影片
以上資料只供參考, 請與餐廳確認詳情
招牌菜
朝早七點買左個紙包蛋糕，可能隔夜，個包硬到食唔落，返轉頭同肥師奶講，佢好好人咁叫我換過其他包。抵讚。其實佢地蛋撻係好正，我由兩蚊買到依家四蚊了。此外，咖哩牛肉包都好好食。
繼續閱讀
又一間大件夾抵食嘅傳統餅鋪😄😄個黑森林蛋糕正呀（雖然佢芒果蛋糕都好好食🥭🥭）十幾蚊大大件西餅、幾蚊大大個撻不在話下，食落仲好有驚喜🍫🍫我以為舊式西餅一定甜到惹蟻，然後蛋糕體有啲似鬆糕咁。點知一啲都唔係！佢呢件除咗頭頂個白朱古力片甜之外，下面個朱古力蛋糕係香朱古力味但唔甜，亦唔苦。質感嘅完美嘅海綿蛋糕，中間忌廉唔算太甜，夾咗啲啫喱。而且外型都好靚，拆哂啲紙放上碟，同出面賣緊$40一件嘅打卡甜品無分別，性價比極高🥰🥰。
繼續閱讀
卡努襲港星期日打8號風球，冇得岀街浪廢左個假期。三點幾下午茶時間落樓下睇下有乜食，都未行到麵包城門口就已經聞到好香蛋撻味。行近一睇原來蛋撻岩岩岀爐，即刻排隧買返屋企食。麵包城岀爐蛋撻好搶手，好快就賣晒成盤，賣晒就要等下一輪。買夠6個就有紙盒裝，所以我通常都係買6個。今日得三個人食就買左4個，用膠袋裝雖然有硬卡紙隔住但都好易整爛，好彩今次拎到返去都冇爛。買到返屋企仲熱辣辣，蛋撻係餅底好鬆脆。中間蛋漿咬落去好滑有雞蛋味，食完一個忍唔住口要食多個。蛋撻好抵每個只係$3.5。
繼續閱讀
芝士條新鮮出爐食時仲係微溫有濃郁芝士味原來街坊面包舖都可以有高水準出品
繼續閱讀
嘩,哩度既cream cake,勁正,最正既係$35一磅,而家絕無將貨就價,cream勁多,絕對冇好似聖安娜咁用水打成既cream咁"泡",個個蛋糕都日日新鮮製造,蛋糕底好香蛋味,中間又係比勁多cream你,d生果又超新鮮同好甜!$35一個,簡直係賣大包啦
繼續閱讀