麵尊

營業中

休息中

返工lunch time就得1個鐘，提前半個鐘打電話落order講明1:15有得拎，準時去到實際上係未煮嘅…😓😓等到1:35先有得拎咁我提前打電話去係為咩？？？認真味道就真係幾好又足料，不過真係未必會工作日lunch再食，可唔可以改進下🫠🫠五香牛腩&豬大腸：份量唔少，食落軟嫩入味，推薦👍🏻👍🏻👍🏻豬紅：好食👍🏻👍🏻👍🏻口感好好爽彈，都好多人推薦食湯底可以選腩汁+咖喱辣，咖喱辣提味好香，不過少少都已經好辣🌶️

點解要改名, 因為入去食嘢感受係 0 尊嚴, 因為昨天同幾個同事專程過去排隊食所謂超級好味嘅車仔麵, 等咗半個鐘終於可以入去, 為了爭取返等候時間, 所以排隊時已寫好落單紙, 一入去已交到職員手上, 被安排坐咗係一張直徑三呎嘅圓枱加埋我們共7個人坐,  跟住我內心想, 有咁多人士都願意喺咁擠迫嘅環境下都有咁多人食, 所以坐低後就當然好期待食好嘢啦 ! 誰不知第1個驚嚇就到喇, 職員將兩罐汽水及兩支飲管好大力地放係枱面, 兩支飲管唔駛問就知道跌咗落地啦, 全枱人都望住個職員, 跟住第二個驚嚇就係一杯熱飲, 又係掉落嚟嘅感覺, 今次杯熱飲只係搖晃吓嗜, 不過兩包糖又係跌咗落地, 跟住我地好驚稍後會到嘅麵,...所以我們都小心等待, 之後大家都有共識快食速逃, 跟著我同兩位同事食完就立刻行出去先等, 諗住費事阻人, 到最後個同事都食完出嚟嘅時候, 個樣仲嬲過我, 同事食完離開時同職員講之前同事已比錢, 點知職員同佢講 (比咗仲唔走 ) 我們大家係冇夾定情況一齊講, 以後都唔會嚟, 而事實上食品又唔係好食, 完全唔可以用 ( 好食 )兩字嚟形容, 服務態度就極差.

之前行過，見好多人等，又聽人講好好食，所以今日尊登走去排隊入去食，點知一張直徑三呎嘅圓枱要坐7個人，以為咁多人願意係咁擠迫嘅情況之下等食，期待會同想像中好好食，坐低唔夠3分鐘開始感受到1）服務態度超差，職員將飲品好大力咁放下，飲管都跌咗落地，算，跟著又放低杯熱飲時，又將兩包糖跌咗落地，都冇講聲唔好意思等說話2）食物質素對我嚟講超普通，一句講晒，打死都唔會再去😡後來我見佢有客入嚟，我同兩個同事已食完，所以出去等，因為我仲有一個女同事未食完，點不知隨後同事一出嚟就話以後都唔再嚟食，原來係同事行出嚟時候同佢職員講，之前同事已埋單，竟然職員同佢講（埋咗仲唔走）😳所以好嬲呀！！！

去上環總店嘅麵尊食大尊係我食嘅首選,雖然冇銅鑼灣分店裝修咁雅緻,但係呢份街坊街里咁運作嘅親切感太強烈,不得一去再去。每次去左揀右揀,好可能最後都揀番大尊,有齊我鍾意食嘅咖哩魚蛋、紅腸、豬皮、蘿蔔、豬紅就係車仔麵必然嘅選擇啦! 唔使你諗就有咁好味嘅車仔麵,喺邊度搵。今次去食我仲貪心啲,另外叫咗個好受歡迎嘅酸齋另上,真係好好味呀! 下次又要再叫酸齋先得,我覺得好味過齋舖嗰啲添喎! hard sell都係咁話,上環必食店舖。

是日午餐！之前堂食過一次，坐得逼又等得耐，今日就試下先打電話下單外賣自取，打電話下單既過程幾奇怪，點解咁講呢？係近乎全程我落單對方又無乜回應，之後又無收線又無出聲吊住個電話咁，所以我都懷疑究竟有無落到單呢？跟住就去拎外賣，結果我去到就同一個阿叔講電話落左單，佢就問我電話號碼，竟然真係有落到單又無錯喎，但係未整既…… 跟住佢就拎張單叫人整，咁點解我要電話落單先呢？？？好彩當時無乜人我等左一陣就拎到外賣！整體味道係好食既，但無論堂食/外賣都好考驗耐性😂，都係嗰句，趕時間既唔好揀呢間！

「禾是窮鬼whita 醉愛買抵野」🛖 麵尊📍上環蘇杭街22-24號1號舖💰 ～$50 @1位性價比:🐘🐘.5/5(窮鬼表示冇咩事都係食返銅鑼灣分店🥺)唔食唔知原來上環嗰間同銅鑼灣嗰間嘅質素差咁遠😢因為窮鬼我好鍾意食銅鑼灣嗰間 諗住想玩都唔差得去邊 點知中咗伏😣由於我嗰日去係lunch time時間🍽，一開始見好多人都係外賣🥡，仲喺度諗點解大家唔入去坐🧐，結果我發現叫外賣快好多😫！堂食等咗大約20分鐘先嚟到~所以建議大家都係外賣！可能我太熟悉銅鑼灣分店湯底嗰隻味💗一飲上環分店個湯已經有好大分別，但係食麵尊最重要梗係個湯！😤就算啲餸幾好食都冇用~btw 連餸都係銅鑼灣好味啲🫣唔寫太多啦~總結係要食麵尊就一定要食銅鑼灣嗰間！✨✨✨

每個月必叫一次麵尊車仔麵的外賣，因為真係同區最好味的車仔麵，而且又多送揀～每次我都係嗌雞中翼+咖哩魷魚+滷水豬頸肉小辣咖哩湯加腩汁油麵。湯底：偏甜的湯底，小辣咖哩提升口感層次。更值得一讚的是湯唔會死咸，唔會覺得要飲好多水解渴。麵：我偏好油麵，因為較掛湯，每一條麵都吸到咖哩，別有一番風味。咖啡魷魚：我最中意食車仔麵時揀魷魚，因為佢同湯底好夾，辣辣地又爽口滷水豬頸肉：今次豬頸肉切得太厚，而且好韌好鞋，有點點失望。

男朋友今日放半日假，好好食走黎同我食lunch🙊本身諗住食海南雞，但因為實在太多人，就食另一間又係好想食嘅車仔麵🙊平時經過都見到好多人排隊，即管去試下佢有幾正😋#食勻上環 #車仔麵關注組-🐽豬紅 魚皮餃 美味齋 豬頸肉 米線車仔麵必嗌嘅豬紅，都係我覺得我叫餸入埋覺得最出色嘅一樣。唔單止大大粒粒，嗌落去好濃味，絕對冇腥臭味。魚皮餃正常，美味齋可以索曬車仔麵底嘅湯，一直都係我嘅must have item🤪 豬頸肉肥瘦均勻，大大塊，入味而爽口🙊 🐮牛腩 蘿蔔 炸魚皮 雞中翼 蠔油冬菇 粗麵 首先車仔麵上枱嘅時候真係嚇親，啲餸多到連啲面都睇唔到😆😆 牛腩好似用左蝴蝶腩，咬落肉感比較多。蘿蔔鮮甜入味，咬落唔多渣。雞中翼已經煮到非常之入味，輕輕一咬已經肉骨分離。蠔油冬菇足味而不咸，炸魚皮脆卜卜，浸湯一流😍-🍹飲品方面，正常咖啡奶茶都有，豆漿都有凍熱，但係今次我哋冇叫到，想主攻車仔麵嘅湯底🙊‼️P.S今次我同都有加蔥加腩汁。令到湯底更加濃郁，配上蔥係絕配仲有加咖哩辣，唔好睇佢得少少，佢識落真係好鬼辣😂建議唔食得辣嘅朋友真係三思而後行🤣

🇭🇰麵尊🇭🇰#foodxxe_港式#foodxxe_上環#foodxxe_麵食#foodxxe_車仔麵今次介紹一間人氣超高嘅車仔麵店😙食左一次之後 覺得佢係全香港最好食嘅😍/車仔麵太多配料選擇啦🤩所以今次淨係講下整體食評🤣🌟整體🌟❤️推介湯底：㨂曬三種醬嘅話（#腩汁、#麻辣、#咖喱辣）個湯會好惹味 辣中帶少少甜 口齒留香 回味無窮❤️如果想清少少：只選腩汁、少少辣汁🙈你會食到好清甜嘅湯底 淡淡嘅香味能引起食慾🫣✔️惹味卻無口渴感 證明無味精✔️麵十分掛湯，推介河粉，不推介伊麵（較淋）✔️每款料都好新鮮乾淨 無雪藏味  亦都好足料 性價比高❤️推介：吸湯嘅餸 例如：#豆卜、#腐竹 /我之前都有整過港式辣醬架 食評在此👉🏻#ukexchange_1year_港式街頭辣醬 回頭指數：4.8/5食物質素：4.8/5性價比：4.7/5 環境：3.9/5人均消費：HKD45📱搜尋:#Foodxxe_麵尊💻分類:#Foodxxe_restaurant多謝您睇到呢道❤️#HKfoodie#HkGoodWest#GoodWest#香港美食#HKRestaurant#FoodLover#好西#車仔麵#港式#上環#銅鑼灣

聽過同事大讚好食 每次行過都大排長龍疫情嚴重行過見到唔多人就入去食當然要叫公仔麵考牌作豬大腸啦入味 乾淨 不太肥 超好食個魚蛋都辣得很過癮湯底麵的texture也很好係我食過其中一個最好食的車仔麵！

位於上環蘇杭街的人氣車仔麵，長期午飯時間都見人等位或等外賣的人。呢間鋪頭某些配菜選擇要10蚊以上，而且有設最低消費40蚊。米線，加腩汁、麻辣（小辣）揀咗3餸：咖喱魷魚，咖喱牛柏葉，鹵水豬頸肉每樣配料都算大件，份量不算太少。咖喱魷魚和牛柏葉用上店舖特製咖哩醬，但味道算正常發揮，未有好特別的感覺。豬頸肉橫切厚薄適中，咬口有爽口感覺。湯底配上特製麻辣醬，雖說小辣但有後勁那種辣不能輕視。整體來說40多港幣一碗車仔麵唔算好抵食，但欣賞店舖要求即叫即整，客人到步先向廚房落單，確保每碗麵熱辣辣送上，所以等外賣要預留多少少時間就好。

#麵尊 💛今次講嘅係位於上環嘅麵尊💕聽咗呢個名咁耐今次終於去朝聖下🤤🤤一去到就見到門口有勁多人排隊等外賣 而店入面都好多人 好彩等咗一張枱就到小編啦✨✨入到去見到店員都好快手 好快就可以有麵食🤟🏻🤟🏻麵尊車仔麵 $42💰（7/10）小編揀咗蟹柳🦀雞中翼🐔同紫菜💜再加米粉🤍紫菜有一大堆 而且非常索味 食落去feel到係掛湯☺️☺️蟹柳就有兩條 普普通通咁 而雞中翼有兩隻 雞中翼係滷水汁 係醃過😻😻鹹鹹地咁 但係啲肉就好嫩滑🤟🏻🤟🏻湯底揀咗腩汁 真係feel到好入味 而且好香濃💗💗麵尊車仔麵 $50💰 （7.5/10）呢一碗就揀咗咖哩牛柏葉🐮鹵水鴨腎🐥蘿蔔再加公仔麵🍜咖喱牛柏葉好香咖喱味 而且份量十足 真係有好多😋😋煙煙韌韌有咬口 而鹵水鴨腎亦都好入味 一啲都唔會話太硬 反而幾香✨✨蘿蔔俾個湯底入味 咬落去好淋 而且令到個湯底更加香☺️☺️唯一就係個咖喱有啲辣🙈🙈睇到呢度 快啲約埋朋友一齊去‼️‼️推薦指數🌟 7.5 / 10 🌟💛#巨B食黃店📍#巨B覓食上環 #巨B覓食銅鑼灣麵尊 (上環)⚜️上環蘇杭街22-24號1號舖⏱星期一至六 1100-1730⏱星期日 全日休息

[#sheungwan] [#hforcantonfood] yum and famous cart noodles at Sheung Wan. Very long queue everyday during lunch. Ordered beef brisket, pig intestines and shiitake mushroom with rice vermicelli. Very very generous and big portion of meats as for cart noodles and I love it so muchhhhhh, protein!!!!! Actually not only meats, portion of each topping was big too! Soup base was ok rich but not too rich, but the toppings had fully absorbed the soup. Heard that the spicy sauce is a must-add, that was go

Lunch hour 12點3去到拎位見地方唔大又要等位而且我同朋友3個人要分2人一枱諗諗下就轉左叫網上外賣平台諗著拎個點餐紙睇下門口個呀叔由頭到尾啤啤貢態度好串咁問我哋：叫咗嘢食未呀？咁咪比返佢即刻係apps度叫(後來發現每個拎點餐紙嘅人 佢都會啤 啲紙全部唔拎得！)搭5左右我哋落曬單點知過左3-4分鐘就撳曬我哋啲單 「已取」我哋通知左入面個哥哥 比曬3個餐嘅no.佢佢話：得 等等！點知去到搭9個時都淨係拎到1個餐眼見好多個遲過我哋仲要現場叫外賣嘅都拎得入去再同佢哋講 比埋No.佢哋 指埋比佢睇 個執餐呀姐都好似唔明咁門口態度好差個呀叔又惡住問 ：你哋咩No. 呀 唔俾no.點比你哋呀！我地已經講左好多次 轉個頭都係話我哋冇比No.佢後尾發現原來根本未煮另外個呀叔係分唔清電話No.同網上外賣平台個No.搞左一輪搭11終於拎曬啲外賣🤬足足等左半個幾鐘 到我哋走呀叔仲啤緊仲口up up 話我哋冇比過no.態度勁差番到去開黎睇下，好食既話都冇咁嬲一食落去全部都係疑似味精味 勁咸勁重勁濃味！完全唔明點解有人話好食！伏伏伏！加左水都好咸，最後我朋友頂唔順另外用清水過河😂😂咸到飲左好多水都依然覺

成日午飯時間經過門口總係一大堆人圍住等外賣，今日早左出去食，見無乜人就襯機試試佢。咖哩魷魚+咖喱魚旦+卤水鴨腎+粗麵+麻辣 $47(外賣可以分湯的）咖哩魷魚質地滑軟，但就唔係好夠味，好淡。咖喱魚旦有咖喱味，但粒魚蛋無乜特別，睇相都知質感麻麻，又唔彈牙，麻麻地。卤水鴨腎入味，爽口唔算韌。粗麵同平時食開的粗麵有唔同，呢間既粗麵呢，口感鞋同偏硬，如果時光可以倒流，再食唔會揀。麻辣辣味就比較辣。價錢都算合格，但日日咁多人等就應該只是煮得太慢。其實附近好多野食揀，建議食其他。