影片
港鐵荃灣站 B2 出口, 步行約4分鐘
繼續閱讀
營業時間
星期一至日
12:00 - 21:30
以上資料只供參考, 請與餐廳確認詳情
聽朋友介紹呢度好食，仲係結業日，唔食唔知幾時有得再食！嘩，嗱嗱聲掹衫尾去！去到發現招呼人嘅係個幾靚仔嘅後生仔，廚師係個美少女！？得唔得架～係得嘅！賣相一流！碗中每樣食物都有刻意安排同擺位，做車仔麵都有擺盤心思，係對食物本身同食客嘅尊重。車仔麵嘅靈魂～沙爹醬，係我食過嘅車仔麵當中最適當最完美嘅味道！唔太咸，非常香，令全碗麵味道提升！牛腩味道香濃有咬口，唔係平時出面啲頭尾牛碎！一件件整整齊齊！扇形擺放嘅牛舌，軟糯有致，越咬越有味道！糖心蛋，必須一次過全隻放入囗享受！其他食物，冬菇、豬大腸、腐竹水準皆在期望之上！每一口都足以閉眼享受，每一碗麵都有堅持有態度。多謝。
繼續閱讀
近年荃灣多數都係食米缐，食到都好厭，已經好少車仔面係好食，這家車仔面好食又乾淨，個上素腐皮卷真係好味，同埋個驚喜滷蛋一定要試，又幾驚喜，係唐心蛋，非常好食，鹵水雞翼咖哩魚蛋亦真心不錯，👍🏻👍🏻👍🏻而且菜式選擇都幾多，D食材亦算新鮮，湯底D汁亦幾夠味，真心介紹，試過連續兩天去食都冇食隔夜嘢嘅味道，所以真係要介紹下，希望支持下哩D好味嘅小店，等D街坊多D選擇多D嘢食，支持本地原創車仔面👍🏻👍🏻
繼續閱讀
在荃灣搵食，突然想食車仔面，萬水千山，又唔想行太遠，就試了這間，其實都走了8分鐘路。入到去，地方乾淨，可能人少，所以好舒適，桌子雖然小，但都可以，見到隔離桌食物個樣靚靚的，看來不錯。約下午1:30到，竟然食客唔多，未知原因，也許是貴？份量？定食物質素？叫了4送1面，面是幼面，確實比一般車仔面不是好咸，叫了魚蛋，豬大腸，雞翼，牛肚，送中規中矩，面唔夠爽口，稍硬， 原本沒唸著寫食評，所以沒影相。應該唔會再去！
繼續閱讀
行經過見到車仔麵，呢間未食過就入去試下遇著下午餐時間送一杯豆漿，不太甜，岩我！叫左三餸幼麵有皇冠係推介，即管試下。呢三個餸都幾好食😋但係麵就唔夠淋，有d硬。湯底唔夠濃，無咩味，要再改善呀😢
繼續閱讀
第三次黎食野 質素keep到 夠大碗 食完唔口渴👍🏻👍🏻咖哩魚蛋 我次次都叫 正👍🏻今次仲試左滷水蛋 絕對係誠意之作😳 無諗過佢係流心蛋 好食🤤米粉 米線唔會煮到一pat pat 爽口🤤服務態度都好好好好😂
繼續閱讀