影片
港鐵坑口站 A1 出口
繼續閱讀
附加資料
收費以四捨五入計算
營業時間
星期一至日
11:00 - 22:00
以上資料只供參考, 請與餐廳確認詳情
食家推介
無錯，又係佢 ，apm 嗰間執咗 N 年變咗神山。本來唔知兩者關係，但近來神山啲餐具緊貼潮流做咗「植入式廣告」，驚現麵屋武藏，先知原來係兄弟。本來想試沾麵同神山比較一下，但配嘅係日式叉燒 (唔係咁易整得好食，一係本身塊肉好乾少少油花都冇，一係就烤過龍變脆肉乾)，結果點咗黑武骨豚角煮拉麵。豚角煮好大塊，第一眼感覺當然比神山嘅抵食，不過做法始終唔同，武藏少咗神山嗰種炭燒甘香。湯汁偏鹹，較適合重口味人士。間中食尚可，但未至於想一食再食。
繼續閱讀
<麵屋武藏>連平時吾好食麵嘅我都覺得哩度嘅拉麵好好味😋 -湯底主打三種：白武骨 - 極濃豚骨湯赤武骨 - 豚骨湯再加秘制辣油黑武骨 - 豚骨湯再加黑蒜油 -今次我叫左豚角煮拉麵配赤武骨湯底（Hkd79) 。湯底真係不得了，香濃惹味有小小辣。蛋仲係流心嘅。而拉麵就屬於小小粗身同硬身，個人覺得恰到好處👍- 另外，值得一讚係服務。 Serve我嘅侍應好有禮貌又細心😊 -其實除左拉麵，佢地都有配飯嘅定食比客人選擇，就算吾鍾意食麵都可以去試下。
繼續閱讀
今日係東港城個面放工，同同事行過見到有麵屋武藏打緊蛇餅，望到有個期間限定拉麵好似又吸引，就揀左呢度做著落。除左點左麵外，我地仲叫左幾款小食同野飲。率先達陣嘅係前菜—十人十色和風手作田園沙律。沙律用料種類幾多，有粟米、紫椰菜、紅椒、青瓜、豆類等，配埋cream cheese嘅淡香同沙律汁嘅酸甜，做到清新開胃嘅效果。之後到武藏章魚燒，上菜個陣成個面都係木魚絲，好有氣勢。章魚燒入面椰菜同章魚粒好多好飽滿，加上厚度適中嘅外皮、木魚絲、沙律醬同日式燒烤汁，口感豐富之餘味道層次分明，成個味調和得好夾，唔錯！玉子鰻魚磯邊揚都幾特別，係將鰻魚壓係玉子上面，再用紫菜包住拎去炸，整出黎嘅天婦羅。口感外脆內軟，蛋同饅魚都幾香，同天婦羅汁都幾夾，都叫幾好食。然後主角終於登場，天極魚乾醬油雞叉燒拉麵 （每日50食限定），個名同佢餐牌個漫畫人物一樣咁霸氣，咁個味道又有冇咁霸氣呢？食拉麵第一件事，飲湯底。唔，魚乾熬成嘅味道十分濃烈，加上醬油鹹鹹地，風味十足，充斥住成個口腔，果然幾霸道。麵身特登叫佢加硬少少，幾彈牙同有嚼頭，個種咀嚼感好滿足。雞叉燒係卷成一筒再切個種，叉燒形狀但係食落係雞嘅味道，相當有創意。半熟蛋蛋白熟蛋黃流心啱啱好，醃得都幾入味，香滑軟淑。仲有爽脆嘅荀乾，成個麵口感豐富，味道很唔錯，值得一試。我再叫左杯白桃玫瑰特飲解渴。外表精緻，桃味幾濃。最後小結一下，呢個價錢食到呢個質素嘅拉麵，CP值都算高。全程侍應都好有禮貌同有耐性講解餐牌，上菜又快，服務黎講都唔錯。呢間有下次！
繼續閱讀
大商場太多一式一樣嘅食肆，諗食咩其實真係唔容易...明明從日本返黎無耐，老公話想回味一下日本拉麵，難得有諗法，就去食拉麵啦。(某程度上，我覺得係...老公見店員妹妹有禮地介紹，所以入咗去)店員妹妹介紹咗期間限定拉麵-天極魚干醬油拉麵，仲有加配優惠既小食同飲品...我老公就話好好好，真係當我透明，不過真係要讚下妹妹，正如我以前都提過，好嘅服務係會令食物好食啲。呢樣店員妹妹係做得好好的，我係老細的話一定比間舖佢打骰。我口痕再點多三款小食試下...食物:十人十色和風沙律，個名好似好有特色咁，無聊嘅我地真係走去數下係咪真係有十款配料，又真係有齊十種配料: 雞肉、鷹咀豆、蕃茄、紅蘿蔔、青瓜、粟米、紅腰豆、沙律苗、薯仔、毛豆!呢十種配料加埋醋配搭芝士粒，食落好開胃，有粉有爽有咬口又有水份，包羅萬有，好豐富呀~一個女仔食的話可能會飽，老公食完話試下照抄當午餐嚟減肥，即管聽住先。章魚燒上枱時熱辣辣，唔似街邊一早燒好用個盤熱住，食得出係即整，所以表皮脆但蛋醬係好煙韌，不過粒章魚就細到食咗都唔知，有啲可惜。玉子鰻魚天婦羅，佢炸得唔油淋淋已經好感動，鰻魚又算大大條，夾住厚燒蛋，咬落啖啖肉，又唔會太膩，加埋用紫菜包住佢地，食到淡淡紫菜焦香~呢個配搭未試過，又估唔到夾得幾好，份量算多，值得一試。魚干醬油拉麵，湯底唔鹹幾好入口，雞叉燒有陣燒過嘅香味，嫩滑，唔錯。黑武骨豚肉拉麵，佢黑得嚟唔算好大黑蒜味，感覺上略為油膩，如果食慣日本嘅高濃度拉麵應該會幾開心。兩個拉麵硬度適中，份量足夠，都掛到湯。流心蛋一流，無得彈，特別魚干醬油拉麵有完整一隻蛋呢!!豚肉拉麵雖然只得半隻蛋，但豚肉份量多，補足返~最後我地叫咗兩杯餐飲，白桃特飲都係大路嘢，甜甜地嘅果汁。反而蕎麥奶香特飲真係值得一試，奶香配合有飯焦味嘅蕎麥，真係好爽，一定要試。環境:店不算很大，但都10多張四人枱，有卡位有背靠椅，寬敞舒適。服務:店員妹妹非常親切有禮，積極介紹食品，服務亦很殷勤細心，預先準備好小碗，下單上菜快捷到位，能媲美日本級服務態度~
繼續閱讀
好耐麵無去過將軍澳果頭，原來唔經唔覺已經變左咁多，度度都有好多餐廳，心大心細唔知食咩好，見到有間拉麵店都幾多人入去食，我呢啲吃貨之人都心絲絲想入去食下睇下好唔好味先～ 岩哂我另一位朋友啦，佢咁鍾意食拉麵黎到呢到當然要試試佢呢度嘅主打-拉麵，我就叫左黑蒜油豚肉片拉麵 ，因為我係一個見到蒜就心心眼嘅人，有黑蒜口味我又點可以錯過喎，我地呢兩個好奇的大朋友之後就叫左幾款新推出嘅前菜同小食再share一齊食，咁樣就非常豐富十人十式沙律（新推出），同我地平時食嘅沙律好唔一樣，入面除左有沙律必有嘅粟米同青瓜之外，仲有多款營養蔬果：蕃茄、紫椰菜、甜椒等等，仲有啲豆類同雞肉，用料豐富而且營養價值高，上面仲加上芝士作點綴添，食落去會更加香口。黑蒜油豚肉片拉麵裡面有半熟多、蔥絲同紫菜，配料都幾豐富湯底中有好香濃嘅黑蒜味麵質彈牙爽口，掛湯能力都幾好。半熟蛋好香滑，整到恰到好處，為呢碗拉麵加好多分。玉子鰻魚磯邊揚用紫菜包住玉子同鰻魚製成天婦羅，炸漿薄薄地，亦可keep到香脆，食之前點上天婦羅汁呢個特別嘅配搭原來都幾好味，玉子同鰻魚比例一半一半，非常豐富。朋友點左天極醬油魚干拉麵，可以加配優惠加$12有武蔵章魚燒同$15蕎麥奶香特飲，章魚燒入面包左滿滿嘅椰菜同八爪魚粒，上面加左海量木魚絲，食落去口感更加豐富仲有啖啖木魚絲香味，一啖食大粒章魚燒，都幾滿足。蕎麥奶香特飲上面有脆粒粒，飲落口有陣奶香味，甜甜地，幾好飲又解渴，冬天飲凍飲都幾大快人心。侍應服務都好有禮貌，下次都會再黎呢間餐廳食野
繼續閱讀