麵屋哲 (已結業)

朝早做完gym就去左附近嘅海之戀商場揾野食 之後就見到呢間TETSU 咁我見到有沾麵就去試下喇 我就叫左哲盛沾麵 （魚介豚骨高湯）和風水餃子。 先講沾麵，我比較鐘意食凍嘅麵，所以冷熱果度就簡左冷。麵係粗麵，而都ok彈牙，幾有咬感。叉燒都5錯，不過就太瘦，d肉有d rough，而呢個麵有温泉蛋，超正。另外，再講下個湯，個濃湯嘅味幾正，但美中不足嘅就係湯唔夠熱，冇一種可以同冷麵撈埋一齊嘅感覺，不過當你食曬碗麵，可以問店員要d高湯，加埋原先嘅湯就超級正，好好飲，好有鮮味。而水餃就冇乜太大特別，不過果餡都ok，幾足料。

今日陪同太太、女兒一家下午行DONKI，行完有少少餓，諗住食少少嘢先返屋企煮DONKI買嘅戰利品。最後因為拎住太多嘢，所以在就腳食碗拉麵，選擇咗呢間麵屋哲。因為只係想食少少份量，所以點了碗濃厚豚骨拉麵一齊share，習慣食麵前喝口湯，湯夠熱，豚骨味正常，但有少少偏鹹，可能是個人口味問題，油膩感不算重，木耳正常爽脆沒渣，蔥花味都可以，然後試一下麵條，是有些微彈性的，軟硬度適中，再來試一口日式叉燒，味道也是正正常常，總結來講，是一碗正常合格水平日本拉麵。還跟了一客吉列蝦小食，吉列蝦是即叫即炸的，非常之熱，麵包糠外皮香脆配以沙律醬同食很香口。

今次喺donki嘅美食廣場叫左酥脆雞軟骨($28) 有驚喜，一嚟係即炸嘅 熱騰騰，岩岩新鮮出爐，二喺個調味岩岩好，少少鹹多多脆，食落好酥脆，好香，食到停唔到口啊👍🏻👍🏻🤤🤤🤤

價錢ok, 麵質ok, 料ok, 汁味道ok, 最大問題係D 汁只係暖暖地，食咗兩注麵已經凍晒。沾麵湯唔夠熱真係死罪好影響成碗麵, D  野整得幾好都冇用. D 湯一凍成碗野好難入口，D 叉燒過完冷河好漏, 個麵完冷河好硬。我自己食咗一半己經頂唔住食唔落.  只係夠熱成碗野會完全唔同晒~ 希望店主改善下。

今日收工又係一個人返屋企啦！係荃灣西站站落左車之後，就行去海之戀商場搵下野食啦！行到去donki 個foodcourt, 都好多人呀！但係由於限聚令關係，好少枱，坐滿晒食客，但係見到間麵屋哲又好想食wor, 於是就買左先，邊等野食邊等位啦！我就點左個1號餐哲濃沾麵啦！可惜就無得加麵，因為我就真係好鍾意食日本拉麵呀！等左大約十分鐘左右就有，咁岩又有位啦！咁就即刻坐低食啦！首先係試下d配料先，筍嘅份量都係多，但係就凍嘅，到個湯啦！個湯望落去有d奇怪，個膠碗好熱，個湯表面有層衣，感覺係係微波爐處理完後攞出黎，湯味道ok,夠濃同埋魚介豚骨味道好出，但係認真裡面個湯撥開層衣都係無咩煙出，咁就唯有襯熱食啦！麵條粉量都好充足，未放落湯前個麵都係凍呀，我當佢係因為過冷河啦！但係個湯就真係唔夠熱，點完都係暖暖地，食到尾都已經係凍，本身係好好味呀！湯夠濃，麵質彈牙而有口感，而塊叉燒都係凍，睇返之前d食評話無左粒熱石，我相信e個就係分別啦！因為d湯係日本運過黎，如果keep住煲佢會愈煲愈濃，微波爐叮只係可以加熱表面果層，中間加粒熱石就可以全碗湯都熱啦！其實碗麵真係幾好味呀，麵夠彈牙，湯夠濃味及香味！係d野唔

今日早出門口，行下荃灣 DONKI，見肚餓就食個早飯，今日就試下”麵屋哲”麵共有8款可選擇，仲有7款小食同4款加配。今次揀左1號: 哲濃沾麵($78)睇落賣相唔錯，而餐紙亦教沾麵嘅正確食法，十分細心整體麵嘅份量唔算多，感覺尚算細碗。而麵條方面算彈牙。夾左一次只餘下1/3 麵條，份量真係偏少。魚介豚骨高湯夠晒濃郁，入口啖啖豚骨香味👍🏻仲有高湯以自助形式去攞，仲有不同調味可自行選擇高湯真係好清晰，可以一試。整體來講，麵同叉燒令人滿意，但份量確係少，之後仲要買小食醫肚先夠飽。

呢間沾麵店喺2015年曾經摺埋，今年原來靜靜雞捲土重來喺Donki Food Court出現，但有冇保持水準就見人見智沾麵係將麵同湯分開上，再將粗麵放於濃郁熱湯內，沾一沾即可以食當年麵屋哲最令人深刻係有熱鐵石 (焼き石) 供應沾汁凍咗可以再加，但目前就無咗今次主打都係沾麵同豚骨拉麵，以豚骨、鰹魚乾等熬出濃郁湯底哲濃沾麵$78 即係魚介豚骨高湯沾麵價錢可接受，麵條偏粗，軟硬度適中，質感尚算煙韌彈牙香港店放置配菜方式係放麵上而不跟日本店放於湯中沾汁感觀上較單調，但對味道無太大影響沾汁入口較濃厚，令麵條掛湯，有魚香味豚骨味濃烈，鹹度恰好，但整體仍然係比較單調，層次感一般食完沾麵可加入柴魚清湯，將沾汁湯底飲完配料當中，叉燒夠香，大小適中，份量都算大方整體沾麵係算達到標準，只係欠缺驚喜感湯割添加清湯需要自助加無咗熱石加熱沾汁，場地冷氣又比較凍，所以最好食快少少，避免凍晒

當年呢間沾麵仲喺銅鑼灣嘅時候，湯姆都幾鍾意食，佢仲會喺湯入邊加一粒熱石，令到個沾汁keep住溫度。幾年前執咗之後最近終於開返喺荃灣Donki入面，因為喺food court入邊，所以冇咗熱石，個湯嘅魚介同豬骨味唔夠濃，而個面都唔夠煙韌同掛湯，可以話係非常失望。It was one of my favourite #Tsukemen restaurants in Hong Kong before they closed their Causeway Bay store. After years, they reopened in the food court of Donki. No more hot stone and the soup was very disappointing!

哲 盛 沾麵🍜哲盛沾麵 是以魚介豚骨高湯為湯底，每碗$98 ，但在Food court 提供的麵食就有點貴。首先講吓個湯底，濃郁鮮味，感到濃濃的豬骨湯，又感到有濃濃的魚湯，湯比較杰身用來掛面。有三大片叉燒，筍片，一隻糖心蛋，叉燒味道一般，合格，麵條是較粗身的，很掛湯，吃完都無口渴感覺，還有豆腐魚餅好香豆味。

今日我地想感受下日本風味，所以行Donki之餘，兼試麵屋哲！我地2人order左沾麵、炸蠔同水餃。沾麵方面，麵係室溫同屬於硬身少少既，好依賴沾滿熱既湯再食！湯底夠濃味，將d麵放落去津浸再食，幾唔錯！不過食到後尾個湯已經唔係好夠熱了。最後食淨d湯可以出去counter度加返d清湯，飲埋佢，好味😋炸蠔唔會好粉感，炸到好脆！好味！👍🏻水餃係菜肉餃，個皮既質感幾好，都算滑。菜肉既味道無雪藏味👍🏻

噚日(20-6-2020 Sat)同老公喺Donki飲嘢,飲飲吓覺得可以一齊食一個麵,於是行嚟睇有咩麵食,見到有沾麵,令我諗起之前喺風雲丸食過(嗰個食評: https://www.openrice.com/zh/hongkong/r-%E9%A2%A8%E9%9B%B2%E4%B8%B8-%E7%81%A3%E4%BB%94-%E6%97%A5%E6%9C%AC%E8%8F%9C-%E6%8B%89%E9%BA%B5-r527537/reviews?page=3),我決定要$78.00嘅魚介豚骨高湯嘅哲濃沾麵,同$28.00嘅豆腐魚餅.買完就返埋位等佢嘅呼叫器響,等咗13分鐘,終於響喇,我去攞時,店員同我講,食完可以出嚟斟湯飲.咁我哋食喇,個魚介豚骨高湯唔夠熱,但佢唔太鹹,同魚味都好濃,麵條爽口唔會過腍,其他嘢都正常冇問題.豆腐魚餅呢?老公一食就大讚好食,外脆內軟.嗯,係呀,冇錯.薄薄嘅一層外皮都煎脆咗,唔錯;味道就普普通通咁啦.味道:4分講返哲濃沾麵,我哋食完後,就出去斟佢嘅柴魚高湯,高湯顏色透明,我覺得係滾水而已,加咗落魚介豚骨高湯後,質地就冇咁杰,味道都唔算太淡,加埋佢嘅炸洋蔥,

次次行完donki都好想試下food court入面嘅餐廳但奈何望住人山人海嘅坐位次次都失望而回今次終於俾我搵到位同朋友食野仲發現一間好耐之前食過嘅Tetsu餐廳依舊主打沾麵同拉麵加幾款小食但就冇左熱石供應落單時員工回應由於food court形式關係未能供應但就溫馨提示要盡快進食因為food court冷氣好勁試左招牌沾麵同係東京食嘅味道差唔多但因為麵量冇得揀 好努力食左2/3就要投降食完可以返櫃枱加湯飲但始終係food court行到尾已經有人係隔離等位好有壓力如果可以開番門市就好

這間曾經來過香港可惜最後也未能企穩陣腳的麵屋哲TETSU，在我未吃前已結業令我有丁點兒的遺憾！事隔兩年原來麵店已悄悄地在荃灣捲土重來，這天便跟車爸爸來吃回這丁點遺憾！ 但麵屋哲這次重來竟落户於荃灣海之戀商場激安之殿堂美食廣場內，聽聞這兒少了沾麵的熱石供應，不知是否這因由我們這天看見幫襯的人不多呢！ 餐牌非常簡潔只有6款麵食、5款小食加上一些普通飲品，但不明白為何沒有4和5號呢？？ 櫃檯放有調味料任客人使用，另有一壺柴魚清湯吃完沾麵可加入沾汁內便可連湯幹掉。 麵店須然變了陣但聽聞湯頭全由日本直送，而製作麵條麵粉亦來自日本弄得我頗為期待！ 我乖乖找好位置座好等車爸爸點餐！回來看見我們心意相通同點了濃厚豚骨拉麵＄73！ 但我想吃溏心蛋和筍所以點特製濃厚豚骨拉麵＄98，跟車爸爸那碗分別只在於多了一隻溏心蛋、筍和叉燒份量多了！先呷一口濃厚豚骨湯味道挺香濃但不會膠嘴我喜歡喔！ 日式叉燒入口質感軟滑肉味香濃好味道，但我不喜歡硬將叉燒分半令賣相頓然大打折扣！ 最弊的是那隻在溏心蛋不用我說也知道又多失敗啦！ 而拉麵係用幼身的曲麵但冇得揀軟硬度，可幸

今天去開Donki，見到我以前食開既沾麵Tetsu居然係food court開左一間我就去買左一碗1號哲濃沾麵+炸餃子我大概等左8-10分鐘左右就已經可以取餐，等既時間亦唔算太耐，我取餐既時候，店員會同我講返，食完個沾麵可以返左加高湯飲食既時候，個湯唔係太熱，可能係個埸太凍，令到個湯好快凍，亦都冇左以前既熱石，可能因food court 關係 加唔到個湯到，略有可惜和風炸餃子，香脆，食落有肉汁，好好食魚介豚骨沾湯+高湯一齊飲，魚既味道突出整體上都唔錯，係個埸太凍

當聽說荃灣Donki 的food court 開幕的時候，有很多網上文章都介紹了一些必食的項目，其中一樣便是這家的拉麵。聽說在日本很有名，在日本旅行時沒機會嘗試，這次剛好香港開了便來嘗一嘗了😀我選了濃香海老豚骨拉麵，因為疫情的關係所以決定外賣自取回家吃（外賣麵類需另加$3）。本來有點怕麵浸泡在湯裡會變太軟所以趕緊回家，沒想到原來麵跟食材跟湯底是分隔開來來，這裡值得一讚🤣這款拉麵包含了兩隻蝦、半隻糖芯蛋和一大堆小蝦乾。兩隻蝦都挺大的，糖芯蛋也弄得不錯，麵的軟硬道適中，湯也不會喝後不久就會有口渴的感覺😋整體我覺得是不錯，價錢比起其他拉麵店也差不多。因為沒吃過日本店的不能夠比較，但還是覺得可以再吃一次，下次也會想試試沾麵呢。