影片
營業時間
今日營業
12:00 - 15:00
18:00 - 21:00
星期一
12:00 - 15:00
18:00 - 21:00
星期二
全日休息
星期三至日
12:00 - 15:00
18:00 - 21:00
以上資料只供參考, 請與餐廳確認詳情
上次食完又有啲掛住拉麵, 今日又再試丸京。湯底:今次揀左小蝦干醬油湯底, 一樣係真叉燒+叉燒組合。上拉麵第一件事必先飲啖湯試下, 呢款湯底太淡😥, 味道似櫻花蝦油, 冇咩蝦味, 亦冇咩醬油味。 拉麵: 麵質同上次一樣偏軟。叉燒: 叉燒覺得比之前差左, 冇咁有肉味 。味蛋反而幾好, 蛋黃依然好有蛋香味。真心覺得柚子胡椒湯底好太多。反而餃子有意外驚喜, 餃子皮煎得岩岩好, 唔硬又唔乾, 肉餡有肉味。 唯一缺點係每舊餃子既皮都黏住, 好容易夾爛。
繼續閱讀
假期，囡囡話想去京丸睇吓有無位食碗拉麵 ! 可能已過繁忙時間，終於唔使等太耐有麵食😊濃湯丸京拉麵日式叉燒大大片😘舖滿碗邊！湯底濃郁！打卡一流👍清湯豚骨拉麵流心蛋非常之正👍
繼續閱讀
深水埗荔枝角道嗰位所謂經理小姐態度極差，約左人黎食要專登分開人入座，等果碗所謂既100蚊既麵要等成半個鐘先有得食 叫多碗問三問四 又話要等到個人先可以落單 極之唔愉快一次堂食！
繼續閱讀
經開深水埗唔知食乜，即時上網睇吓有咩餐廳推介，見到呢間拉麵店評價幾好，仲話好食到排長龍，就即管去試吓。6:30pm左右去到，唔駛等位即刻入得。-蝦湯丸京拉麵：見到呢款麵係3塊叉燒+3塊真叉燒，就點呢款試吓有冇咩分別。普通叉燒就細塊小小，食落鹹d；真叉燒d肉質就嫩d，不過浸咗湯度，其實食落差唔多。蝦湯嘅口感比較厚，杰d，味道都正常，幾好味，又未去到好驚艷。份量好足，食完一碗已經超級飽！豚骨拉麵：試咗啖湯，又係好厚好杰，但就偏油。沙律炸雞：上枱時熱辣辣，即叫即炸👍🏻皮薄都幾脆，有小小7味粉辣味，我覺得比拉麵有驚喜！每日都有不同湯底人均$120，食得夠飽，味道唔錯，可以一試👍🏻
繼續閱讀
我所謂味道取勝，即係話除咗味道好之外，基本上冇乜好。但係作為食肆，味道好就係最緊要。佢規矩多多，而且不定時營業，完全唔理顧客嘅感受，你要嚟就嚟，唔嚟就罷。佢哋嘅叉燒係幾好味，麵質都係硬度適中，湯底夠味之餘，又有回甘。地方只係一般乾淨，待應態度都普普通通，食物選擇亦冇乜得揀，但係食物整體品質上，算係少有。附近亦冇競爭對手，可謂係獨市生意。其實我已經去過4,5次，但係只有一次食得到，即使係佢講明嘅營業時間，都係隨時唔開門，真係冇計。
繼續閱讀