！最後我都比99分！另外一分係D裝修老土！不過最緊要好食。新鮮。我都介紹一下大家可以去試下！1)龍蝦餃子，真係第一次食，幾好味，好特別😋😋😋 2)檸檬牛油煎烏頭，我第一次見咁大條，又無泥味，OK，3)蜜椒羊架，抵食，好似食牛扒咁，店員說係紐西蘭來。所以特別好味。4)鬼佬生炒排骨，原來有油炸鬼响抵，好特別。5)馬來魷魚介蘭。菜都比朋友爭相夾晒。6)蟹糥米飯因為有蟹，所以特別香又有蟹果D香味真係要試下先可以知果種感覺。7)上湯浸大蜆都唔錯，好大隻加埋粉絲自己煮唔到。8)比利時焗蝦，一出埸好似去扒房落汁咁咋咋聲！份量夠晒大碟。最後每人大約300仲送糖水！好適合大火伙兒一齊去食👍👍👍因為太大碟。

無意之間發覺尼間餐廳原來都登記咗operrice，咁點都要嚟抒發一下經歷啦！前幾日去朋友屋企玩，到晚餐時間出街食飯，因為大家都唔想行遠，所以就係朋友屋企附近搵美食，行行下經過「麥記膳房」，朋友都未試過，睇了餐牌就覺得好似唔錯，大家贊成嘗試 但係好失望 圖片好睇，味一般般，食咗嘅魚同埋蝦都係急凍㗎！不如啲排檔夠新鮮！但價錢好似食咗一餐鰂魚涌或者西貢的海鮮梗  之後我哋5人都覺得唔係食唔起，係感覺梗嘅餐廳位置收海鮮般啲價錢好唔抵！外加味又一般般，更加覺得唔抵食！！仲係台低同埋洗手間見到曱甴添 以後唔會再去食了，亦都唔會介紹朋友去食。唔想俾朋友鬧同埋害人哋嗮錢！！！

那天，我們其實是萬無目的隨便找一問食店進去吃晚飯。可能已是晩上8、９點的原故，一進去店內滿是食客，好彩我們只有４人所以即時有位。坐下後，侍應親切地奉上幾杯茶，我便問有沒有菜牌，他很客氣地回應『沒有，一切菜式都展示在牆上了。』並介紹了３款小菜給我們說怕份量多得我們吃不下。最後我們還是多添了一客生炒糯米飯。菜送上來時的確很大碟，每碟均足夠八至十人亨用，尤其是生炒糯米飯足足夠十二人食用，最好的是這裏的餸菜既少油又冇味精。因小女子對味精這東西很敏感，如吃了有味精的餸菜，那天晚上必定飲上一大桶水。但那天晚上我並沒有味精反應。事後看了人家的食評話好貴，可是這價錢是供多人食用的。公道一點，HK$220的生炒糯米飯是供12人食用的而街外供2人食用的都要HK$80來元，計起來平均每人可能還要便宜。況且在外吃fusion菜，一向都不是便宜的，這一間叫合理。唔好誤會，我不是食店股東也不是他們的親戚朋友，我只是以事論事。這店我們打算相約大伙兒一齊再去吃。

身為第一人寫食評,希望寫好一點,但水準實在一般。1/龍躉煮到over cooked,肉勁嚡$4xx2/煎大蝦甩頭,味太酸$2xx3/猪手硬實實(急凍貨)4/生抄骨可以但太酸最後埋單$1045,份量好足,但西貢價錢,大排檔水準。