麵大將

營業中

休息中

食過兩次都係覺得幾穩陣好食，尤其係個醬油湯义燒拉麵。（記住醬油真係豉油）雖然間野有d似快餐，所有野自助，但係食落都覺得唔係馬馬虎虎整出來。湯底夠熱，义燒數量夠多。個醬油湯都唔淡唔濃，啱啱好味道。服務方面就非常差，尤其係收銀嗰兩個。唔識對客人笑之餘，講嘢仲要chur到阿媽都唔認得。一間日本餐廳做成咁，真可惜。

好耐之前喺另外一座大廈食過，但係現在搬到去第二個位置 。所以決定再俾多次機會佢試吓好唔好食 。味道可以接受 。但只可當它是公仔麵的進化版 。野飲太貴（28蚊已7折、好彩水係住加），難以接受 。環境方面，我相信夏天會十分之舒適 。因為佢個冷氣真係開到好大，大到我坐咗一陣之後啲面凍晒 。地下尚算乾淨枱面10分清潔。服務方面，其實冇乜服務可言 。最多都係收銀處負責收錢，叫Number嗰陣時自己出去拎嘢食 。應該冇下次啦完

住將軍澳 有日經開見到大大個招牌 有大閘蟹放題 有呢引咗我就揀星期六入去食啦啲蟹偏細 手拳大細都無 唔知足唔足2兩架有膏但普遍唔夠油唔夠香 總結唔值498蚊，如果為隻蟹就唔洗考慮了

咁arm喺MegaBox行街，有喺九龍灣番過工嘅朋友同我講呢度有個food court仔，價錢唔貴。我見MegaBox 嘅野食都咁貴，就走黎睇吓，叫左個$64嘅日底豬骨叉燒拉麵🍜😋我覺得包埋糖心蛋其實已經幾正，但湯底確實有d咸，搞到我好口渴，但又唔包野飲。配料已經算豐富，對得住商業區午市價錢，d叉燒都幾好食，滿足到番工突然好想食拉麵嘅朋友仔🤣如果湯底多d豬骨味，比番隻完整嘅蛋會開心d😅🤣，亦希望包汽水🥤

以前成日去太古food court食橫濱麵大將，真係個個星期食都唔會覺得厭，覺得佢好食過坊間好多拉麵店，重要算係平價，食完真係會有滿足感。小去太古之後一直都未食過一間性價比麵大將更好嘅拉麵，直至知道公司附近有，真係好興奮。最鐘愛日式叉燒拉麵（豬骨湯），望落普通唔多花巧野，但湯底奶白香濃又唔油，拉麵軟硬適中，簡單加上叉燒片、溏心蛋、昆布、竹筍同蔥，雖然食完點都會有些少口渴，但味道係無得輸。呢到嘅咖哩烏冬都一樣好出色，但每次去都係最想食拉麵！

佢絕對值得一個好評🧐😋😋😋😋麵大將@九龍灣曼克頓商業中心平日好少去呢個位，無意中發現左，就試下佢🍜睇到個樣已經好期待，之後飲一啖湯，真係好驚喜🤭從來都好想食醬油湯底，可惜喺香港真係無食到過，呢個近乎日本嘅味道，重點，佢係日本人煮架！！！個感覺返哂嚟，不過真心好好食！！！而且性價比超級高，出面食拉麵今時今日都要8,90，佢只係60幾，真心讚👍🏻👍🏻👍🏻💜●‿●💜🏡：👍🏻👍🏻👍🏻👍🏻😋：👅👅👅👅💵：$65🚶🏻‍♀️：🙋🏻‍♀️🙋🏻‍♀️🙋🏻‍♀️🙋🏻‍♀️#hkfoodieblogger #hkfoodies #hkfoodlover #hkcafehopping #hkcafes #hkcafelover #coffeelover #香港食好西 #香港美食 #香港吃貨 #香港咖啡店 #香港咖啡 #咖啡日常 #香港美食指南 #香港小食 #hkcoffee #hkcoffeeshop #九龍灣美食 #cafe #拉麵推介

今日中午兩個人食，我哋叫左一個咖哩豬扒喬麥麵，一個咖哩豬扒烏冬，豬扒份量充足，咖哩汁好濃，麵的份量比較小，味道唔錯，可惜冷氣唔太足夠，位置寬躺，有免費水提供，自己自助

不斷努力向九龍灣搵有無好味日本拉麵, 今日搵到呢間見向商業大廈裡面既餐廳, 系由日本人廚師主理既拉麵, D麵幾爽口唔立, 湯味道咁甜清香. 唔會太濃或太淡.仲好好多塊日本叉燒🍜叫左日式叉燒拉麵鹽味, 仲有豬骨, 仲有豉油, 味噌湯底選擇. 朋友介紹話豬軟骨拉麵同蟹味噌湯拉麵都唔錯, 下次可以試下. 拉麵價錢$52-$60價錢合理.🏅仲有烏冬, 冷麵都系夏天唔錯既選擇...都系$48-$60, 沒有日本旅行, 可以呢到回味一下日本味道

無錯 冷麵最緊要既野就係夠凍 麵大將係中華冷麵絕對做到呢一點 因為佢係連個碟都係碟架！雖然佢既配料唔算豐富 但配上秘製既冷麵汁 而且麵質爽口彈牙 絕對係有一間隱世既冷麵名家可惜既佢係季節限定 所以唔係成日都可以食到架

外賣有折扣好似係七八折咁當然係相當吸引呀而且佢嘅包裝呢都非常之好湯同埋面都分開雖然有啲唔環保但係真係誠意喺度嘅不過我下次會記得叫佢放埋一齊㗎啦基本上好似原價係$50左右啦但係而家呢外賣就可以有折頭咁我就試吓啦因為最近都好大雨但係食完好似冇食過嘢咁一啲都唔飽呢份量實在太少喇真係唔知講咩好我份量少到一個地步係成碗野剩係得三份一不過真係好食嘅佢呢個面嘅質地係比較特別下邊同埋上邊都係比較闊身個腐皮都係非常之入味有種甜甜嘅感覺希望你哋份量可以去返一半啊或者係多啲啦真係唔飽㗎呢午餐嘅話

中華冷面🍜（$60）製作時間較長，但是很值得等候！在坊間的日本食店嘗試了不少冷麵，不得不說這間店鋪的水準相當高，冬菇、酸薑、甜蛋絲、青瓜、蟹柳的份量和配搭很合適，配上得秘製的冷麵醬（並非坊間普通芝麻醬的味道！），味覺的享受真是滿分享受😍！肥仔波食到上癮，每過一排就要去食😆🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺肥仔波指數：4.5/5

Manhattan place新開左幾間日本料理餐廳，都幾隱敝，真係唔熟附近都唔會知道。今日一個人貢左去試一下佢哋間拉麵店。佢哋嘅拉麵店只賣拉麵／烏冬，幾乎冇再有其他野選擇架喇。湯底有鹽味湯、豬骨湯、麵豉湯，好似仲有咖哩等等，有熱也有冷麵，上面再配唔同嘅配料。見到鹽味拉麵好似比較少見，就試下。等左一陣呢個叉燒拉麵配盬味湯底先有，服務係自助式要自己去拎的。盬味湯底睇落去比較清，但飲落都幾鹹。有好多塊叉燒，仲有筍絲、糖心蛋同海帶。叉燒有好多，但係因為比較瘦同硬，食到我差Ｄ食唔哂。拉麵都煮得幾彈牙，都ＯＫ。下次再黎就可能試下其他味啦。

喺公司附近嘅Manhattan place，原來靜靜雞開咗幾間日本料理餐廳，係之前收到傳單知道，但一直到近期先有機會去試過。今日一個人，又就去食一下佢哋嘅拉麵。佢哋嘅拉麵都算有幾多選擇，例如湯底有豬骨湯底、鹽味湯底、麵豉湯底等等，再配唔同配料。之前試過鹽味比較鹹，今日呢就食呢個叉燒拉麵配豬骨湯。拉麵是略為要等一下，但唔太耐就就有得食啦。豬骨湯底比較都幾濃郁，唔會過鹹。面頭嘅料有叉燒，仲有筍絲、糖心蛋同埋海帶。叉燒嘅份量都幾多，但係因為比較瘦嘅關係，所以比夠肉質比較硬。拉麵都唔錯麵質幾好，煮得透但仍然彈牙。至於另外加嘅小食，就要左個燒魷魚餅，就比較油，味道都OK嘅，就係大下次就未必會再嗌喇。大概$60一碗到加埋小食，雖然冇嘢飲，幾十蚊都還可以接受嘅。偶爾工作日如果唔想食飯嘅話，黎食碗拉麵係算係一個OK嘅選擇。

九龍灣商業大廈最近新開左幾間餐廳，雖然openrice咩資料都冇，但咁岩落下，抱住試下冇壞晚心態就坐低左鋪頭主要賣日式拉麵，一般拉麵店既豬骨拉麵、醬油拉麵、味噌拉麵都會搵到，今次我就特別小小揀左咖哩烏冬，湯底係好稠身果種，個人非常喜歡呢隻湯底，因為每日條麵都可以沾上咖哩汁，烏冬就唔會食落冇味道。配料方面：豬排只係不過不失，口感有小小硬，冇驚喜魚旦就更加普通，只係一般外面會買到既即食魚旦條推薦程度：6/10