影片
以上資料只供參考, 請與餐廳確認詳情
牛肉米線我覺得麵聖嘅麵條非常好吃，首先麵條不會煮得太爛或太硬，而是非常之有咬口，適合老人家和小孩進食。大人都好鍾意食。而且麵條食落唔喺淡而無味，而係吸了所有湯嘅精華，所以淨係食麵條都覺得好好食，唔洗食餸都可以。當然有餸就更加精彩和錦上添花。今次配嘅係牛肉，煮得非常好，肉質好淋，唔洗點咬都食到，婆婆冇牙都食到，而且筋位和肥膏店都好好咬，有肉汁，又好夠味，尤其加左蔥花食落更加香口，味道更香濃。亦好欣賞加左生菜，營養均衡，做午餐，晚餐和下午茶都係一流之選。我最欣賞就係外賣嘅時候送到係用一個好保溫嘅容器，所以就算放左一陣先食都仍然係覺得熱騰騰，感覺好似喺街鋪食咁新鮮，這點非常難得。會繼續支持。希望佢地會越做越好，為食客帶來更高質素嘅麵食 。我覺得可以加少少辣油提香，不過而家已經好好食。
繼續閱讀
本人喜歡吃車仔麵，但是星期日大部份車仔麵都關門，今日特意前往此店試試。24 年9 月至今，經過也沒有試。我選了牛腩咖喱魷魚豬皮油麵（蕃茄湯底），牛腩粉質很腍，咖喱魷魚及豬皮都好好吃。但是蕃茄湯底一般的粉麵舖例如九頭鳥或者譚仔好味好多。這裏的車仔麵包了韭菜，芽菜及炸黃豆。份量也多。結帳$73我自己覺得都比較貴。但是筷子記很便宜，份量太少。如果前往其他區域，我覺得銅鑼灣的靚靚車仔麵最好吃。比較惹味。上環蘇杭街麵尊較為好吃。但是我見到有下午茶$35一款包嘢飲，真是便宜可以一試。
繼續閱讀
行過比熱情嘅阿姐招呼左入去。但入到去發現都係一般車仔麵嘅menu，冇咩新奇選擇。唯一特別少少係有金湯湯底，同埋有鯛魚片。咁就試吓。👌🏼金湯湯底：味道溫和嘅清湯味湯底，唔係平時酸菜魚金湯嗰種味。只係係比清湯味濃郁一啲，唔酸唔辣。勝在有啲脆脆喺個湯底度，增加脆脆嘅口感。😋鯛魚片：車仔麵有魚片選擇，唔錯！魚片整得幾嫩滑。😞清湯蘿蔔：切得好大件，但係又唔算甜。😞柱侯牛腩：正常味道。少少韌，唔算嫩。👌🏼紅薯粉：比一般嘅紅薯粉幼細，口感唔錯。
繼續閱讀
位於中環嘅米線店 麵聖今次叫左蘿蔔魷魚酸辣金湯米線 蘿蔔都好大舊 有3-4舊 但唔算好冧 魷魚就幾好 唔會太un 個酸辣金湯都幾特別 好似唔係好多米線舖會有個人覺得可以以再辣啲😝
繼續閱讀
之前一直係外賣app見到，但都未試過。放工經過就諗住試一試，畢竟本人都真係好鍾意食米線。我同frd一人叫咗一碗🍜九五至尊 $88（貪心小狗唔想諗🤣，揀咗最多食材嘅配搭，呢碗足足有7.8樣食材）而家諗返，令我印象最深刻嘅係大啡菇！大啡菇十分入味，應該煮咗好耐好冧；咖喱魷魚好爽口，豬頸肉好大塊，仲要有兩塊。成碗好足料，唔係每樣材料得一個，而係塞到爆滿。我鍾意食紅薯粉，叫咗沙爹湯，味道濃郁好夾。最後食唔哂就打包咗半碗。除此之外，仲有叫魚皮 $48魚皮爽口偏辣，都可以一試。今日一試，價錢有啲貴（但其實性價比okay），店內裝修樓底有啲低，冇咩人入黎食，感覺有啲可惜。
繼續閱讀