麻吉

營業中

休息中

真材實料無花假，粉線軟硬適中略帶煙韌，口感順滑，各式風味地道，足料湯底，佢嘅金湯酸菜魚米線、麻辣拌麵，仲有口水雞、凉拌土豆絲都值得一試，係粉嶺最好食嘅米線，會繼續幫襯。

店面衛生差都算啦，啲筷子用紙市一擦係黃色用水浸一浸，杯水會好多塵飄係上面叫左碗米線，食食下見到碗野有「問題」，同店員講，佢地好似見慣大場面好冷靜….話煮過碗比我。邊仲食得落呀….我地即刻走人，佢都好順攤咁比我地走（申利：只係岩岩食左幾啖，唔係食到尾先唔比錢走人）

第一次幫襯,外賣咗兩碗米線,份量同質素就各人要求唔同,不願置評.不過外賣安排真係要好好改善,而家做米線嘅店舖用上下格一兜過嘅外賣盒已經好普遍,佢哋嘅外賣係兩碗米線,分開四碗入一袋,中間冇用卡紙墊底,裝湯嘅外賣盒一來凹曬,仲要蓋冚唔實,本身個湯已經唔係多,倒瀉埋返嚟真係嘥鬼氣.

佢岩岩開業時已經幫襯過米線，間中食一兩次，最近減肥少食咗，今日經過見佢推咗個酸菜魚飯餐，就買一個酸菜魚飯+口水雞外賣拎走。返去打開見到個盒咁細已經有啲O咀，然後食埋仲加O咀，首先魚片有六塊，然後配菜係一啖芽菜，然後係幾條蔥加一塊細細腐皮，同埋勁少佢所謂自家制嘅酸菜，少到係我食兩啖已經無哂，如果你係男士我估你要自己煎多兩隻旦黎餸白飯，$58唔包飲品，呢個份量同質素真係令人失望，但老實講味道唔差，同巴X仔個味道差不多但份量真心差太遠。口水雞就無特別，肉質實淨，無雪味，調味正正常常。今餐午餐58+38+外賣餐具費=$99，抵唔抵食真係見人見智，我而家煎埋兩隻旦黎餸埋碗白飯先。

自從食過一次麻吉之後，呢度就變成我飯堂，不過平時我都係買外賣返屋企食居多。但今日街上面成三十幾度，又熱又曬又肚餓，都係決定坐係入面堂食。晏晝三點幾去，人會少啲，坐得都舒服唔會話覺得好熱。今日想食啲再重口味少少嘅嘢就嗌咗水煮魚米線小辣，因為米線份量太足又唔想食得太飽，通常我會嗌少米，而太熱嘅關係就加咗罐zero，總數$65。入面會有少少炸醬、芽菜、韭菜、腐皮，再加上魚片同米線。湯入口麻香味好正，但又唔會油唔會令你口渴，夾少少米線加塊魚片配埋啲湯一齊食好惹味 魚片無骨，滑嫩唔會腥，處理得好好而且份量都算多，食完都會覺得好滿足好夠飽，呢個價錢再加呢種出品真係好超值值得一提嘅係店員都係後生女，佢哋態度好好亦好好禮貌，值得比多啲支持呢間餐廳

今次又特登再返嚟食依間麻雀雖小五藏俱全嘅餐廳，今日比平日多人好多，全部坐滿晒。今日同男朋友一人叫咗一碗，佢碗牛魔王好好食，連平時唔食牛嘅我會忍唔住食咗粒牛丸。上次我叫酸菜魚，今次都係叫返酸菜魚米線，一如既往咁好食，有少少嘛，唔係淨係辣咁簡單。整體來講佢嘅湯係有層次，好食過乜鬼嘢老壇酸菜魚或者太二酸菜魚。叫兩碗酸菜魚都仲抵過佢啲咩酸菜魚專門店或者返大陸食。因為我本身都唔好返大陸，支持振興香港經濟。而且大陸嘢唔敢食太多，唔想識周期元素表

點了水煑魚米線套餐，有小食皮蛋加凍飲品才$73,水準不錯，魚肉嫰滑冇骨，皮蛋既蒜蓉蔥碎莞茜好好味！一碗普通小店米線，也有擺盤😊看得出用心做！如果說到需要改進的地方，可以讓客人選擇爽脆魚肉更佳🤗，因為客人各有喜好👍🏻

咁啱行開粉嶺花都廣場，周圍行吓睇吓有咩食。行吓行吓見到依間小店，本身見佢個門面都唔算太靚，啲櫈仲係普通圓櫈。所以都冇咩大期望。點知出奇地好食，性價比又高，一個酸菜魚米線本身50幾蚊，我再加兩個餸，再加一杯熱檸茶都係80幾蚊買單。真係估唔到竟然會有驚喜，所以有時唔好睇人哋門面麻麻哋就先入為主覺得人哋一定唔好食。我敢講佢依間酸菜魚好食過12味嗰啲所謂大陸名店。依間嘢簡直係臥虎藏龍

呢個舖位前身都係賣啲差唔多嘅嘢，但頂讓咗之後一方面保留咗之前嘅特色，另一方面又有啲新嘅創意菜式同飲品。酸菜魚米線 中辣($58)上次路過買外賣買咗小辣，覺得唔夠喉，今次嗌返中辣覺得夠辣了。米線份量充足，魚片無骨、份量多同嫩滑，而配菜嘅芽菜、酸菜同韭菜份量都俾得大方，食到最底都仲有。最後我幾乎將個湯飲曬，之後都冇口渴嘅情況。之後如果諗唔到食咩都會揀嗌返呢間～

咁啱要去粉嶺花都附近整野就搵吓附近有咩食行過見到有金湯酸辣米線門面又好似乾乾淨淨就想試吓嗌左金湯酸辣米線配魚皮餃同埋雞肉香辣雞絲涼拌配肥牛金湯米線上枱嘅時候覺得粗身d望落好似有啲冧但係食落去都彈牙個湯比想像中好，唔係味精湯好少食米線會飲晒啲湯嗌小辣不過覺得可以再辣d涼拌米線 少少辣就好辣但係加埋青瓜食好好青瓜絲俾得好多唔手軟結論係呢間可以再有下次

講起麻辣米線，我既最愛一定係呢間“麻吉”🤩🤩我最喜歡佢既“牛魔王”係一款有肥牛❤️牛丸❤️同牛肉❤️既一款特色米線😊啲牛係真係有牛味👍🏻唔似某大型連鎖店我食襯永遠覺得啲餸唔新鮮或者係唔係咩靚野😮‍💨佢既麻辣味，亦都好惹味，辣得過隱！👍🏻麻又唔會麻到你條脷痺哂，無哂知覺。整體麻同辣都balance得好好😊平時我食少少辣或者少辣都適中💯中辣我就覺得太油太辣，遮左牛既味道值得一試！但地點就真係偏遠左啲😅

街坊人多，卻冇人寫食評，所以寫返篇支持下。我食酸菜魚，米線和魚片好食，乾淨俐落彈牙。但唔係好食得辣只點少少辣。我有加點醉雞翼和青瓜，可惜味道被酸菜魚蓋過，食唔到咩醉酒味。杯檸茶，茶底唔夠味

金湯酸菜魚米線湯酸辣適中（中辣），個味道唔會好搶唔係死咸死辣，湯飲落有麻香，魚片滑，米線（堂食）淋少少彈牙，做得唔錯。加左一份牛展（3片），炆得夠淋夠鹵水味。豬大媽米線蕃茄酸辣湯底小辣，蕃茄味濃有茄粒，腩肉片，豬潤，大腸，普普通通，個湯冇酸菜魚咁濃。套餐小食：口水雞，尖椒皮旦，醬夠味小辣普通冇乜特別，青瓜絲墊底，應該浸過水，青瓜絲好淡口唔爽，皮旦上有一匙羹蒜泥，如果唔打咁蓉又咁重油應該會冇咁漏！小店可以一試，食完唔太口渴。題外話，落左單見到總數$199，問職員唔係揀套餐小食＋飲品會平d？答得有少少不耐煩……你落單前要講/寫明……第一次嚟食我會知道？？？落單用膠片寫，支marker又粗又難寫……我真係寫唔到成個小食名……基本落單都會問下個客啦；小店食物做得和和可可（冇連鎖店咁重味精＋酸味搶喉），開放式廚房師傅望出嚟見到客都會點下頭，店員有dd服務態度都會好d丫！！佢有幫我改番做套餐，我估可能散叫會大份d啦，唔識自己問客……比起連鎖店好食，相對米線份量冇咁多，價錢就差唔多。

位於粉嶺花都廣場的小店，佢哋嘅招牌菜一定係秘製金湯酸菜魚米線！第一次食完之後就愛上佢，之後每星期都光顧一次，自己都估唔到！第一次點酸菜魚米線，我看到年輕的侍應生小心翼翼的抹乾淨碗邊！賣相又好，即刻增加食慾！小店的用心經營，話唔定會跑贏大型連鎖店！$58 一碗金湯酸菜魚米線，魚片很滑，湯底唔會太鹹，但食落有麻辣感覺！之後每次去食，都維持到水準，讚！第二次去食嘅時候，叫埋佢哋嘅小食，小小麻辣的夫妻肺片，內有牛肚、牛脷同雞腎！好林好好食，底部鋪住青瓜絲，好味！店內只有大約20個坐位。滿意度：4/5⭐️⭐️⭐️⭐️好食度：4/5🌟🌟🌟🌟

湯底非常高質，所有湯底都係由豬骨煲成，非常濃同香。就算叫左蕃茄湯，蕃茄味都唔會蓋過豬骨嘅濃香，一定好味過譚仔！非常值得一試！個環境都坐得好舒服，坐位好闊，而家唔太繁忙，氣氛好好！