麵館皇

營業中

休息中

So weird that the temperature suddenly dropped to around twenty degree recently, it’s so abnormal for May😱 It’s a good idea to have some hot noodle in such a cool day 今日嚟到呢一間餐廳，食咗麻辣牛展拉麵，同埋口水雞刀削麵。入到呢一間餐廳，侍應熱情招待。服務態度不錯。落單速度亦都算快，可惜其中一個麵嚟錯咗變咗手幹麵唔係刀削麵。有關食物質素方面，兩個餸都非常之好。口水雞唔太辣，非常之容易入口。至於牛𦟌，對我個人來講就有啲辣。雖然辣左d，但係都幾好食㗎。有關個拉麵同埋嗰個錯咗嘅刀削麵，刀削麵口感唔錯。但係拉麵個口感就偏硬，但係唔難食嘅。個湯底有藥膳味係唔錯嘅味道。

今日 4月19日復活節假期第一天，同個女去銅鑼灣登龍街試下新嘢，行行食食， 由街頭行到街尾 睇下想食乜 終於揀咗呢間麵皇館食個晏晝。呢間舖地方唔大 有成十張枱， 六人四人二人枱都有， 尚算ok，入去時都多人，但都有臺， 呢間嘢個賣點就係藥膳湯底，所以我先入嚟試下， 每逢食刀削麵，我都會叫麻辣豬肚刀削麵，呢個係我喜好， 而我囡囡，就叫咗個韭菜雲吞刀削麵。 原來佢有午餐供應， 好多款都係59蚊*（只係拉麵）包一杯熱飲, 另外都有飯餐嘅午餐。**麻辣豬肚刀削麵*加$3,再加熱咖啡 $62每個藥膳湯底嘅麵 都係用砂鍋 滾熱辣咁拎出嚟，令人好期待， 但一試之下 藥膳湯底 唔夠藥膳，但係有味道嘅， 點解我咁講呢 因為早幾年 我已經試過呢一種砂鍋藥膳湯底，嗰一間嘅藥膳湯底，非常正斗， 係好有藥材味，一定有當歸味道， 但呢間完全無當歸味，藥材味都唔足夠， 當一個普通湯底佢係夠曬濃湯，可以的。 至於麻辣豬肚絲比起之前我試過啲店舖，就一樣比下去，豬肚絲比較少，有一半係用青瓜絲做底，而且麻辣料唔夠，但麻辣味尚可以，但同出面比較，呢一間就落咗豉油做汁料， 我都唔係太喜歡，同埋豬肚絲比較韌， 尚算一般， 而刀削

行開銅鑼灣，記起朋友介紹過嘅刀削麵館就去左試下。我會食辣，就揀左招牌嘅口水雞藥膳刀削麵，雞同麵會分開上，刀削麵係用鍋上，黎到嘅時候仲係滾緊嘅😯湯底好香淡淡嘅藥材味，飲落唔會有藥材嘅苦味，亦都唔會太咸。而口水雞嘅麻辣啱啱好，底下有青瓜吸晒啲汁👍🏻而醉雞就好香酒味，雞肉亦唔會好’鞋’口，如果之後經開都會再黎～

今日中午特登帶同事嚟登龍街， 試一試我經常說性價比極高嘅口水雞藥膳刀削麵。大約一點鐘過到嚟，已經很多人，三個人比較難搵位，中午時段需要和其他人搭枱。 在門口點了餐過一陣就坐低。口水雞份量非常大，而且藥膳湯也很出色。但麵的份量少了一點🤔🤔，配埋一杯凍豆漿。總括來講，份量和價錢都非常好😋😋😋😋只是坐得比較迫一點😅

今日天氣轉冷，平時鍾意食冷麵嘅我都要叫換熱湯暖暖身。我嗌嘅係麻辣牛𦟌拉麵，拉麵質地唔錯，湯底一般，略嫌少淡，反而個牛𦟌麻辣汁先係重點，夠香夠辣，伴菜嘅青瓜索晒味好正。男朋友食口水雞冷麵，雞肉嫩滑彈牙，冷麵麻醬出色，佢仲留起一大堆青瓜絲比我食對我勁好

omg Noodleholic?! 呢間嘢仲唔係為我而開嘅??好爽啊 麵全部都係麵🤤🤤仲要係民間養生藥膳湯底杞子當歸玉竹沙參in the湯😱😱好滋陰健脾的味道面試粗粗圓圓的 超有咬口一啖湯一啖麵 完全停唔倒最重要係以沙鍋形式上菜係保持倒熱辣辣嘅溫度 簡直係錦上添花那個醉雞不得了 真係超入味 酒味超香 啖啖嫩滑的肉完全冇諗過random入泥都咁有驚喜 仲要係滿座兼且大件夾抵食性價比高高高一定會再嚟食過!!味道：7.5/10麵館皇寧波醉雞灌湯拉麵$65📍銅鑼灣

其實我一直都想搵刀削麵既店，但唔係個個地方都有得食。有次咁岩經過登龍街搵野食就發現依間賣刀削麵既店。店內最出名既係口水雞刀削麵，於是便試左一試。但依間店有另一樣出名既係用藥膳做湯底。其實我唔係咁鍾意咁熱咁食野，但如果冬天食就會覺得特別正，因為每碗麵都會用石碢裝，所以就會保持到碗麵既溫度。但係最值得推介既係口水雞，因為係我食過咁多間唔同餐廳中最好食既口水雞，佢既皮、肉質都好滑，底下仲有青瓜，食完雞再食青瓜就會冇咁辣。但每次食都建議帶紙巾，因為會食到流鼻水。其實我唔係咁食得辣，但係依個口水雞係會令到我愛不釋手。有次，試過醉雞，都滑既但係就冇乜酒味。又試過口水雞飯，不過始終都係覺得口水雞配刀削麵係最佳配搭。但係刀削麵要加$3既，不過都值既。口感幾特別，好有咬感。這碟口水雞會使人的味蕾有種刺激的感覺。如果覺得辣，可以加$7叫杯凍檸茶。咁既配搭就一流喇。可是，美中不足的是，由於店舖近馬路，所以間唔中會嗅到有煙味，又會有蚊。不過無論一人或三五知己食都唔錯既選擇。環境舒適。

呢間在銅鑼灣一條食街當中，午飯時間人龍不絕，一碗充滿藥膳養生熱騰騰嘅湯頭，配上中式拉麵🍜或刀削麵，搭配口水雞同醉雞🐔（起碼有1/4 隻雞嘅份量），或者係其他美食例如雲吞、豬肚等，連飲品🥛都係大約$60，實在抵食又飽肚🤡

Came with 2 friends for a quick dinner, no queue. We ordered 2 bowls of noodle with soup (ramen and 刀削麵) with their signature hou shui chicken, sweet and sour fish and a bowl of dumplings. I like how they use the chinese herbal soup based which is very hot. Noodle - prefer the ramen to dou shek mienPrefer the fish to chicken - big fan of hou shui chicken but their chicken meat is quite hard, wouldn’t think it’s a signature dish to be honest Dumplings - generous portion, each piece is as big as a

食左個招牌麻辣口水雞藥膳刀削麵湯。啲雞就老左啲，麻辣個醬係整得幾好味，但啲雞肉就唔入味。藥膳湯係幾香藥膳味，但食落就雞湯味，得個聞字。藥膳煲滾住上，係幾熱，但櫈矮，枱高，個煲身又高，幾乎每下食麵都灼傷個下巴。餸幾多，麵又夠大碗。不過轉刀削麵要加$, 野飲又要加$, 呢個價$食呢個質素既就有啲唔值。我坐最裡面，都聞到有浸煙味，唔知係米廚房既人一路食煙一路整食。環境就一般了。豆漿放係廁所隔離有啲唔衞生，不過都幾有豆味。

午餐係銅鑼灣用膳，行了去未試過的麵館皇試下先。入內一條長長走廊，放置都是四到六人坐位，坐位都寬鬆不過整潔方面有點不足。看過餐牌會見到多款吸引美食如酸辣，麻辣等主題不過最另我吸引的係砂鍋藥膳罐湯。選了口水雞配砂鍋藥膳湯米，砂鍋制作需時～五分鐘到就送到枱前熱騰騰的砂藥膳砂鍋米散發出陣陣香味，而口水雞都不錯👍辣辣地而且今次有肶有翼。整體都滿意～米粉吸收藥膳的精華，如藥膳湯味道再濃一點會更加上香口再配彈牙米粉一同食～會更好

每次中午經過呢間野都排晒隊，是日工作咁岩經過又係食飯時間就入去試試。午市套餐都好多野食揀，有麵有飯。養生但又好食辣既小妹梗係揀口水雞藥膳湯刀削麵啦~套餐包一杯野飲。口水雞藥膳湯刀削麵: 好多口水雞呀~~~仲要好幸運咁俾左成隻雞脾我~Yeah!!雞好肥美，雖然肥膏多，但肉都好多呀!!!!除左雞脾仲砌左D周圍既部分，辣味亦夠，仲有青瓜，正!藥膳湯刀削麵:砂鍋上，個湯真係有少少藥膳味同D藥材料係入面，同刀削麵一齊食，好夾。份量亦多，配埋口水雞食，好似罪惡感即刻少左咁~食完好飽好滿足，雖然$62食個麵好似小貴，但勝在份量夠多同好味! 

上星期中經過見到排長龍，今日特登早啲到，一入餐廳聞到好香藥材味，店員推介我食口水雞，但我不能吃好辣的，她說可以口水雞走辣，真係冇諗過口水雞竟然可以走辣，我哋仲order左牛腩拉麵，上菜時鍋仍是滾熱辣，口水雞果然好味、肉好滑，連伴碟㗎青瓜都好清甜，不過牛腩就有少少硬，仲有熱豆漿送，難怪要排長龍

本來無諗住食這間，fd話睇落去好似唔錯喎，所以咪試下囉。睇啲相，賣相真♥好得😂😂😂，我們點了一個麻辣口水雞菜飯，一個麻辣牛展罐湯拉麵（加3蚊升級了刀削麵）一嚟到超級滾熱辣的鍋上枱，一飲啖湯，♥想不妙了，因為太熱等多陣先再試跟住就試一口那🐔啦，一食就知大鑊😂😂😂，雞又唔滑，完全得過🌶字，唉😥😥😥等湯冷卻期間，就用✋機睇下大眾點評先，睇完發現中伏👻👻👻個🐮展啲肉硬過我條命😂😂😂，啲刀削麵應該都唔係即切新鮮那種，超多粉😬😬個湯底係有藥材味既清🐔湯😵😵😵有人請，都咪搞😂😂😂，最慘又焗，又無乜冷氣攞命，最值得欣賞夠環保😁😁😁

一點放飯同同事去左位於銅鑼灣登龍街既麵館皇食飯，1點左右門口已經有4至5個人排緊隊，等左10-15分鐘左右已經可以入座。店面比較細同狹窄，座位有D迫，一進店已經聞到一陣陣藥膳既味道，幾乎每人都叫佢既招牌藥膳刀削麵。我叫左寧波醉雞罐湯刀削麵(58元)再加杯凍豆漿，價錢尚算合理。佢會分開一碟醉雞同埋一鍋刀削麵，醉雞有成隻雞脾配自先家汁醬調味，肉質好滑，再帶一點酒香，十分惹味。刀削麵用熱鍋盛住，個鍋好滾出晒煙，食既時候都要好小心唔好觸摸熱鍋，正因為夠熱，令刀削麵唔會過硬或過軟，非常煙韌，份量岩岩好。藥膳湯底有好香濃既藥材味味道唔錯，湯底加有少許配菜，就算食晒成隻雞脾感覺唔算油膩。另外，我同事叫左個口水雞刀削麵(58元) ，麵底一樣，不過口水雞就偏辣，吾怕辣既朋友可以一試，幾夠味！總括，我比較推介佢既藥膳刀削麵，麵底我試過米線覺得未熟而且偏硬，想揀間接地小店既話不妨一試！